IPINAPAGPATULOY ng DigiPlus Interactive Corporation, ang puwersa sa likod ng BingoPlus, ArenaPlus, at Gamezone, ang pagpapaunlad ng karanasan ng kanilang mga customer, o customer experience (CX), sa pamamagitan ng paghahandog ng 24/7 na suporta sa mga manlalaro, na panibagong mataas na pamantayan sa industriya. Dahil 40 milyon na ang nakarehistrong user sa DigiPlus, patunay lamang ito ng pagpapalawig ng kompaniya ng kaniyang operasyon sa larangan ng serbisyo sa mga customer, at paniniguradong naibibigay ang tulong sa pangangasiwa ng account, suporta sa mga transaksyon, troubleshooting sa mga teknikal na aspekto, at pagpigil ng panloloko o fraud.

Simula noong lumipat sa digital na operasyon sa panahon ng pandemya, mas pinatingkad at lumalago ang komunidad na online ng DigiPlus, dahil sa e-games at iba pang handog sa entertainment. Dahil dinala ang kasabikan at saya ng paglalaro sa mga tahanan, ginawang mas madali, masaya, at aksesibo ng DigiPlus ang paglalaro–kahit kailan, kahit saan.

Habang mas lumalaki pa ang DigiPlus, lumago na sa higit-300 ang miyembro ng customer support team nito, at planong umabot sa 450 sa dulo ng taon. Pinapatunayan ng paglaki na ito ang pangako ng DigiPlus na maghandog ng mataas na kalidad na tulong sa mga manlalaro sa bawat interaksyon. Sa pamamagitan ng implementasyon ng maayos na sistema ng suporta sa mga primary at premium tier, nakabuo na ang DigiPlus ng customer experience framework na hindi lamang nireresolba ang mga isyu kung hindi naghihikayat ng pagkakontento ng mga manlalaro sa iba’t ibang aspeto.

“Malaki ang gampanin ng pagpapalakas ng serbisyo sa mga customer sa pagsiguro na bawat hinaing ng manlalaro ay matutugunan nang mabilis at tama. Ang layunin ay itaas ang antas ng serbisyo at ipangako ang maagap na resolusyon sa mga isyu ng mga manlalaro, na patunay ng aming pangako na mapanatili ang kanilang kasiyahan sa paglalaro,” ani Customer Service Director Carlos Pio Feliciano.

Dumaraan ang mga kinatawan sa masusing pagsasanay sa komunikasyon na sumasaklaw sa mahahalagang larangan gaya ng kaalaman sa produkto, mga teknik sa komunikasyon, pagresolba ng alitan, at teknikal na troubleshooting. Pangunahing prayoridad nila ang pagpapanatili ng transparency sa mga manlalaro at ang pagbibigay-alam sa kanila sa bawat hakbang ng proseso ng paglutas ng kanilang problema.”Hindi natatapos ang aming pagtutok sa kahusayan pagkatapos lamang ng paunang pagsasanay,” dagdag ni Feliciano. “Nagbibigay kami ng tuloy-tuloy na mga materyal sa pagkatuto upang matiyak na ang aming mga CX representative ay nananatiling maalam sa pinakabagong mga update sa plataporma, mga kagamitan, at mga uso sa industriya. Tinitiyak nito na handa silang tugunan ang mga bagong hamon.”Sa pamamagitan ng pamumuhunan sa makabagong teknolohiya, patuloy na pagsasanay, at makabago at digital na solusyon, aktibong pinalalago ng DigiPlus ang isang customer-first culture na nakaugat sa tiwala, kasiyahan, at katapatan sa brand. Sinasalamin ng 24/7 CX operational powerhouse ang pangako ng kompanya na natatanging serbisyo at ang pangunguna nito nito sa larangan ng digital entertainment.Para sa mga manlalarong nangangailangan ng suporta at tulong, maaaring makipag-ugnayan sa mga sumusunod na linya 24/7:BingoPlus – bingoplus.ph | cs@bingoplus.vip | (02) 8539 0282ArenaPlus – arenaplus.ph | cs@arenaplus.vip | (02) 8539 0285GameZone – gzone.ph | cs@gamefun.pro | (02) 8539 0286

NABIYAYAAN ng libreng 2 litro ng gasolina ang  may 100 tricycle driver na itinuring ng mga bayani sa mismong araw ng paggunita ng National Heroes Day sa bansa sa Agosto 25, 2025.

