LUMAGDA ang Department of Agriculture (DA) at ang Japan International Cooperation Agency (JICA) sa kasunduang nagkakahalaga ng JPY 1.7 bilyon para sa pagtatayo ng modernong rice processing system sa Isabela na layong palakasin ang buffer stocking capacity ng National Food Authority (NFA).
Sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang na alinsunod ito sa direktiba ni Pangulong Ferdinand R. Marcos Jr. na paigtingin at gawing makabago ang sektor ng agrikultura sa bansa.
“Pormal nang pinirmahan ang kasunduan sa pagitan ng Department of Agriculture at Japan International Cooperation Agency o JICA para makapagpatayo ng modernong rice processing system sa Cauayan City, Isabela,” ayon kay Castro.
“Layunin ng nasabing proyekto na palakasin ang buffer stocking capability ng National Food Authority,” dagdag na pahayag ni Castro.
Itatayo ang pasilidad sa Cauayan City, isa sa nangungunang rice-producing areas sa Isabela, at ipatutupad ng DA sa pamamagitan ng NFA.
Ani Castro, magkakaroon ang pasilidad ng high-capacity mechanical grain dryers, multi-stage rice mill, at mga grain silo na kayang humawak ng mas malaking volume ng ani nang mas episyente. Tinatayang aabot sa 5,000 magsasaka sa Cauayan City ang direktang makikinabang sa proyekto.
Makatutulong din aniya ang pasilidad upang mabawasan ang post-harvest losses, maiwasan ang pagkalugi ng mga lokal na magsasaka, mapataas ang milling recovery rates, at mapabuti ang kalidad ng lokal na bigas para sa disaster relief at mga programa ng pamahalaan tulad ng “Benteng Bigas, Meron Na.”
Inaasahan ding makikinabang ang mga mamimili at magsasaka sa pamamagitan ng mas matatag na suplay ng pagkain at mas mataas na kita.
“Iilan lamang ito sa mga benepisyong maaasahan ng mga Pilipino sa nasabing proyektong pang-agrikultura sa pagitan ng Pilipinas at Japan,” ang winika ni Castro. (Daris Jose)
- February 19, 2026
Ang Diyaryong Pinagkakatiwalaan
Archive for February 19th, 2026
DA AT JICA, LUMAGDA SA 1.7-B YEN GRANT PARA SA MODERNONG RICE PROCESSING SA ISABELA
It’s official… VP Sara Duterte, tatakbong Pangulo ng Pilipinas sa 2028 elections
INANUNSYO na ni Vice-President Sara Duterte ang kanyang planong pagtakbo sa pagka-Pangulo sa 2028 elections.
Sa isang press conference, sinabi ni VP Sara na kailangan nang ibalik ang tapang at malasakit para sa Diyos, sa bayan, at para sa bawat pamilyang pilipino.
Winika pa ni VP Sara na sa ngayon ay mapayapa niyang tinanggap ang kanyang buhay na hindi katulad ng iba.
“Sa unang mga buwan ng aming mga termino, nakita ko na ang kawalan ng katapatan ni BongBong Marcos Jr. sa mga pangakong binitawan noong kampanya, pati na sa kanyang sinumpaang tungkulin para sa bayan,” anito.
Sinabi pa niya na hindi niya kinaya na maging bahagi ng 2025 national budget na tadtad ng katiwalian. Mas pinili niya aniyang umalis sa gabinete kahit alam niya na noon pang 2023 na ang magiging kapalit ay ang kanyang impeachment.
Samantala, humihingi ng paumanhin si VP Sara sa mga mamamayang Filipino dahil tinulungan niya si Pangulong Marcos noong nakaraang halalan.
“Patawad kung tinulungan kong mahalal si BBM bilang Pangulo ng ating bansa. Patawad kung hanggang ngayon ay marami pa ring Pilipino ang nalulunod sa baha ng dahil sa malawakang korapsyon. Patawad kung lantaran ang pang-aabuso ng ating mga institusyon para pansariling interes ng mga politiko. Patawad kung patuloy ang pagtaas ng presyo ng mga pangunahing bilihin habang nananatiling kapos ang kita ng bawat pamilya. Patawad kung wala man lang tayong tunay na seguridad sa pagkain. Patawad kung may nagkakasakit at binabawian bigla ng buhay dahil sa kakulangan ng maayos at epektibong healthcare system,” litaniya ni VP Sara.
Binigyang diin naman ni VP Sara na hindi siya kailanman natakot sa pagsira nila sa kanyang pangalan.
