MULING nanawagan si Navotas Representative Toby Tiangco ang Department of Foreign Affairs (DFA) na kanselahin na ang passport ni dating Ako Bicol Party-List Rep. Zaldy Co na nadadawit sa umano’y maanomalyang flood control projects at kasalukuyang nasa ibang bansa.“Article III, Section 6 of the Constitution is clear: the right to travel is not absolute. It can be restricted in the interest of national security, public safety, or public health, without need of a court order. The Administrative Code empowers the DFA Secretary to cancel passports for these very reasons” ayon kay Tiangco.“Kaya malinaw: may batas, may kapangyarihan, at may paraan”, aniya. “Kung gusto may paraan, kung ayaw may dahilan” diin niya.Sinabi pa ni Tiangco na kung talagang katuwang ang DFA sa hustisya, dapat kanselahin na ang passport ni Zaldy Co. Hindi aniya ito “whim” o kapritso. Pagkilos ito para sa pambansang seguridad.“Huwag nilang subukan ang galit ng taumbayan. Hindi tatanggapin ng publiko na DPWH at contractor lang ang makukulong, habang ligtas at nakakapag-happy happy sa ibang bansa ang mga mambabatas”, giit niya. (Richard Mesa)
- October 21, 2025 WordPress timezone: Asia/Manila
Current date: October 21, 2025
Current time: October 21, 2025 5:34 PM Ang Diyaryong Pinagkakatiwalaan
Archive for October 21st, 2025
BI, nagpasalamat kay PBBM at sa mga mambabatas sa pag-endorso si IMMIGRATION MODERNIZATION BILL
NAGPASALAMAT si Bureau of Immigration (BI) Commissioner Joel Anthony Viado kay Pangulong Ferdinand R. Marcos Jr. at sa mga mambabatas sa pagpapahalaga at pagsama sa Immigration Modernization Bill sa LEDAC-endorsed na legislative agenda.Sa pulong ng Legislative-Executive Development Advisory Council (LEDAC) noong Setyembre 30, itinampok ang BI Modernization Act bilang isa sa 44 na prayoridad na batas sa ilalim ng Common Legislative Agenda ng ika-20 Kongreso — isang makabuluhang hakbang sa pagsusumikap na baguhin ang sistema ng imigrasyon.“Lubos po naming pinahahalagahan ang suporta ng maraming mambabatas na kinikilala ang kahalagahan ng pag-a-update ng ating 85-taong-gulang na batas ukol sa imigrasyon. Ang kanilang pagkilala sa kagyat na pangangailangan na ito ay isang malaking hakbang tungo sa modernisasyon ng BI,” sabi ni Viado.Ang LEDAC ay regular na nagsasagawa ng mga pagpupulong taun-taon upang tiyakin na ang mga prayoridad ng Kongreso ay akma sa reporma na layunin ni Pangulong Marcos, at upang mapabilis ang mga batas na makikinabang sa pambansang kaunlaran.Sa pulong, binigyang-diin ng mga opisyal na ang modernisasyon ng BI ay mahalaga upang mapabuti ang mga serbisyong pang-frontline, mapalakas ang pambansang seguridad, at mapadali ang ligtas at mahusay na paggalaw ng mga tao sa mga hangganan ng bansa.“Umaasa po kami na maipapasa ang batas sa modernisasyon, at kami ay tiwala na mapapalakas nito ang aming kakayahan na protektahan ang bansa at magbigay ng epektibong serbisyo,” sabi ni Viado.“Sa pamamagitan nito, kami po ay ganap na nakatuon sa pagsulong ng pananaw ng Pangulo ng Bagong Pilipinas sa paghahatid ng mga serbisyong imigrasyon na moderno, tapat, at tumutugon sa mga pangangailangan. Isa po itong malaking hakbang patungo sa Bagong Imigrasyon na ating inaasam,” dagdag pa niya. (Gene Adsuara)
Move it rider, lolo 4 pa kulong sa sugal, droga sa Valenzuela
ANIM katao kabilang ang tatlong hinihinalang drug personalities ang arestado matapos maaktuhang naglalaro ng illegal na sugal sa magkahiwalay na lugar sa Valenzuela City.Sa ulat ni PSSg Pamela Joy Catalla kay Valenzuela Police Chief P/Col. Joseph Talento, bandang alas-7:15 ng gabi nang maaktuhan ng mga tauhan ng Marulas Police Sub-Station 3 ang dalawang lalaki na nagsusugal umano ng ‘cara y cruz’ sa F. Bautista St., Brgy. Marulas.Nakuha sa kanila ang bet money, tatlong peso-coins ‘pangara’ aty isang plastic sachet na naglalaman ng hinihinalang shabu na nasamsam kay alyas “Onald”, 33, move it rider.Ayon naman kay P/MSgt. Carlito Nerit Jr., habang nagsasagawa ng validation ang mga tauhan ni Polo Police Sub-Station 5 Commander P/Capt. Doddie Aguirre laban sa isang wanted person sa Salvador St., Brgy. Palasan nang maaktuhan nila ang dalawang lalaki na nagsusugal umano ng ‘cara y cruz’ alas-11:50 ng gabi.Inaresto ang dalawa at nakumpiska sa kanila ang bet money at tatlong peso coins ‘pangara’ habang ang isang plastic sachet ng hinihinalang shabu ay nakuha kay alyas “Chris’, 28.Nauna rito, huli din sa akto ng iba pang tauhan ni Capt. Aguirre ang dalawang lalaki habang naglalaro din ng sugal na ‘cara y cruz’ sa loob ng Polo Public Market, Brgy., Polo alas-11-15 ng gabi.Nasamsam sa dalawa ang bet money at tatlong peso coins ‘pangara’ habang ang isang plastic sachet na naglalaman ng umano’y shabu ay nakuha kay alyas “Lolo Rey”, 63, ng Brgy., Coloong II.(Richard Mesa)
Malakanyang, hindi masigasig na buwagin ang DPWH
HINDI masigasig ang Malakanyang na buwagin ang Department of Public Works and Highways (DPWH) sa gitna ng usapin ng korapsyon sa infrastructure projects, partikular na sa flood control programs.
