6 na miyembro ng Haitian football team nawawala sa Florida

HINAHANAP na ng mga kapulisan sa Florida ang anim na miyembro ng football team ng Haiti matapos na sila ay naiulat na nawawala.

Ayon sa Osceola County Sheriff office, kinilala ang mga ito na sina Oriol Jean, 18, Anderson Petit-Frere, 18, Peter Mianovich Berlus, 19, Nicholson Fontilus, 20, Stevenson Jacquet, 24 at Antone Joseph Mithon, 32.

Ang mga ito ay miyembro ng Haiti’s Special Olympics delegation na sabay-sabay na nawala noong Hunyo 6.

Base sa mga kapulisan na huling nakita ang mga ito dakong 2:30 ng hapon sa Kissimee kung saan isinauli pa nila ang kanilang susi sa hotels at iniwan naman ang kanilang mga kagamitan bago nawala.

Nakikipag-ugnayan na sila sa Walt Disney World ang lugar kung saan gaganapin ang Special Olympics.

Nagsimula ang Special Olympics noong Hunyo 5 sa Orlando na ito ay magtatapos ng hanggang Hunyo 12.

Lalahukan ito ng nasa 5,500 na athlete at coaches kung saan inaasahan na papanoorin ng mahigit 12,000 katao.