Eala pa-wow sa US NCAA

PATULOY ang pagkinang ni Michael Francis ‘Miko’ Eala para sa Pennsylvania State University men’s tennis team sa Big 10 Conference ng 2021 United States National Collegiate Athletic Association sa University Park Indoor Tennis Center sa nasabing estado.

Humataw ng kambal na panalo sa men’s singles at doubles ang 18 taong-gulang na Pinoy netter at kuya ni Women’s Tennis Association campaigner/professional player Alexandra ‘Alex’ Eala nitong Linggo, Marso 29 sa pagdemolis ng Nittany Lions sa University of Nebraska, 4-0.

Pinanood pa ang binata ng mga magulang at ni Alexandra na kakahampas lang sa Miami Open qualifying draw sa nakaraang linggo.

Iyon ang nagpainspirado sa kanya katambal si fellow PSU rookie Sam Bossem ng Britain nang hakbangan ang Huskers duo nina Albert Sprlak-Puk/Nic Wiedenhorn, 7-5, para sa fourth straight win ng dalawa sa gayung karaming matches bilang magkasangga.

Tinibag din ni Miko si Brandon Perez, 6-2, 6-4, para sa iakpitong panalo niya sa kabuuan ngayong taon at 4-0 win-loss mark ng paaralan sa balwarte at sinalya sa 0-10 ang NEB.

Wawaksan ng Nittany Lions ang tatlong asignatura sa teritoryo sa pagkompronta sa No. 16 Ohio State University sa Abril 4. (REC)