Ardina, Guce babalik-palo sa 16th SymetraTour 2021

KAPWA balik-kayod sa 16th Symetra Tour 2021 sina Dottie Ardina at Clarissmon Guce sa paghampas sa 16th Symetra Tour 2021 fourth leg $200K 1st Copper Rock Championship sa Copper Rock Golf Course sa Hurricane, Utah sa Abril 23-25.

Galing lang ang edad 27, 5-2 ang taas, isinilang sa Canlubang, Laguna at pitong taong beterana ng ST, sa 72nd Ladies Professional Golf Association Tour 2021 sixth leg – $2M 10th Lotte Championship sa Kapolei Golf Club sa Hawaii na rito’y nagmintis siya sa finals nitong Abr. 14-17.

Unang salang ni Ardina sa LPGAT sa taong ang Lotte golfest, samantalang pangatlong torneo na ang Copper sa ‘Road to the LPGA Tour’. Sablay siya sa cut sa opening leg Carlisle Arizona Women’s Golf Classic noong Marso 18-21 at tumabla sa fifth place sa second leg IOA Championship sa California nitong Mar. 26-28 para makapagsubi ng $4,558 (₱221K).

Magiging ikaapat na kompetisyon naman ang Copper sa 30-taong-gulang na Pinay ring si Guce, pero nakabase na sa Estados Unidos makaraang tumabla sa 1st Casino Del Sol Golf Classic sa Arizona at magrasyahan ng $993K (P48K).

Kumabyos din siya sa finale sa unang dalawang yugto ng ST kagaya ni Ardina. (REC)