KASAMA ni Cristine Reyes si Gio Tingson, ang dati pang napababalitang boyfriend niya sa book launch ng life coach na si Pia Acevedo na pinamagatang “Here & Now: Moment to Moment”.
At sa naging panayam kay Cristine habang katabi si Gio, sinagot nito ang tanong kung gaano kasaya ang puso niya ngayon.
“Very, very happy! Ha! Ha! Ha!
“Super happy, and it’s different when you know you’re with the right person in your life,” pahayag ng aktres na agad ding pinutol ang interview.
Samantala, ilan na sa mga naibalita tungkol sa katauhan ni Gio ay ang kanyang pagiging Head of Public Affairs ng Grab mula noong 2024, National Youth Commission chairperson mula 2014 hanggang 2016, bilang chief political officer ni Senator Bam Aquino (2016-2018), bilang chair ng Akbayan Citizens Action Party (2018-2022), at bilang associate lawyer sa isang law firm mula 2019-2021.
Nagtapos si Gio ng AB Philosophy sa Ateneo de Manila University noong 2010, at nagtapos ng abogasya sa Arellano University noong 2018.
Napag-usapan din ang tungkol sa pagkakaroon niya ng life coach sa katauhan nga ni Coach Pia na nakilala niya through common friends.
At dahil dito, mayroon ba siyang life mantra o advice na sinusunod?
“Meron, moment to moment,” at tumawa si Cristine bilang pagtukoy sa titulo ng libro ni Pia.
“Kasi di ba ako based on my experience, moment to moment, minsan nani-neglect na natin yung mga simple things in life.
“So for me, I’m already 36, so I’m not saying naman that I’m old, but I’ve just been you know, working since I was 14, so 20 plus years na rin yun, di ba?
“So it’s important to cherish every moment that you have with you guys, like right now, this is actually a moment. “So sometimes we neglect those things.”
May anak na babae si Cristine sa dati niyang karelasyong si Ali Khatibi, si Amarah, na ten years old ngayon; nakatulong din ba sa kanya bilang isang ina ang pagkakaroon ng isang life coach?
Pahayag niya, “Bawal napagod? As a mom? Actually, in every stages of your life, you need a guidance, di ba? Di ba sa school, you have a guidance counselor?
“Parang for me, every stages of your life, you need a guidance. Para lang you need a helping hand because we all need someone to help us.
“Hindi tayo puwedeng stand alone, kasi ang hirap nun, bitbit mo yung mundo nun.
“So especially if you’re a mom and you have your career also, you know, me, I’m a single mom, so parang mahirap din and you need someone to guide you, like Coach Pia. “Talagang it’s different when you talk to someone about your life.”
Sa pagiging aktres, nakatutulong rin daw sa kanya ang pagkakaroon ng isang life coach.
“I think so. It helps because sometimes… like me, with my line of work, hindi kami private, e,” sagot niya.
“Kumbaga kapag lalabas kami, sometimes you still need to work, di ba? “You still need to entertain some people, take photos. “Even if you’re having a bad day sometimes, hindi puwedeng bad day ka, di ba, hindi mo puwedeng pagbigyan.
“So for us, it helps. Mga public figures especially, kasi nakaka-drain din e. It really helps us.”

(ROMMEL L. GONZALES)

LAST October 17, nag-celebrate si Bea Alonzo ng kanyang 38th birthday at nagpasalamat ito sa lahat ng bumati sa kanya, kasama ang isang larawan na may hawak na birthday cake at paglilinaw din na hindi siya buntis.
Caption niya, “Thank you for all the birthday love.
“Feeling so grateful for another year of laughter, growth, and the people who keep me grounded.
“And for anyone curious about “the picture” — just caught at a bad angle after an amazing dinner.
“Glowing, not expecting.”
Isa sa mga celebrities na nagbigay ng mensahe ay si Queen of All Media na si Kris Aquino, na super happy siya ngayon para kay Bea at sa boyfriend na si Vincent Co.
Kilala raw ito ng pamangkin niya at posible silang magkita-kita sa January 2026.
Komento ni Kris, “Happy Birthday! My nephew is a close friend of the one you’re getting to know—your greetings reached me—thank you Bey…
“You are as beautiful as ever. Hoping to see you in 3 & a half months.”
Ilang pa sa nakitang naming nag-greet kay Bea ay sina Heart Evangelista, David Licauco, Aga Muchlach, Anne Curtis, Cassy Legaspi, Barbie Forteza, Julie Anne San Jose, Yasmien Kurdi, Sarah Lahbati, Mariel Padilla, Rodjun Cruz at marami pang iba.
Anyway, pinusuan ng mga fans ni Bea ang naturang birthday message ni Kris at nagpasalamat dahil solid pa rin ang kanilang friendship. Patuloy nilang ipagdarasal ang paggaling ng tv host/actress.
May nagtanong naman kay Kris kung ano ang ibig sabihin ng “3 1/2 months”, “@krisaquino hi Ms. Kris, glad to know you’re doing well na, always praying for you [praying hands, heart emojis] may i ask kung ano po ang happenings after 31/2 months?”
May nag-speculate tuloy na baka may kasalang magaganap sa Enero at magni-ninang si Kris.
Say ng netizens:
“So, in three and a half months, ikakasal na si Bea?”
“Feeling ko, magiging ninang si Kris.”
“Baka ikakasal yung nephew and magkikita sila doon with bea as the plus one of
thenephew’s close friend.”
“Kahit may sakit si Kris, naalala pa rin niya si Bea. Grabe, sobrang genuine.”
Well, abangan na lang nating sa mga susunod na buwan kung ano nga ba itong ini-reveal ni Kris tungkol sa posibleng pagkikita nila ni Bea.

