• October 23, 2025 WordPress timezone: Asia/Manila
    Current date: October 23, 2025
    Current time: October 23, 2025 10:38 AM

  • Ang Diyaryong Pinagkakatiwalaan

Archive for August 21st, 2025

Hidilyn Diaz, mariing pinabulaanan ang kaugnayan sa pekeng online gambling endorsement

Posted on: August 21st, 2025 by @peoplesbalita No Comments
MARIING pinabulaanan ni Olympic gold medalist Hidilyn Diaz ang isang pekeng video na kumakalat sa internet, kung saan siya umano’y nag-eendorso ng isang online gambling app.
Ayon kay Diaz, ang naturang video ay gawa-gawa lamang at ginamitan ng artificial intelligence upang gayahin ang kanyang boses.
Sa kontrobersyal na video ay may isang babaeng tila si Diaz na nagbibigay ng instruction kung paano i-download ang isang gambling application.
Ngunit sa isang post nitong Martes, iginiit ng weightlifting champion na hindi siya ang content ng video.
Hinimok din ni Diaz ang publiko na i-report ang naturang misleading post upang mapigilan ang pagkalat ng maling impormasyon.
Si Hidilyn Diaz ang kauna-unahang Pilipinong atleta na nakapag-uwi ng gintong medalya sa Olympics, matapos ang kanyang tagumpay sa women’s 55kg weightlifting event sa Tokyo 2020.
Bukod sa kanyang mga karangalan sa larangan ng sports, kilala rin siya bilang isang aktibong tagapagsalita laban sa mga isyung panlipunan at tagapagtaguyod ng kabataan at edukasyon.
Hinimok din ni Diaz ang publiko na i-report ang naturang misleading post upang mapigilan ang pagkalat ng maling impormasyon.
Si Hidilyn Diaz ang kauna-unahang Pilipinong atleta na nakapag-uwi ng gintong medalya sa Olympics, matapos ang kanyang tagumpay sa women’s 55kg weightlifting event sa Tokyo 2020.
Bukod sa kanyang mga karangalan sa larangan ng sports, kilala rin siya bilang isang aktibong tagapagsalita laban sa mga isyung panlipunan at tagapagtaguyod ng kabataan at edukasyon.

PBBM sa ghost flood projects sa Bulacan: ” I’m not disappointed but very angry.” 

Posted on: August 21st, 2025 by @peoplesbalita No Comments
SINABI ni Pangulong Ferdinand Marcos Jr. na galit na galit siya sa ghost flood projects sa Bulacan province.
Inihayag ito ng Pangulo matapos inspeksyunin ang pinatibay na konkretong riverwall project sa Barangay Piel, Baliuag.
”Extremely, more than disappointed, I’m actually… I’m getting very angry with what’s happening here… Nakaka… Papaano naman, 220 meters, P55 million completed ang record ng Public Works, [pero] walang ginawa. Kahit isang araw hindi nagtrabaho… Puntahan ninyo, wala kayong makita kahit ano… Tuloy-tuloy ang pagbaha doon sa kabila,” ang sinabi ng Pangulo.
Tinuran pa ng Pangulo na kung ang proyekto ay maayos na ipinatupad, malaking tulong ito sa irrigation system ng lalawigan.
”I’m not disappointed, I’m angry,” ang winika ni Pangulong Marcos.
Sa kabilang dako, base sa dokumento ng Department of Public Works and Highways, ang kontratista ng ‘reinforced concrete riverwall project’ sa Purok 4 ay Syms Construction Trading, na may kabuuang contract cost na P55,730,911.60.
Ang aktuwal na pagsisimula ng petsa na nakalagay ay February 2, 2025 at ang contract expiry date ay October 22, 2025.
Sa pag-inspeksyon naman ng Pangulo, sinabi nito na ‘as of June 2025″ sinasabi sa report na ang proyekto ay kompleto na at fully paid.
Sinabi pa nito na ang proyekto na kamakailan lamang inilunsad sumbongsapangulo.ph website, isang online portal kung saan maaaring magreklamo ang publiko ukol sa maanomalyang flood control programs.
”Wala kaming makita na kahit isang hollow block, isang ano ng semento, walang equipment dito. Lahat ng project na ito, ghost projects,” ayon sa Pangulo.
Nauna rito, nangako si Senate Blue Ribbon Committee Chair Sen. Rodante Marcoleta na nakahanda ang naturang komite na makipagtulungan sa Department of Public Works and Highways (DPWH) sa gagawin nitong imbestigasyon sa mga ghost public infrastructure project.
Sa pagdinig ng komite sa naturang isyu, inamin ni DPWH Secretary Manuel Bonoan na may mga ghost public infra project sa bansa, lalo na ang mga flood control.
Ngunit pagtitiyak ng kalihim, nagsasagawa na ang ahensiya ng mga serye ng imbestigasyon laban sa mga sangkot upang mkapaghain ang mga ito ng kaukulang kaso.
Ayon kay Sen. Marcoleta, nakahanda ang komite na tulungan ang DPWH sa imbestigasyon nito sa mga ghost project atbpang maanomalyang public infra projects, saanmang bahagi ng bansa.
Nakahanda rin aniya ang komite na mag-deputize ng isa nitong staff upang makatulong sa isasagawa nitong imbestigasyon.
Sa katunayan aniya, nakahanda rin siyang sumama sa mga field validation na gagawin ng DPWH sa lahat upang tukuyin ang kalidad ng mga itinatayong istraktura, kasabay ng malawakang imbestigasyon.
Hiniling din ng senador kay Sec. Bonoan na magpahiram muna ito ng isang backhoe upang tunguhin ang ilang project site at tingnan ang kalidad ng mga ito.
Pagbibiro pa ng makapangyarihang Blue Ribbon Committe chair, wala siyang kakayahang bayaran ang isang backhoe kaya’t nakiki-usap siya sa kalihim na maglaan muna mula sa kanilang mga heavy equipment. (Daris Jose)

