KUMPIYANSA si Vice President Sara Duterte na hindi siya madadawit sa di umano’y corruption scandal na may kinalaman sa flood control projects, kahit pa akusahan siya ng ilang grupo at pilit na isinasangkot siya at ang kanyang political allies sa kontrobersiya.Sa isang press conference sa Kamuning Bakery Cafe sa Quezon City para sa World Pandesal Day celebration, sinabi ni VP Sara na habang inaasahan niya ang pagtatangka na hilahin siya sa isyu dahil kaalyado niya si Senator Bong Go at dating Pangulong Rodrigo Duterte, walang basehan para iugnay siya sa di umano’y anomalya.“Sigurado ako hindi aabot sa akin ‘yung flood control scandal,” ayon kay VP Sara.Tinukoy pa rin ni VP Sara na wala ni isa man sa Office of the Vice President o Department of Education —na kanyang pinamunuan hanggang Hulyo ang humawak ng flood control projects.“Kasi unang-una, wala namang flood control projects sa OVP o Department of Education. At nakasabi naman talaga ang mga contractors, ilan si Sec. (Manuel) Bonoan, wala talaga akong project at all sa DPWH,” anito.Aniya pa, sa kabila ng kanyang high-profile position, hindi siya kailanman nakibahagi sa anumang dealings na may kinalaman sa nasabing proyekto.“Hindi ako sumasali sa ganyan,” giit nito.Gayunman, naniniwala naman si VP Sara na may ilang partido ang pilit na nagtatangka na idawit siya sa usapin para sa politikal na dahilan.“Kung aabot ba sa akin? Sa tingin ko susubukan nilang paabutin sa akin dahil sa kaalyado ni dating Pangulong Duterte si Sen. Bong Go. Doon siguro nila gagawan ng kwento—‘yun ‘yung part na ako, si PRRD sa gitna, at si Sen. Bong Go sa kabilang side,” aniya pa rin.At sa tanong kung sa tingin niya ay pipilitin ng mga imbestigador na idawit siya at ang kanyang ama na si dating Pangulong Rodrigo Roa Duterte, ang tugon ni VP Sara ay “Oo, at saka sa akin.”( Daris Jose)
- October 19, 2025 WordPress timezone: Asia/Manila
Current date: October 20, 2025
Current time: October 20, 2025 5:05 AM Ang Diyaryong Pinagkakatiwalaan
Archive for October 17th, 2025
Mason Thames and Madeleine McGraw are fearless survivors in “Black Phone 2”
FOUR years after his escape from the clutches of The Grabber, Finn (Mason Thames) carries the trauma of the ordeal with him.
In Black Phone 2, Finn, along with his sibling Gwen (Madeleine McGraw) relive the nightmare. Writer-producer Robert C. Cargill explains how they want to unpack Finn’s burden as a survivor and how it’ll play into the sequel. “Finn went through something horrific, and while he came out of it strong, the weight of what happened has not left him,” writer-producer C. Robert Cargill says.
“He is haunted by the Grabber. He sees him everywhere, and he is using drugs to try to numb the fear. He wants nothing to do with the spirits, with the phone, with any of it. He is trying to shut it all out and live in denial. So, as Gwen starts uncovering this new mystery, Finn is doing everything he can to stay out of it. But of course, life does not let you run forever. Eventually, he will have to face what he has been avoiding.”
Watch the trailer: https://youtu.be/Z6lUhk0ewr0
In Black Phone 2 sees Finn and Gwen revisiting their nightmare as The Grabber vows vengeance from beyond the grave. Gwen starts to see visions of an eerie winter camp, along with three boys being stalked by The Grabber. Determined to end the cycle of pain, the siblings set off to confront a killer who has grown stronger in death.
Thames, returning to from his breakout role in the first film, aims to portray a Finn who has grown more experienced and complex.
“In this film, we see that Finn has changed,” Thames says.
“He has been holding all this anger inside, and he is not the same kid we met in the first movie. Back then, he was already complex, but now he is even more layered. Instead of facing his trauma, he smokes weed to cope. The moment he feels any of that PTSD creeping in, he shuts it out. This film becomes a question of whether he is ready to confront the Grabber again or keep running from him.”
Madeleine McGraw also returns to take on the role of Finn’s younger sister. Haunted by chilling visions, she’s left feeling isolated and anxious about a growing sense of danger.
