MULING binisita ni Pangulong Ferdinand Marcos Jr.,araw ng Biyernes ang “Bayanihan Village,” isang inter-agency project sa San Remigio, Cebu na inilaan para sa mga pamilyang apektado ng magnitude 6.9 earthquake na tumama sa lalawigan noong nakaraang buwan.
Ito ang pangalawang pagbisita ng Pangulo sa lalawigan para personal na i-check ang mga biktima. Ang unang naging pagbisita ng Pangulo ay sa Bogo City noong October 2.
Ang village ay kinabibilangan ng 67 prefabricated modular units, nagsisilbi bilang pansamantalang tirahan ng mga apektadong pamilya hanggang sa sila ay mailipat sa permanent residences, ayon sa Department of Social Welfare and Development Field Office 7 – Central Visayas.
Binisita rin ni Pangulong Marcos ang Family Tents ng DSWD kung saan nakausap nito ang Women and Child-Friendly Spaces ng kampo. Kasama ng Pangulo sina DSWD Secretary Rex Gatchalian at DSWD Field Office VII Regional Director Shalaine Marie Lucero sa nasabing pagbisita.
Kabilang sa pansamantalang mananatili sa village ay ang mga displaced families na ang mga bahay ay totally damaged ng lindol at iyong mga tahanan ay nakatayo sa fault lines o malapit sa sinkhole-prone areas.
Ang completed units ay magsisilbi rin bilang evacuation camps, pangangasiwaan ng DSWD’s Camp Coordination and Camp Management (CCCM) Cluster sa ilalim ng Disaster Response Operations nito.
Ang death toll sa magnitude 6.9 earthquake sa Bogo City, Cebu noong nakaraang September 30 ay tumaas sa 79, ayon sa National Disaster Risk Reduction and Management Council (NDRRMC).
Sinabi rin ng NDRRMC na may 559 katao naman ang nasaktan.
Samantala, tinatayang may kabuuang 747,979 katao o216,947 pamilya sa Central Visayas ang naapektuhan ng lindol. (Daris Jose)
- October 19, 2025 WordPress timezone: Asia/Manila
Current date: October 20, 2025
Current time: October 20, 2025 1:57 AM Ang Diyaryong Pinagkakatiwalaan
Archive for October 18th, 2025
PBBM, muling binisita ang mga biktima ng lindol sa Cebu, ininspeksyon ang modular units
Huwag magpakampante sa tagumpay sa kampanya laban sa online gaming, paalala ng mambabatas
PINAALALAHANAN ng isang mambabatas na huwag magpakampante sa tagumpay sa kampanya laban sa online gaming.
Ayon kay Ako Bicol Partylist Rep. Alfredo Garbin Jr., dapat pa ring maging mapagbantay at ipagpatuloy ang laban sa sugal dala na rin sa posibleng pagbabalik nito kung magiging kampante ang kampanya kontra dito.
Sa ulat, naging matagumpay ang kampanya laban sa online gambling activity.
Iginiit nito na huwag maging kampante dahil sa posibilidad na makapag-adapt o maikutan ng online gamblers at online gaming operators ang batas ukol dito.
“The pushback against online gambling must be seized as an opportunity to work smart and fast to put in place a new and effective law regulating online gambling,” ani Garbin.
Isa ang House Bill 3075 sa limang panukalang batas na inihain sa kongreso na nagsusulong na iregulate ang online gambling sa bansa.
Nasa 24 panukalang batas naman ang nagsusulong sa pagbabawal ng online gambling.
Isa sa nais tugunan aniya ng inihain nilang HB 3075 at HB 1351 ng AKBAYAN Party-list ay ang maraming panganib na dala ng online gambling.
Sa ilalim ng kanilang panukala, dapat magkaroon ng sistema na nagtataglay ng ‘specific mechanisms, measures, and actions’ na ipatutupad ng iba’t ibang regulatory agencies.