Nagsumite ng false claims laban sa gobyerno, dapat managot

Posted on: August 21st, 2025 by @peoplesbalita No Comments
INIHAIN ni Quezon City Rep.Jesus "Bong" Suntay ang House Bill No. 3857 o False Claims and Whistleblower Protection Act upang mapalakas ang kampanya ng gobyerno laban sa korapsyon at maling paggamit ng pondo ng bayan.


"Panahon na para mas maging accountable ang lahat. Kung sino man ang mag-submit ng false claim laban sa gobyerno, mananagot — at may kasama pang triple damages," ani Suntay.


Sa ilalim ng panukalang batas:
• Mabigat na Parusa – Multa mula ₱500,000 hanggang ₱4,000,000 bawat violation, kasama ang treble damages (tatlong beses ng halagang nawala sa gobyerno).

• Reward System – Mga ordinaryong mamamayan na maglalantad ng katiwalian ay pwedeng tumanggap ng 15–30% ng halagang mababawi.

• Proteksyon sa Whistleblowers – May safeguards laban sa harassment, panggigipit, at illegal dismissal. Garantiyado rin ang reinstatement, back pay, at damages kung sakaling mag-retaliate ang kanilang employer.


"Hindi lang ito laban kontra pandaraya. Isa itong panukala para bigyan ng boses at proteksyon ang mga matitinong Pilipino na handang lumaban para sa tama," dagdag ni Suntay.


Bukod pa dito, ayon sa mambabatas, "hindi biro ang magkaso ng recovery cases. Masyadong mabagal, magastos, at minsan nauuwi sa wala. Sa ilalim ng panukalang ito, mas magiging mabilis ang proseso, mas mabigat ang parusa, at mas protektado ang mga maglalakas-loob na magsumbong".


Kung maisasabatas, ang HB 3857 ay magbibigay ng malinaw na mensahe: ang kaban ng bayan ay hindi laruan ng mga mandaraya.
(Vina de Guzman)

Kelot, kalaboso sa baril sa Valenzuela

Posted on: August 21st, 2025 by @peoplesbalita No Comments
LAGLAG sa selda ang isang kelot matapos makuhanan ng hindi lisensyadong baril sa Valenzuela City, kamakalawa ng gabi.

Sa kanyang report kay Northern Police District (NPD) Acting District Director P/BGen. Jerry Protacio, sinabi ni Valenzuela Police Acting Chief P/Col. Joseph Talento, nagtungo ang kanyang mga tauhan sa Brgy. Ugong para magsilbi ng arrest warrant laban sa isang idibidwal.

