WINELCOME ng Presidential Communications Office (PCO) ang Senate inquiry sa performance nito subalit dapat na magpalabas ng pruweba si Sen. Robin Padilla, para mapagtibay ang kanyang kritisismo sa ahensiya.Nauna rito, naghain si Senador Robin Padilla ng resolusyon nitong Huwebes upang magsagawa ng imbestigasyon sa alegasyong pagpapalaganap ng “hindi beripikado, posibleng mapanlinlang, at nakaliligaw na impormasyon” ng PCO.“We welcome the filing of the resolution according to Sec. Dave Gomez,” ang sinabi ni Presidential Communications Office Undersecretary at Palace Press Officer Claire Castro sa press briefing sa Malakanyang.“Full cooperation ang PCO upang maliwanagan at matulungan ang Senado sa kanilang trabaho,” aniya pa rin.At nang tanungin hinggil sa naging komento ni Padilla sa “communication style’ ng ahensiya na inihahayag sa paraan ng ‘combative, rhetorical, o kulang sa data-based clarity, kaysa sa kalmado fact-based at public-service oriented messaging’ ang tugon ni Castro ay “I guess as a senator he should also provide proof, pieces of evidence for what he is telling us, some kind of negative about the PCO.”“It is kinda sad. It is kinda disappointing because had he watched, viewed the press briefing in full he would have observed and witnessed how we deal with government programs and government projects for the people,” ang winika pa rin ni Castro.Nauna rito, nagpalabas si Padilla ng audio clip na pinadala lamang sa kanya sa gitna ng pagtalakay ng 2026 budget ng Presidential Communications Office (PCO).Sa gitna ng budget deliberation ay kinwestyon ni Padilla ang PCO kung nagpapatakbo ba sila ng troll farm at kasabay nito ay ipinarinig niya ang isang audio clip ng dalawang babaeng naguusap tungkol sa paghingi ng budget para sa mga blogger pero palpak naman ang trabaho.Tanong ni Padilla sa PCO kung may alam ba sila tungkol dito at batay sa nakuhang impormasyon, boses ito ni PCO Usec. Claire Castro na kausap ang isang babae na siyang humahawak sa mga blogger.Pero, pinayuhan ni Senate President Vicente Sotto III si Padilla na sa halip na magbanggit ng pangalan na hindi naman sigurado, isumite na lamang ang audio clip sa NBI para maisailalim sa voiceprint upang matukoy kung tunay o gawa lang ng AI ang boses.Magiging unfair o hindi patas aniya kay Atty. Castro kung i-a-assume o aakalain na siya talaga ang boses gayong hindi naman ito napapatunayan pa.Samantala, itinanggi naman ni Senator Loren Legarda na siyang dumipensa sa PCO budget, na walang mine-maintain na troll farm operations ang Marcos administration. (Daris Jose)
- November 30, 2025 WordPress timezone: Asia/Manila
Current date: December 1, 2025
Current time: December 1, 2025 6:41 AM Ang Diyaryong Pinagkakatiwalaan
Archive for November 29th, 2025
PASAHERONG HIRAM NA MUKHA NAHARANG NG BI
NAHARANG ng Bureau of Immigration (BI) ang isang 35-anyos na babae mula sa Sulu na nagtangkang umalis ng bansa gamit ang isang “shared identity,”.Ang babaeng pasahero ay naharang sa Ninoy Aquino Inetrnational Airport (NAIA)Terminal 3 nang tinangka nitong sumakay ngAir Aisa flight patungong Kota Kinabalu, Malaysia. Hawak siya ngayon ng Inter-Agency Council Against Trafficking (IACAT).Ang babaeng pasahero ay nagsabing hindi siya marunong magsulat at ipinagawa lamang ito sa iba ang pagsulat sa kanyang travel form. Sinabi niyang patungo siya ng Malaysia upang magpakasal sa isang Malaysian national.Subalit napansin ng mga opisyal ang isang 2020 