SASAMPAHAN ng kasong kriminal ni Manila Mayor Isko Moreno-Domagoso ang isang construction company dahil sa “illegal” na demolition ng Rizal Avenue Sports Athletics Complex (RASAC) covered court sa Sta.Cruz. Manila.

Isasampa ang kaso sa City Prosecutor’s Office Miyerkules ng hapon laban sa general manager ng Jelsie Construction and Supply na si Jesse Rmahusay kabilang ang Special Cases of Malicioums Mischief sa ilalim ng Article 328 ng Revised Penal Code sa pamamagitan ng City General Services Office (CGSO).

‘Unlawful demolition and construction without necessary permit ‘ dahil sa paglalabag ng National Building Code of the Philippines. Ito ay isasampa ng City Department of Engineering and Public Works ( DEPW )

‘ Unauthorized taking of Government Facility’ dahil sa paglabag sa Republic Act No. 10344 o ang “Risk Reduction and Preparedness Equipment Protection Act,” na isasampa naman ng Manila City Disaster Risk Reduction and Management Office (MCDRRMO)

Sa karagdagang pagsusuri ng Department of Public Works and Highways (DPWH) North Manila District Engineering Office, nagsiwalat na ang proyekto ay P145.5 milyon

“Multi-Purpose Building, Sentro Komunidad de Santa Cruz, Manila (Phase 1),” na iginawad sa Jelsie Construction sa pamamagitan ng Notice of Award na may petsang May 22, 2025.

Nilagdaan ang contract agreement makalipas ang isang araw , May 23 na sinundan ng ‘notice to proceed ‘ noong May 26.

Sa datos mula sa tanggapan ng City Accountant, sinabi ni Domagoso na ang na-demolish na ari-arian ay may net book value na ₱10.4 milyon noong 2025.

Ipinakita rin sa mga rekord na nakuha ng Jelsie Construction and Supply, Inc. ang higit sa P1.43 bilyong halaga ng mga proyekto sa flood control sa Lungsod ng Maynila, ayon sa datos mula sa website ng “Sumbong sa Pangulo” ng gobyerno.

Ang contractor ay mayroon ding mga proyekto sa lahat ng anim na distrito ng Maynila, na nagraranggo bilang pangalawang pinakamalaking flood control contractor sa lungsod.

Ayon kay Domagoso, ang demolition sa RASAC site ay walang koordinasyon sa Manila City Hall at wala ring mga kaukulang permit o clearance.

Dagdag pa ng alkalde, maraming nakuhang kontrata ang nasabing kumpanya kabilang na sa flood control project na aniya ay hindi naman epektibo.(Gene Adsuara)

INILUNSAD ng Pamahalaang Lungsod ng Navotas ang ikalawang edisyon ng NavoRun, noong Linggo sa Navotas Centennial Park.

Umabot sa 636 runners ang sumali sa 16-kilometer at 8-kilometer categories fun run na inorganisa ng Pamahalaang Lungsod sa pakikipagtulungan sa Backpack Runners.

Unang inilunsad ang NavoRun noong 2024 na naging taunang run for a cause na pinagsama ang fitness, sports tourism, at community service.

Ang kikitain nito ay pakikinabangan ng Josefheim Foundation na sumusuporta sa mga may sakit, matatanda at Navotas Drum and Bugle Corps, isang grupong naghahasa ng talento sa musika.

Ayon Kay Mayor John Rey Tiangco, layon nito na maisama ang lungsod sa mapa bilang isang running destination na binabanggit ang lumalagong running culture nito sa kahabaan ng C4 Road at R-10 kung saan regular na tumatakbko, nagbibisikleta at nag-eehersisyo ang mga residente.

“Hinihikayat natin ang lahat na ipagpatuloy ang ganitong mga gawain, at isulong pa natin ang aktibo at malusog na pamumuhay,” aniya.