“In the first film, we hinted that the kids inherited different parts of their mother’s abilities of speaking with the dead and having prophetic dreams,” writer-producer C. Robert Cargill says.
“Gwen got the dream side of it. She can glimpse the future and communicate with the dead through her dreams. Finn, meanwhile, has the ability to hear the dead through the phone, but in this film, he is trying to shut it all out. He is numbing himself and refusing to engage with his ability, but Gwen is embracing hers. She is exploring it, evolving and growing stronger. By the end, she is not just receiving messages, she’s communicating back, asking questions, controlling her dreams, even interacting with spirits inside them.”
McGraw also wanted to transform her performance for Black Phone 2, understanding that Gwen has changed after the events of the previous film.
“One of the most exciting parts of this film was exploring Gwen’s dreams and how much she has changed,” McGraw says.
“In the first movie, she was fiery and fearless. Now she feels like an outcast. She is beaten down, getting bullied at school and carrying a lot of pain. It was harder to get into her head this time. In the first film, our personalities were alike. Now, we are kind of opposites. She has become quiet and introverted, and I am more extroverted. But that made it even more interesting to explore who she is becoming.”
Horror returns as Black Phone 2 is now showing in Philippine cinemas. Follow Universal Pictures PH (FB), UniversalPicturesPH (IG), and UniversalPicsPH (TikTok) for the latest updates.
(ROHN ROMULO)
Pinagkaguluhan na pagdating pa lang sa airport: MARIAN, reynang-reyna sa pagrampa sa fashion event sa Vietnam
LUMIPAD nga papuntang Ho Chi Minh City, Vietnam, noong Martes, Oktubre 14, 2025, si Primetime Queen Marian Rivera para rumampa bilang star model ng fashion event ng Vietnamese luxury fashion house.
Sa IG post ni Marian bago umalis ng bansa, “On October 15, I’ll be the vedette of Hacchic Couture’s “Lunar Fracture” Collection at The Art of Harmony.”
Pinagkaguluhan ng mga tagahanga ng Vietnam si Marian nang dumating sa Tan Son Nhat International Airport, kung saan may pinagbigyan siya na mag-selfie at mag-autograph. Damang-dama ang kasikatan ng aktres sa naturang bansa.
Pagkatapos nito ay agad ding bumisita rin si Marian sa Hacchic Couture boutique.
Sa sumunod na Instagram post ng beautiful wife ni Dingdong Dantes, nagpahayag ito ng kanyang taos-pusong pasasalamat sa Hacchic Couture: “Thank you so much, @hacchic_couture, for the warm welcome I’m truly touched by your love.
“All the gowns are so beautiful, elegant, and sophisticated. Grateful to be part of such a special event.”
Makikita nga ang pagrampa ni Marian na suot ang isang bonggang wedding dress, kasama ang iba pang modelo. Litaw na litaw nga ang kagandahan niya at para talaga siyang isang diosa o reyna, na labis na ikinatuwa ng kanyang mga tagahanga.
***
VP Sara Duterte, nakiisa sa ‘World Pandesal Day’
IDINAOS noong Oktubre 16, ang taunang pagdiriwang ng “World Pandesal Day” sa 86 na taon na Kamuning Bakery Cafe sa Barangay Kamuning, Quezon City. Ipinagdiriwang ng minamahal na tradisyong ito ang paboritong tinapay ng bansa habang binibigyang-diin ang agarang pangangailangan na tugunan ang lumang problema ng kagutuman, na angkop na umaayon sa “World Food Day” ng United Nations.
Ang kaganapan ay nagbigay ng 100,000 piraso ng libreng mainit, malambot na pandesal at iba pang pagkain tulad ng keso, ham, juice, kape, atbp. na libre sa publiko. Kasama sa mga tatanggap ang mga guro at estudyante ng pampublikong paaralan, mga ampunan, atbp.
Ang civic at cultural event ngayong taon ay pinangunahan ni Vice President Sara Duterte. Ang Kamuning Bakery Cafe ay may tradisyon ng pagho-host ng mga kilalang pinuno; itinampok sa pagdiriwang noong nakaraang taon sina Senators Imee Marcos at Ping Lacson, kasama ang mga dating bisita kasama sina Pangulong Bongbong Marcos, dating Bise Presidente Leni Robredo, at Chief Justice Maria Lourdes Sereno.