Philippine departure stamp sa kanyang pasaporte na peke at ang travel history nito ay hindi tugma sa kanyang rekords.Inamin nito na lumabas siya ng bansa sa pamagitan ng backdoor route noong 2019 at bagama’t genuine ang kanyang passport at birth certificate hindi naman tumutugma ang kanyang biometric record sa BI system dahil nakapangalan sa iba ang kanyang nakaraang travel entries.Dahil dito, naniniwala ang BI na gumagamit ito ng shared identity sa kanyang pamilya. “This is not the first time we have seen ‘shared identity’ cases,” ayon kay BI Commissioner Joel Anthony Viado “Some individuals, especially from remote areas, mistakenly believe they can share passports or personal documents with relatives to facilitate travel. What they do not realize is that this is identity theft, a serious offense that can lead to criminal charges, and possible long-term harm to the real document owner.”Ito ang dahilan ayon kay Viado na ginawa nang moderno ang sistema ng BI. “Using someone else’s identity, or allowing others to use yours, puts you and your family at risk. Our officers are trained and equipped to detect impostors, and we will continue to stop individuals attempting to travel under fraudulent circumstances,”ayon kay Viado. (Gene Adsuara)
Stephen Curry, ‘di makakapaglaro ng mahigit 1 linggo dahil sa quad injury
HINDI makakapaglaro ng mahigit isang linggo si NBA superstar Stephen Curry matapos siyang magtamo ng panibagong minor quad injury.
Maalalang nitong Nobyembre 27 ay hindi na tinapos ni Cury ang paglalaro sa naging laban ng Golden State Warriors at Houston Rockets matapos ang magkakasunod na pagbangga kina Rockets forward Alperen Sengun at Amen Thompson.
Sa isinagawang MRI, lumalabas na walang major structural damage sa quad ni Curry ngunit kailangan niyang sumailalim sa ilang araw na pagpapagaling.
Dahil sa kaniyang injury, hindi muna makakapaglaro ang NBA superstar sa mga nakatakdang laban ng kaniyang koponan hanggang sa unang lingo ng Disyembre.
Hindi rin isinasantabi ang posibilidad na mas tatagal pa ang kaniyang recovery at maaaring babalik na lamang siya sa paglalaro pagsapit ng Disyembre-18 kung kailan nakatakdang labanan ng Golden State ang Phoenix Suns.
Nakatakdang harapin ng GS ang New Orleans Pelicans sa Nobiyembre-29 habang sa Disyembre-2 ay makakatapat nito ang defending champion na Oklahoma City Thunder, ang top team sa NBA na may 18-1 record.
Sa kasalukuyan, nasa 10-10 ang win-loss record ng GSW at nasa pang-walong pwesto sa western conference. Sa nakalipas na sampung laro ng koponan, lima lamang ang naipanalo nito.
Filipina5 natapos na ang kampanya sa Futsal World Cup
NATAPOS na ang kampanya ng Filipina5 sa Futsal World Cup matapos ang pagkatalo nila sa Argentina 1-5.
Tanging si Isabella Bandoja ang nakapagtala ng goal para sa national team bago matapos ang first half.
Subalit agad na umarangkada ang world number 6 at tinambakan ang Filipina5.
Dahil sa panalo ay nanguna ang Argentina sa Group A kung saan tinalo nila ng Morocco at Poland.
Magugunitang hindi rin nakaporma ang Filipina5 sa Poland na mayroong 0-6 at Morocco na mayroong 2-3.
Sa anong planeta kasya ‘yung P500 para sa Noche Buena ng pamilyang Pilipino?
PAGTATANONG ito ni Bicol Saro Partylist Rep. Terry Ridon, House Public Accounts Committee Chair.
Ayon sa mambabatas, hindi ito ang unang beses na iginigiit ng Department of Trade and Industry na sapat ang ₱500 para sa Noche Buena ng isang ordinaryong pamilya.