“HB 3075 is 17 pages total, including the three pages of its explanatory note. In the 14 pages of the bill proper, I lay out 28 sections, most of which deal with specific regulatory aspects, from the registration of online gambling operators with the SEC and AMLC, to identification of persons prohibited from playing, know your customer requirements, account verification, multi-factor authentication, blocking access to unlicensed online gambling platforms, prohibited content, player banning and exclusion, responsible gaming programs, and rehab for gambling addiction, among others,” saad nito.
Hindi tulad ng ibang online gambling bills na nagbibigay papel sa PAGCOR bilang lead government, ang Department of Information and Communication Technology (DICT) ang magsisilbing lead implementor ng mandato na magpatupad ng rules and regulations.
Ang DICT ay kinakailangan ding konsultahin ang PAGCOR at iba pang regulatory agencies na may jurisdiction sa
online gambling. (Vina de Guzman)
Miyembro ng Makabayan bloc , inilabas ang kanilang SALN bilang tugon sa pagkakaroon ng transparency and accountability
INILABAS na ng mga miyembro ng
Makabayan bloc ang kanilang statement of assets, liabilities and net worth (SALN) bilang tugon sa pagkakaroon ng transparency and accountability.
Matapos nito, hinamon naman ng grupo
sina Presidente Bongbong Marcos, Vice-President Sara Duterte at lahat ng government officials, elected o appointed na gawin ito.
Kabilang sa nagsumite ay sina Gabriela Rep. Sarah Jane Elago at ACT Teachers Rep. Antonio Tinio. (Vina de Guzman)
KONSEHAL NG MAYNILA , 60 NA ARAW NA SUSPENDIDO
SUSPENDIDO ng 60 araw ang isang konsehal sa lungsod ng Maynila matapos siyang ireklamo ng harassment ng kapwa nito konsehal .
Ayon kay Vice Mayor Chi Atienza na siyang presiding officer ng Manila City Council, hindi nila binabalewala ang ganitong klase ng reklamo kung saan naging patas sila sa proseso ng paglalabas ng desisyon sa naturang reklamo laban kay Councilor Ryan Ponce.
Ayon pa sa bise alkalde, naging sapat ang ebidensya ng reklamo ni Councilor Eunice Castro para mapatawan ng parusa ang kapwa konsehal
Ayon kay Atienza, ang naging aksyon ng konseho ay patunay na seryoso ito sa pagpapanatili ng mataas na pamantayan ng asal ng mga halal na opisyal.
“Nais naming ipakita na ang ganitong mga reklamo ay hindi dapat binabalewala,” sabi ng bise alkalde.
Paliwanag pa ni VM Atienza, bagama’t humingi ng paumanhin si Ponce kay Castro, nararapat pa rin siyang patawan ng parusa sa nagawang pagkakamali at para hindi na maulit o gawin ng iba ang nasabing insidente.
Aniya, mananatiling mahigpit ang Konseho sa pagpapatupad ng mataas na pamantayang etikal upang mapanatili ang tiwala ng publiko
Ipinaliwanag naman ni Konsehal Atty. Jaybee Hizon, na namuno sa imbestigasyon, na ang parusang 60-araw ay ang pinakamataas na maaaring ipataw sa ilalim ng internal rules ng konseho.
Dahil nagsimula ang kaso sa isang privilege speech at hindi sa pormal na verified complaint, limitado ang maaaring parusa ng konseho batay sa Local Government Code.
Bukod sa suspensyon, inaprubahan din ng konseho ang reorganisasyon ng lahat ng komiteng kinabibilangan ni Ponce.
Epektibo ang suspensyon labinlimang (15) araw matapos matanggap ni Ponce ang opisyal na abiso. (Gene Adsuara)
DOTr, LTFRB PINASALAMATAN NG PAMILYA NG 2 MOTORCYCLE RIDER NA NASAWI DAHIL SA AGARANG NATANGGAP ANG BAYAD-INSURANCE
NAGPAHAYAG ng taos-pusong pasasalamat ang mga pamilya ng dalawang motorcycle rider na nasawi sa aksidente sa Pasig City kina Department of Transportation (DOTr) Acting Secretary Giovanni Z. Lopez at Land Transportation Franchising and Regulatory Board (LTFRB) Chairman Atty. Vigor D. Mendoza II matapos matanggap ang agarang bayad-insurance kaugnay ng insidenteng naganap noong Oktubre 14.
