PINURI ng Malakanyang ang Philippine National Police–Special Action Force (PNP-SAF) matapos nitong makamit ang ika-14 na puwesto sa katatapos lamang na UAE SWAT Challenge 2026 na ginanap sa Al Ruwayyah Training City sa Dubai.
“Malaking karangalan ang inuwi ng mga mahuhusay na miyembro ng PNP-Special Action Force sa katatapos lamang na SWAT Challenge na idinaos sa United Arab Emirates nitong Pebrero,” ayon kay Presidential Communications Office (PCO) Undersecretary at Palace Press Officer Claire Castro sa press briefing sa Malakanyang.
Binanggit ni Castro ang mahalagang papel ni Police Major General Mark Pespes sa pamumuno sa SAF contingent, na nakipagtagisan sa 109 koponan mula sa 48 bansa.
Kinatawan ng Pilipinas sina Police Master Sergeant Rickson Saggut, Police Corporal Bruceley Balao-as, Police Corporal Sylvestre Banguigui, Police Corporal Alexis Bismonte, Police Corporal Jerome Gacayen, Patrolman Randall Tupac, Patrolman Kevin Quezon, at Police Captain Allen Dao-ines na nagsilbing team leader.
Kinilala rin ng Malakanyang ang malaking ambag nina Police Senior Master Sergeant Jonathan Accad, team coach, at Police Lieutenant Colonel Ray Balcueva, head delegate at officer-in-charge, sa mahusay na performance ng koponan.
Naitala ng delegasyon ng Pilipinas ang kabuuang oras na 14 minuto at 14 segundo sa limang event, dahilan para masungkit nito ang pang-14 na puwesto sa naturang international competition.
“Maraming salamat po sa inyong inuwing karangalan sa bansa. Saludo po kami sa inyong dedikasyon, husay, at galing sa trabaho,” ani Castro. ( Daris Jose)
- February 21, 2026
Ang Diyaryong Pinagkakatiwalaan
Archive for February 20th, 2026
Malakanyang, pinuri ang PNP-SAF matapos masungkit ang 14th-place sa UAE SWAT Challenge 2026
PBBM, PINANGUNAHAN ANG OATH-TAKING NG MGA GURO; NANGAKO NG SUPORTA SA EDUKASYON
PINANGUNAHAN ni Pangulong Ferdinand R. Marcos Jr. ang mass oath-taking ng mga bagong na-promote na guro at school heads mula sa Bulacan at Pampanga cluster sa ilalim ng Expanded Career Progression (ECP) system—ang ikatlong seremonya mula nang ilunsad ang programa.
Tinaguriang “MOVE BEYOND for Service and Excellence,” ang seremonya ay kasunod ng mga naunang oath-taking sa Ilocos Norte at National Capital Region, bilang patuloy na pagkilala ng administrasyon sa mga gurong na-promote sa ilalim ng ECP framework.
Ayon sa Pangulo, personal niyang dinaluhan ang seremonya upang bigyang-diin ang kahalagahan ng tagumpay na ito para sa mga gurong matagal nang naghihintay ng oportunidad sa pag-angat ng kanilang karera.
Sa aking pinaniniwala, ang tunay na sukatan ng pag-unlad ng isang bansa ay ang kinabukasang inihahanda natin para sa kabataan. Maaaring magtakda ng direksyon ang mga polisiya at programa, ngunit sa pamamagitan ninyo—ating mga guro—ito nagkakaroon ng saysay at bunga,” ani Pangulong Marcos.
Kinilala rin ng Chief Executive ang mga sakripisyo ng mga guro—ang maagang paggising, mahabang biyahe, mahabang oras ng pag-check ng papel at paghahanda ng leksyon, pati na ang dagdag na tungkulin sa eleksyon, sensus, at serbisyong pangkomunidad.
Sinabi ni Pangulong Marcos na maraming guro ang nawalan ng pag-asa sa promosyon dahil sa mabibigat na trabaho at kakulangan ng plantilla positions.
“Kaya, gumagawa tayo ng mga hakbang upang marami pang guro ang tumaas ang posisyon, at kagaya ng aking ipinangako, walang sinuman na teacher ang magre-retire na Teacher I,” anito.