Nagawa na nila aniya ito noon at ang kaibahan lang ngayon ay mismong si DTI Secretary Cristina Roque na ang nagsasabing ayos at sapat na ito.
“Pero alam natin ang itsura ng totoong Noche Buena sa hapag ng pamilyang Pilipino: may spaghetti, may keso, at minsan may hamon kung may sapat na ipon para sa pagdiriwang ng Pasko,” saad ng Kongresista.
Idinagdag pa nito na sa presyo ng bilihin ngayon, kahit simpleng spaghetti at keso ay hindi na kasya sa ₱500 na sinasabi ng DTI Secretary, lalo na kung hindi lang isa ang kakain sa pamilya.
Higit pa, dagdag nito, wala namang nagsasabing kailangang pagkasyahin sa P500 ang budget para sa Noche Buena
Mas mahalaga aniya sa mga Pilipino ang pagtitiyak ng gobyernong mananatiling mababa at abot-kaya ang presyo ng mga sangkap at pangangailangan para sa pagdiriwang ng Pasko.
(Vina de Guzman)
PBBM, hinikayat ang mga Pinoy na pahalagahan ang water resources ng Pinas
NANAWAGAN si Pangulong Ferdinand Marcos Jr. sa mga Filipino na pahalagahan ang resources ng bansa na pinagpala sa tubig at responsable itong gamitin.
“Ladies and gentlemen, let this milestone encourage us to value the resources that we are blessed with, use them responsibly, and take part in building a more inclusive, sustainable future for everyone,” ang sinabi ni Pangulong Marcos sa kanyang naging talumpati, araw ng Biyernes, Nov. 28.
Sinabi ito ng Pangulo, habang pinangunahan ang inagurasyon ng Tunnel No. 5 ng Angat Water Transmission Improvement Project sa Metropolitan Waterworks and Sewerage System (MWSS) Compound Sitio Spar, Bigte Basin, sa Barangay Bigte, Norzagaray, Bulacan.
Ayon sa Pangulo, ang pagbubukas ng tunnel ay magbibigay sa mas maraming pamilya ng nagpapatuloy at reliable water supply sa kani-kanilang tahanan.
Ang pagbubukas nito ay magbibigay-daan para sa umiiral na tunnels na kumpunihin habang ang tunnel ay nagsisilbi bilang backup route para sa tubig para makaagos.
“Yung mga tunnel po na sinara dahil kailangan nang mag-maintenance, maaari na ngayon natin buksan – balikan ulit, baka may pag-asa pa, baka may rehab pa para magamit pa rin natin,” ang sinabi ng Pangulo.
“Mas magiging handa ang ating mga komunidad sa panahon ng tagtuyot at iba pang epekto ng ating hinaharap na climate change,” aniya pa rin.
Tinuran pa ng Pangulo na ang bagong tunnel ay magpapalakas sa decades-old Umiray–Angat–Ipo–La Mesa system, ang backbone na naghatid ng tubig mula sa Angat Dam patungong Metro Manila at Mega Manila.
“This is why the establishment of Tunnel No. 5 is not only important, it is essential,” ang sinabi ni Pangulong Marcos.
“Tunnel No. 5’s raw water conveyance tunnel can carry over 1.6 billion liters of water per day, which increases the system’s transport capacity from 6 billion to almost 8 billion liters of water per day,” ayon sa ulat.
Sa kabilang dako, sinabi ng Pangulo na halos 90 porsiyento ng tubig na ginamit ng halos 20 milyong katao sa Metro Manila, sa Bulacan, bahagi ng Cavite at Rizal ay dumaan sa sistema.
“These numbers show how important it is to keep the Angat system strong, reliable, and future-ready,” aniya pa rin.
Samantala, sa naging talumpati pa rin ng Pangulo, kinilala nito ang matatag at matibay na suporta ng mga concessionaires gaya ng Maynilad at Manila Water, at maging ng mga engineers, workers, at lahat ng nagbuhos ng kanilang kagalingan at pagsisikap sa proyekto.