Ibinahagi ng may-ari ng Kamuning Bakery Cafe na si Wilson Lee Flores na isa sa kanyang inspirasyon para sa “World Pandesal Day” ay ang Biblikal na kuwento ng pagpaparami ni Hesus sa donasyon ng isang batang lalaki ng limang tinapay at dalawang isda para pakainin ang libo-libo.
Inihayag din ni Wilson Lee Flores na bilang bahagi ng pangako ng Kamuning Bakery Cafe na mag-donate ng isang pampublikong paaralan sa kanayunan taun-taon, mangangako sila na mag-donate ng bagong pampublikong paaralan sa rehiyon ng Davao na kamakailan ay tinamaan ng lindol at hihilingin nila sa tanggapan ni Vice-President Sara Duterte na magrekomenda kung aling lugar.
Ang kabutihang-loob ng “World Pandesal Day” ay lumampas sa isang kaganapan. Bilang ikalawang bahagi ng pagdiriwang, ang Kamuning Bakery Cafe ay gaganapin ang taunang LIBRENG Medical, Dental at Optical Mission sa Linggo, Oktubre 26, mula 8 AM hanggang 12 Noon, sa pakikipagtulungan ng Chinese General Hospital at Medical Center.
Matatagpuan ang Kamuning Bakery Cafe, Judge Jimenez Street corner K-1st Street, Brgy. Kamuning, Quezon City.
Kabilang sa iba pang civic projects na pinamumunuan ng may-ari ng bakery, realty businessman, at manunulat na si Wilson Lee Flores ang taunang donasyon ng rural public school buildings sa mga nakalipas na taon, ang non-partisan Pandesal Forum, at ang taunang pagdiriwang ng “World Poetry Day” sa Marso 21.
(ROHN ROMULO)
Iwas muna sa gulo ng showbiz at pulitika: NADIA, binalikan ang pagluluto at magba-bazaar na rin
DAHIL sa unang pagkakataon ay magkakasama sila ng mga magulang nilang sina Zoren Legaspi at Carmina Villarroel sa GMA series na ‘Hating Kapatid’ ay natanong ang Legaspi twins na sina Cassy at Mavy Legaspi kung may pressure ba silang nadarama sa pagsasama nilang ito ng buong family nila sa isang show?
Lahad ni Cassy. “For me, I’m very, very grateful na, you know, my parents give us the space to work talaga as professionals and not as a like, ‘I’m really gonna teach them or guide them na super, super hands-on’.
“Parang they let us be, they let us fly!
“And parang at the same time, I try to put at the back of my mind na, okay, lahat tayo dito artista, this is a professional setting.
“But siyempre at the back of my mind, may pressure and kinakabahan din ako na, ‘Oh my goodness, I’m working with my parents!’
“So parang may pressure din sa likod ng utak ko, but you know, I try to remain calm na, ‘Okay, basta professional tayo’.
“Yeah, I just try to remain calm and professional. But you know, at the end of the day I’m very thankful na they let us be, they let us grow as artists.”
Para naman kay Mavy, “Ako naman po, wala namang negative thoughts or pressure dahil coming into this show, 16 years old pa lang kami ni Cassy, they let us out of that cage, and they let us fly, you know.
“So just coming into this show, alam ko na may freedom kami ni Cassy to act and to be professional also and I also believe in the capabilities of Team Legaspi, na we’re very professional.
“So doon ako grateful because we actually respect each other’s boundaries and at the same time, we treat each other as co-actors.
“Pero siyempre hindi nawawala yung we treat each other as family also. But at the end of the day, lahat kami, we’re just giving our best and I know that every time we step on the set, na lagi kaming prepared and we’re ready to give you guys a show.”
Napapanood ang ‘Hating Kapatid’ sa GMA Afternoon Prime, 2:30 pm mula Lunes hanggang Biyernes.
***
MALAYO sa gulo ng showbiz at pulitika, binalikan ni Nadia Montenegro, sa pamamagitan ng kanyang Cucina Ni Nadia, ang ilan sa mga passion niya, at ito ay ang pagkain at pagluluto.
Bukod sa catering business, pinasok ni Nadia ang mundo ng pagba-bazaar sa pamamagitan ng Gyud Food CELEBRITY CHRISTMAS BAZAAR!
Aniya, “We’ve got exciting activities, performances, and challenges lined up to make your weekend extra fun and unforgettable! Don’t miss the holiday magic. Be ready to shop, eat, and celebrate with us,” sinabi ni Nadia.