Sa 16-kilometer male category, nasungkit ni Pinmark Balagon ng Mandaluyong ang championship, na sinundan nina Redie Kim at Symon Santos, kapwa ng Navotas.

Para sa female division, nanguna sa karera si Lorelyn Magalona ng Dasmariñas, Cavitet, pumangalawa si Kimberly Ilustrisimo ng Navotas at pangatlo naman si Marjorie Tan ng Dasmariñas, Cavite.

Ang 8-kilometer male categor ay pinamunuan ni Aljur Rendon ng Quezon City na nanguna kay Cyrus Lasibal ng Malabon at Merck Jounes Tribo ng Pulilan, Bulacan.

Sa female division, si Renelyn Tribo ng Pulilan, Bulacan ang nanguna na sinundan nina Aubrey Mata ng Malabon at Sophia Yurango ng Imus, Cavite.

Ang turnout ngayon taon ay nagpatibay sa lumalagong reputasyon ng NavoRun bilang parehong tradisyon ng komunidad at isang showcase potensyal ng lungsod hub para sa sports and wellness tourism. (Richard Mesa)

SA gitna ng lumalaking populasyon at lumalalang suliranin ng trapiko, baha, polusyon at iba pa, isinusulong ni Caloocan City District 2 Congressman Egay Erice ang isang regional government na may sapat na pondo at kapangyarihan upang tugunan ang mga problema ng National Capital Region (NCR).

Saklaw ng pagbuo ng House Bill No. 3584 na ito o ang tinatawag na Metropolitan Manila Regional Administration (MMRA), ang mga serbisyo tulad ng Development Planning para sa maayos na plano sa paglago at imprastraktura ng NCR.

Gayundin, ang Transportation & Traffic Management, upang gumawa ng solusyon laban sa matinding trapiko at mas maayos na biyahe habang ang Solid Waste Management ay para sa malinis na kapaligiran sa pamamagitan ng tamang pamamahala ng basura.

Nakapaloob din sa panukalang batas na ito ang Flood Control & Sewerage para sa mga proyektong laban sa pagbaha at pagpapaunlad ng sistema ng imburnal, at Urban Renewal, Zoning, Land Use & Shelter Services para sa pagpapaganda ng komunidad at serbisyong pabahay.

Ang Health, Sanitation & Pollution Control, ay para naman sa kalinisan, kalusugan, at proteksyon laban sa polusyon, Public Safety & Disaster Management para sa seguridad at mabilis na pagtugon sa sakuna at Ang Public Works & Highways upang tiyaking mas ligtas at maayos ang mga kalsada at imprastraktura.

Ayon kay Cong. Erice na siya ring Senior Deputy Minority Leader sa 20th Congress, ang mga hakbanging ito ay isang epektibong pamamahala upang mabigyan ng mas maayos na kinabukasan ang bawat mamamayan ng Metro Manila. (Richard Mesa)

KINUMPIRMA ni Presidential Communications Office Undersecretary at Palace Press Officer Claire Castro sa press briefing sa Malakanyang ang nakatakdang state visit ni Pangulong Ferdinand Marcos Jr., patungong Cambodia sa susunod na buwan.

Sa katunayan, ayon kay Castro ang travel date ay mula Setyembre 7 hanggang 9.

Kinumpirma rin ni Castro ang pagdalo ni Pangulong Marcos sa United Nations General Assembly sa Setyembre.

“There is a plan,” ang sinabi ni Philippine Ambassador to the United States Jose Manuel “Babe” Romualdez sa isang panayam matapos tanungin kung dadalo ang Pangulo sa UNGA na nakatakda ngayong taon.

Ani Romualdez, mahalaga ang presensiya ni Pangulong Marcos sa UNGA para sa hangarin ng Pilipinas na masungkit ang isang non-permanent seat sa United Nations Security Council (UNSC) “since he will have the chance to engage with many world leaders.”

( Daris Jose)

IMINUNGKAHI ng Presidential Communications Office (PCO) ang P16 milyong alokasyon sa 2026 budget para labanan ang “fake news.”