”Sa ngayon po ay hindi pa po naiisip kung dapat itong i-abolish dahil dapat ang tanggalin dito ay iyong mga gumagawa ng mali. Madali naman pong malaman kung sino-sino ito at sa tulong na rin po ni Secretary Vince (Dizon), matatanggal po ang dapat matanggal sa ahensiya,” ayon kay Presidential Communications Office Undersecretary at Palace Press Officer Claire Castro.
Ang katuwiran pa rin ni Castro, hindi naman lahat ng nasa ahensiya ay sangkot sa korapsyon.
”Ang departamento, hindi po lahat ng mga nangangasiwa at hindi po lahat ng mga taong-gobyerno sa DPWH ay masasabi nating gumagawa ng kamalian. May mga public servants pa rin po at public officials na masasabi nating tumutugon sa kanilang mga obligasyon,” aniya pa rin.
Sa ulat, naniniwala si Senate Committee on Finance Chairman Senador Sherwin Gatchalian na mas mabuting buwagin na lamang ang DPWH at magtatag ng bago.
Ito ay dahil sa umano’y korapsyon na bumabalot sa ahensya kabilang ang isyu ng maanomalyang flood control projects at kamakailangan natuklasan na anomalya sa farm to market road projects.
Sa palagay ng senador, aabutin ng maraming taon bago malinis ni Public Works Secretary Vince Dizon ang ahensya.
Bilang halimbawa, binanggit ni Gatchalian na may mga ghost project o na natuklasan sa iba’t ibang panig ng bansa — hindi lang sa Bulacan — na nagpapakita ng malawakang korapsyon sa loob ng DPWH.
Nabusisi ang ahensya matapos lumabas ang mga ulat na ilang lokal na opisyal nito ang sangkot sa mga maanomalyang flood control projects, partikular sa lalawigan ng Bulacan. ( Daris Jose)
Navotas, namahagi ng allowance sa Navoteño student-athletes
NAMAHAGI ang Pamahalaang Lungsod ng Navotas ng allowance para sa mga Navoteño student-athletes na sasabak sa Batang Pinoy 2025 na gaganapin sa General Santos City sa 25-31 October 2025. Ayon kay Mayor John Rey Tiangco, ang 96 na delegado ay tumanggap ng P12,500.00 bawat isa at kabilang sa mga sports na kanilang sasalihan ay Arnis, Athletics, Badminton, Judo, Pencak Silat, Swimming, Table Tennis, at Taekwondo. (Richard Mesa)
VOTERS REGISTRATION PARA SA BSKE, SINIMULAN NA
SINIMULAN na ang unang araw ng voter registration para sa 2026 Barangay at Sangguniang Kabataang Elections .
Alas 8 pa lamang ng umaga ay maagang pumila ang mga magpaparehistrong bagong botante sa Luneta Park na isa sa registration sites ng Commission on Elections (Comelec) .
Mahaba ang pila na nangangahulugang marami ang nagnanais na makalahok sa darating na halalang pangbarangayan sa susunod na taon.
Inaasahan naman ng Comelec na aabot sa 1.4 milyon ang mga bagong registrants para sa BSKE elections.
Sinabi ni Comelec Chairman George Erwin Garcia, hindi lamang sa Luneta umarangkada ang voter registration kundi mayroon din sa Parañaque Integrated Terminal Exchange (PITX), Pamantasan ng Lungsod ng Maynila (PLM).
