NAGKASUNDO ang mall operators at Metropolitan Manila Development Authority (MMDA) na baguhin ang mall hours ngayong papalapit na ang Kapaskuhan bilang hakbang na maibsan ang inaasahang lalo pang pagbigat ng trapiko sa Metro Manila.

Itinakda ang pagsisimula ng malls operating hours sa Nobyembre 17, alas-11:00 ng umaga hanggang alas-11:00 ng gabi, na epektibo lamang ng weekdays, maliban sa holidays, na tatagal hanggang Disyembre 25.

“The Christmas season brings with it a 10 to 25 percent increase in vehicular volume in Metro Manila roads. By implementing these effective measures, we aim to provide a more manageable traffic flow for the holidays,” ani Artes.

Napagkasunduan na dapat magsumite ang mall operators ng kani-kanilang traffic management plan sa MMDA para sa kani-kanilang mga mall sales at promotional event dalawang linggo bago ang mga nakatakdang petsa ng naturang mga kaganapan. Ang mall-wide sale ay dapat lang isagawa kapag weekends at ang delive­ries ng mnga goods ay dapat sa gabi lamang isagawa simula alas-11:00 ng gabi hanggang alas-5:00 ng umaga.
Sususpendihin naman ang lahat ng road right-of-way excavation activities sa Metro Manila, na kinabibilangan ng road reblocking works, pipe-laying, road upgrading at iba pang excavation works, at exempted sa moratorium ang flagship projects ng gobyerno, DPWH bridge repair and construction, flood interceptor catchment projects, emergency leak repair, at iba pa.

Paiigtingin din ng MMDA ang No Contact Apprehension Policy (NCAP) at clearing operations para mapabuti ang disiplina sa trapiko. (Gene Adsuara)

AYON kay Honorable Councilor Alelee Aguilar Andanar ng Las Pinas, ang public safety ay dapat tutukan lagi para panatag ang loob ng mamamayan. Kaya’t labis ang kanyang pasasalamat sa Philippine National Police Las Piñas for staying on the top of the situation always sa kanilang lugar na kinasasakupan. Makikita sa mga larawan dito ang inyong Konseho at PNP sa loob ng session hall na binabalangkas kung ano ang dapat pang gawin para mapanatili ang kaayusan sa mga lansangan at komunidad sa Las Piñas.
( Boy Morales Sr.)

shares light moments with more than 300 job seekers looking for employment during the local recruitment program held at the city hall compound. The city Public Employment Services Office (PESO) said that at least 30% of job hunters were hired during the event. Aside from local recruitment as requested by partner entities, the city’s recruitment arm conducts a quarterly mega job fair that hires job seekers on the spot. ( Franz Angeles)

PINANGALANAN ng Pamahalaang Lungsod ng Navotas ang labinlimang mahuhusay na Navoteño na hinirang bilang pinakabagong benepisyaryo ng NavotaAs Art Scholarship Program para sa school year 2025-2026.
Pinili ang mga student artist pagkatapos ng mahigpit na proseso ng pagpili na isinagawa ng mga screening committee sa limang disiplina—biswal na sining, musika, sayaw, sining ng teatro, at malikhaing pagsulat.
Ayon kay Mayor John Rey Tiangco, ang programa ay muling pinagtibay ang pangako ng lungsod sa pag-aalaga ng magagaling na mga Navoteño na mahusay hindi lamang sa akademya kundi maging sa sining.
“We continue to see the incredible creativity and determination of Navoteño youth. Each scholar represents the boundless potential of our city’s young generation,” aniya.
“Through the NavotaAs Scholarship Program, we aim to nurture that potential, giving our youth the opportunity to sharpen their craft, share their stories, and inspire others through their art. We are committed to empower dreams and build a community that thrives on talent, passion, and purpose,” dagdag niya.
Ang bawat art scholar ay tatanggap ng ₱16,500 kada academic year para sa transportasyon at allowance sa pagkain, at karagdagang ₱20,000 para sa mga workshop at pagsasanay upang higit na mahasa ang kanilang craft.
Bukod sa art scholarship, nagbibigay din ang lungsod ng tulong pinansyal sa mga mag-aaral na mahusay sa akademya at palakasan, gayundin sa mga gurong nagtapos ng pag-aaral at mga anak o kamag-anak ng Top Ten Most Outstanding Fisherfolk.
Mula nang itatag ito noong 2011, ang NavotaAs Scholarship Program ay sumuporta din sa edukasyon ng higit sa 1,000 mag-aaral at guro, na tumutulong sa pag-angat ng buhay at pagtataguyod ng kahusayan sa iba’t ibang larangan.
“Patuloy nating palalawakin ang mga programa para sa edukasyon at kabataan,” sabi ni Mayor Tiangco. “Dahil ang tunay na layunin ng Navotas ay bigyan ng oportunidad ang bawat Navoteño na maabot ang kanilang pangarap.”
Patuloy na hinihikayat ni Mayor Tiangco ang mga kabataang Navoteño na ituloy ang kanilang hilig at mag-aplay para sa future scholarship opportunities na sumusuporta sa pag-aaral, pagkamalikhain, at personal na paglago. (Richard Mesa)

UMABOT sa mahigit P.1 milyong halaga ng shabu ang nasamsam sa isang bebot na sangkot umano sa pagtutulak ng ilegal na droga nang maaresto ng pulisya sa ikinasang buy bust operation sa Valenzuela City.
Kinilala ni Valenzuela Police Acting Chief P/Col. Joseph Talento ang suspek na si alyas “Jeng-jeng”, 30, residente ng Arkong Bato, na naaresto ng mga operatiba Station Drug Enforcement Unit (SDEU) sa F. Valenzuela St., Brgy. Arkong Bato.
Ayon kay SDEU OIC chief P/LT Sherwin Dascil, bago ang pagkakaaresto nila sa suspek, unang nakatanggap na sila ng impormasyon hinggil sa umano’y illegal drug activities ni “Jeng-jeng”.
Nang magawa ng isa sa kanyang mga tauhan na makipagtransaksyon ng droga sa suspek, agad bumuo ng team si Lt. Dascil bago ikinasa ang buy bust operation sa koordinasyon sa PDEA.
Nang matanggap ang signal mula sa kanyang kasama na nagpanggap na poseur-buyer na positibo na ang transaksyon, agad lumapit ang back-up na operatiba saka inaresto ang suspek dakong alas-8:30 ng umaga.
Nakumpiska kay ‘Jeng-jeng’ ang humigi’t kumulang 20 grams ng hinihinalang shabu na may standard drug price na P136,000, buy bust money na binubuo ng isang tunay na P500 at walong P1,000 boodle money, at P200 recovered money.
Ayon kay P/MSgt. Ana Liza Antonio, nasampahan na ang suspek ng kasong paglabag sa Sections 5 at 11 under Article II ng R.A 9165 o ang Comprehensive Dangerous Drug Act of 2002 sa Valenzuela City Prosecutor’s Office. (Richard Mesa)