GRABE ang naging pinsala at casualties din sa naging 6.9 magnitude earthquake sa Cebu, partikular na sa Bogo, Cebu.
At si Kim Chiu na isang kilalang Cebuana celebrity, nasa Cebu rin ito nang mangyari ang lindol.
Nagti-taping sila ng boyfriend na si Paulo Avelino ng kanilang bagong series, ang “The Alibi.” Hindi naman sila nasaktan o naapektuhan. Pero ang maganda kay Kim, dahil nando’n na ito sa Cebu, hindi ito nag-aksaya ng panahon.
Personal na namili si Kim ng sa tingin niya ay magiging pangangailan. Sey niya siguro, marami na rin naman ang nagbibigay.
Nakita namin sa mga social media na dalawang truck ng mga construction materials ang personal na binili ni Kim at inihatid sa mga napinsala.
In fairness, saludo kami kay Kim sa initiative niya na ito lalo na para sa mga kababayan niya.

***
BEA, hindi nakaramdam ng pagka-inip sa tandem nila WILBERT

GOOD thing na hindi nakaramdam ng pagka-inip si Bea Binene.
Parang mas kami pa ang nainip simula nang i-launch ang loveteams ng VIVA One’s University series ng writer na si Gway Saludes.
Positibong pagka-inip naman dahil nga curious kami kung anong kuwento naman ni Bea at ng loveteam niya na si Wilbert Ross.
Na sa totoo lang din, parang sa mga loveteams na ipinakilala ng University series, silang dalawa ang kilala na talaga bilang mga artista. Lalo na si Bea since child star sa Kapuso network.
Naging bahagi na rin si Bea ng mga loveteams since ‘Tween Hearts’ niya sa GMA-7, pero ang galing din ng VIVA na mula nang lumipat siya rito, naihanay pa rin siya sa mga loveteams o mga tipong romcom series gaya ng “Golden Scenery of Tomorrow” na magsisimula ng mapanood sa October 18 sa VIVA One at sa direksyon ni Victor Villanueva.
When asked kung ano ang kaibahan ng loveteam niya noon sa loveteam ngayon, sey ni Bea, “Ngayon ang dami—may Tiktok na, basta ang dami na. Ang dami ng ways para makita ka ng fans. Dati nga, wala namang Facebook Live. Siguro yung platform talaga.”
Thankful din daw siya sa mga fan dahil hindi raw demanding ang mga fan nila at naka-support lang. Importante lang daw sa mga ito na happy sila.
At dahil second to the last na nga ang tandem nila na magbibida sa series, hindi raw siya nainip dahil sa mga individual projects na ibinibigay sa kanila.
“Hindi naman nainip, siguro I’m more of excited kasi nga, marami ang naghihintay.”

(ROSE GARCIA)

SA grand media conference ng newest series ng Viva One na Gwy Saludes’ ‘Golden Scenery of Tomorrow’ ipinasilip na ang official poster nito.
Ang 5th book-to-series adaptation ng University Series ay pagbibidahan ng tambalan nina Bea Binene at Wilbert Ross, na pawang papuri ang nasabi nila sa isa’t-isa, na kinakiligan naman ng fans na present sa media con.
Say nga ng aktres, “dati sinabi ko na, I feel like that Wilbert is such a realiable loveteam at napatunayan ko naman yun.
“I think, masuwerte ka kapag nakahanap ka ng ka-partner dito sa industriya that really takes care of you. At hindi lang yun mema, and I think I am really blessed to this project with.”
Inamin naman ni Wilbert, na girlfriend material si Bea, dahil caring daw ito at masarap magluto. Say naman ni Bea, sobra raw maalaga ang ka-partner at handa siyang protektahan.
Kasama nilang bibida sina Heaven Peralejo, Marco Gallo, Jerome Ponce, Krissha Viaje, Aubrey Caraan, Lance Carr, Gab Lagman, Hyacinth Callado, Nicole Omillo, at Jairus Aquino.
Nasa cast din ng serye sina Meryll Soriano, Eric Fructuoso, Cara Guevara-Laforteza, Guji Lorenzana, Janine Teñoso, Benj Manalo, PJ Rosario, CJ Vilanueva, Andre Yllana, Frost Sandoval, Keann Johnson, Dani Zee, Julia Klarisse, Annika Co, Love Yauco, Arabella Del Rosario, Crismar Menchavez, Naz San Juan, Lawrence Dela Cruz, Kent Domingo, Hannah Ortega, Zoe Viterbo, Priscilla Villar, Anna Dimaano, Abel Manalansan, Dona Soriano, at Suzanne Grijalvo.
Ang Viva One Original Series na ito ay mula sa direksyon ni Victor Villanueva, magpi-premiere ito sa October 18 sa Viva One.