Binigyang-diin ni Pangulong Marcos na nananatiling pangunahing priyoridad ng kanyang administrasyon ang edukasyon, at ibinunyag na mahigit P1.34 trilyon ang inilaan sa sektor ngayong taon—katumbas ng higit apat na porsiyento ng pambansang ekonomiya.
Sinabi ng Pangulo ang mga programang sumusuporta sa mga guro, kabilang ang Yaman ng Kalusugan Program (YAKAP) Caravan, na nagdadala ng libreng serbisyong medikal tulad ng laboratory tests, konsultasyon, gamot, at vital signs monitoring diretso sa mga guro.
Dagdag pa rito, naipamahagi na ang Service Recognition Incentive para sa nakaraang taon, at may karagdagang P7.372 bilyon na inilaan upang matiyak na matatanggap ng lahat ng kwalipikadong guro ang benepisyo.
Binanggit din ang pagbibigay ng P10,000 teaching allowance para sa School Year 2025–2026 at ang P7,000 medical allowance simula 2025.
“Iyan ang dahilan kung bakit tungkulin namin sa pamahalaan na samahan kayo upang gawing mas matatag, marangal, at kapaki-pakinabang ang inyong propesyon,” dagdag ng Pangulo.
Binigyang-diin din ni Pangulong Marcos na bagama’t makatutulong ang teknolohiya—tulad ng laptops at artificial intelligence—sa pagtuturo, hindi nito mapapalitan ang malasakit, pag-aaruga, at personal na paggabay ng mga guro.
“Kapag suportado ang ating mga guro, mas napaglilingkuran ang ating mga estudyante, at mas umuunlad ang ating bansa nang may kumpiyansa,” aniya.
Sa huli, binati ng Pangulo ang mga bagong na-promote na guro at school heads, at hinikayat silang ipagpatuloy ang pagtuturo hindi lamang ng kaalaman at kasanayan, kundi pati ng malasakit, integridad, at mabuting pagkatao—mga halagang mahalaga sa paghubog ng bansa sa ilalim ng Bagong Pilipinas. (Daris Jose)
CALOOCAN SDO, TUMANGGAP NG 10K BAGONG TABLETS, TECH EQUIPMENT MULA SA LGU
PORMAL na namahagi ang Pamahalaang Lungsod ng Caloocan ng humigit-kumulang 10,000 units ng mga bagong kagamitan sa computerization sa Schools Division Office (SDO) ng lungsod sa Caloocan Convention Center bilang bahagi ng patuloy na programa upang gawing digital ang proseso ng pag-aaral para sa mga guro at mag-aaral.
Kasama sa nasabing kagamitan ang kabuuang 8,983 tablets, humigit-kumulang 1,000 laptops, smart boards, at robotics equipment na inaasahang makatutulong sa paghahatid ng synchronous at asynchronous sessions.
Idineklara ni Mayor Dale Gonzalo “Along” Malapitan ang panibagong pangako ng kanyang administrasyon na patuloy na mapabuti ang sistema ng edukasyon ng lungsod para sa kapakanan ng paaralan at ng mga stakeholder nito.
“Ang pangarap ko po ay magkaroon ng smart classroom ang bawat paaralan sa Caloocan at unti-until na nating tinutupad ang pangarap na ito. Wala naman pong imposible basta’t sinasamahan ng gawa at trabaho upang matupad ang mga pangarap,” pahayag ni Mayor Along.
“Tinitiyak ko sa inyo, sa ilalim ng aking termino, patuloy tayong mamumuhunan, at bibigyan natin ng halaga at suporta ang bawat mag-aaral at guro sa ating lungsod,” dagdag niya.
Pinaalalahanan din ng alkalde ang mga benepisyaryo na i-maximize ang paggamit ng nasabing kagamitan at tiniyak sa kanila na ang pamahalaang lungsod ay kasama nila sa bawat hakbang ng paraan.
“Ang mga bagong kagamitan na ito ay hagdan upang malinang pa ang inyong kakayahan at talento. Sana po ay maramdaman ninyo na kasama ninyo ako at ang buong pamahalaang lungsod sa inyong misyon na hubugin ang ating mga kabataan upang maging kapaki-pakinabang sa lipunan,” sabi ng alkalde. (Richard Mesa)
LTFRB MAGSASAGAWA NG WEEKLY HEARING KAUGNAY NG MGA PETISYON PARA SA DAGDAG-PASAHE
MAGSASAGAWA ng serye ng mga pagdinig at pampublikong konsultasyon ang Land Transportation Franchising and Regulatory Board (LTFRB) kaugnay ng mga petisyon para sa dagdag-pasahe.