(ROHN ROMULO)

SUCCESSFUL ang medical procedure kay Diamond Star Maricel Soriano sa Singapore para sa kanyang sakit na spinal arthritis.
Ang treatment na ginawa sa Kapamilya actress ay “discoplasty”.
“‘Yung ginawa nila ‘yung back ko muna. Alam mo ang galing nila kasi walang operation na naganap,” pahayag ni Marya sa naging interview ni Bianca Gonzalez.
“Ang tawag nila du’n sa ginawa sa akin is discoplasty. May eight holes ako sa likod tapos robotics na ‘yung gumawa.”
Pagkatapos daw ng ginawang treatment sa kanya ay, “pagtayo ko wala ng sakit. Instantly magaling na ako,” kaya super happy siya.
Sakto raw ang paggaling niya sa pagsisimula ng shooting nila para sa latest movie niyang, “Meet, Greet & Bye” under Star Cinema na ipalalabas sa November.
“Tapos ‘yung sumunod dahil hindi pa nawawala ‘yung pain, kasi side lang eh, so ginawa nila mismong sa spine nila ako sinaksakan ng steriods.
“Tapos matagal bago nag-effect kaya iika-ika akong maglakad tsaka ‘yung paa ko manhid, parang may mga karayom na tumutusok,” dagdag pa niya
“Tuwang-tuwa nga kami kasi mas kailangang kailangan ko ng mas maging maliksi sa scenes na gagawin namin.
“Nagampanan ko naman. Salamat sa Diyos,” ani Marya.
Sa kanyang YouTube vlog last April una niyang ibinalita ang pagkakaroon ng spinal arthritis na nakakaapekto sa kanyang mobility.
Bukod pala rito, ay meron din pala siyang pinch nerve kaya sumailalim din siya sa physical therapy, kabilang na riyan ang aquatic walking exercises at stretching.

***
PINANGUNAHAN ni Movie and Television Review and Classification Board (MTRCB) Chairperson at CEO Lala Sotto ang panunumpa sa tungkulin ng dalawang bagong Board Members ng Ahensiya na sina Atty. Pedro Cesar Gabriel Atienza Solidum at Atty. Mynoa Refazo Sto. Domingo.
Nilagdaan ni Pangulong Ferdinand R. Marcos, Jr. ang kanilang appointment papers noong Oktubre 6, at inilabas ng Malakanyang nitong Lunes, Oktubre 13.
Bilang mga batikang abogado, bitbit nina Solidum at Sto. Domingo ang kanilang malawak na karanasan at kakayahan para mas higit pang mapatatag ang layunin ng MTRCB na isulong ang responsableng panonood sa pamilyang Pilipino, kasabay ng pagtiyak sa proteksyon ng mga manonood, laluna ng ang mga batang Pilipino.
“Lubos kaming nagpapasalamat kay Pangulong Ferdinand R. Marcos, Jr. sa pagkakatalaga kina Solidum at Sto. Domingo,” sabi ni Sotto. “Ang kanilang malalim na karanasan ay tiyak na makatutulong sa pagpapatuloy ng adbokasiya ng MTRCB sa pagsusulong ng responsableng panonood para sa pamilyang Pilipino at sa pagsuporta sa industriya ng pelikula at telebisyon sa bansa.”
Nagpaabot din si Sotto ng pasasalamat kina Maria Marta Ines Dayrit at Zeny Mancilla para sa kanilang dedikasyon at serbisyo sa Ahensiya.
“Salamat din kina BM Dayrit at BM Mancilla sa kanilang tapat na paglilingkod at taos-pusong dedikasyon sa MTRCB. Ang kanilang kasipagan at malasakit ay nag-iwan ng makabuluhang marka sa Ahensiya at sa mga taong aming pinaglilingkuran,” dagdag ni Sotto.
(ROHN ROMULO)