(ROHN ROMULO)

NAKATSIKAHAN namin si Jason Abalos sa birthday celebration ng owner ng Artista Salon na si Gio Anthony Medina kasama ang partners na sina Margaret Gaw at Lotis Reyes na matatagpuan sa Panay Avenue, Quezon City.
Kasamang dumating ni Jason ang asawa na si Vickie Rushton at anak na si Knoa Alexander na 2 years and 1 month old.
Sobrang happy raw siya sa pagiging ama, “Napakasarap po, walang kapantay ang pagiging magulang.
“Sabi ko nga, medyo late na ako, pero kaya pa naman, kahit lima pang anak.
Masarap maging mabuting tao, kasi gusto ko ‘pag lumaki s’ya, sasabihin ko sa kanya, ‘Ang tatay mo, mabuting tao.’”
Anyway, muli ngang nahalal si Jason bilang provincial board member sa lalawigan ng Nueva Ecija.
Kaya natanong siya tungkol sa flood control projects, wala raw siyang kinalaman tungkol dito dahil hindi dumadaan sa kanya.
“Wala kayong makukuhang sagot sa akin. Nakakainggit nga, eh. Hahaha!” pahayag pa ni Jason.
Weekends lang pala siya umuuwi sa Quezon City dahil dito nakatira ang kanyang mag-ina. Limang araw siyang nagtatrabaho sa Nueva Ecija para tuparin ang kanyang tungkulin.
Isinisingit din niya ang pag-aartista, na ngayon ay naghihintay pa siya ng projects mula sa GMA-7.
“Time management lang,” sagot ni Jason sa kanyang ginagawa.
“Mahirap ngayon kasi may anak na rin ako, so kailangan ko talagang bantayan kasi importante ang pamilya ko.
“So siyempre ‘yung tiwala ng tao, mahirap na hindi pagbigyan ang nararapat na para sa kanila.”
Dagdag pa niya, “Sa mga may inquiries, kay Nanay (Gio) lahat.”
Ayon naman sa kanyang manager, may paparating daw na movies na gagawin si Jason this year, na dapat abangan.

***
MTRCB, opisyal na inilunsad ang Mobile App

ILANG araw bago ang ika-40 anibersaryo ng pagkakatatag nito, opisyal na inilunsad ng Movie and Television Review and Classification Board (MTRCB), sa pangunguna ni Chairperson at CEO Lala Sotto, ang “MTRCB Mobile Application”–isang makabagong inisyatiba na layong ilapit pang lalo ang mga serbisyo ng Ahensya sa sambayanang Pilipino.
Ang MTRCB Mobile App ay nagsisilbing one-stop platform at napakadali lang gamitin. Nagbibigay ito ng eksaktong impormasyon ukol sa mga pelikula at programang pantelebisyon na nabigyan ng angkop na klasipikasyon ng MTRCB, pati na rin ng iba pang kaugnay na materyales.
Maaari ring makita ang listahan ng mga sinehang nakarehistro sa MTRCB, TV network, at gabay sa mga programa sa telebisyon.
Bukod dito, tampok din sa app ang mga napapanahong update tungkol sa mga gawain ng MTRCB gaya ng balita, anunsyo, mga kaganapan at mga lathalain. Nagsisilbi rin itong portal para sa pagsusumite ng mga komento, puna at ulat na may kinalaman sa mga pelikula at programang pantelebisyon.
“Sa modernong panahon, patuloy ang ginagawang hakbang ng MTRCB para mapalapit sa publiko ang mga serbisyo ng ating Ahensya,” sabi ni Sotto. “Ang inisyatiba ay sumasalamin sa ating layunin na gawing mas mabilis, mas maayos at mas user-friendly ang reporting ng publiko sa kanilang napapanood sa telebisyon at sinehan.”
Ipinapakita ng inisyatibong ito ang patuloy na pagsusumikap ng MTRCB na makasabay sa takbo ng modernong panahon sa pamamagitan ng pagpapatibay ng kampanya para sa responsableng panonood at ng mas epektibong pagbibigay ng serbisyo publiko gamit ang teknolohiya.
Makikita rin sa naturang aplikasyon ang mahahalagang impormasyon hinggil sa Ahensya—kabilang ang mga opisyal nito, bisyon at misyon, quality policy, social media accounts, inilathalang infomercials, mga patnubay sa klasipikasyon at iba pang impormasyon.
Ang MTRCB Mobile App ay maaari nang i-download nang libre sa Google Play Store at App Store. I-type lang ang salitang “MTRCB.” Para sa karagdagang kaalaman tungkol sa MTRCB Mobile App, panoorin ang walkthrough nito sa YouTube channel ng MTRCB, @MTRCBGov.