Kaya naman bilang gantimpala at  pagsaludo sa bagong bayani ng lansangan, hindi lamang sa maayos na pagseserbisyo sa kanilang mga pasahero at maihatid na ligtas sa kanilang patutunguhan kundi may mga kuwentyo rin ng katapatan tulad ng pagsasauli nila ng gamit na pitaka, pera, dokumento at cellphone  kaya pinagkalooban sila ng Kapatirang Tau Gamma Phi, Rosario Municipal Grand Council ng libreng 2 litro ng gasolina. .

“Ramdam namin ang bawat pagod at pawis na nararanasan ng isang tricycle driver sa pang-araw-araw nilang pamamasada para sa kanilang pamilya. Maraming salamat po sa inyong lahat, mensahe ni Vryce Velasquez, Chairman ng Tau Gamma Phi.

Bilang tugon ni Silangan TODA President Christiaan Buhain, nagpaabot naman ito ng pasasalamat dahil malaking ginhawa ito sa kanila na magagamit nila ito sa maghapong pamamasaha. (Gene Adsuara)

SA kulungan ang bagsak ng isang babae matapos mahuli sa akto ng kanyang dating live-in partner na pulis na sumisinghot umano ng shabu sa loob ng huli sa Valenzuela City.

Sa ulat na tinanggap ni Valenzuela Police OIC chief P/Col. Joseph Talento, nagtungo ang suspek na si alyas “Mary”, kasama ang kanilang mga anak sa bahay ng kanyang dating kinakasama na pulis na isang Police Master Sargent na nakalaga sa Patrol Base-9 ng Valenzuela CPS.

Dahil dito, niyaya sila ng complainant na kumain sa labas subalit, hindi umano sumama ang suspek kaya ang kanilang mga anak na lamang ang sinama nito at naiwan sa kanyang bahay sa Brgy., Malanday si ‘Mary’.

Gayunman, pagsapit nila sa stoplight sa Malanday ay naalala ng complainant na naiwan ang kanyang wallet kaya nagpasaya itong bumalik sa bahay niya.

Pagdating ng complainant sa kanyang bahay dakong alas-7:15 ng gabi, naaktuhan niya ang suspek na sumisinghot umano ng droga na naging dahilan upang arestuhin niya ito.

Nakumpiska ng complainant sa suspek ang isang nakabukas na plastic sachet na may bahid ng umano’y shabu, anim na plastic sachets na naglalaman ng hinihinalang shabu na nagkakahalaga ng P2,924, coin purse, cellphone, ID at drug paraphernalias.

Ayon kay SDEU investigator PSSg Pamela Joy Catalla, kasong paglabag sa Sections 11, 12 at 15 under Article II ng R.A 9165 o ang Comprehensive Dangerous Drug Act of 2002 ang isinampa laban sa suspek sa Valenzuela City Prosecutor’s Office. (Richard Mesa)

HINDI kinukunsinti ng Department of Public Works and Highways (DPWH) ang anumang uri ng katiwalian sa kanilang hanay.

Ayon sa DPWH, buo ang kanilang suporta sa imbestigasyon ng mga kinauukulang awtoridad.

Ang pahayag ng ahensya ay hinggil sa isyu ng suhulan kung saan sangkot ang isang district engineer sa Batangas.

Pagtitiyak pa ng DPWH na seryosong tinutugunan ang mga alegasyon laban sa isang district engineer sa Batangas.

Agad ding ire-relieve sa kanyang pwesto ang nasabing opisyal at ipapataw ang preventive suspension.

Giit ng ahensya, sinumang mapatunayang nagkasala ay dapat managot at harapin ang buong bigat ng batas.

Matatandaang lumutang ang alegasyon na ang isang district engineer na nag ngangalang Abelardo Calalo na naka assign sa batangas ay na entrap at nakatakdang sampahan ng kaso bukas ni Cong Leandro Leviste matapos tangkaing suhulan ng P360M ang mambabatas.(Gene Adsuara)