Ngunit, may takot aniya siya para sa anak ng mga mamamayang Filipino.
“May takot ako para sa susunod na henerasyon. may takot ako para sa mga kababayan nating walang bahay sa ibang bansa — walang pangalawang pasaporte, walang ibang matatakbuhan kundi ang Pilipinas kahit ito’y patuloy na nalulugmok sa kahirapan,” anito. ( Daris Jose)
Valenzuela LGU, inilunsad ang YAKAP-GAMOT program
KASUNOD ng mass YAKAP accreditation ng ilang city clinics at health centers, inilunsad ng Pamahalaang Lungsod ng Valenzuela ang Yaman ng Kalusugan Program (YAKAP) – Guaranteed and Accessible Medications for Outpatient Treatment (GAMOT), bilang bahagi ng pagdiriwang ng ika-28th Charter Day ng Lungsod.
Ang PhilHealth YAKAP na dating kilala bilang “Konsultasyon,” ay isang inisyatiba ng pambansang pamahalaan na naglalayong maghatid ng preventive healthcare, magbigay ng medikal na suporta para sa out-of-pocket na mga gastos, at subaybayan ang kalagayan ng kalusugan ng lahat ng Pilipino kung saan ang mga miyembro ng PhilHealth ay maaaring makatanggap ng libreng konsultasyon sa kalusugan at mga pagsusuri sa laboratoryo.
Bahagi ng PhilHealth YAKAP Program ang GAMOT kung saan ang mga benepisyaryo ng PhilHealth ay may karapatan na makatanggap ng Php 20,000 halaga ng gamot bawat taon para sa outpatient. Ang YAKAP-GAMOT program ay nagsisikap na mapagaan ang pinansiyal na pasanin ng mga pasyente at matiyak na magagamit ang gamot para sa lahat ng mamamayan.
Layunin ng pangkalahatang YAKAP-GAMOT na lumipat mula sa reaktibo o nakabatay sa ospital na paggamot tungo sa isang mas maagap at preventive healthcare para mapababa ang gastos sa medikal. Maaaring gamitin ng mga benepisyaryo ang YAKAP-GAMOT medication ayon sa inireseta ng YAKAP-accredited clinics. Ang Valenzuela ay itinalaga bilang unang LGU sa Metro Manila na bumuo ng pakikipagtulungan sa PhilHealth sa pagpapatupad ng inisyatiba ng YAKAP-GAMOT.
Sa kasalukuyan, ang Valenzuela ay may kabuuang 47 akreditadong pasilidad ng YAKAP, na may 7 pang klinika na sumasailalim sa accreditation process. Ang bawat accredited clinic ay may access sa 21 uri ng gamot sa ilalim ng PhilHealth YAKAP na magagamit para sa dispensing.
Ang Valenzuela ay nagsimula sa pakikipagtulungan sa Generika Drugstore para sa pagbibigay ng gamot sa mga outpatient na nangangailangan. Sa pamamagitan ng partnership na ito, ang mga benepisyaryo ay maaaring maka-avail ng 54 na uri ng gamot sa 10 accredited Generika pharmacy, na matatagpuan sa Barangay Gen. T. De Leon, Marulas, Viente Reals, Malinta, Dalandanan, Parada, at Maysan.
Sa kanyang mensahe, binigyang-diin ni Mayor WES Gatchalian ang mandato ng lokal na pamahalaan na tiyakin na ang de-kalidad na pangangalagang pangkalusugan ay makakarating sa ilang mga katutubo na komunidad. “Ang sakit po ay walang pinipiling oras; ang sakit ho ay walang pinipiling tao. Lahat po ay nagkakasakit. Kaya patuloy pong magiging prayoridad ng Pamahalaang Lungsod ng Valenzuela ang pagdadala ng libreng gamot sa ating mamamayan. Patuloy tayong mag-iisip at patuloy tayong makikipag-partner, at patuloy po tayong gagawa ng hakbang para mapagaan ang bulsa ng ating mga minamahal na kababayan dito sa Valenzuela,” pahayag niya. (Richard Mesa)
LTFRB PATULOY SA INSPECTION SA MGA BUS, PUV TERMINALS; 116 OPERATOR INISYUHAN NG SCO, NOTICE OF VIOLATION
PATULOY ang Land Transportation Franchising and Regulatory Board (LTFRB), sa ilalim ng pamumuno ni DOTr Secretary Giovanni “Banoy” Z. Lopez, sa malawakang kampanya laban sa mga bus at public utility vehicle (PUV) terminals na may sira at kulang na pasilidad.