Matatagpuan ito sa UP Diliman Gyud Food (2nd Floor) at magbubukas araw-araw mula 10:00 am – 8:00 pm.
Lahad pa ni Nadia, “We are accepting dry products only: packed & bottled food/drinks, brand-new & pre-loved clothes, appliances, gadgets, frozen goods, jewelry, toys, and more! All packages include: table & chair, event acknowledgment, onsite promotion at FREE Social Media Marketing.”
Ang bazaar dates ay sa November: 14, 15, 16, 21, 22, 23, 28, 29, 30 at December: 5, 6, 7, 12, 13, 14.
Para sa mga inquiries at bookings ay mag-DM sa Facebook at Instagram na @cucinaninadia at @lo.caeventsph o kumontak sa 0906-445-5270.
Ang event ay spearheaded ng Cucina ni Nadia at inorganisa ng Lo.Ca Events at may hashtag na #gyudfood
(ROMMEL L. GONZALES)
Magpapaka-daring sa serye nila ni Paulo: KIM, bagay na i-remake ang ‘Burlesk Queen’ ni VILMA
NAG-LEVEL UP na si Kim Chiu sa kanyang pagiging actress.
Sa bagong teleserye nila Paulo Avelino na “The Alibi” ay gagampanan ni Kim ang isang bar dancer na mai-involve sa character ng aktor.
Makakabanggaan ng tsinitang aktres sa serye si Sofia Andres.
In all fairness, trailer pa lang ng “The Alibi” ay makikita na bagay kay Kim ang kanyang role at mo-convince ka talaga na dancer sa club, na gumigiling sa pagsasayaw at paghubad ng bra na ikinaiinit ng katawan ng male customers.
Siyempre bago mag-umpisang mag-taping si Kim, ay inaral muna nito ang kanyang character. At yes, dagdag factor na rin yung mahusay sumayaw ang Kapamilya actress kaya she gave justice to her role. Saka eversince ay malakas talaga ang chemistry nina Kim at Paulo.
Ayon naman sa netizens, bagay raw kay Kim na mag-remake ng 1977 movie ni Vilma Santos na “Burlesk Queen.”
Nakatakdang ipalabas ang “The Alibi” ngayong November 7 sa Prime Video.
***
HAWAK pa lang siya noon ng talent manager at recording artist na si Baltazar ay kilalang mahusay na performer na itong si Gabriela.
Ang singer na hawig ang boses kay Bonnie Tayler at sumikat sa kantang kinompos ng hit maker na si Vehnee Saturno na “Natatawa Ako” na kanyang naging signature song.
At infairness kay Gabriela kapag naiimbitahan siya sa fiesta at mga out-of town shows ay dinudumog talaga siya ng mga tao, na majority ay kanyang fans.
At bukod sa magandang boses na nakakanta ng iba’t-ibang genre o any type of songs, ay husay-husay rin nitong magpatawa ng kanyang audience.
Dahil total performer, ay hanggang ngayon ay napaka-indemand pa rin ni Gabriela, sa kaliwa’t-kanang shows na madalas ay sa mga music bar.
Pino-promote pa rin niya ang 2024 single na “Iyi-iyak Ko Na Lang” na sagot raw ng maganda at sexy singer sa hit song na “Natatawa Ako”.
(PETER S. LEDESMA)
PBBM, ikinasa na ang electronic vouchers para sa mga Walang Gutom beneficiary
INILUNSAD na ni Pangulong Ferdinand R. Marcos Jr., araw ng Huwebes ang electronic food vouchers para sa 750,000 beneficiary ng Walang Gutom Program (WGP), layon nito na palakasin at palakihin ang anti-hunger campaign ng gobyerno.
Sa nasabing paglulunsad ng Reducing Food Insecurity and Undernutrition with Electronic Vouchers (REFUEL) Project sa San Andres Sports Complex sa Maynila, winika ni Pangulong Marcos na tutulong ang gobyerno sa mga benepisaryo ng WGP sa paggamit ng digital vouchers.
“Patuloy ang ating pagbigay ng tulong sa ating mga kababayan na nangangailangan ng tulong,” ang sinabi ng Pangulo.
“Palagay ko pagkatapos ng taon, mas bababa po. Dahan-dahan pong natutupad ang pangarap ng inyong Pangulo, ang pangarap po ng bawat Pilipino na wala ng pamilyang nagugutom,” aniya pa rin.
