MULING inulit ni Pangulong Ferdinand R. Marcos Jr. ang kanyang commitment na linisin ang burukrasya at tiyakin na ang bawat public official at public servant ay karapat-dapat sa tiwala ng mga mamamayang Filipino.“Patuloy tayo sa paglilinis ng hanay ng pamahalaan upang matiyak na ang bawat opisyal, bawat lingkod-bayan ay karapat-dapat sa tiwalang ibinibigay sa kanila ng taumbayan,” ang sinabi ni Pangulong Marcos sa isinagawang awarding ng 2025 Metrobank Foundation Outstanding Filipinos sa Palasyo ng Malakanyang.Sa gitna ng imbestigasyon ng flood control corruption na kanyang sinimulan, kinilala ni Pangulong Marcos na ang kasalukuyang hamon na kinahaharap ng bansa ang yumanig sa tiwala ng publiko sa mga government institutions.“Hindi madali ang laban na ito. Marami pa tayong haharapin, marami tayong pagdadaanan,” ang sinabi ni Pangulong Marcos.“It will be hard and sometimes it will be painful, but it will be worth it because what we are fighting for is a country that our children will inherit and a nation that they can be proud of, that they can be proud to say I am Filipino.” aniya pa rin.Tinugunan ang tanong kung maaari pang pagkatiwalaan ang gobyerno, sinabi ng Pangulo na ang 10 honorees ang siyang buhay na patunay ng pag-asa at integridad sa public service.“In their service, you will find your answer. Because of them, we are reminded that hope is never lost, that integrity still lives in our institutions, and that honor still defines what it means to be Filipino,” ang sinabi ni Pangulong Marcos.Samantala, kabilang sa Metrobank Foundation Outstanding Filipinos awardees ay ang apat na guro, tatlong sundalo at tatlong police officers na nagbigay ng kanilang mahalagang kontribusyon sa buhay ng nakararami.Hinggil sa Metrobank Foundation Outstanding Filipinos program na nagtanda ng 40th year, sinabi ni Pangulong Marcos na ang award ang naging “beacon of integrity and inspiration, proving that even at the most difficult times, there will always be Filipinos who remain committed to serving and leading with honor.”Nagpaabot naman ang Pangulo ng kanyang pasasalamat sa Metrobank Foundation at partners nito sa pribadong sektor gaya ng PSBank, Rotary Club of New Manila East, at Rotary Club of Makati Metro para sa pagdakila sa mga nagtataglay ng ‘best ideals’ ng public service. ( DARIS JOSE)