Sa isinagawang pagpupulong kaugnay ng bayad mula sa Passenger Accident Management & Insurance Agency (PAMI), ikinagulat ng mga kapatid ng mga biktima ang bilis ng proseso, lalo’t dati silang nasabihan na maaaring abutin ng ilang buwan o wala talagang inaasahang bayad batay sa karanasan ng ibang rider.
Ang aksidente ay naganap noong Oktubre 14 at ang bayad-insurance ay naipamahagi noong Oktubre 16 sa pamamagitan ni PAMI President and CEO Bunny Atayde, na kinatawan ng Operations Manager ng kumpanya na si Bong Nocum.
Ayon kay Chairman Mendoza, agad na inatasan ni Secretary Lopez ang LTFRB na iproseso ang insurance ng dalawang biktima, kapwa mga security guard na pauwi mula sa trabaho.
“Agad naming tinulungan ang pamilya ng mga biktima at nagpapasalamat kami sa insurance company sa kanilang pakikiisa upang maipamahagi ang bayad sa lalong madaling panahon,” ani Chairman Mendoza.
Naganap ang insidente sa kahabaan ng Marcos Highway sa Barangay Santolan, Pasig City. Isang pampasaherong jeepney ang nagsasagawa ng U-turn nang bumangga rito ang motorsiklo. Dahil sa lakas ng impact, tumilapon ang dalawang sakay ng motorsiklo at gumulong sa kalsada, na nagdulot ng matinding pinsala sa kanila.
Tumanggap ng P100,000 bawat isa ang dalawang biktima mula sa PAMI, habang nagbigay rin si Chairman Mendoza ng karagdagang P25,000 tulong pinansyal sa bawat pamilya.
Matagal nang isinusulong ni Chairman Mendoza ang mabilis at sapat na bayad-insurance para sa mga biktima ng aksidente sa kalsada, batay sa kanyang sariling karanasan kung gaano kahirap para sa mga ordinaryong mamamayan ang maglabas ng pera para sa gastusing medikal at libing.
“Titiyakin natin na sapat at mabilis ang lahat ng bayad-insurance dahil ito ang bilin ng ating Pangulo,” dagdag pa niya. (PAUL JOHN REYES)
LTFRB rerepasuhin ang mga prangkisa
INUTOS ng bagong talagang chairman ng Land Transportation Franchising and Regulatory Board (LTFRB) na si Atty. Vigor Mendoza sa lahat ng Regional Directors ng ahensiya na magbigay ng mga datos tungkol sa mga prangkisa na binigay ng LTFRB.
Ang nasabing hakbang ni Mendoza ay upang mabigyan ng solusyon ang problema sa transportasyon lalo na sa mga pangunahing lungsod sa bansa. Binigyan ng deadline ni Mendoza ang mga regional directors na magsumite ng mga nasabing datus ng mga aprobadong mga prangkisa at kung ilan ang sa mga ito ay may operasyon pa hanggang ngayon. Ang nasabing deadline ay sa October 19 na.
“We have to get this data so that we can decide properly and appropriately. The Filipino people can be assured of data-based decision making that will benefit millions of commuters,” wika ni Mendoza.
Kamakailan lamang ay sinabi ni Department of Transportation (DOTr) Secretary Giovanni Lopez na masyadong magulo ang sektor ng transportasyon kung kayat pinag-utos niya na dapat ang mga opisyales ng kanyang departamento ay sumakay sa mga pampublikong transportasyon upang magkaroon sila ng karanasan sa hirap ng pagsakay. Kahit isang beses lang sa loob ng isang linggo nila ito gawin sa kanilang pag-pasok sa opisina upang sila mismo ay makapagbigay ng tamang solusyon sa problema sa sektor ng transportasyon.