Ayon kay LTFRB Chairman Atty. Vigor D. Mendoza II, hanggang Pebrero 16 ay umabot na sa 243 bus at PUV terminals sa buong bansa ang na-inspeksyon upang tiyakin na ang mga terminal managers at operators ay sumusunod sa mga rekisito ng pamahalaan para sa maayos at komportableng serbisyo sa mga pasahero.
Mula sa kabuuang bilang, 116 terminals ang binigyan ng show cause order (SCO) at notice to comply dahil sa iba’t ibang paglabag gaya ng:
• kulang na pasilidad upang masilungan ang mga pasahero,
• sirang comfort rooms,
• masisikip na espasyo na nagdudulot ng panganib at discomfort,
• kakulangan sa seguridad, at
• hindi maayos na access para sa senior citizens at persons with disabilities.
“Hindi kami magdadalawang-isip na ipasara ang operasyon ng mga terminal managers, lalo na iyong konektado sa mga kumpanya ng transportasyon. Malinaw ang kasunduan: pinapayagan silang mag-operate ng terminal basta’t mayroong mga pangunahing pasilidad para sa kaligtasan at kaginhawaan ng mga pasahero,” ani Chairman Mendoza.
Dagdag pa niya, “May mga terminal pa nga na naniningil ng bayad sa paggamit ng CR. Ito ay isang maling kaisipan na para bang utang na loob pa ng mga pasahero ang operasyon ng terminal.”
Binigyang-diin ni Chairman Mendoza na tutugunan ng LTFRB ang maling pamamalakad ng ilang terminal managers at operators, alinsunod sa direktiba ni Pangulong Ferdinand “Bongbong” R. Marcos, Jr. na tiyakin ang kapakanan ng mga Filipino commuters.
Patuloy din umano ang random at surprise inspections ng mga regional offices ng LTFRB upang masiguro ang pagsunod ng mga terminal sa itinakdang pamantayan.
Batay sa datos ng LTFRB, pinakamaraming terminal na na-inspeksyon ay nasa Metro Manila (40), sinundan ng Central Luzon at Northern Mindanao (30 bawat isa), at Calabarzon (27).
“Magpapatuloy ito dahil ang layunin ay gawing normal ang regular na inspeksyon. Obligasyon ng LTFRB na tiyakin ang maayos na serbisyo para sa mga pasahero, at kami ay susunod,” dagdag pa ni Chairpman Mendoza. (PAUL JOHN REYES)
CBCP: Pulitiko, mag-fasting sa ‘pangungurakot’
HINIKAYAT ng isang opisyal ng maimpluwensiyang Catholic Bishops’ Conference of the Philippines (CBCP) ang mga pulitiko na mag-fasting at mag-abstain sa ‘pangungurakot.’
Ang pahayag ay ginawa ni CBCP-Episcopal Commission on Public Affairs executive secretary Fr. Jerome Secillano sa isang panayam kasunod na rin ng pormal nang pagsisimula ng panahon ng Kuwaresma ngayong araw.
“If you are a politician, you may want to fast from stealing, from acts of corruption,” ayon pa kay Secillano.
Kasabay nito, iginiit din ni Secillano na ang pag-aayuno at pangingilin ay dapat na sinserong isagawa at hindi pakitang-tao lamang ngayong panahon ng Kuwaresma.
Aniya, “It should not be for the sake of doing it or just for the show. It should have an internal effect such as conversion.”
Bukod naman sa pag-aayuno at pangingilin, nanawagan din ang pari sa mga mananampalataya na magkawanggawa.
Giit pa niya, ang mga naturang praktis ay dapat na isagawa sa lahat ng pagkakataon at hindi lamang sa panahon ng Kuwaresma.
“Crime 101” stars Chris Hemsworth and Halle Berry steal the show at the World Premiere in Los Angeles. Matt Damon, Ben Affleck, and Liam Hemsworth arrive in support of the film
Crime 101 stars Chris Hemsworth and Halle Berry turned up the heat at the film’s World Premiere at The United Theater in Los Angeles last February 10. Director Bart Layton accompanied the actors as they walked along the red carpet. Also in attendance to support the film are members Chris Hemsworth’s mother and father, Leonie and Craig, and Chris’ brother Liam.