AYON kay Parañaque Rep. Brian Raymund Yamsuan, dapat gawin ng Kamara ang parte nito na tulungan na maresolbahan ang acute shortage ng public attorneys na nagsisilbi sa marginalized sectors sa pamamagitan ng pagpasa sa panukalang magbibigay ng scholarship program sa mga gustong mag abogado na handang magbigay ng mandatory service sa government institutions.Layon aniya ng inihain nitong House Bill (HB) 5242 o “Abogado Para Sa Bayan Act” na maabot ang ito sa pamamagitan ng paglalaan sa kuwalipikadong law students ng full scholarship benefits kapalit ng pagbibigay ng mandatory return service ng dalawang taon sa Public Attorney’s Office (PAO) at ina pang government agencies.“Pursuing a legal education is not easy nor is it cheap. There are many deserving students who want to become lawyers but are hindered by financial constraints. Layunin ng ating Abogado Para Sa Bayan Act na tulungan silang matupad ang kanilang mga pangarap while also helping ensure that the government would have a steady pool of competent and committed lawyers at the Public Attorney’s Office (PAO) and other government institutions providing legal services to indigent clients and other underserved sectors,” ani Yamsuan.Base sa pinahuling datos, noong 2024, ay nagawang mabigyan ng serbisyo ng PAO ang 15,069,235 clients at naghawak ng 847,317 kaso, kung saan 92,052 na kinabinilangan ng persons deprived of liberty (PDLs).Ngunit, mayroon lamang tanging 2,676 public attorneys ang humahawak ng kaso o katumbas sa ratio na 5,631 clients at 317 cases per lawyer, ayon sa PAO’s 2024 Accomplishment Report.Upang matugunan ang kakulangan, inaprubahan ng Department of Budget and Management (DBM) ang pagbuo ng 178 bagong Public Attorney positions nong 2024 habang naglabas naman ang Supreme Court ng rules sa Unified Legal Aid Service (ULAS), na siyang nagmamandato sa abogado na magbibigay ng 60 oras na pro bono legal aid kada tatlong taon sa indigent clients.“These efforts, while commendable, are still not enough. Justice is a right, not a privilege. Our measure will future-proof our legal sector and make sure that all Filipinos have access to legal aid regardless of his or her social and economic status in life,” pahayag ng mambabatas.Sa ilalim ng HB 5242’s Legal Scholarship and Return Service (LSRS) Program, magbibigay ng full scholarship benefits sa deserving students tulad ng tuition at iba pang school fees, at allowances para sa prescribed books, supplies, bar review fees at licensure fees.Para makakuha ng scholarship, ang prospective law student ay dapat isang Filipino citizen na naninirahan sa Pilipinas; graduating student o graduate ng undergraduate degree program; nakapasa sa entrance examinations at nakasunod sa iba pang requirements for admission ng iskul kung saan plano nitong mag-aral.Dapat mag-aral ang prospective scholar sa State Universities and Colleges (SUC) o kapartner na private educational institutions sa rehiyon na walang SUCs na nag-aalok ng Juris Doctor o Bachelor of Laws degrees.Lalagdaan din sila sa kasunduan at tatapusin ang pag aaral sa takdang panahon ng educational institution, at kumuha ng bar exams sa loob ng isang taon pagkatapos ng graduation mula sa law school. (Vina de Guzman)

ISANG tunay na kahanga-hanga at nakaaantig na sandali — ang ika-2 𝐁𝐮𝐬𝐢𝐧𝐞𝐬𝐬 𝐒𝐮𝐦𝐦𝐢𝐭 – 𝐎𝐜𝐭𝐨𝐛𝐞𝐫𝐟𝐞𝐬𝐭 𝟐𝟎𝟐𝟓 na ginanap noong Sabado, Oktubre 18 sa Le Pavillion, Metropolitan Park, Pasay City.

Isa ang People’s Balita na pag- aari ng mag-asawang Teddy Boy Torres at Alma Torres sa naging kabahagi ng successful event na ito bilang Media Partner ng 𝐏𝐫𝐞𝐦𝐢𝐞𝐫 𝐋𝐢𝐟𝐞𝐬𝐭𝐲𝐥𝐞 𝐂𝐥𝐮𝐛 (PLC).

Ang pagtitipon na naganap ay isa na namang mahalagang kabanata sa kasaysayan ng 𝐏𝐫𝐞𝐦𝐢𝐞𝐫 𝐋𝐢𝐟𝐞𝐬𝐭𝐲𝐥𝐞 𝐂𝐥𝐮𝐛 na pinamumunuan ni Mr. Warren Trinidad bilang President at Executive Senior Partner .

Hindi lang ito basta isang event — 𝐢𝐭𝐨 𝐚𝐲 𝐢𝐬𝐚𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐩𝐚𝐬𝐲𝐨𝐧, 𝐩𝐚𝐠𝐭𝐢𝐭𝐢𝐲𝐚𝐠a, 𝐚𝐭 𝐛𝐢𝐲𝐚𝐲𝐚 𝐧𝐠 𝐃𝐢𝐲𝐨𝐬. Mula sa maliliit na negosyo hanggang sa malalaking kumpanya, 𝐭𝐚𝐲𝐨’𝐲 𝐧ags𝐚𝐦𝐚-𝐬𝐚𝐦𝐚 𝐬𝐚 𝐢i𝐬𝐚𝐧𝐠 𝐥𝐚𝐲𝐮𝐧𝐢𝐧: 𝐚𝐧𝐠 𝐦𝐚𝐠-𝐮𝐠𝐧𝐚𝐲𝐚𝐧, 𝐦𝐚𝐤𝐢𝐩𝐚𝐠𝐭𝐮𝐥𝐮𝐧𝐠𝐚𝐧, 𝐚𝐭 𝐦𝐚𝐠𝐩𝐚𝐥𝐚𝐤𝐚𝐬𝐚𝐧 𝐠𝐚𝐦𝐢𝐭 𝐚𝐧𝐠 𝐢𝐬𝐚𝐧𝐠 𝐩𝐚𝐫𝐞-𝐩𝐚𝐫𝐞𝐡𝐨𝐧𝐠 𝐥𝐚𝐲𝐮𝐧𝐢𝐧 𝐚𝐭 𝐩𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚.