“We do a significant amount of work in terms of combating fake news and misinformation, from the digital front to coordination with other government agencies for data on these fake news sites,” ayon kay PCO Acting Secretary Dave Gomez sa budget briefing para sa panukalang 2026 budget ng PCO, araw ng Martes.

“We continue to educate our people against fake news; we only have an allocation of P16 million for it. When we see something in social media that is obviously fake and is obviously based on misinformation, we counter that with content that would clarify the misinformation, correct the misinformation, and outright dispute that fake news. It’s content versus content,” ang sinabi pa rin ni Gomez.

Sinabi pa ni Gomez na “it is more of maximizing and leveraging all the social media platforms available to PCO’s disposal through its attached agency system.”

Pagdating na isasagawang sistema, sinabi nito na ang PCO ay mayroong tiyak na fact-checking at verification processes na nakalatag na.

“We have the media information literacy (MIL) campaign and the digital governance and unified messaging platforms,” ani Gomez.

Sa ilalim ng MIL campaign, ang PCO ay mayroong ilang programa, workshops, trainings na gagamitin ng mga miyembro ng lipunan sa paglaban sa fake news at idetermina ang kabuuan nito.

Nagsagawa ito ng isang MIL fact-checking workshop series kasama ang Vera Files. Hangad din nito na palakasin ang fact-checking capacity sa government media sa pamamagitan ng sanayin ang 75 fact-check officers mula state media outlets sa iba’t ibang lugar sa Luzon, Visayas at Mindanao.

Tinitiyak naman ng inisyatiba na ang state media communicators ay may magagamit na ‘tools at methodologies’ para ma-detect at kontrahin ang fake information.

Nagsagawa rin ito ng pagsasanay sa mga trainers o tagapagturo para makalikha ng multipliers para sa MIL education.

Sa ilalim ng programa, “the PCO trains educators nationwide, and these educators will later cascade the knowledge to their respective schools and institutions to ensure the sustainability and the consistency of the program.”

Samantala, dinepensahan naman ni Gomez ang panukala ng PCO na P252-million advertising expenses para sa 2026.

Aniya, ang advertising budget ay naaayon sa mga plano kung saan ang Pilipinas ang siyang magho-host ng Association of Southeast Asian Nations (ASEAN) Summit sa susunod na taon.

“At the same time, we’re looking at several other important milestones for next year. And that’s why we need to advertise not just locally, but in some international outlets as well,” aniya pa rin.

Winika pa ni Gomez na ang hangarin ng Pilipinas na maging isang non-permanent member ng United Nations (UN) Security Council ay mangailangan din ng karagdagang halaga.

“It will require a lot of lobbying, a lot of projecting our country externally, on why we deserve to be nominated and elected,” ang pahayag ni Gomez.

Para sa taong 2026, nag-request ang PCO ng P2.808 bilyong budget para sa operasyon nito at para sa mga attached agencies at government-owned and controlled corporations nito.

Ang bulto o ang P972.02 milyong piso ay ilalaan para sa PCO proper.

Ang natitira ay para sa Philippine Information Agency (P527.49 million), Presidential Broadcast Service-Bureau of Broadcast Services (P512.54 million), Radio Television Malacañang (P254.21 million), News and Information Bureau (P163.15 million), Bureau of Communications Services (P99.54 million), and National Printing Office (P20.99 million).

Kasama rin sa PCO budget proposal ang budgetary support para sa Intercontinental Broadcasting Corporation (P122 million) at People’s Television Network (P136.76 million).

Ang APO Production Unit Inc. ay hindi tumatanggap ng anumang subsidya mula sa gobyerno. (Daris Jose)

ISANG Senior High School teacher ang humihingi ng paglilinaw sa Korte Suprema ang terminong “forthwith” sa Konstitusyon.

