MAAARING mabawi ng pamahalaan at ng mga taxpayer ang paunang P26 bilyon mula sa flood control ghost projects sa pagitan ng 2023 at 2025 na may halagang P629 bilyon, kung isasauli ng mga sangkot ang 80% ng nakulimbat kapalit ng pinaikling sentensya sa kulungan, ayon kay Senate President Pro Tempore Panfilo Lacson nitong Sabado.

Sinabi ni Lacson na ‘retribution plus restitution” ang dapat na maging formula ng pamahalaan sa paghabol sa mga opisyal at kontraktor na sangkot sa mga maanomalyang flood control at iba pang infrastructure projects.

A simple extrapolation using the initial finding of 421 contracted ghost flood control projects out of the 8,000 (5.26%) so far inspected by the AFP/PNP/DepDev composite team as standard, with an aggregate total amount of at least P629-B worth of flood control CONTRACTED projects in 2023-2025, if all those responsible – contractors, politicians and Department of Public Works and Highways officials – will return just 80% of their loot, after a plea bargaining agreement in exchange for shortened jail terms, easily the Filipino people can recover at least P26 billion,” ani Lacson.

Nguni’t iginiit ni Lacson na nakadepende pa rin ito sa political will ng mga nagsasagawa ng imbestigasyon – kabilang ang Independent Commission for Infrastructure, Ombudsman, Department of Justice at hudikatura.

Sa panayam sa DZMM, ipinunto ni Lacson na bagama’t maaaring gawin ang plea bargaining, hindi ito maituturing na kompromiso.

“Pero wala pang compromise kasi pinag-uusapan dito restitution plus retribution. Di naman puwedeng restitution lang libre na sila, napaka-unfair naman noon,” dagdag niya.

Aniya, maaari ring gamitin ng mga kaukulang ahensiya ang parehong formula sa paghawak ng iba pang anomalya sa mga proyekto tulad ng farm-to-market roads, school buildings, at multi-purpose buildings.

Diin din ni Lacson, dapat gawing inspirasyon ng gob­yerno sa laban nito kontra korapsyon ang patuloy na galit ng publiko sa mga anomalya. ( Daris Jose)

LAGLAG sa selda ang 26-anyos na kelot na tirador umano ng mga personal na gamit sa loob ng mga nakaparadang sasakyan nang maaktuhan ng mga pulis sa Valenzuela City.

Kinilala ni Valenzuela Acting Police Chief P/Col. Joseph Talento ang naarestong suspek na alyas “Mark”, residente ng Gen. Trias, Cavite.

Sa ulat, nakatanggap ng ulat ang mga tauhan ni Col. Talento na may armadong lalaking paikot-ikot habang sinisilip ang loob ng mga nakaparadang sasakyan sa bakanteng lote sa Encarnacion St. Brgy. Marulas.

Kaagad rumesponde sa lugar ang mga tauhan ni P/Capt. Robin Santos, hepe ng Station Investigation and Detective Management Branch (SIDMB) at naaktuhan pa nila ang suspek na sinisilip ang loob ng mga nakaparadang sasakyan.

Gayunman, nang mapansin ng suspek ang presensya ng mga pulis, biglang sumakay sa motorsiklo at humarurot patakas hanggang sumemplang nang mawalan ng kontrol na dahilan para magtamo siya ng mga sugat sa ulo at kamay.

Dahil dito, naaresto ang suspek ng mga tauhan ni Capt. Santos at nakumpiska sa kanya ang walang papeles na kalibre .45 pistola na may limang bala sa magazine.

Wala ring maipakitang driver’s license ang suspek at certificate of registration ng kanyang motorsiklo, pati na ng official receipt, kaya’t inimpound ito ng mga puli.

Nahaharap ang suspek sa mga kasong paglabag sa Article 151 ng RPC (Resistance and Disobedience to a Person in Authority or the Agents of Such Person), R.A 10591 (Comprehensive Firearms and Ammunition Regulation Act), at R.A. 4136 (Driving without License). (Richard Mesa)

BALIK-SELDA ang isang lalaki na tulak ng ilegal na droga matapos makuhanan ng mahigit P.3 milyong halaga ng shabu nang kumagat sa ikinasang buy bust operation ng pulisya sa Valenzuela City.

Sa kanyang ulat kay Valenzuela Police Acting Chief P/Col. Joseph Talento, kinilala ni Station Drug Enforcement Unit (SDEU) OIC Chief P/Lt. Sherwin Dascil ang naarestong suspek na alyas “Jun”, 44.

Ayon kay Lt. Dascil, dakong alas-5 ng madaling araw nang maaresto nila ang suspek sa kahabaan ng Plastic City Avenue, Brgy., Viente Reales na dati na rin umanong nakulong dahil din sa ilegal na droga.

Bago aniya ang pagkakaaresto sa suspek, nakatanggap sila ng impormasyon hinggil sa umano’y ilegal drug activities ni alyas Jun kaya ikinasa nila ang buy bust operation sa koordinasyon sa PDEA.

Nang matanggap ang hudyat mula sa isa nilang kasama na nagpanggap na poseur-buyer na positibo na umano ang transaksyon, agad lumapit ang back-up na operatiba saka sinunggaban ang suspek.

Nakumpiska kay alyas Jun ang humigi’t kumulang 55 grams ng hinihinalang shabu na may estimated street value na P374,000, buy bust money na isang tunay na P500 bill at pitong P1,000 boodle money, driver’s license, sling bag at P200 cash.

Ayon kay SDEU investigator P/MSgt. Ana Liza Antonio, isinalang na ang suspek sa inquest proceedings sa Valenzuela City Prosecutor’s Office kaugnay sa kakaharapin niyang kaso na paglabag sa Sections 5 at 11 sa ilalim ng Article II ng R.A 9165 o ang Comprehensive Dangerous Drug Act of 2002. (Richard Mesa)

IPINASA ng Kamara, sa ilalim ng liderato ni Speaker Faustino “Bojie” Dy III, nitong Biyernes sa ikalawang pagbasa ang House Bill 4058, o General Appropriations Bill (GAB) para sa taong 2026, na P6. 793-trillion national budget.

Siniguro ni Committee on Appropriations Chairperson at budget sponsor Rep. Mikaela Angela Suansing sa mga kasamahang mambabatas na ang lahat ng panukalang amendments para sa 2026 national budget ay masusing tinalakay at nakalagay sa ipinasang bersiyon ng version passed by the panel.

Sinabi pa nito na walang karagdagang amendments ang gagawin matapos aprubahan ang GAB sa ikalawang pagbasa.

Sa ginanap na period of individual amendments, nakiisa ang mga mambabatas lawmakers sa diskusyon sa ilang panukalang pagbabago sa budget. Kung saan nagpaliwanag si Suansing at dinepensahan at ipinaliwanag nito ang mayorya sa naging pagtatanong ng mga miyembro sa mga adjustments sa panukala.
(Vina de Guzman)