Bawat ngiti, bawat pakikipag-partner, at bawat kwento ay sumasalamin sa kagandahan ng pagkakaisa — isang paalala na kapag ang mga puso ay nagkakaisa, ang mga himala ay nangyayari.

Nakita natin kung paano kayang gawing realidad ang malalaking pangarap sa pamamagitan ng pagtutulungan, pananampalataya, at dedikasyon.
Higit na naging makinang ang event dahil na rin sa inspiring and power-packed
renowned speakers ba sina — Mr. Chinkee Tan, Ms. Dianne Medina , and Mr. Frank Gaw.

Ang PLC ay lubos na nagpapasalamat sa lahat ng naging panauhin, mga katuwang, sponsors, at exhibitors — at higit sa lahat, sa lahat ng masisipag at tapat na Executive Senior Partners (ESPs) na nagbigay ng kanilang oras, talento, at pagmamahal upang maging matagumpay ang event na ito.

Sa bawat hamon at bawat hakbang ng aming paglalakbay, ang biyaya ng Diyos ang naging gabay namin at siyang nagpatibay sa lahat ng bagay.

Ito ay hindi katapusan — ito ang simula ng mas malalaking bagay na darating!
Patuloy tayong magbigay-inspirasyon, magpalakas, at magbago ng buhay nang magkakasama bilang isang pamilyang may layunin at pananampalataya.

𝐊𝐢𝐭𝐚-𝐤𝐢𝐭𝐚 𝐭𝐚𝐲𝐨 𝐬𝐚 𝟑𝐫𝐝 𝐏𝐋𝐂 𝐁𝐮𝐬𝐢𝐧𝐞𝐬𝐬 𝐒𝐮𝐦𝐦𝐢𝐭 𝟐𝟎𝟐𝟓!
𝐓𝐨 𝐆𝐨𝐝 𝐛𝐞 𝐚𝐥𝐥 𝐭𝐡𝐞 𝐆𝐥𝐨𝐫𝐲 — 𝐟𝐨𝐫𝐞𝐯𝐞𝐫 𝐚𝐧𝐝 𝐚𝐥𝐰𝐚𝐲𝐬!

📸Boy Morales Sr.

PINABULAANAN ng Malakanyang ang tsismis na di umano’y nagbitiw na sa puwesto bilang Kalihim ng Department of Finance (DoF) si Ralph Recto.
“Not true,” ang sinabi ni Presidential Communications Office Undersecretary at Palace Press Officer Claire Castro sa isang text message sa Malacanang Press Corps (MPC) nang hingan ng kumpirmasyon ukol sa di umano’y pagbibitiw sa puwesto ni Recto.
Sa ulat, may X post na nakapangalan sa aktor na si Edu Manzano, kung saan inaabangan umano ang anunsiyo ng Malacañang para sa susunod na Finance secretary.
Batay sa X post, dalawang batikan umano sa larangan ng pinansiyal ang pinagpipilian kabilang na dito sina Monetary Board member Walter Wassmer at Government Service Insurance System (GSIS) director Emmanuel Samson.
Magugunitang, isa si Recto sa mga nagsumite ng kanyang courtesy resignation noong buwan ng Mayo matapos hilingin ni Pangulong Ferdinand Marcos Jr. ang courtesy resignation ng lahat ng kanyang gabinete, subalit hindi tinanggap ng Pangulo. ( Daris Jose)