Sa 15 pahinang Motion for Reconsideration na inihain nig petitioner na si Barry Tayam, nanindigan ito na nabigo  ang High Tribunal  sa pagbigay ng desisyon sa usapin dahil sa trancendental na kahalagahan nito.

“The use of the term “forthwith” in the recent 97-page Supreme Court decision was only limited to four (4) instances, and the term was neither given specific constitutional definition nor was its meaning elaborated upon in detail. The decision did not provide a clear, time-bound interpretation of the term, leaving its precise meaning whether in days, weeks, or months without a proper constitutional framework,” saad sa MR.

Dagdag pa niya, na ang kakulangan ng isang tiyak na interpretasyon sa desisyon ng SC ay lumilikha ng isang kalabuan na maaring mangailangan ng karagdagang judicial clarification upang magtatag ng isang malinaw na timeline.  (Gene Adsuara)

NAGPAHAYAG ng pagkabahala si House Committee on Metro Manila Development Chair Caloocan City Rep. Dean Asistio sa permanenteng pagsasara ng Navotas Sanitary Landfill.

Inaasahan na makakapagpabagal ito ng koleksyon at lalong makakadagdag sa tambak ng basura sa buong Metro Manila at magpapalala sa patuloy na pagbabara ng mga estero, drainage at iba pang waterways na dulot ay patuloy na pagbabaha.

“Sa gitna ng problema natin sa patuloy at palagiang pagbaha sa Metro Manila, malilipat at maiipon ang ang lahat ng basura mula sa 17 LGUs sa San Mateo Landfill. Nakakatakot isipin ang implikasyon nito at sa dami ng environmental related issues na kailangan natin agarang aksyunan – ang patuloy na pagbaha, ang paglilinis ng ating mga estero, drainages at waterways, at ngayon ang hamon ng pagkakaroon ng mas epektibong koleksyon at pagproseso sa mga nakokolektang basura – maituturing na itong environmental emergencies,” paliwanag ni Asistio.

Isinusulong ng kongresista ang pagkakaroon ng isang komprehensibo at integrated na Flood Management Plan sa Metro Manila na dapat standard na ipapatupad sa lahat ng barangay at syudad sa Metro Manila. Kasama sa Masterplan na ito ang pag-aaral kung paano gawing mas epektibo ang koleksyon at pagproseso ng mga nahahakot na basura.

“Alam natin na hindi pangmatagalang solusyon ang mga sanitary landfill. Nakikita natin na naiipon, napupuno na at lumalagpas na sa kapasidad ang mga landfill na ito – ayaw na po nating maulit ang masasamang karanasan natin sa mga dumpsites at ang pagkalat ng mga toxins o lason sa ating mga lupa at likas tubig,” dagdag ng mambabatas.

Giit ni Asistio na kailangan nang sama-samang pag-usapan ang mas komprehensibo at sustenableng solusyon. “Sa ganitong environmental emergency, kailangan nating iexplore ang mga alternatives, halimbawa ang pagpapalawak ng waste-to-energy technologies sa pagproseso ng basura. Makakatulong pa ito upang mapailaw halimbawa ang komunidad at mas maeengganyo ang partisipasyon ng mga mamamayan.”

Sa ilalim ng Ecological Solid Waste Management Act of 2000, Republic Act 9003, binibigyang prayoridad ang pagproseso at segregation ng basura at source, recycling, composting at pagtatayo ng Material Recovery Facilities (MRF) sa lebel pa lang ng barangay. Bagama’t huli sanang proseso ang pagtatayo ng landfills, 13,000 toneladang basura ang naitatapon sa mga landfills kada araw mula sa Metro Manila pa lamang.

“Ito ay isa nang emergency. Kailangan na natin ang mabilisang aksyon pero dapat kumprehensibo at sustenable. Ito ang magiging direksyon ng mga ipapatawag nating Committee Hearings ng Metro Manila Development. Hindi po natin hihintayin na patuloy tayong malubog sa baha o sa basura,” pagtatapos ni Asistio.

(Vina de Guzman)