Padilla balik sa putukan

MULING magpapaputok buhat sa siyam na taong pagreretiro si multi-titled shooter Nathaniel ‘Tac’ Padilla para palakasin ang national team sa 31st Southeast Asian Games 2021 sa darating na Nobyembre 21-0Disyembre 2 sa Hanoi, Vietnam.

Ito ang ibinunyag Biyernes ng gabi sa People’s BALITA Sports  ni Philippine National Shooting Association (PNSA) pistol director Ronaldo Hejastro.

“Tac Padilla will return to strengthen our pistol team,” lahad ng opisyal, na siya ring pistol and rifle training & competition in charge ng samahan patungkol sa five-SEA Games champion at former national teammate niya.

Pagkaretiro bilang noong 2011, nag-chairman si Padilla, 57, ng PNSA national youth development program noong 2012, nagsilbing chef-de-mission ng Team PH sa 2nd Asian Youth Games sa Nanjing, China noong 2013 at ginugol ang panahon sa pagiging general manager ng family-owned Spring Cooking Oil sa Malabon City.

May tsansa muling higitan ng 1976 Mexico Benito Juarez World Shooting Championships gold medalist ang rekord na 18 paglahok sa 11-nation biennial sportsfest, na naudlot nang alisin ang kanyang event sa Myanmar 2011 SEA Games. (REC)