3 testigo sa PhilHealth, binigyan ng immunity ng Senado

Binigyan na ng legislative immunity ng Senado ang tatlong testigong naglahad ng mga katiwalian sa PhilHealth.

Mismong si Senate President Vicente “Tito” Sotto III ang nagkumpirma na pasok sa immunity sina Philhealth board member Alejandro Cabading, dating executive assistant Estrobal Laborte at dating anti-fraud legal officer Thorsson Montes Keith.

Ayon kay Sotto, hindi maaaring kasuhan ang mga ito dahil sa kanilang mga salaysay sa loob ng Senate investigation.

Maliban dito, bibigyan din sila ng proteksyong pangseguridad ng Senado.

Pero lahat umano ito ay babawiin kapag natuklasang nagsisinungaling ang mga testigo.

“The exception is if they are found lying in their testimony,” wika ni Sotto.