Sa kabilang dako, katuwang ng Department of Social Welfare and Development (DSWD) ang Asian Development Bank (ADB) sa pag- roll out ng monthly electronic food vouchers, naglalayon na palawakin ang saklaw ng WGP sa 750,000 sambahayan sa buong bansa sa 2026.
Ang WGP ay magbibigay ng buwanang P3,000 electronic food credits sa mga low-income household.
Samantala, ang P74-billion REFUEL Project, isang government-led initiative na sumusuporta para palakihin ang WGP, ay pinondohan sa pamamagitan ng loan mula sa ADB at co-financed ng Agence Française de Développement at Organization of the Petroleum Exporting Countries – Fund for International Development.
Ang bagong lunsad na programa ay aglalayon na suportahan ang misyon ng WGP na bawasan ang pagkagutom at paghusayin ang nutrisyon mula 2025 hanggang 2028 sa pamamagitan ng ‘food support, behavior change sessions, at mas malakas na social protection systems.’
Sinabi naman ni DSWD Secretary Rex Gatchalian na ang paglulunsad ng REFUEL Project ay tanda ng panibagong milestone sa pagsisikap ng ahensiya na baguhin ang food assistance programs at tiyakin na ang bawat pamilyang filipino ay mayroong access sa masustansiya at abot-kayang halaga ng pagkain.
“This partnership with the Asian Development Bank reflects President Marcos Jr. and the DSWD’s vision of a Philippines where no one goes to bed hungry. Through the REFUEL Project, we are expanding the reach and impact of the Walang Gutom Program so that more families can have access to nutritious food,” ayon sa Kalihim.
“The REFUEL Project reflects our joint commitment to design evidence-based, sustainable programs that respond to the needs of Filipino families and promote inclusive growth,” aniya pa rin.
( Daris Jose)
PNP CHIEF ACORDA bilang PAOCC UNDERSECRETARY, nanumpa na sa harap ni PBBM
PINANGUNAHAN ni Pangulong Ferdinand R. Marcos Jr., araw ng Huwebes ang swearing-in rites para kay dating Philippine National Police (PNP) chief, retired General Benjamin C. Acorda Jr., na nanumpa sa tungkulin bilang undersecretary ng Presidential Anti-Organized Crime Commission (PAOCC) sa Palasyo ng Malakanyang.
Pinalitan ni Acorda si PAOCC Executive Director Undersecretary Gilbert Cruz,
Matatandaang, itinalaga ni Pangulong Marcos si Acorda bilang hepe ng PNP mula April 2023 hanggang March 2024.
Naging miyembro ng Philippine Military Academy Sambisig Class of 1991, Nagsilbi si Acorda bilang director ng PNP Directorate for Intelligence bago pa itinalaga bilang PNP chief.
Si Cruz, dating Philippine National Police Academy (PNPA) chief, ay itinalaga bilang PAOCC Undersecretary noong January 2023.
Nilikha sa ilalim ng Executive Order No. 295 noong 2000, ang PAOCC ay inatasan na i-adopt ang hakbang para masiguro ang isang epektibo at episyenteng anti-crime drive at matukoy at malitis ang criminal groups at kanilang mga protektor sa gobyerno sa pamamagitan ng episyenteng ‘intelligence at counterintelligence efforts.’
Bilang nakaayon sa direktiba ni Pangulong Marcos para sa nationwide ban, ang PAOCC sa ilalim ni Cruz, pangungunahan ang paglansag sa Philippine offshore gambling operations (POGO) bunsod ng sunud-sunod na human trafficking at iba pang criminal activities. ( Daris Jose)
DBM, aprubado ang pagpapalabas ng P3.39-B PBB para sa 225K PNP personnel
INAPRUBAHAN ng Department of Budget and Management (DBM) ang pagpapalabas ng P3.39 bilyon para bayaran ang 2023 Performance-Based Bonus (PBB) ng 225,545 kuwalipikadong opisyal at tauhan ng Philippine National Police (PNP).
Sinabi ng DBM na ang bawat isang kuwalipikadong PNP official at personnel ay makatatanggap ng PBB na may katumbas na 45.5% ng kanilang monthly basic salary, ‘as of Dec. 31, 2023.’
“Those in the First, Second, and Third Levels must have achieved at least a ‘Very Satisfactory’ rating under the Civil Service Commission-approved Strategic Performance Management System or the equivalent rating required by the Career Executive Service Board,” ang sinabi ng DBM.