“This project reminds us that we can accomplish what – when the government and the private sector, and the LGUs are anchored on a shared vision,” ang sinabi ni Pangulong Marcos.
(Daris Jose)
Pamamahagi ng tool kits sa mga nagtapos ng Navotas Vocational Training and Assessment Institute
NAMAHAGI ang Pamahalaang Lungsod ng Navotas sa pangunguna nina Mayor John Rey Tiangco at Cong. Toby Tiangco ng mga tool kits sa mga nagtapos ng Navotas Vocational Training and Assessment (NAVOTAAS) Institute. May 59 na Massage Therapy graduates at 82 Refrigeration and Air-Conditioning Servicing completers ang nakakuha ng kagamitan na kailangan nila para magsimula o mapalakas ang kanilang kabuhayan. (Richard Mesa)
Para pagtibayin ang water suplay sa Mega Manila… PBBM, pinangunahan ang inagurasyon ng tunnel no. 5 ng Angat water transmission improvement project
PINANGUNAHAN ni Pangulong Ferdinand R. Marcos Jr. nitong Biyernes ang inagurasyon ng isang mahalagang bahagi ng Angat Water Transmission Improvement Project na titiyak sa tuloy-tuloy na suplay ng tubig para sa Metro Manila at mga kalapit na probinsya.
Ayon sa Pangulo, ang Tunnel No. 5 ay isang malaking tagumpay tungo sa layunin na mabigyan ang bawat Pilipino ng maaasahan at sapat na suplay ng tubig.
Pinalalakas ng bagong tunnel ang deka-dekada nang Umiray–Angat–Ipo–La Mesa system, na nagsisilbing gulugod sa paghahatid ng tubig mula sa Angat Dam patungong Metro Manila at Mega Manila.
“This is why the establishment of Tunnel No. 5 is not only important, it is essential,” sinabi ng Pangulo sa inauguration ceremony na ginanap sa Metropolitan Waterworks and Sewerage System (MWSS) Compound sa Norzagaray, Bulacan.
Pinasinayaan ng Pangulo ang project marker sa Bigte Basin sa Barangay Bigte, kasama nina Department of Public Works and Highways (DPWH) Secretary Vince Dizon, Department of Environment and Natural Resources Secretary Raphael Lotilla, MWSS Administrator Leonor Cleofas, Maynilad President at CEO Ramoncito S. Fernandez, at ni Manila Water President at CEO Jose Victor Emmanuel A. De Dios.
Ang Umiray–Angat–Ipo–La Mesa ang nagdadala ng halos 90 porsyento ng tubig na ginagamit ng mahigit 20 milyong residente sa Metro Manila, Bulacan, at ilang bahagi ng Cavite at Rizal.
“These numbers show how important it is to keep the Angat system strong, reliable, and future-ready,” ayon sa Punong Ehekutibo.
Ayon sa Pangulo, ang Tunnel No. 5 ay may kakayahang magdala ng higit sa 1.6 bilyong litro ng tubig kada araw, na nagpapataas sa kapasidad ng sistema mula 6 bilyon tungo sa halos 8 bilyong litro kada araw.
“Ibig sabihin, mas maraming pamilya ang magkakaroon ng tuloy-tuloy at maaasahang suplay ng tubig sa kanilang mga tahanan,” ang sabi ng Pangulo.
“Maisasaayos ang mga dati nang tunnels dahil may backup ng puwedeng pagdaanan ng tubig. ‘Yung mga tunnel po na sinara dahil kailangan nang mag-maintenance, maaari na ngayon natin buksan – balikan ulit, baka may pag-asa pa, baka may rehab pa para magamit pa rin natin,” punto pa ng Pangulo.
Ang mas pinahusay na daloy ng suplay ng tubig ay makatutulong din sa paghahanda ng mga komunidad laban sa tagtuyot at iba pang epekto ng climate change, at lalo pang magpapatatag sa sistema ng tubig ng bansa.