Liam Hemsworth, Chris Hemsworth, Leonie Hemsworth, and Craig Hemsworth attend the Amazon MGM Crime 101 World Premiere on February 10, 2026 at The United Theater in Los Angeles.
Also making an appearance together in support of Crime 101 are actors Ben Affleck and Matt Damonimage.jpeg.
Chris Hemsworth, Matt Damon, and Ben Affleck attend the Amazon MGM Crime 101 World Premiere on February 10, 2026 at The United Theater in Los Angeles.
Crime 101 opened to rave reviews by critics from different publications. NPR praises Crime 101’s innovative version of the classic heist genre, writing, “Bart Layton’s movie boasts a slate of top-notch stars and puts a nifty, self-conscious spin on the old-fashioned heist picture. Hopscotching through Los Angeles’ glamor and grit, the action centers on three solitary characters, each at a personal Rubicon.”
Watch the trailer: https://youtu.be/jnrf3f4PVXI
The Guardian commends director Bart Layton for his latest work. “Layton does without the distinctive indirect mannerisms and meta-commentaries of his earlier movies, but he applies his pedal to the metal for what is an enjoyable and very stylish high-stakes armed robbery film about a thief who is highly controlled, super-cool, super-groomed, and naturally looking for the “walkaway money” of the time-honoured one last job,” they write.
The Roger Ebert site gives the film a three point five out of four stars, writing, “This is a special movie. It has a life force unlike any other crime thriller I’ve seen. It’s about characters who suffer a personal failure but emerge transformed. It’s a violent movie, but not a cruel one, and unexpectedly moving by the end.”
Crime 101 is now showing in Philippine cinemas nationwide.
About Crime 101:
In the twisty, stylish crime thriller CRIME 101, Davis (Chris Hemsworth) is an elusive thief whose high-stakes heists have mystified police. He’s planning his biggest ever score — hoping it’ll be his last — when his path collides with Sharon (Halle Berry), a disillusioned insurance executive whom he’s forced to work with, and Orman (Barry Keoghan), a rival thief with far more disturbing methods than Davis’s. As the multi-million dollar heist approaches, relentless detective Lt. Lubesnik (Mark Ruffalo) closes in on the operation, raising the stakes even higher, and the line between hunter and hunted starts to blur. Each of them is soon forced to confront the cost of their respective choices — and the realization that there’s no turning back. CRIME 101 is written and directed by Bart Layton (American Animals, The Imposter).
Matapos na ‘di palarin bilang kongresista.. EJAY, ayaw isara ang pintuan sa muling pagtakbo sa 2028 election
TUMAKBO nguni’t hindi pinalad si Ejay Falcon sa pagka-Kongresista sa Second District ng Oriental Mindoro sa 2025 elections matapos manilbihang Bise Gobernador sa nabanggit na lalawigan.
Inamin ni Ejay, iniyakan niya ang kanyang pagkabigo.
“Siyempre hindi naman maiiwasan iyon na iniyak mo siya. Napagod ka, hindi kasi… siyempre ibinigay mo naman din yung best mo di ba, nangampanya ka.
“And iyon nga lang, tapos na-realize mo, wala ka din namang pera nung eleksyon. Pero hindi naman ganun kalaki yung inilamang din nung katunggali ko.
“Pero after nung iyak na yun sabi ko, siguro, may purpose si Lord kung bakit nangyari, may purpose ang Panginoon kung bakit nangyari iyon.
“So hanggang dire-diretso na, biglang nag-SONA. “Nung SONA, pumutok na yung mga issues ng mga flood control, malalaking klaseng corruption.
“Sabi ko, ‘Ah okay, ngayon, alam ko na yung purpose, “God’s protection, blessing in disguise, and iyon nga, redirection.
“Ang dami nang pumasok sa [isip ko], ‘Siguro… kaya pala!’
Nakaupo siya bilang Bise Gobernador noong eleksyon, hindi bilang Gobernador ang itinakbo niya?
“Actually malalim pong… basta ano na lang po yan, sabihin na lang natin na nung time na yun iniisip ko kung saan ako mas may magagawa.
“Siyempre para tumakbo tayo diyan may nakikita tayo na ito yung mas magagawa mo.
“Kasi nakita mo yung isang district na parang ang daming gusto mong i-improve.
“Well very thankful naman ako sa mga nagawa nila dun sa distrito na nilabanan ko pero siyempre as a batang public servant.