Sa isang ginawang pag-aaral, sa Metro Manila, ang mga pasahero ay naglalaan ng madaming oras makasakay lamang sa pampublikong transportasyon tulad ng buses at jeepneys.
Hindi lamang sa Metro Manila ito nangayayari subalit sa mga probinsya rin lalo na sa mga lungsod sa Visayas at Mindanao, ayon sa isang ulat. Kung kaya’t sinabi ni Mendoza na ang pagbibigay ng solusyon sa problema ng pagsakay ay kailangan magsimula sa pag-aaral ng mga tamang datos. Mula sa Land Transportation Office (LTO), kung saan si Mendoza ay dating nakatalaga bilang assistant secretary, ay dinala niya ang mga karanasan at kaalaman sa transportasyon upang mabigyan pansin ang mga problema sa pampublikong transportasyon. Isa mga karanasan niya sa LTO ay ang naresolbang problema sa 11-taon backlog sa license plates at kakulangan ng supply ng plastic cards para sa mga driver’s license.
Writ of Kalikasan filed in connection with the harmful effects to the environment of ghost flood control project – 16OCT25
THE Supreme Court en banc issued a resolution dated Sept. 30, 2025 in the case of Atty. Edna Pana, Atty. Antonio Enrile Inton, Jr., et al vs. the Office of the President represented by Ferdinand Marcos, Jr. et al (G.R. No E-02381).
REQUIRE the respondents to comment thereon within 10 days from notice.
A group of lawyers and environmentalists filed on Sept. 11, 2025, a petition for a Writ of Kalikasan with the Supreme Court in connection with the harmful effects to the environment caused by ghost flood control programs.
Also, respondents are ALL project contractors doing and awarded flood control projects.
Atty. Antonio Enrile Inton, Jr. and Atty. Noel Valerio of the ENRILE INTON LAW OFFICES are the lawyers of the petitioners.
(Copy of reso attached.)
=========================================
Atty. Ariel Inton
09178174748
5 tambay, isinelda sa sugal, droga sa Valenzuela
SHOOT sa selda ang limang tambay, kabilang ang dalawa umanong sangkot sa droga matapos maaktuhan ng mga pulis na naglalaro ng illegal na sagul sa magkahiwalay na lugar sa Valenzuela City.
sa kanyang report kay Valenzuela Police Acting Chief P/Col. Joseph Talento, sinabi ni P/MSgt. Carlito Nerit Jr. na habang nagpapatrulya ang mga tauhan ng Karuhatan Police Sub-Station 9 sa kahabaan ng Serrano St., Brgy. Maysan nang maaktuhan nila ang dalawang lalaki na naglalaro ng sugal na ‘cara y cruz’ dakong alas-3:15 ng hapon.
Hindi na nakapalag ang dalawa nang dambahin ng mga pulis at nakumpiska sa kanila ang bet money at tatlong peso-coins na gamit bilang pangara habang ang isang plastic sachet na naglalaman ng hinihinalang shabu ay nakuha kay alyas “Nato”, 24, ng Brgy, Malinta.
Nauna rito, nadakip naman ng rumespondeng mga tauhan ng Ugong Police Sub-Station 8 ang tatlong lalaki nang maaktuhang nagsusugal ng ‘Dice’ sa gilid ng Disiplina Village, Brgy. Ugong.
Nasamsam sa mga suspek ang bet money, at isang dice habang ang isang plastic sachet na naglalaman ng umano’y shabu ay nakumpiska kay alyas “Alwin”, 48, ng Kaybiga, Caloocan City.
Nahaharap ang mga suspek sa kasong paglabag sa PD 1602 o ang Anti-Illegal Gambling Law habang karagdagan pa na kasong paglabag sa RA 9165 o ang Comprehensive Dangerous Drug Act of 2002 ang kakaharapin ni ‘Nato’ at ‘Alwin’. (Richard Mesa)
Malabon LGU, pinalakas ang pagsasanay sa paghahanda sa lindol, iba pang kalamidad
MAS pinalakas pa ng Pamahalaang Lungsod ng Malabon ang kakayahang tumugon sa emerhensiya sa pamamagitan ng komprehensibong pagsasanay sa rescue operations na isinagawa, katuwang ang Makita Tools Philippines.
