BILANG bahagi ng “Handog ng Pangulo: Serbisyong Tapat Para sa Lahat” at sa pagdiriwang ng kaarawan ni Pangulong Ferdinand R. Marcos Jr. ngayong Setyembre 13, 2025, ang National Housing Authority (NHA), katuwang ang lokal na pamahalaan ng Caloocan, ay namahagi ng tulong pinansyal sa 1,000 pamilyang naapektuhan ng mga nagdaang Bagyong Crising, Dante, Emong, at Habagat sa ilalim ng Emergency Housing Assistance Program (EHAP) nito.

Pinangunahan nina NHA General Manager (GM) Joeben Tai, kasama sina Caloocan 1st District Councilor Vincent Ryan “Enteng” R. Malapitan bilang kinatawan ni Mayor Dale Gonzalo “Along” R. Malapitan at 1st District Caloocan Representative Oscar “Oca” G. Malapitan, ang pamamahagi ng tulong pinansyal na ginanap sa Caloocan City Complex.

Binigyang-diin ni GM Tai sa kanyang mensahe ang kahalagahan ng pagsuporta sa mga pamilyang muling bumabangon mula sa kalamidad:

“Ako po ay naniniwala na ang susi sa isang matatag, maginhawa, at panatag na bansa ay ang kanyang mga mamamayan, kung kaya’t mahalaga po para sa amin ang mahandugan kayo ng kapanatagan at kaginhawaan sa inyong mga buhay.”

Ang EHAP ay isang programa ng NHA na nagbibigay ng ayudang pinansyal sa mga pamilyang naapektuhan ng mga natural at human-induced calamities. Bawat benepisyaryo ay nakatanggap ng ₱10,000, matapos dumaan sa masusing beripikasyon mula sa Disaster Response Operations Monitoring and Information Communication (DROMIC) ng DSWD at datos ng LGU.

Samantala, ang NHA ay nakapagsagawa na ng pamamahagi ng EHAP sa mga lungsod ng Manila, at Malabon, Navotas, Valenzuela (MANAVA) na nagkakahalagang 40.8 milyon sa kabuuan. Patuloy ang iba pang pamamahagi ng NHA ng tulong pinansyal sa pamamagitan ng EHAP sa iba’t ibang rehiyon.

Ang Handog ng Pangulo ay inisyatibo ng kasalukuyang administrasyon na naglalayong mailapit ang mga pangunahing serbisyo ng pamahalaan sa mamamayan. Kabilang sa mga nakilahok na ahensya ang DA, DepEd, DOLE, DOH, DTI, DAR, DENR, DSWD, CHED, TESDA, NCSC at DILG. (PAUL JOHN REYES)

NAGBIGAY ng pahayag ang Department of Transportation (DOTr) na inaayos ng

ahensiya ang mga long-delayed na proyekto na pamahalaan tulad ng Mindanao Railway

Project.

Sa ngayon ay gumawa ng bagong feasibility study para Mindanao Railway na isa sa mga pinakahihintay na proyekto sa hanay ng railways. Pinag-aaralan ang proyekto kung ang gagamitin ay ang moderno at environment-friendly na trains.

Dapat sana ang gagamiting bagon sa  Mindanao  Railway  ay ang mga diesel-

powered na bagon subalit nahihirapan humanap ng mga investors ang pamahalaan kung gagamit ng nasabing klaseng bagon dahil sa makakaapekto ito sa global warming ng

mundo.

“Almost the entire Mindano will benefit when the Mindanao Railway Project is fully completed. Rail is good for such a big island like Mindanao, with huge passenger and cargo demand in many provinces. It is considered a good project for Mindanao as the rail will cover a sizeable demand,” wika ni Nigel Paul Villarete ng PPP.

Binibigyan konsiderasyon   ng   DOTr   ang   tulong   ng   pribadong   sektor   para   sa pagtatayo ng nasabing proyekto matapos na ang pamahalaan ng China ay umayaw ng maging partner ng pamahalaan.

Ayon   naman   sa   Public-Private   Partnership   Center   na   kanilang   inaasahang matatapos ang ginawang feasibility study para sa ikatlong bahagi ng proyekto bago matapos ang taon.

Ang ikatlong  bahagi ng  proyekto  lamang  ang inaasahang  isasailalim  sa  PPP habang ang una at ikalawang bahagi ay bibigyan ng pondo sa pamamagitan ng official development assistance (ODA).

“As for the Mindanao railway, I can’t understand what’s taking so long to decide. It is an easy project, simple and easy to plan and to determine feasibility. I suspect the difficulty is getting consensus and support. It covers the entire Mindanao, with so many

provinces, and more governors and mayors are involved,” saad ni Villarete.

Ang unang bahagi ay nagkakahalaga ng P83 bilyon na tatakbo mula sa Tagum,

Davao del Norte hanggang Digos City, Davao del Sur. Inaasahang makapagsasakay ito ng 122,000 na pasahero kada araw at mababawasan ang travel time sa pagitan ng Tagum at Digos na magiging isang oras na lamang mula sa dating tatlong oras.

Naniniwala si Villarete na mahihirapan ang pamahalaan na kumuha ng consensus para sa pagtatayo ng nasabing proyekto at ayon pa rin sa kanya na dapat ay magkaroon ng malawakang pag-aaral ang gagawin ng isang independent parties at experts.

“The DOTr is wriggling its hands. It’s not a question of what kind of railway to build or what fuel. They are hesitating because they are not sure if this is the right decision,” dagdag ni Villarete.  LASACMAR

MAGDARAOS ng nationwide tigil-pasada ang ilang transport group upang iprotesta ang malawakang korapsyon sa bansa.

Sa abiso ng grupong Manibela, idaraos nila ang transport strike mula Setyembre 17-19 o mula Miyerkules hanggang Biyernes.

Ang naturang kilos protesta ay susundan pa nila ng martsa sa Luneta sa Maynila sa Setyembre 21, na paggunita sa deklarasyon ng Martial Law sa bansa.

Ito ay bilang pakikiisa sa mga grupong magmamartsa rin sa naturang araw upang humi­ngi ng accountabi­lity at ipanawagan na mapanagot ang mga taong sangkot sa maano­malyang flood control projects sa bansa.

Sa anunsiyo naman ng grupong PISTON, isasagawa nila ang kanilang nationwide strike sa Huwebes, Setyembre 18.

“Mga kababayan, sa darating po na September 18 ay magdaraos po ng transport strike mula po sa hanay ng PISTON, batay po doon sa… laban po sa korapsyon,” ayon kay Teody Permejo, ng PISTON.

Ayon kay Permejo, alas-5 ng madaling araw pa lamang ay sisimulan na nila ang tigil-pasada sa lahat ng panig ng bansa.

Ipinaliwanag ni Permejo na sa pang-araw-araw nilang paghaha­napbuhay ay P12,000 kada buwan ang buwis na naiaambag nila sa buwis.