Pagdating ng mga operatiba ng Station Intelligene Section (SIS) sa Que Balag Street, Brgy. Ugong dakong alas-9:30 ng gabi, naispatan nila ang kanilang target na wanted person na may kasamang isang lalaki.

Gayunman, nang mapansin nito ang papalapit na mga operatiba ay mabilis itong nakaiwas at tumakas habang naiwan naman ang kanyang kasamang lalaki.

Dito, napansin ng mga operatiba ang nakasukbit na baril sa baywang ng 26-anyos na lalaki na si alyas "Edwin", kaya agad itong kinumpiska ng mga pulis.

Nang walang maipresentang ang suspek na mga dokumento hinggil sa ligaledad ng nakuha sa kanya na isang kalibre .38 revolver na kargado ng isang bala ay pinosasan siya ng mga tauhan ni Col. Talento.

Ayon sa pulisya, naipresenta na ang suspek sa inquest procedings para sa kasong paglabag sa R.A 10591 o ang Comprehensive Law on Firearms and Ammunition Regulation Act sa Valenzuela City Prosecutor's Office. (Richard Mesa)

					

2 drug suspects, tiklo sa P106K droga sa Caloocan at Navotas

Posted on: August 21st, 2025 by @peoplesbalita No Comments
UMABOT sa mahigit P.1 milyon halaga ng shabu ang nasamsam sa dalawang drug suspects na naaresto ng pulisya sa magkahiwalay na operation sa Caloocan at Navotas Cities.

Sa ulat, nakatanggap ng impormasyon ang mga tauhan ni Navotas Police Acting Chief P/Col. Renante Pinuela hinggil sa umano'y ilegal drug activities ni alyas "Niño," 31, listed bilang street-level individual (SLI).

Nang magawa ng isa sa mga operatiba ng Station Drug Enforcement Unit (SDEU) na makipagtransaksyon sa suspek, ikinasa ng mga tauhan ni Col. Pinuela ang buy bust operation, sa koordinasyon sa PDEA.

Hindi na nakapalag ang suspek nang dambahin ng mga operatiba ng SDEU dakong alas-12:30 ng hating gabi matapos umanong tanggapin ang marked money mula sa pulis na nagpanggap na buyer kapalit ng isang sachet ng shabu sa M. Naval St., Barangay Bangkulasi.

Nakumpiska sa suspek ang nasa 10.64 grams ng hinihinalang shabu na may katumbas na halagang P72,352.00 at isang markadong P500 bill na ginamit bilang buy bust money.

Sa Caloocan, dinakip naman ng mga tauhan ni Caloocan Police Acting Chief P/Col. Joey Goforth si alyas "Gbaril", 26, matapos umanong pumalag nang sitahin sa paglabag nito sa city ordinance dakong ala-1:30 ng madaling araw sa Crispulo Street, Barangay 180.

Nang kapkapan, nakuha kay Gabril ang isang plastic sachet na naglalaman ng nasa 5 grams ng umano'y shabu na nagkakahalaga ng P34,000.00.

Pinuri naman ni P/BGen. Jerry Protacio, District Director ng Northern Police District, ang arresting teams sa kanilang kasipagan at professionalism na binibigyang-diin ang hindi natitinag na pangako sa pangangalaga sa kaligtasan ng publiko. (Richard Mesa)

					

Kelot na bibili ng cellphone, kinuyog ng 3 vendors

Posted on: August 21st, 2025 by @peoplesbalita No Comments
PINAGTULUNGANG kuyugin ng tatlong vendors ang isa nilang parokyano nang humiling ito na kuhanan muna sila ng larawan bago bumili ng cellular phone sa Caloocan City.

Napag-alaman na bibili sana ng cellphone ang biktimang si alyas "Jonard", nasa hustong, residente ng Munoz sa mga suspek na may puwesto ng tindahan sa gilid lang ng Bus Carousel Station sa EDSA Monumento pasado alas-8 ng umaga pero hiniling muna niya na kuhanan ng litrato ang mga vendor upang makikilala pa rin niya kung sakali na masira kaagad ang bibilhing gadget.

