APARTMENT NG BABAENG ENGINEER, PINASOK, GADET TINANGAY, SUSPEK ARESTADO

ARESTADO ang isang hinihinalang akyat bahay nang natunton ang kanyang kinaroroonan dahil sa sa gadget na kanyang tinangay sa apartment isang isang babaeng Engineer sa Gen Trias City, Cavite kamakalawa ng hapon.

Hawak na ng Gen Trias Component City Police Station ang suspek na si alyas Paul, 46, isang delivery rider ng Brgy San Miguel 2, Silang, Cavite.

Sa salaysay ng biktima na si alyas Joana Mae, 29, isang Engineer ng F. Dizon Apartment , Green Breeze Village Ilang-ilang St., Brgy Biclatan, Gen Trias City, Cavite, umalis siya sa kanilang bahay at nagtungo sa isang ospital sa Maynila upang magpa-check up.

Bandang alas-3:30 ng hapon nang bumalik ito sa kanyang apartment nang napansin na sira ang doorknob ng kanyang pintuan at nawawala na ang MacBook M4, Samsung Tablet S10 FE’ Nikon D7200 camera, Fujifilm Mini EVOCamera at cash na P20,000 o kabuuang P180,000.

Humingi ng tulong sa Manggahan Compac ang biktima kung saan ni-review ang CCTV sa lugar at namukhaan ang suspek.

Gumamit din ng aplication na locator sa pamagitan ng gadget na tinangay ng suspek kung saan natunton ang kinaroroonan nito at nagresulta sa kanyang pagkakaaresto.
(Gene Adsuara)

NAGPAHAYAG ng kumpiyansa si Pangulong Ferdinand Marcos Jr. na mapapagaan ang pagbaha sa bansa sa pamamagitan ng bagong inilunsad na programa na Oplan Kontra Baha.

Ikinasa ang inisyatiba sa Mahiga Creek malapit sa M. Logarta Bridge, matatagpuan sa pagitan ng mga lungsod ng Mandaue at Cebu.

“Ang projection natin, ang pangako sa atin… one year… ang pangako sa akin, ‘pag ka umulan ulit, hindi na magbabaha,” ang sinabi ni Pangulong Marcos sa kanyang naging talumpati sa Cebu province.

Sa nasabing event, sinaksihan ng Pangulo ang nagpapatuloy na aktibidades sa Mahiga Creek, kabilang ang ‘dredging, waste removal, cleaning waterways, at removal of illegal structures’ upang maibalik ang natural water flow at mabawasan ang panganib ng pagbaha.

Pinangasiwaan din ni Pangulong Marcos ang karagdagang dredging operations.

Ang Mahiga Creek ay bahagi ng halos 12-kilometer Subangdaku–Mahiga River system, na kinokonsidera bilang crucial waterway na mag-extends sa urban core ng Cebu City at nakapalibot na barangay.

Sa ulat, madalas na umaapaw ang ilog sa panahon ng matinding pag-ulan dahil sa pagtatayo ng banlik at naipon na basura na humaharang sa waterways, lalo na sa paligid ng Subangdaku Bridge. (Daris Jose)

