INALERTO ng Philippine Coast Guard (PCG) ang lahat ng Coast Guard operating units para sa inaasahang pagdagsa ng mga pasahero sa mga pantalan sa paggunita ng Undas sa buong bansa.
Ayon kay PCG Commandant Admiral Ronnie Gil Gavan, inilagay na sa heightened alert ang PCG districts, stations at Sub-stations nito mula Oktubre 30 hanggang Nobyembre 4 kung saan paiigtingin ang monitoring at assistance operations sa lahat ng ports at waterways sa buong bansa.
Alinsunod ito sa direktiba ni Pangulong Bongbong Marcos Jr na tiyaking ligtas, komportable ang seguridad ng mga publikong maglalakbay.
Katuwang ng PCG ang Department of Transportation (DOTr), Philippine Ports Authority (PPA), at Maritime Industry Authority (MARINA) , maglalagay ng Malasakit Help desk sa mga pangunahing ports, daungan at public transport hubs sa buong bansa.
Ang help desks na ito ay makakatulong sa mga pasahero na mabigyan ng agarang tulong, travel information at emergency response services.
Magde-deploy din ng medical teams na tutulong sa Malasakit Help Desks ng DOTr.
Paiigtingin din ang security measures kung saan magdedeploy din ng Coast Guard K9 units na mag-iinspeksyon sa mga barko at bagahe ng mga pasahero.
Bukod dito, magtatalaga rin ng mga rescuers at lifeguards ang PCG sa mga beach, island resorts at iba pang coastal tourist destination upang masiguro ang kaligtasan ng mga nagbabakasyong pamilya at mga turista.
Patuloy na nagpapaalala ang PCG sa publiko na manatiling mapagmatyag, sumunod sa safety protocols at makipag-ugnayan sa mga lokal na awtoridad upang masiguro ang ligtas na karanasan sa paglalakbay ngayong Undas 2025.( Gene Adsuara)
- October 21, 2025 WordPress timezone: Asia/Manila
Current date: October 22, 2025
Current time: October 22, 2025 2:43 AM Ang Diyaryong Pinagkakatiwalaan
Archive for October 21st, 2025
Coast Guard, inalerto para sa Undas
Paghahanda sa Undas, LTFRB Chairman Mendoza nagsagawa Ng biglaang inspeksyon sa mga bus terminal
PERSONAL na nagsagawa ng biglaang inspeksyon si Land Transportation Franchising and Regulatory Board (LTFRB) Chairman Atty. Vigor D. Mendoza II sa ilang bus terminal sa Bacolod City noong Sabado, Oktubre 18. Ito ang hudyat ng pagsisimula ng serye ng biglaan at random na inspeksyon sa mga transport terminal at pampublikong sasakyan sa buong rehiyon bilang bahagi ng mga hakbang para sa kaligtasan ngayong nalalapit na paggunita ng Undas sa Nobyembre 1 at 2.
“Nais nating matiyak na ang mga kumpanya ng transportasyon ay tunay na sumusunod sa mga alituntunin ng LTFRB para sa kaginhawahan ng mga pasahero,” pahayag ni Chairman Mendoza.
Sinuri ni Chairman Mendoza ang mga pasilidad mula sa mga waiting area hanggang sa mga palikuran sa dalawang pangunahing terminal, at binigyang-diin na ang ganitong mga inspeksyon ay isasagawa nang regular.
Mula nang maupo sa posisyon, agad na inatasan ni Chairman Mendoza ang lahat ng Regional Director ng ahensya na magsagawa ng inspeksyon sa mga bus at transport terminal bilang paghahanda sa inaasahang dagsa ng pasahero ngayong Undas.
Inatasan din ang lahat ng kumpanya ng bus at operator ng pampublikong transportasyon na tiyaking ligtas at kumportable ang kanilang mga terminal at istasyon para sa mga pasahero.
Sa parehong pagbisita, sumakay si Chairman Mendoza sa isang pampasaherong jeep bilang pagtugon sa direktiba ni DOTr Secretary Giovanni Z. Lopez sa lahat ng opisyal ng kagawaran na gumamit ng pampublikong transportasyon upang personal na maranasan ang sistema at makapagbigay ng rekomendasyon sa mga suliranin sa transportasyon.
Inaasahan ni Chairman Mendoza na gagawin din ito ng lahat ng Regional Director ng LTFRB, at sa ngayon ay nakatuon ang ahensya sa mga paghahanda para sa Undas sa pamamagitan ng personal na inspeksyon ng mga RD na isasagawa nang regular.
Upang matiyak ang pagsunod, magpapadala ang LTFRB ng mga ‘mystery passenger’ sa buong bansa upang suriin ang kalagayan ng mga bus station at transport terminal simula Oktubre 24.
Nagbabala rin si Chairman Mendoza sa mga kumpanya ng transportasyon na maaaring humarap sa kaukulang parusa kung mabibigong tugunan ang mga pangunahing pangangailangan ng kanilang mga pasahero. (PAUL JOHN REYES)
P50 milyong pondo, sa pagsasaayos ng LTO at LTFRB office – DOTr
NAG -REALLOCATE ang Department of Transportation (DOTr) ng P50 milyon mula sa budget ng ahensiya para sa pagpapahusay ng mga tanggapan ng Land Transportation Office (LTO) at ng Land Transportation Franchising and Regulatory Board (LTFRB).
Nabatid na ang naturang pondo ay unang inilaan sa mga bagong sasakyan para sa DOTr Central Office subalit ipinagpaliban ni DOTr Acting Giovanni Lopez ang proyekto upang bigyang-daan ang pagsasa-ayos ng mga pasilidad ng LTO at LTFRB.
Ayon kay Lopez, kabilang sa isasagawang improvements ay kinabibilangan ng instalasyon ng air conditioning units, probisyon ng water dispensers at pagbili ng mga sapat na upuan at iba pa, na para sa pagpapahusay ng waiting areas sa LTO at LTFRB offices.
Inatasan rin niya ang LTO at LTFRB na i-optimize ang paggamit ng reallocated funds, na balido hanggang sa katapusan ng 2025.
“Ginagawa natin ito dahil mas importante sa amin sa DOTr na may maayos na pasilidad ‘yung mga kababayan natin. Mas mahalaga ang mga ‘yan kaysa sa mga bagong sasakyan na pwede namang i-procure kahit sa susunod na taon,” pahayag pa ni Lopez.