Pinuri ni Pangulong Marcos ang walang sawang suporta ng mga concessionaire na Maynilad at Manila Water, gayundin ang mga inhinyero, manggagawa, at lahat ng nagbigay ng kanilang husay at pagsisikap para sa proyekto.
“This project reminds us that we can accomplish what – when the government and the private sector, and the LGUs are anchored on a shared vision,” ang sabi ng Punong Ehekutibo.
“Ladies and gentlemen, let this milestone encourage us to value the resources that we are blessed with, use them responsibly, and take part in building a more inclusive, sustainable future for everyone.” (Daris Jose)
Obligasyon ng Manila LGU sa tubig at kuryente, nabayaran na
NABAYARAN na ng lokal na pamahalaang Lungsod ng Maynila ang utang at obligasyon nito sa kuryente, tubig at komunikasyon.
Sa inilabas na pahayag ng Manila LGU, ganap na nilang nabayaran ang mga obligasyon sa telecom companies na aabot sa P9 milyon at Manila Water na nasa P16 milyon.
Bukod dito, nai-update na rin ng lokal na pamahalaan ang ibang pangunahing utility bills ng lungsod, kabilang ang P217 milyon para sa Meralco at P73 milyon para sa Maynilad.
Matatandaan na matapos ang termino noong nakaraang adminsitrasyon, dito na nadiskubre ni Mayor Isko Moreno na nabaon sa pagkakautang at hindi nabayaran ang mga obligasyon na umabot ng milyon piso kung kaya’t naisipan nilang magtipid.
Isa rin sa mga ginawa nilang hakbang ay ang maayos at tamang pagkolekta ng buwis at pagtitipid sa ibang bagay tulad ng hindi pagkakabit ng mga parol dahil ayon kay Yorme Isko ay gagastos ang lokal na pamahalaan ng P14 milyun.
Sa kabila naman ng pagtitipid, sinisiguro pa rin ng alkalde ang tama at mabilis na serbisyo habang inanunsyo nito na makakatanggap pa rin ng mga pamaskong handog ang bawat pamilyang Manileno. (Gene Adsuara)
Kelot na akusado sa ilang ulit na pang-aabuso sa minor sa Navotas, nalambat sa Cavite
LAGLAG sa selda ang 36-anyos na lalaking akusado sa ilang ulit umanong pagmomolestiya sa isang menor-de-edad na biktima nang matunton ng pulisya sa pinagtaguang lugar sa lalawigan ng Cavite.
Tumakas umano at nagtago ang akusado nang malamang naglabas ng warrant of arrest laban sa kanya noong Nobyembre 18, 2025 ang Navotas City Family Court, Branch 9 para sa paulit-ulit na pangmomolestiya sa menor-de-edad na biktima.
Nang makatanggap ng impormasyon ang intelligence operative ng Northern Police District-District Mobile Force Battalion (NPD-DMFB) na nagtatago ang akusado sa Cavite ay ikinasa ang manhunt operation.
Dakong alas-12:00 ng hatinggabi nang tuluyang madakip ng mga operatiba DMFB ang akusado sa pinagtaguang lugar sa Block 2, Lot 37, Rosswel St. Brgy. Bacaon, General Trias, Cavite.
Kabilang sa mga kasong kakaharapin ng akusado ang dalawang bilang na paglabag sa R.A. 7610 o ang Special Protection of Children Against Child Abuse, Exploitation, and Discrimination Act na may piyansang P180,000 bawa’t bilang, two counts ng Lascivious Conduct sa ilalim pa rin ng R.A. 7610 na may piyansang P200,000 kada bilang, at dalawang bilang ng paglabag sa Section 10(a) ng RA 7610 na may piyansang P80,000.00 bawat bilang.
Kasalukuyang nakapiit sa NPD Custodial Facility Unit ang akusado na kailangang makalikom ng kabuuang halagang P920,000 pang-piyansa para sa kanyang pansamantalang paglaya. (Richard Mesa)