“And ina-idolize ko din sila [Pasig City] Mayor Vico Sotto, na nakikita ko yung ginagawa nila so gusto ko ring magkaroon ako ng… siguro sabihin na lang natin na mas may kakayahan, mas may kakayahan ako dun sa posisyon na iyon para magawa yung mga bagay na gusto kong gawin.
“Ma-implement ng tama yung mga gusto kong dapat i-implement. Di ba parang, ako yun e, ako magdedesisyon.
“So nakita ko naman na parang dapat, ‘Sana dito nilagay, dapat dito nilagay.’
“Lalo yung mga kabataan, yung sektor ng kabataan, education. Mahal na mahal ko iyan.
“Kasi diyan ako galing, e. Nag-aral ako ng wala akong pera, pinag-aral ako, so everytime nakakakita ako ng ganyan, parang gusto ko talagang pagtuunan ng pansin.
“Iyon nga, yung youth empowerment.
“Kasi sa province namin, talagang very relatable yung tao sa akin kasi may mga kabataan na may kanya-kanyang galing at talento.
“Ako, sino ang mag-e-expect o mag-aakala na from doon sa baryo na walang signal ng cellphone, walang kuryente, nagbabangka kami, magiging PBB Big Winner, magiging artista, naging Vice-Governor.
“Yung nangyari sa akin, gusto kong tulungan sila, siguro kung hindi man pagiging artista, yung makapag-aral lang.
“Makapag-aral sa napakagandang school na may sports complex dun sa distrito na yun.
“Mabigyan ang bawat bayan ng mga community college, ganun. So marami akong gustong gawin.”
Tatakbo ba siyang muli sa eleksyon sa 2028?
“Ayokong isara ang pintuan kasi iyan naman ay sabi ko nga, nung tumakbo akong Vice-Governor wala naman sa plano iyan, e.
“Minsan kasi sa buhay natin kapag may kumatok na parang may binubuksang pintuan at kailangan kang pumasok sa pintuan na iyon at mas marami kang matutulugan, doon ka pupunta.
“Kasi ako sabi ko nga, yung buhay ko okay naman din na ako, e. I mean galing din ako sa wala. Kumbaga nakakapagtrabaho ako sa showbiz, okay naman na yung buhay namin, ng pamilya ko, pero gusto mo kasing makatulong.
“Iyon nga lang, siguro ang kaibahan ko lang, bata ako, mas aggressive ako, nag-aral na din naman ako ng Bachelor of Political Science Major in Local Governance sa University of Makati, natapos ko na iyon habang Vice Governor ako.
“So siguro iyon ang kaibahan mas aggressive ako, mas nakakakita ako ng mga tamang programa na puwedeng ibigay dun sa aking mga kababayan kung ano yung mga pangangailangan nila.”
Samantala, nagbabalik-pelikula si Ejay sa “Kappa-tiran,” sa direksyon ni Neal “Buboy” Tan at produced ng Marcos Production ni Nunungan Lanao del Norte Vice Mayor Marcos Mamay na isa rin sa mga cast members ng pelikula kung saan lead actress si Sheryl Cruz.
(ROMMEL GONZALES)
Dahil ‘hindi para sa lahat’ ang NDM Plus… Direk NIJEL, matapang ang naging pahayag na ‘di ipipilit ang kanilang content
ANG “NOT FOR EVERYONE GALA” ng NDM Plus ay hindi lang simpleng red carpet event — isa itong pasabog na pahayag sa buong industriya: Hindi kami para sa lahat… at hindi namin kailangang maging para sa lahat!
At sa gitna ng walang tigil na camera flashes, opisyal na inilunsad ang bagong tagline:
“We’re not for Everyone (but we might be for you).”
Personal na nagbigay ng makapangyarihang mensahe ang NDM Plus Owner & CEO na si Direk Nijel de Mesa kasama ang EVP na si Jan Christine.
Matapang ang pahayag:
“Hindi namin ipipilit ang content namin. Hahayaan naming ang audience ang makadiskubre sa amin.”
At ang linya na talagang tumatak:
“Ang pinapanood mo, nagiging bahagi ng kung paano ka mag-isip.”
Palakpakan. Sigawan. Panindigan!
Kung akala nyo ay ordinaryong event lang ito — nagkakamali kayo!
Namataan sa venue ang sangkatutak na bigating pangalan: Moymoy Palaboy, Lance Raymundo, Toffi Santos, JM De Guzman, Krista Miller, Jennifer Lee, Glaiza de Castro, Heaven Peralejo, Amira Alawi, Erika Davis, Monina Lawrence, Keylyn Trajano, Martin Escudero, Robert Seña at Richard Quan
Star-studded? Kulang pa ang salita!