Kabilang ang Malabon sa mga unang local government units (LGUs) sa Metro Manila na nagsagawa ng “Earthquake Preparedness Orientation”, na pinangasiwaan ng Malabon Disaster Risk Reduction and Management Office (MDRRMO) at Makita Tools Philippines.
Nakatuon ang pagsasanay sa wastong paghawak, operasyon, at pagsagip na mahalaga sa panahon ng mga emerhensiya tulad ng lindol at iba pang kalamidad.
May 260 kalahok na binubuo ng mga tauhan ng pamahalaang lungsod, mga opisyal ng barangay, at mga mag-aaral ang dumalo sa demonstrasyon ng Makita Tools PH kung paano gamitin ang mga kagamitan sa pagsagip tulad ng mga cordless power cutter, chain saws, recipro saws, metal cutter, flashlight, tripod lights, LED work lights, rebar cutter, rotary hammers, warmer cooler, at cordless fan.
“Malabueños, ang kaligtasan ng bawat buhay sa bawat tahanan ay mahalaga — at ito po ang ating pangunahing prayoridad, lalo na matapos ang mga napabalitang lindol sa iba’t ibang bahagi ng bansa. Para sa atin, ano mang kalamidad ay seryosong bagay at dapat pagtuunan ng pansin. Tayo ay patuloy na naghahanda upang masiguro ang kapakanan ng bawat Malabueno,” ani Mayor Jeannie Sandoval.
“Ang programang ito ay napapanahon dahil sa panahon ng pangangailangan, dapat ay handa tayong tumulong,” dagdag niya.
Pinuri ni Mayor Jeannie ang Makita Tools Philippines at ang pamahalaang lungsod na unang LGUs na nagpatupad ng isang programa na nagbibigay ng hands-on na karanasan sa paggamit ng mga power tool at espesyal na kagamitan sa pagsagip.
Binigyang-diin naman ni City Administrator Dr. Alexander Rosete, na ang inisyatibang ito ay pangako ng Malabon sa pagbuo ng disaster-resilient community sa pamamagitan ng pakikipagtulungan sa pribadong sektor.
“We want our responders to be fully prepared and trained to handle any situation during disasters. This collaboration with Makita Tools Philippines is a big step toward ensuring the safety and readiness of every Malabueno,” aniya. (Richard Mesa)
Hunger rate bababa sa katapusan ng 2025 – Pangulong Marcos
UMAASA si Pangulong Ferdinand Marcos Jr. na patuloy na bababa ang ‘hunger rate’ sa bansa hanggang sa matapos ang taon.
“Palagay ko, pagkatapos ng taon makikita natin mas mababa pa, dahan-dahan po na natutupad po ang pangarap po ng inyong Pangulo, ang pangarap ng lahat ng Pilipino na wala nang pamilyang ginugutom dito sa atin,” pahayag ng Pangulo sa ginanap na Kumustahan sa mga benepisyaryo ng Walang Gutom program.
Paliwanag ni Marcos, ang Walang Gutom program ay naging instrumento sa pagbaba ng hunger rate sa bansa simula nitong Marso sa 41.5% kumpara sa 48.7% noong Oktubre 2024.
Dahil din aniya sa programa, bumaba na rin ang gutom sa household beneficiary.
Sa ilalim ng Walang Gutom program, ang mga benepisyaryo ay ginagabayan sa pagpili ng bibilihing pagkain at ibibigay sa kanila ang isang resibo matapos na mag check out sa isang kiosk.
Hindi naman kailangan na ubusin ng benepisyaryo ang P3,000 credit at mas mabuti na i-maximize ang nasabing halaga dahil ang layon nito ay tugunan ang zero hunger.