Ayon kay LTFRB Chairman Atty. Vigor D. Mendoza II, ang hakbang na ito ay alinsunod sa direktiba ni Pangulong Ferdinand “Bongbong” R. Marcos, Jr. na tiyakin ang balanseng konsiderasyon sa kapakanan ng mga mananakay at ng sektor ng transportasyon.
“Magsasagawa kami ng dalawang pagdinig sa susunod na linggo upang talakayin ang lahat ng isyung nakapaloob sa mga petisyon para sa dagdag-pasahe. Pagkatapos nito, lingguhang pagdinig ang isasagawa hinggil sa naturang usapin,” ani Chairman Mendoza.
Ang patuloy na pagtaas ng presyo ng langis, gayundin ang gastusin sa maintenance kabilang ang mga piyesa ng sasakyan, ang nagtulak sa iba’t ibang transport group na magsumite ng mga petisyon para sa dagdag sa minimum na pasahe.
Kinilala ni Chairman Mendoza ang mga pangamba ng transport groups matapos na mapatotohanan ng LTFRB sa kanilang beripikasyon at pag-aaral ang mga argumento sa mga petisyon.
Bagama’t patuloy na naghahanap ng paraan ang LTFRB upang maiwasan ang dagdag-pasahe dahil sa epekto nito sa inflation rate ng bansa, sinabi ni Mendoza na ang sunod-sunod na pagtaas ng presyo ng langis nitong mga nakaraang linggo ay muling nagbukas ng diskusyon sa mga petisyon.
“Nasa alanganin talaga ang mga driver at operator sa kasalukuyang fare matrix. Ang mga argumento sa petisyon ay makatotohanan at sumasalamin sa kalagayan ng sektor ng transportasyon,” dagdag pa niya.
Ang huling aprubadong dagdag-pasahe ay noong Oktubre 2023, kung saan ipinagkaloob ang P1 provisional increase—isang kompromiso dahil patuloy pang bumabangon ang bansa mula sa epekto ng pandemya.
Mula noon, ilang petisyon na ang inihain sa LTFRB, kabilang ang pinakahuli noong Oktubre 2024 ng tatlong pangunahing transport group. Sa buod ng mga petisyon, hinihiling na gawing permanente ang P1 provisional increase at dagdag na P2 sa minimum fare—mula sa kasalukuyang P13 tungo sa P15 para sa tradisyunal na jeepney, at mula P15 tungo sa P17 para sa modern jeepney. Kasama rin sa petisyon ang karagdagang singil sa bawat kilometro lampas sa apat na kilometrong sakop ng minimum fare.
“Nauunawaan namin na anumang dagdag sa pasahe ay may epekto sa pang-araw-araw na pamumuhay ng mga mananakay na umaasa sa jeepney bilang abot-kayang transportasyon. Ngunit kailangan din nating tiyakin na ang mga driver at operator ay may kakayahang magpatuloy sa ligtas at maaasahang serbisyo sa kabila ng tumataas na gastusin, at naipagpapatuloy din nila ang pagtustos sa pangangailangan ng kanilang pamilya,” ani Mendoza.
“Lahat tayo ay apektado ng pagtaas ng presyo, ngunit tungkulin ng pamahalaan na tiyakin na lahat ng sektor ng lipunan ay makakayanan ito,” dagdag pa niya.
Mag-iimbita rin ang LTFRB ng mga eksperto upang magbigay ng mas malalim na pananaw sa epekto ng dagdag-pasahe, partikular sa ekonomiya. Makikipag-ugnayan din sa mga kaukulang ahensya ng pamahalaan, kabilang ang Department of Economy, Planning, and Development (DEPDev), upang makabuo ng solusyong makakabuti sa parehong commuters at transport sector.