Kasama rin ang Board of Advisers na sina Arci Muñoz, Daiana Menezes, Will Devaughn, at Carlo Alvarez, kasama si Jiji Jorge.
Ipinakilala rin ang mga bagong proyekto at ang pagpasok ng mga award-winning directors sa roster ng NDM Plus — isang malinaw na mensahe na hindi ito basta streaming platform.
Ito ay tahanan ng kakaiba.
Ng may lalim.
Ng hindi takot sumugal.
Kasabay nito, ginanap din ang NDM Plus Acting Awards — na magiging taunang tradisyon na tuwing NFE Gala — bilang pagkilala sa tunay na husay sa pag-arte.
At alam n’yo ba? Nandoon din ang mga Platinum subscribers! Oo — hindi lang artista ang VIP.
Ang mga naka-subscribe sa premium tier (na unang inilunsad sa Singapore) ay personal na inimbitahan bilang espesyal na perk.
Dito, hindi ka lang audience.
Kasama ka sa eksena.
Kung sawa ka na sa paulit-ulit.
Kung gusto mo ng content na may tapang at may laman.
Kung gusto mo ng platform na may paninindigan —
Baka hindi ito para sa lahat.
Pero baka… para sa’yo ito.
Mag-subscribe na sa www.ndmplus.com
Dahil ang pinapanood mo, nagiging bahagi ng kung sino ka.
Mas naging special ang in-organize na event… JULIE ANNE, hinarana ang mga couple na kinasal sa Araw ng mga Puso
HINARANA ni Julie Anne San Jose sa naganap na “Kasalang Bayan 2026″, isang mass wedding ceremony held at the City Auditorium in Sta. Rosa, Laguna on February 14, 2026.
Inawitan ni Asia’s Limitless Star ang mga couple na kinasal sa mismong Araw ng mga Puso.
Ikinatuwa ito ng mga kinasal dahil bukod sa palibreng kasal, nag-perform pa si Julie na mas lalong nakadagdag sa special day na iyon.
Ayon sa nag-organize ng Valentine’s Day event na ito: “The Kasalang Bayan brought together couples ready to begin a new chapter of their lives, surrounded by family, friends, and community support.”
Nagpasalamat sila kay Julie Anne dahil ang kanyang performance “is a fitting soundtrack to the occasion, adding emotion and elegance to the milestone moment.”
***
NAGKAROON ng malaking chance sa Big Winner title ng Pinoy Big Brother Celebrity Collab Edition 2.0 sina Kapuso housemate Ashley Sarmiento at Kapamilya housemate Krystal Mejes.
Silang dalawa ang bagong pasok sa Ultimate 8 kasama sina Caprice Cayetano at Lella Ford after manalo sa 2nd Big Jump Challenge.
Apat na spot na lang ang natitira at may anim pang housemates na naiiwan na sina Heath Jornales, Marco Masa, Princess Aliyah, Joaquin Arce, Carmelle Collado at Miguel Vergara.
Ang pagbobotohan this week ay kung sino ang apat na deserving sa natitirang spot sa Ultimate 8. Mai-evict ang dalawang makakakuha ng lowest score.
Malapit na kasing maganap ang Big Night ng PBB Collab 2.0.
***
MULING nagluksa ang Hollywood dahil sa pagpanaw ng Academy Award-winning actor na si Robert Duvall noong Feb. 16 sa edad na 95.
Ayon sa Facebook post ng kanyang misis na si Luciana Duvall: “We said goodbye to my beloved husband, cherished friend, and one of the greatest actors of our time. Bob passed away peacefully at home, surrounded by love and comfort.”
Duvall was one of the last surviving stars from the Golden Age of Hollywood.
Nagsimula ang acting career ni Duvall in 1960 sa episode ng TV series na The Robert Herridge Theater.
His film debut ay sa 1962 adaptation of the book To Kill a Mockingbird. Ang role niya as Boo Radley ay walang dialogue.
In 1984, Duvall won his Academy Award for best actor in 1984 for Tender Mercies. Na-nominate siya para sa mga pelikulang The Godfather, Apocalypse Now, The Great Santini, The Apostle, A Civil Action and The Judge.
Nagwagi naman siya ng dalawang Primetime Emmy Awards para sa 2006 miniseries na Broken Trail.
Duvall’s final film appearance was in 2022’s The Pale Blue Eye.