3,012 BUSINESS ESTABLISHMENT NAGHAIN NG TEMPORARY CLOSURE

NAGHAIN sa Department of Labor and Employment (DOLE) ang may 3,012 na mga establishment ng temporary closure matapos na maapektuhan ng COVID-19 pandemic.

Ayon kay DOLE Sec. Silvestre Bello III,nangangahulugan umano ito na mawawalan ng trabaho pansamantala ang may 100,000 empleyado.

Una nang sinabi ni Bello na aabot sa may 2.7 milyon workers sa may 102,697 establishment nationwide ang madi displaced dahil sa COVID19.

Kabilang umano sa maapektuhan ay ang industriya ng wholesale and retail, accommodation and food service, manufacturing, construction, education, financial and insurance activities, administrative and support service, transportation, at storage.

Nabatid na pinayuhan rin ni Bello ang mga establisimiyento na mag adopt ng ibang work schemes para maisalba ang kanilang mga empleyado sa pagkawala ng trabaho. (GENE ADSUARA)