Bukod dito,target ding dalhin ng Comelec ang voter registration sa mga malalayong lugar bilang bahagi ng Special Register Anywhere Program.
Magkakaroon din ng Register Anytime Program, kung saan ilalagay ang registration booths sa mga paliparan, ospital, at call center areas para sa mga nagtatrabaho sa gabi.
Para sa mga magpaparehistro, magdala lamang ng government-issued ID, dahil hindi tatanggapin ang cedula, company ID, barangay ID, o barangay certificate.
Tatanggapin din ang lahat ng uri ng aplikasyon, kabilang ang transfer of registration.
Tatagal ang voter registration para sa BSKE hanggang Mayo 18, 2025, mula alas-8 ng umaga hanggang alas-5 ng hapon, Lunes hanggang Sabado, kabilang ang mga holiday. (Gene Adsuara)
PBBM, mulat sa mga isyung kinakaharap ng hepe ng GSIS- Malakanyang
MULAT si Pangulong Ferdinand R. Marcos Jr. sa kontrobersiyang bumabalot kay Government Service Insurance System (GSIS) President at General Manager Jose Arnulfo “Wick” Veloso at pag-aaralan ang alegasyon bago magdesisyon sa kung anuman ang magiging aksyon.
Sinabi ni Presidential Communications Office Undersecretary at Palace Press Officer Claire Castro na inaasahan na ni Pangulong Marcos ang integridad at pananagutan mula sa lahat ng pinuno mga ahensiya subalit hindi magmamadali o mangunguna sa paghatol nang walang ‘due assessment.’
“Ang alam po natin, ang Pangulo po, ang gusto po niya ay mga taong tumutugon sa kanilang mga obligasyon. Dapat ang pamumuno at tamang leadership ang nais ng Pangulo sa bawat ahensiya,” ang sinabi pa rin ni Castro.
Binigyang diin pa rin ni Castro na ang mga reklamo laban kay Veloso, kabilang na ang akusasyon ng gross mismanagement at non-compliant investments na nagresulta ng P8.8 billion na pagkawala, ay labis na sineryoso.
“Kung mayroon pong mga reklamo sa ngayon, dapat po itong inaaral nang masinsinan. Kung mayroon naman pong basis, tingnan po natin kung anong magiging desisyon ng Pangulo,” dagdag na wika ni Castro.
At nang tanungin kung naipaalam ba sa Pangulo ang panawagan na magbitiw sa puwesto si Veloso, sinabi ni Castro na “Opo, alam niya na po .”
Samantala, nangako naman ang Malakanyang na magbibigay ito ng updates sa oras na makompleto ng Pangulo ang pagrerebisa sa usapin.
( Daris Jose)
PBBM, inanunsyo ang mga plano na ibalik ang landmarks ng Maynila, rehab Pasig River
INANUNSYO ni Pangulong Ferdinand Marcos Jr. na mas maraming proyekto ang pinaplano para maibalik ang
‘landmarks’ ng Maynila.
Nakaayon ito sa nagpapatuloy na pagsisikap ng gobyerno para isaayos ang Pasig River.
Inihayag ito ng Pangulo sa paglulunsad ng Pasig Bigyang Buhay Muli (PBBM) Pasig River Urban Development Project Phase 4 sa Metropolitan Theater sa Maynila.
Sa naging talumpati ng Pangulo, sinabi nito nagkaroon siya ng produktibong miting kay Manila Mayor Francisco “Isko Moreno” Domagoso ukol sa “key projects that will further transform” ang Maynila.
“First is the planned conversion of Intramuros Golf Course into an Open Green Space, providing more breathing room in the heart of the city while at the same time preserving the historic charm of Intramuros,” ayon kay Pangulong Marcos.
Inanunsyo rin ng Pangulo ang pagsasa-ayos ng Plaza Calderon sa Maynila.
“To make the area more walkable, we will enhance the Lawton Underpass to improve pedestrian access to the Esplanade and the entire riverside stretch,” ang sinabi ni Pangulong Marcos.
Winika ng Panglo, ang redevelopment efforts ay bahagi ng “of a larger vision to create a culturally rich urban environment where history, nature, and modern living come together.”
Samantala, para sa Pasig River, inanunsyo ni Pangulong Marcos ang bagong napapanatiling transportation option na maaaring “continue to bring life back to the Pasig River, ang M/B Dalaray.
Inilunsad ng Department of Science and Technology, ang M/B Dalaray ay ang kauna-unahang ‘locally designed and fabricated electric ferry’ ng Pilipinas na na maaaring maglayag sa kahabaan ng Pasig River ng hanggang for up to three hours straight.
“This marks a clear step toward clean mobility and reduced emissions. We are also exploring new technologies that will help clean the river,” ayon kay Pangulong Marcos, tinutukoy ang paggamit ng ClearBot, isang solar-powered, AI-enabled robotic vessel para tumulong sa paglilinis ng Pasig River at esteros.
