9 pulis na sangkot sa Jolo shooting, nasa Camp Crame na

Inilipat na sa Camp Crame ang siyam na pulis na sangot sa pagpaslang sa apat na sundalo sa Jolo, Sulu, ayon kay Philippine National Police spokesman Police Brigadier General Bernard Banac.

Saad ni Banac, personal na hinatid ni Police Regional Office – Bangsamoro Autonomous Region chief Police Brigadier General Manuel Abu ang siyam na pulis sa Camp Crame.

Lulan aniya ang mga ito ng Cebu Pacific flight.

Maaalalang noong June 29, nasawi ang apat na sundalo sa pamamaril ng mga pulis.

Kasalukuyan naman itong iniimbestigahan ng National Bureau of Investigation.