KAHIT MAY PANDEMYA, ELEKSIYON TULOY

SA kabila ng pandemya dulot ng COVID-19, itutuloy pa rin ang 2022 presidential polls sa itinakdang petsa.

Ito ang sinabi Comelec Spokesperson James Jimenez sa isang interview sa radyo.

Tiniyak ng poll chief sa publiko na gaganapin pa rin ang halalan sa May 9,2022 .

Sinabi pa ni Jimenez na walang dahilan para hindi matuloy ang halalan.

Inaasahan anang opisyal na gagawin ang halalan sa kalagitnaan ng pandemya kung saan hindi pa tiyak na maaabot ang  herd immunity.

Samantala, sinabi ni Jimenez na ang bilang ng precincts para sa halalang 2022 ay 110,000 na mas mataas  sa  84,000 precincts noong  2019 election kung saan ipatutupad  ang social distancing.

Bukod sa paglalagay ng mga karagdagang presinto, sinabi ni Jimenez na posibleng  palawakin ng Comelec  ang absentee voting na nagpapahintulot sa mga indibidwal na bumoto nang maaga sa araw ng halalan, limitado lamang ito sa pagboto ng mga tumatakbo para sa pambansang posisyon.

Sa ganitong paraan ay mabawasan ang pagdagsa ng mga botante sa mga polling precincts at mas madali itong mapamahalaan. (GENE ADSUARA)