Ang ClearBot ay isang pilot initiative na nasaliksik sa tulong ng Asian Development Bank and Clear Robotics.
( DARIS JOSE)
Tricycle driver, isinelda sa baril sa Malabon
KALABOSO ang isang tricycle driver matapos damputin ng pulisya dahil sa pagdadala ng hindi lisensyadong baril habang pagala-gala sa lansangan sa Malabon City, kamakalawa ng hapon.
Kinilala ni Malabon Police Acting Chief P/Col. Allan Umipig ang naarestong suspek na si alyas “Arnel”, 38, ng Anonas Road, Brgy. Potrero at nahaharap sa kasong paglabag sa RA 10591 (Comprehensive Law on Firearms and Ammunition).
Sa ulat, nakatanggap ang mga tauhan ng Patrol Base (PB1) ng impormasyon mula sa isang barangay informant kaugnay sa isang lalaki na may bitbit umanong baril habang pagala-gala sa Anonas Road.
Kaagad namang rumesponde sa lugar ang mga tauhan ni Col. Umipig at naaktuhan nila ang naturang lalaki na naglalakad habang may hawak umanong baril.
Maingat nila itong nilapitan saka sinunggaban sabay nagpakilala bilang mga pulis bago kinumpiska ang dalang baril na isang kalibre .38 revolver na kargado ng tatlong bala.
Ayon kay Col. Umipig, walang naipakita ang suspek na kaukulang mga dokumento hinggil sa ligaledad ng nasabing baril kaya inaresto siya ng kanyang mga tauhan. (Richard Mesa)
Mambabatas, nanawagan sa DTI ukol sa kakulangan sa kongkretong aksyon bilang tugon sa panukalang “Keep Call Centers in America Act of 2025”
NANAWAGAN si Cebu Rep. Vincent Franco “Duke” Frasco sa Department of Trade and Industry (DTI) sa kakulangan ng kongkretong aksyon bilang tugon sa panukalang “Keep Call Centers in America Act of 2025,” isang U.S. legislation na nagbabanta sa Business Process Outsourcing (BPO) sector at trabaho ng nasa 1.7 miyong Pilipino, kabilang na ang libong Cebuanos na naka asa sa industriya para sa kanilang kabuhayan.
Sa panukala na kasalukuyang tinatalakay sa U.S. Congress, dini-discourage nito ang offshoring ng call center operations sa pamamagitan ng pagre-require sa American companies na ipaalam sa U.S. Secretary of Labor ang planong paglilipat ng trabaho sa ibang bansa.
Inaatas din ang pagpapalabas sa publiko ng mga kumpanya na naga-outsource, pagdiskuwalipika sa kanila mula sa federal grants o loans ng may limang taon at pagbibigay karapatan sa consumers na mapagsilbihan ng U.S.-based service agents.
Sinabi ni Frasco na sa kabila ng posibleng economic fallout, nagkulang ang DTI na magsagawa ng proactive diplomatic o policy steps para depensahan ang interest ng Pilipinas.
“While the DTI has expressed readiness to assist the BPO sector, to date, it has not initiated formal talks with U.S. counterparts, convened a unified strategy with IBPAP, PEZA, and BOI or issued a clear and time-bound action plan to protect our BPO workers.
Frasco stated. “Given our dependence on the U.S. market, a wait-and-see approach is unacceptable. The livelihoods of millions of Filipino families hang in the balance,” ani Frasco.
Isa ang Philippine BPO industry na may malaking tulong sa ekonomiya, na nagbibigay kita ng nasa US$35 billion kada taon. Nasa 70% ng kliyente ang nagmumuls sa U.S.
Ang Cebu, ay isa sa pinakamalaking outsourcing hubs da labas ng Metro Manila.
“Cebu has become a cornerstone of the country’s outsourcing success,. Our local communities benefit greatly from the jobs, skills development, and opportunities created by the BPO sector. Any disruption caused by this U.S. legislation would have a direct and painful impact on Cebuano workers and families,” dagdag nito.
Sa House Resolution No. 386 fna inihain ni Frasco, hinikayat nito ang (DTI), Department of Foreign Affairs (DFA), Philippine Economic Zone Authority (PEZA), Board of Investments (BOI), at Information Technology and Business Process Association of the Philippines (IBPAP), na agad na magsagawa pakikipag-usap sa a U.S. government upang masiguro ang patuloy na operasyon U.S.-affiliated BPO firms sa bansa.
“The DTI must act with urgency and clarity. The Philippines has long been a trusted and strategic partner of U.S. companies. It is the responsibility of our government to defend that partnership, protect our workers, and safeguard an industry that sustains the livelihood of countless Filipino families, pagtatapos nito. ( Vina de Guzman)