(ROHN ROMULO)

NAGHAYAG ng kanyang saloobin ang National Artist for Film and Broadcast Arts na si Ricky Lee tungkol sa usapin ng korapsyon at katiwalian sa gobyerno dito sa Pilipinas.
“I think bilang Pilipino… bilang kapwa Pilipino, I think lahat tayo dapat maging concerned at dapat lahat tayo magkaroon ng stand, paninindigan, sa kanya-kanyang paraan kasi kanya-kanyang kakayahan.
“Pero I think hindi ka pupuwedeng wala akong nakikita, wala akong naririnig, ‘Ayokong makisali’, parang hindi ka puwedeng maging masaya kung sa palibot mo ang dami mong kababayan ang naghihirap at hindi masaya at binabaha.
“So parang kakabit ka na ng kapalaran nila e. So I think natutuwa ako na finally maybe sumulak na yung galit at hopefully, eventually it will go to a point where may mangyayari.
“Kung ano yung mangyayari hindi ko siyempre mahuhulaan sa ngayon, but I think may mangyayari. Although ang dami-daming negative news and everything, I’m very hopeful, I’m very hopeful.
“Nakita ko yung mga tao sa martsa, mga kabataan, mga Gen Z na ang dami-dami, mga kasamahan ko sa industriya, gives you hope na huwag tayong magsabi na wala ng mangyayari, wala ng pag-asa, ang hirap namang mahalin ng Pilipinas, ang hirap naman ng mga kababayan ko, bakit naman sila ganito?
“Kesa magsisihan ng ganun na parang nagda-down tayo, hayaan nating magningas pa lalo yung spark na nasimulan na, yung spark ng hope.”
Ayon rin sa kanya, may mga inspirasyon na makukuha sa mga nagaganap sa bansa upang sumulat o gumawa ng isang pelikula tungkol sa mga nangyayari ngayon.
“I think eventually yes, pero in the meantime, magmasid, makisangkot, makinig muna, ipunin lahat ng kuwento. “Parang ang dami-daming mga kuwento, ang dami-dami kong nakikita. Yung kuwento na lang nung mga hinuli, bawat isa dun may kuwento, sino sila, saan nanggaling, bakit sumulak ang kanilang galit to that point.
“Yung mga kuwento ng… siguro may mga pulis din na naiipit sa gitna, kuwento rin naman yun e, kanino ako kakampi, sino nga ba ako, Pilipino pa ba ako, etc.
“Parang ang dami-daming kuwento. So para sa isang manunulat, napakasarap na kasangkot ka bilang ikaw but at the same time kasangkot ka bilang manunulat na nag-o-obserba at magsusulat eventually about you.”
Dumalo si Sir Ricky sa opening ceremonies ng 7th Sinag Maynila 2025 kung saan ang opening film ay ang classic 1997 film na “Jaguar” na si Sir Ricky at Jose Lacaba ang sumulat ng screenplay at ang direktor naman ay ang isa pang National Artist at icon na si Lino Brocka.

(ROMMEL L. GONZALES)