Hindi umano pumayag ang mga vendor na nauwi sa pagtatalo hanggang pagtulungan ng gulpihin at pagpapaluin ng monoblock chair ang biktima na nagawa pang makatakbo bago tuluyang humandusay.

Matapos ang insidente, mabilis na tumakas ang mga suspek habang isinugod naman ng ambulansiya ng Caloocan City Disaster Risk Reduction and Management Office (CDRRMO) sa pagamutan ang biktima para lapatan ng kaukulang lunas.

Ipinag-utos na ni Caloocan police chief P/Col. Joey Goforth sa kanyang mga tauhan ang pagtugis sa mga suspek. (Richard Mesa)

Mt. Kamuning papalitan ng isang commuter-friendly concourse

Posted on: August 21st, 2025 by @peoplesbalita No Comments
Nagbigay ng pahayag ang Department of Transportation (DOTr) na kanilang papalitan ang tinatawag na 30-foot-tall Mt. Kamuning footbridge ng isang commuter- friendly concourse.
Inaasahan na magiging operasyonal ang Kamuning Busway concourse ngayon darating na December. Ang nasabing concourse ay tulad ng SM North EDSA Busway concourse na may mag elevators at guided walkways. Ang disenyo ay tutugma rin sa
gagawing proyekto sa rehabilitasyon ng EDSA Busway
Aalisin ang mga mataas na stairways na kung saan ang mga pasahero ay nagbibiro na matagumpay na nilang napuntahan ang tuktok ng Mt.Kamuning.
Ang bagong concourse ay magkakaroon ng mas malawak na staircases na may mga elevators at wheelchair lifts para sa mga PWDs at senior citizens. Lalagyan din ito ng
malawak na overhangs na magbibigay ng proteksyon sa mga pasahero mula sa init ng araw at ulan.
“The concourse itself features an expanded platform, with bigger signage to help commuters navigate through the terminal and the overall busway. If the new concourse indeed follows the blueprint from the rehabilitation project, it will also be equipped with
outposts for security personnel and custodial teams, as well guided walkways for visually impaired commuters,” wika ni DOTr Secretary Vince Dizon.
Sa gagawing rehabilitasyon, ang istasyon sa EDSA Busway ng Monumento, Bagong Barrio, North Avenue, at Guadalupe ay babaguhin at itutulad sa istasyon ng Kamuning concourse. Habang gagawin naman ang bagong istasyon sa Paranaque
Integrated Terminal Exchange (PITX) at Cubao. Inaasahang matatapos ang dalawang nasabing istasyon sa pagitan ng second at third quarters ng 2026.
Sa kabilang dako naman, sinabi pa rin ng DOTr na nasa plano nila ang panibagong paglulunsad ng dating Love Bus sa buong bansa bago matapos ang taon.
Ayon kay President Ferdinand Marcos, Jr. na ang proyekto ay mayroon ng ginagawang pilot testing sa Cebu at Davao na ilulungsad din sa mga lungsod sa Visayas
at Mindanao.
Naghahanda na ang DOTr sa maaaring maganap na roll-out ng libreng transportasyong linya ng Love Bus bago matapos ang taon.
“The Love Bus will feature a slightly updated logo on a new provincial unit. It will adopt a more minimalist look, using fewer colors and accents while retaining blue base and white stripe across the middle,” saad ni Dizon.
Noong taong 2022 ay naglabas ang Hino Motors Philippines ng katulad ng Love Bus. Mayroon itong katulad na kulay subalit inalis ang heart-shaped border sa paikot ng logo na kaiba mula sa kung ano ang ilulunsad ng DOTr. LASACMAR

LTO, PNP-ACG nagsanib puwersa sa pamamagitan ng MOU SIGNING vs ONLINE FIXERS, SCAMMERS AT CYBERCRIMINALS