MARIING tinuligsa ni Chairman Emeritus Dr. Jose Antonio Goitia ang umano’y planong saktan si Pangulong Ferdinand “Bongbong” Marcos Jr. at ang kanyang pamilya, na aniya ay “isang duwag na gawain na laban sa diwa ng ating Republika at sa dangal ng sambayanang Pilipino.”
Lumabas ang impormasyon mula kay Pebbles Cunanan, isang blogger na nagsabing may mga grupo umanong konektado sa ilang tagasuporta ng nakaraang administrasyon na nag-uusap tungkol sa planong ito.
“Ang anumang banta laban sa Pangulo ay banta rin laban sa Republika,” pahayag ni Goitia. “Isa itong pag-atake sa ating demokrasya, sa ating kapayapaan, at sa katatagang pinanghahawakan ng bawat pamilyang Pilipino.”
Nanawagan si Goitia sa taumbayan na magkaisa sa pagtutol sa anumang hakbang na naglalayong pabagsakin ang pamahalaan o saktan ang Pangulo.
“Maaaring hindi ka sang-ayon sa lahat ng kanyang desisyon. Maaaring tutol ka sa ilan niyang polisiya. Ngunit kailanman, hindi magiging tama ang paggamit ng karahasan,” aniya.
“Sa isang demokrasya, nakikipagtalo tayo gamit ang salita, hindi gamit ang armas.”
“Malinaw ang batas. Ang sabwatan o pagtatangka laban sa buhay ng Pangulo o ng kanyang pamilya ay hindi lamang mabigat na krimen, kundi isang paglapastangan sa mismong pundasyon ng ating Republika,” dagdag ni Goitia.
Ayon kay Goitia, ang pagprotekta sa Pangulo ay hindi lang tungkol sa isang tao, kundi tungkol sa pagpapanatili ng katatagan ng bansa.
“Ang Pangulo ang sagisag ng pamahalaan at pagkakaisa ng Estado,” paliwanag niya. “Kapag inatake ang institusyon ng pagkapangulo, humihina ang bansa. Kaya ang pagprotekta sa Pangulo ay pagprotekta sa Republika.”
Ipinaalala rin niya na sa likod ng bawat pinuno ay may pamilyang dapat bigyan ng seguridad at dignidad.
“Hindi lang ang Pangulo ang pinagbabantaan sa ganitong mga usapin, kundi pati ang kanyang pamilya,” sabi niya. “Ito ay lumalampas sa hangganan ng moralidad at pagkatao.”
Hinimok din ni Goitia ang mga awtoridad na magsagawa ng masusing imbestigasyon at igalang ang due process.
“Ang katotohanan ay dapat lumabas sa tamang proseso ng batas, hindi sa mga haka-haka o ingay sa social media,” aniya. “Ang hustisya ay dapat maging matatag at makatarungan. Sa ganitong paraan lamang natin mapangangalagaan ang tiwala ng mamamayan sa mga institusyon.”
Nagpaalala rin siya sa publiko na umiwas sa pagpapakalat ng mga hindi kumpirmadong impormasyon.
“Ang pagprotekta sa Pangulo ay hindi bulag na katapatan,” sabi niya. “Ito ay tanda ng pagmamahal sa bayan. Dahil kapag pinoprotektahan natin ang katatagan ng pamahalaan, pinoprotektahan din natin ang kabuhayan, seguridad, at dangal ng bawat Pilipino.”
Sa pagtatapos, nagbigay si Goitia ng mensaheng may paninindigan at pag-asa.
“Hindi natin kalaban ang isa’t isa, kundi ang pagkakawatak-watak at poot,” aniya. “Magsama-sama tayo sa ilalim ng iisang watawat, gabayan ng batas, at ng malasakit sa bayan upang manatiling matatag ang ating Republika.”
Si Dr. Jose Antonio Goitia ay kinikilala bilang Chairman Emeritus ng apat na makabayang at sibikong organisasyon: Alyansa ng Bantay sa Kapayapaan at Demokrasya (ABKD), People’s Alliance for Democracy and Reforms (PADER), Liga Independencia Pilipinas (LIPI), at Filipinos Do Not Yield (FDNY) Movement.
(Richard Mesa)