Bukod sa passenger jeepneys, humihiling din ng dagdag-pasahe ang mga bus at taxi. (PAUL JOHN REYES)
Mensahe ng pasasalamat at kapayapaan sa Year of the Fire Horse ni Yorme Isko Moreno
NAGBIGAY ng mensahe ng pasasalamat at nanawagan ng kapayapaan si Manila Mayor Francisco “Isko Moreno” Domagoso para sa makulay at masayang pagsalubong sa Year of the Fire Horse.
Sa kanyang talumpati, taos-puso ring nagpasalamat ang alkalde sa Filipino-Chinese community sa kanilang patuloy na pakikiisa at pagtutulungan upang maitaguyod ang taunang selebrasyon na sumasalamin sa matibay na ugnayan at pagkakaibigan.
Ayon sa alkalde, naging matagumpay ang pagdiriwang sa kabila ng walang ginastos ang pamahalaang lungsod para rito.
“Walang gastos ang Lungsod ng Maynila, pero iyong ligaya na natanggap ng mga dumako rito, in fact, marami ang taga-ibang lugar outside of Manila who really went here just to watch the drone show and the fireworks. It’s very beautiful, medyo na-speechless ako kanina, talagang kakaiba,” pahayag ni Mayor Isko.
Literary phenomenon “Reminders of Him” by #1 New York Times bestselling author Colleen Hoover gets adapted for the big screen
PUBLISHED in 2022, Colleen Hoover’s Reminders of Him has sold more than six million copies in the United States, and has been translated into forty-five languages.
Now, Reminders of Him is transformed into a feature film about motherhood, redemption, and the power of love in overcoming every obstacle.
The film is helmed by an all-female filmmaking team, with Vanessa Caswill leading as the director. The screenplay is a collaboration between Lauren Levine and Colleen Hoover, and it stars Maika Monroe, Tyriq Withers, Laren Graham, and Bradley Whitford.
Reminders of Him begins with a perfect outing between Kenna (Maika Monroe), and her boyfriend. A horrible mistake follows that sends Kenna to prison, and released seven years later. The journey of trying to rebuild her life begins, as well as a chance to reunite with her daughter Diem, who she has never known.
The novel began as a conversation between Colleen Hoover and her younger sister, who was studying prison reform for her graduate work. “We talked a lot about what people go through after they get out,” Hoover says. “She was so passionate about it that it stayed with me. After one of those conversations, I felt compelled to write about a woman whose life is shaped by a tragedy that sends her to prison, and what it means to try to rebuild her life after she is released.”
The story grew, and soon Kenna Rowan was created, a mother estranged from her daughter by circumstances. Hoover’s own experience as a mother was integral to creating the story. . “My experiences as a mom influenced this story a lot,” Hoover says. “I was immediately drawn to Kenna and her longing to be part of her daughter’s life. I cannot imagine having a child and not being able to be in their life.”
Hoover’s co-writer and producer Lauren Levine saw the potential of Reminders of Him early on, having had an emotional connection to the novel after reading it. “When we worked on Confess, Colleen came to set and immediately stood out for how instinctively she understands film and television,” Levine says. “Every question I asked was met with an answer that pushed the material further. Over time, we developed a great creative shorthand. When I read Reminders of Him, I ended up in a puddle of tears, which does not happen often to me. I called Colleen right away and said, ‘I think this is a movie.”
Levine was right about Hoover’s filmmaking instincts, and the author has also been very involved in the adaptation of her work. “I did not anticipate rewriting as much as I did,” Hoover says. “But being there every day meant I could see immediately when something was not working, or when Vanessa or the actors had questions. We could talk through it and adjust in the moment. That responsiveness became one of the most rewarding parts of the process for me.”
Another important theme of Reminders of Him is the love permeating through different forms, between family, romance, and friends. . “I have always been drawn to stories that tell the truth and still leave room for tenderness,” Hoover says. “Stories that make you feel everything all at once. This one lives in the messiness of love and the aftermath of tragedy, but it also believes in connection. It believes that even when nothing comes easily, people can still find their way back to themselves, and to each other.”
Reminders of Him touches hearts as it arrives in Philippine cinemas on March 11.
Nang matanong kung ano ang ginawa nila noong Valentine’s Day… KIM at PAULO, nabuko dahil ‘di pinag-usapan kung ano ang isasagot nila
NANALO ng Best Actress award si Glaiza de Castro sa NDM+ Acting Awards sa pelikulang Sinagtala na ipinalabas last year.