Malabon LGU, nakatanggap ng maraming papuri
NAKATANGGAP ng maraming papuri ang Pamahalaang Lungsod ng Malabon ngayong Nobyembre para sa mga tagumpay nito sa public health, family-centered development, at exemplary local legislation na nagpapatibay sa katayuan nito bilang isa sa mga pinaka-progresibo at mahusay na pinamamahalaan na mga lungsod sa Metro Manila.
Sinabi ni Mayor Jeannie Sandoval na ang mga pagkilala ay sumasalamin sa pinalakas na mga sistema at paghahatid ng serbisyo ng lungsod.
“Tatlong pagkilala po ang naigawad sa Malabon dahil sa ating mga programa sa kalusugan, pamilya, at paggawa ng polisiya. Ito ay inspirasyon sa atin na magpatuloy para sa mas maunlad na Malabon,” aniya.
Nakakuha ang City Health Department ng Malabon ng tatlong pangunahing pagkilala mula sa DOH–Metro Manila Center for Health Development sa isang awarding.
Ang Imelda Elementary School ay pinangalanang Outstanding Healthy Learning Institution, na nakakuha ng score na 96.22%, habang ang Walang Tulugan Serbisyo Caravan ay binanggit bilang isa sa Malabon’s model practices sa health service delivery.
Ibinahagi ng City Health Department na patuloy nitong sinusubaybayan at pinalalakas ang pagtataguyod ng iba’t ibang hakbangin sa kalusugan ng paaralan at komunidad upang matiyak na ang bawat pamilyang Malabueno ay nananatiling malusog at may kaalaman
Sa larangan ng paggawa ng patakaran, pinarangalan ang Malabon ng Exemplary Performance Local Legislative Award sa 2025 Urban Governance Exemplar Awards (UGEA). Kinikilala ng parangal ang mga lungsod na may lubos na gumagana, mahusay, at tumutugon sa lokal na lehislatibong katawan.
Ang Sangguniang Panlungsod ng Malabon ay pinapurihan sa paggawa ng mga ordinansang dokumentado, napapanahon, at nakahanay sa pag-unlad na naaayon sa Limang Haligi ng Pag-unlad ng lungsod: klima at kapaligiran, pag-unlad ng ekonomiya, proteksyon sa lipunan, mga ordinansa sa pagbabago ng ekonomiya, pag-unlad ng tao, at pag-unlad ng imprastraktura. Tinanggap ni Vice Mayor Edward Nolasco ang parangal sa ngalan ng LGU.
Nakuha rin ng Malabon ang 3rd Runner-Up, Model City – Family First Category sa ginanap na The Manila Times Philippine Model Cities and Municipalities PH 2025 na kumikilala sa mga LGU na may komprehensibong, family-centered programs.
Binigyang-diin ni City Administrator Dr. Alexander Rosete na ang mga pagkilalang ito ay nagpapatunay sa pangako ng lungsod sa sustained, people-centered na pag-unlad.
“Ang bawat programang ating ipinapatupad ay nakatuon sa pagpapabuti ng kalidad ng buhay sa Malabon. This recognition strengthens our resolve to deliver initiatives that are compassionate, strategic, and truly beneficial to our communities,” pahayag niya. (Richard Mesa)

PINANGUNAHAN ni Vice Mayor Chi Atienza ang 13th City Council sa pagpapahayag ng pasasalamat nitong Huwebes, Nobyembre 20, matapos tanggapin ng lungsod ang parangal na Outstanding Local Legislative Awardee mula sa Department of the Interior and Local Government – National Capital Region (DILG-NCR).

Inaprubahan sa unang pagbasa ang Draft Resolution No. 9305 na inakda ni Konsehal Elmer “Joel” Par, na kumikilala sa parangal ng DILG bilang patunay ng kahusayan ng Sangguniang Panlungsod sa paggawa ng mga lokal na batas na nagsisilbing haligi ng mahusay na pamamahala.

Ayon kay Konsehal Par, ang pagkilalang ito ay hindi lamang para sa mga halal na opisyal, kundi para rin sa buong support system ng lehislatura.

“Ako rin po ay dating empleyado ng City Council at ang karangalang ito ay tinataas na rin ang dignidad ng pagiging empleyado,” pahayag niya sa sesyon.

Ipinabatid din niya na ang tagumpay ay bunga ng sama-samang pagsisikap ng council secretariat at ng pamumuno ng pangalawang alkalde.

Inaprubahan ni Atienza ang resolusyon at hinimok ang mga miyembro ng konseho na gawing inspirasyon ang natanggap na parangal.

“I also would like to make a manifestation that such an award should give you more drive to create more ordinances and resolutions na nag-aaklas para sa ating mga kababayan,” aniya.

Iginawad ang parangal sa 2025 Urban Governance Exemplar Awards na ginanap noong Nobyembre 4, 2025 sa Quezon City.

Kinilala rin ang Maynila bilang NCR Top Performer para sa Local Council on Anti-Trafficking and Violence Against Women and Children (LCAT-VAWC) 2025 Functionality Audit at NCR Top Performer para sa Informal Settler Families (ISF) Cluster.

Nakatanggap din ang lungsod ng pagkilala bilang Significant and Invaluable Partner ng Peace and Order Council (POC) at Anti-Drug Abuse Council (ADAC).

Sa pagpapatuloy ng konseho, pinatutunayan ng mga natanggap na pagkilala na ang pamumuno ni Atienza ay nananatiling nakatuon sa pagpapanatili ng mataas na antas ng serbisyo—at sa pagtiyak na bawat sesyon ay produktibo at nakaugat sa tunay na pangangailangan ng bawat Manileño. (Gene Adsuara)