ITINUTULAK ni Leyte Rep. Martin Romualdez na aprubahan ng Kamara ang panukalang magtayo ng Overseas Filipino Workers Hospital.
Ayon kay Romualdez, ang pagtatatag ng OFW hospital ay pagbibigay pugay sa mga sakripisyo ng mga OFW at ang kahalagahan na pangalagaan ang kanilang kalusugan.
“Dala ng ating mga OFW ang ekonomiya ng bansa. Eto (pagtatag ng OFW hospital) ay isang paraan para kilalanin ang kanilang kontribusyon sa ating bansa ay siguruhin na sila at ang kanilang mga kaanak at pamilya ay mayroong de-kalidad na healthcare,” sinabi ni Romualdez.
“And we can do this through the establishment of an OFW Hospital. Isang institusyong tututok sa ating mga OFWs, mula sa kanilang pangangailangan bago umalis, sa pangangailangang pangkalusugan ng kanilang pamilya, at sa kanilang medical needs pagdating muli sa ating bansa,” dagdag ng mambabatas.
Ang House Bill (HB) No. 7227 o OFW Hospital Act, ay pinanukala ni Romualdez kasama si Tingog party list Rep. Jude A. Acidre. Nais ng dalawang mambabatas na magtaguyod ng OFW Hospital bilang Level III hospital sa San Fernando, Pampanga na direktang nasa kontrol at superbisyon ng Department of Migrant Workers (DMW).
Ang nasabing ospital ay pangunahing seserbisyuhan ang mga OFWs maging ang kanilang mga dependents, batay sa policy direction na nakasaad sa Executive Order (EO) No. 154, na nagatataguyod ng OFW Hospital at suporta mula sa ilang ahensiya ng gobyerno.
Ayon sa HB No. 7227, ang OFW Hospital ay dinisenyo bilang isang full-service facility na mangangalaga sa kapakanan at kalusugan ng mga migrant workers bago ang kanilang deployment sa abroad, pagbibigay ng komprehensibong healthcare services sa mga OFWs, kabilang ang mga contributors ng Overseas Workers Welfare Administration (OWWA).
Sa panig ni Acidre, ang panukalang pagtatayo ng OFW Hospital ay isang sistema ng pangagalaga ng gobyerno sa kapakanan ng mga OFWs.
“This is a long-term and permanent service to all of our OFWs and their families. Sa laki ng kontribusyon nila sa ating bansa at ekonomiya, kulang pa itong kapalit. But it is really a very good start if we want to honor our heroes,” sinabi ni Acidre.
(Vina de Guzman)

TINIYAK ni Pangulong Ferdinand R. Marcos Jr. , araw ng Sabado sa publiko na tinatrabaho na ng kanyang administrasyon ang long-term solutions para tugunan ang pagbaha sa bansa.
Pinangunahan ni Pangulong Marcos ang pag-inspeksyon sa nagpapatuloy na operasyon sa ilalim ng Oplan Kontra Baha (Against Flooding), flood mitigation initiative ng national government sa Sagop Creek sa Naga City’s Triangulo village.
In-inspeksyon din ng Pangulo ang Concepcion Pequeña village.
“This is only the beginning. Ito, desiltation lamang ito. Kagaya ng mga ginagawa natin sa ibang lugar, this is not going to be one time,” ang sinabi ng Pangulo matapos ang nasabing inspeksyon.
“We will keep doing this until we have the more long-term solutions at hopefully on the road, if we design everything properly, hindi na natin kailangan paulit-ulit na binabalik-balikan,” dagdag na wika nito.
Pinangunahan ng Department of Public Works and Highways (DPWH), layon ng Oplan Kontra Baha ay bawasan ang pagbaha sa pamamagitan ng mabilis na ‘on-the-ground interventions.’
Kabilang naman sa flood mitigation measures ang declogging ng mga kanal, pag-alis sa illegal obstructions sa mga daluyan ng tubig, river dredging, rehabilitasyon ng pumping stations, maintenance ng flood-control structures, at mobilisasyon ng equipment at personnel sa flood-prone areas.
Tanggap ng Pangulo na marami pang gagawin ang national government, isinasaalang-alang ang epekto ng climate change na nag-trigger sa unpredictable na pagbaha.
“This is what we are trying to remedy. Malaking trabaho ito. It will take time but marami na tayo mga intervention na pwedeng gawin, such as the pools that we are going to put up,” ayon sa Chief Executive.
( Daris Jose)

“THAT’s her choice.”
Ito ang reaksyon ni Pangulong Ferdinand Marcos Jr. sa kamakailan lamang na anunsyo ni Vice President Sara Duterte na tatakbo siya sa pagka-Pangulo sa 2028 elections.
Ang pahayag na ito ng Pangulo ay matapos niyang pangunahan ang pag-inspeskyon sa implementasyon ng “Oplan Kontra Baha” project sa Sagop Creek sa Barangay Triangul, kasama si Naga City Mayor Leni Robredo.
Tumanggi naman si Pangulong Marcos na mag-komento sa posibilidad na ang kanyang kapatid na si Sen. Imee Marcos, ang maging running mate ni VP Sara.
Samantala, nauna nang inanunsyo ni VP Sara, araw ng Miyerkules na tatakbo siyang presidente sa 2028 national elections.
“Ako si Sara Duterte tatakbo bilang pangulo ng Pilipinas,” sabi ni Duterte sa isang punong balitaan. ( Daris Jose)

PARA sa Malakanyang, magandang senyales ang ginagawang pagsisikap ng dalawang Kapulungan ng Kongreso na kaagad na maipasa ang matagal nang hinihintay na anti-dynasty bill.
“Maganda pong senyales iyan kung kanila po itong minamadali dahil iyan din po ang nais ng Pangulo,” ayon kay Presidential Communications Office (PCO) Undersecretary at Palace Press Officer Claire Castro.
“So, hintayin po natin kung gaano po magiging kabilis ang pagtatrabaho po ng ating Kongreso at para maisumite nila ang binalangkas na bill para sa Pangulo at para maaral po ito,” dagdag na wika nito.
Nauna rito, nagpahayag ang liderato ng Kongreso na ipapasa nito ang Anti-Political Dynasty measure sa 20th Congress.
Ito’y matapos na magsagawa ang Kongreso ng Mindanao leg ng kanilang pagdinig at public consultations, araw ng Biyernes, Pebrero 20 habang ang Senado ay nagsagawa ng consultative meetings ukol sa anti-political dynasty bills matapos amgdaos ng kanilang pang-lima at panghuli sa Mindanao, araw ng Huwebes.
At nang tanungin naman si Castro kung babanggitin ng Pangulo ang usapin hinggil sa anti-dynasty sa State of the Nation Address ng Chief Executive sa Hulyo, ang tugon ni Castro ay “Hindi natin masasabi sa ngayon, mahirap mangako.” (Daris Jose)