Katulad ni Glaiza, espesyal daw sa kanya ang movie kaya natuwa kami sa pagka-panalo niya. Inalay niya rin ito sa namayapang ama.
Ayon kay Glaiza, “Sinagtala holds a special place in my heart. I almost didn’t make it into the film, yet it’s message of the film resonated deeply with me– specially because it was the last movie my father ever saw.
“I drew inspiration for my character from him, knowing that he once part of a band and later found his way to the Lord. In many ways, this role was a tribute to his journey.
“This awards represents more than recognition– it is a meaningful victory that honors both the film’s message and my father’s memory.”
***
MUKHANG hindi aligned, hindi napag-usapan before hand ng magka-loveteam o mag-jowa na sina Kim Chiu at Paulo Avelino ang dapat na sagot nila.
Hayun, tila nabuko tuloy sila sa one-on-one interview sa kanila sa mediacon ng kanilang serye.
Naitanong kasi kung ano ang ginawa nila noong Valentine’s Day. Sabi ni Kim, ma-traffic, maraming tao.
At saka n’ya isinunod na, “nag-running lang.”
Pero sumagot si Paulo na, “The week before.” At tila gusto pa itong maitama ni Kim nang sabihin na, “A day before…”
Bumawi naman si Paulo nang sabihin na, “Siguro sa KimPau World Tour na lang. Utang muna.”
So hayun nga, ilan tuloy sa mga comment, “major fail. anuba talaga? choose the correct answer!”
“Si pau tlg halatang halata n hindi marunong mag Alibi sa reaksyon mo cya mapapansin kung nagsisinungaling e hehhe.”
“D nya talaga kayang lusutan hahaha inutang n lang nya.”
“Final verdict, guilty beyond reasonable doubt.”
Mula entertainment tungong edukasyon… Puregold Channel, hangad na pasiglahin ang mga ‘naiiwang’ paaralan
SA paghahangad na pasiglahin ang mga last mile o napag-iiwanang paaralan sa Pilipinas, handog ng Puregold Price Club Inc.
President na si Vincent Co ang buong kita o streaming revenue ng Puregold Channel sa Pusong Panalo Program.
Isang personal na inisyatibo ni Vincent mismo, mithiin ng Pusong Panalo Program na magbigay-tulong sa mga hindi naaabot na pampublikong paaralan sa pamamagitan ng mga interbensyon na tinutugunan ang mga pangunahing pangangailangan at sistematikong puwang: solar panel para sa mga paaralan na may limitadong akses sa kuryente; pangkabuhayan na package para sa mga guro; groseri para sa mga mag-aaral; pagpapaayos ng mga klasrum; at iba pang kagamitang panuro. Layunin ng program na umabot sa 10,000 mag-aaral sa 30 pampublikong paaralan sa palibot ng arkipelago bago ang 2028.
Ang Puregold Channel sa YouTube ay nagsisilbing lulan ng retailtainment na estratehiya ng kompanya, isang ecosystem ng content–mula libreng digital na serye, kolaborasyong pang-musika kalahok ang mga nangungunang OPM artist, at orihinal na pagkukuwentong Pilipino sa pamamagitan ng taunang Puregold CinePanalo Film Festival.
Lumagpas na sa 300,000 na subscriber ang channel, at natamo nito ang Silver Play Button ng YouTube. Naitakda na ng channel ang sarili bilang isa sa mga pinakamayabong na brand-owned media platform sa industriyang retail sa bansa.
Subalit ang pinakamahalagang panukat ay hindi ang pagdami ng subscriber ng Puregold Channel, kung hindi ang pagbibigay-daan ng mga estratehiyang retailtainment sa paglalaan ng rekurso sa mahahalagang adbokasiya ng kompanya. Bawat panonood sa channel ay nagiging kita, at ang bawat piso ay nailalaan sa pampublikong edukasyon. Sa modelong ito, hindi lamang balidasyon ang panonood ng mga netizen, mekanismo na ito para sa pagpopondo. Lahat ng ito tungo sa serbisyo.