Ang aprubadong budget para sa 2023 PBB para sa mga PNP officials at personnel ay huhugutin mula sa Miscellaneous Personnel Benefits Fund sa ilalim ng Republic Act 12116 o 2025 General Appropriations Act.
Ang pagbabayad ng insentibo ay pagsunod sa Final Eligibility Assessment Report na may petsang Sept. 16, 2024, mula sa Administrative Order No. 25 Inter-Agency Task Force, na nagkumpirma sa eligibility ng PNP para sa pagkakaloob ng bonus.
Winika ni Budget Secretary Amenah Pangandaman na ang bonus ay ‘small token’ kumpara sa araw-araw na sakripisyo ng tinatawag na “men and women of the police force”, na nahaharap sa panganib at walang pag-aalinlangan na panatilihing ligtas ang publiko.
“Our police officers are among the pillars of our nation. They stand at the frontlines of peace and order every single day. We see their hard work and dedication, so we are making sure they receive what is rightfully due to them,” ang sinabi ni Pangandaman.
Aniya pa, ang pinakahihintay na insentibo ay makapagbibigay ginhawa sa mga pamilya ng mga police officers, tumulong na palakasin ang kanilang household budgets, bayaran ang tuition ng kanilang mga anak at para sa kanilang daily necessities.
“Through this release, we not only recognize their service but also reaffirm our commitment to a government that rewards performance and accountability,” ayon pa rin sa Kalihim. ( Daris Jose)
Bukas na sa publiko: Deliberasyon ng Bicam budget, ila-livestream
SA KAUNA-UNAHANG pagkakataon ay ila-livestream o bubuksan sa publiko ang napipintong deliberasyon ng bicameral conference committee (bicam) sa 2026 national budget.
Layon nito na mapigilan ang ‘last-minute insertions at backroom ng “small committee” deals na nahaluan na ng kontrobersiya.
Sa press conference, binigyang diin ni Pangulong Marcos na “The bicam is supposed to be a public hearing… So, now it will be all out in the open.”
Aniya pa, ang lahat ng appropriations na sumasalamin sa kasalukuyang bersyon ng General Appropriations Bill (GAB) na ipinasa ng Mababang Kapulungan ng Kongreso ay naka- aligned sa National Expenditure Program (NEP) ng Ehekutibo.
“As far as we’ve been able to examine, there are no projects or items outside the socio-economic development plan,” ayon sa Pangulo.
“Kung saan pupunta yung FMR [farm-to-market roads], kung saan pupunta yung school buildings — all of these are part of the general plan,” aniya pa rin.
Winika pa ng Chief Executive na masusing babantayan ng ehekutibo ang ang natitirang hakbang sa budget process — kabilang na ang Senate deliberations at bicam, ipagkakasundo ang magkakaibang bersyon mula sa dalawang Kapulungan ng Kongreso.
Sinabi pa ng Pangulo na nakausap na niya sina Senate President Vicente Sotto III at House Speaker Faustino Dy III sa kasunduang i- broadcast ang buong proceedings.
Samantala, sinabi naman ni Budget Undersecretary Goddes Hope Libiran, “As far as we know, (this is) first time in history ito. Because usually, Bicam proceedings are held by Congress nang (in) closed-door. The executive is not part of it. So we fully support it that it will be livestreamed now.” ( Daris Jose)
MAG-ASAWANG DISCAYA, BINALAAN NI DPWH SEC VINCE DIZON
NAGBABALA si DPWH secretary Vince Dizon sa mag-asawang Discaya na mas matinding kahihinatnan kung itutuloy nila ang kanilang desisyon na huminto sa pakikipagtulungan sa imbestigasyon ng ICI ukol sa flood control anomaly ng pamahalaan.
Ang balala ni Dizon ay matapos ihayag ng kampo ng mga Discaya sa Independent Commission for Infrastructure (ICI) na hindi na sila makikipagtulungan sa gobyerno kaugnay sa imbestiagsyon ng katiwalian sa proyekto na mga substandard, hindi tapos at mga ghost projects.
Kabilang ang kumpanya ng mag-asawang Discaya sa top 15 na na-awardad ng flood control projects ng gobyerno.
Samantala, nagsagawa ang ICI ng kanilang Asset Recovery Meeting kabilang si Dizon, Customs Commissioner Ariel Nepomuceno gayundin ang iba pang opisyal mul sa DOJ, DICT, AMLC at iba pa.
(Gene Adsuara)