Para kay Vincent Co, ang pagsasanib ng paglago ng negosyo at panlipunang pamumuhunan ay hindi lamang isang naratibong pangkomunikasyon kundi isang mandato ng pamumuno. Sa kontekstong ito, hindi lamang kasangkapan ang retailtainment para sa paglago, kundi isang paraan upang mapakilos ang kapital tungo sa mga resultang tumatagal lampas sa bawat quarterly performance.
Sa ilalim ng pamumuno ni Vincent Co, may panlipunang epekto ang Puregold na hindi lamang maituturing na bunga ng tagumpay, kundi isa sa pinakamalinaw na sukatan nito.
Thankful na hindi sila nagmadali noon… Relasyon nina GABBI at KHALIL, mag-iisang dekada na
NINE years na pala ang relasyon nila Gabbi Garcia and Khalil Ramos.
Parang ang bilis ng panahon dahil parang kailan lang ay nililigawan pa lang ni Khalil si Gabbi after nilang magsama sa isang pelikula. Ngayon ay mag-iisang dekada na ang samahan nila.
Sa panahon kasi na bigla na lang naghihiwalay ang ilang showbiz couples after ng ilang taong sa kanilang relasyon, thankful sina Gabbi at Khalil dahil hindi raw sila nagmadali noon.
“Once we wanted to make this work, it was at the same time. It was simultaneous to making yourself improve and grow,” sey ni Khalil sa slow-burn love story nila ni Gabbi.
Sey naman ni Gabbi: “It was a conscious effort for the both of us to work on ourselves individually and not consume each other just because you’re in a relationship. Because if your partner isn’t secured individually, it won’t ever work.”
Sa isang teleserye pa lang nagsama ang dalawa (‘Love You, Stranger’ in 2022), mas madalas silang mag-travel sa iba’t ibang bansa.
Lumabas sila sa bagong music video ng Ben&Ben na “Duyan”.
***
BINALIKAN ni Pambansang Ginoo David Licauco ang ilang alaala niya sa yumaong lolo na si parapsychologist Jaime Licauco.
“Pag-bend ng fork, titingnan lang niya ‘yung [fork], magbe-bend na. ‘Yung toothpick, napapagalaw niya. Siyempre ‘pag bata ka, ‘yun lang naman mapapansin mo, maalala mo,” kuwento ni David.
Dahil isa sa mga respetadong tao sa larangan ng pag-aaral ng psychic phenomena ang kanyang Lolo Jaime, minsan na ring pumasok sa isip ni David na baka paranormal ang ugat ng kanyang sleep apnea.
Matatandaang matagal nang iniinda ni David ang kundisyong ito at sumailalim pa sa operasyon noong 2024.
“Akala ko before, ‘yung sleep apnea ko paranormal kasi binabangungot ka eh. Naalala ko, nakatingin ako sa wall tapos sinusuntok ko ‘yung wall eh. ‘Tigilan mo na ako.’ Ganyan. But actually, wala naman kasing hangin sa wall, eh. ‘Di ba ‘pag sleep apnea, kailangan mo ng hangin,” paggunita ng aktor.
Bukod sa pagiging paranormal expert, isa ring published author, newspaper columnist, at lecturer ang kanyang lolo.
Marami daw siyang natutunan mula dito at sinikap niyang gamitin ang mga ito sa pagiging isang businessman.
***
NAG-VIRAL ang video ng troubled Hollywood actor na si Shia LaBeouf habang nakikipagbardagulan siya sa isang bar sa New Orleans.
Sa nakunan na video ng TMZ video, makikita ang 39-year old actor na hine-headbutt ang isang lalaki at pinuwersa siyang dumapa sa kalsada.
Nangyari ang gulo sa French Quarter, sa may Royal Street, kunsaan inaresto si LaBeouf nang madaling araw. Inireklamo ang aktor for assault and he is now facing two charges of simple battery.
Dinala rin si LaBeouf sa isang ospital para magamot ang mga sugat niya.
Noong nakapagpiyansa, nakita si Shia na sumasayaw sa kalsada, wearing Mardi Gras beads at ang kanyang jail release paperwork ay nasa bibig niya.
Napag-alaman ng TMZ na hiwalay na pala si LaBeouf at ang wife niyang Mia Goth last year. Meron silang 3-year-old daughter.