Posted on: August 21st, 2025 by @peoplesbalita No Comments
NAKIPAGSANIB-puwersa ang Land Transportation Office (LTO), sa pamumuno ni Department of Transportation (DOTr) Secretary Vince Dizon, sa Anti-Cybercrime Group ng Philippine National Police (PNP-ACG) upang palakasin ang kooperasyon laban sa mga cybercriminals, partikular sa mga sangkot sa ilegal na transaksyon kaugnay ng land transport agency.
Nilagdaan nina LTO Chief, Assistant Secretary Vigor D. Mendoza II, at PNP-ACG Director Police Brigadier General Bernard R. Yang ang Memorandum of Understanding (MOU), alinsunod sa direktiba ni Pangulong Ferdinand “Bongbong” R. Marcos Jr. na gawing ligtas ang lahat ng digital transactions sa pamahalaan at tiyakin ang mahigpit na pagsunod sa data privacy.
Ayon kay Asec. Mendoza, ang MOU ay nakabatay sa mandato ng dalawang ahensya na kumilos sa mga larangan kung saan nagtatagpo ang usapin ng proteksyon ng datos at mga cyber-related offenses, na kung minsan ay nangangailangan ng magkatuwang na pagtugon.
Ang PNP-ACG ay nakatuon sa pagpapatupad ng mga umiiral na batas laban sa cybercrime at iba pang kaugnay na krimen, gayundin sa pagpapaigting ng kampanya kontra cybercriminals.
Samantala, ang LTO ay patuloy na lumalaban sa fixers sa pamamagitan ng iba’t ibang hakbang gaya ng pagsasagawa ng on-site outreach programs, pagpapatupad ng full digitalization program, pakikipag-ugnayan sa law enforcement agencies, at pagpapadala ng mga ahenteng magbabantay laban sa mga fixers.
Sa ilalim ng kasunduan, parehong magsasagawa ang LTO at PNP-ACG ng mas epektibong information-sharing, joint initiatives, at coordinated enforcement efforts para sa kapakanan ng publiko.
Saklaw ng kooperasyon ang Case Referral, Joint Investigation and Information Sharing, Enforcement Mechanism, Knowledge Sharing at Capacity-Building Activities.
Inaatasan din ng parehong kasunduan ang dalawang ahensya na tiyakin ang proteksyon ng karapatan ng mga stakeholders sa data privacy at cybersecurity, gayundin ang wastong paggamit at pagpapalawak ng mga resources na nakuha ng LTO at PNP-ACG para sa kapakinabangan ng mamamayan.
Sa pangkalahatan, layunin ng MOU na palakasin ang ugnayan upang mapangalagaan ang data privacy, mapabuti ang cybersecurity measures, at labanan ang mga cybercrimes gaya ng online scams at paglaganap ng mga fixers sa mga transaksyong kaugnay ng land transportation.
Binigyang-diin ni Asec. Mendoza ang kahalagahan ng tulong ng PNP-ACG lalo na’t kabilang ang LTO sa mga ahensyang may malaking puhunan sa digitalization ng lahat ng transaksyon, alinsunod sa direktiba ni Pangulong Marcos.
“Ang pakikipag-ugnayan na ito sa pagitan ng PNP-ACG at LTO ay isang makapangyarihang hakbang para maprotektahan ang ating mga mamamayan hindi lamang sa kalsada, kundi maging sa cyberspace,” ani PBGEN Yang. (PAUL JOHN REYES)

DPWH inamin ‘ghost’ flood projects sa Bulacan

Posted on: August 21st, 2025 by @peoplesbalita No Comments
KINUMPIRMA ni Department of Public Works and Highways (DPWH) Secretary Manuel Bonoan ang pagkakaroon ng “ghost” flood control projects sa ilang distrito ng Bulacan at sinasabing nagsasagawa na sila ng imbestigasyon sa nasabing isyu.
Sa pagdinig ng Senate Blue Ribbon Committee, sinabi ni Senate President Pro Tempore Jinggoy Estrada na nakatanggap siya ng mga ulat ng ghost projects sa Calumpit, Malolos, at Hagonoy.
Sinabi ng DPWH chief na may kahalintulad na impormasyon silang natanggap at maglalabas sila ng financial at physical report.
Base sa impormasyong nakuha ni Estrada, ang contractor sa likod ng “ghost” flood control projects sa Bulacan ay ang Wawao Builders.
Isa ito sa 15 kum­panya na naunang tinukoy ni Pangulong Ferdinand Marcos Jr. na nakakuha ng karamihan sa mga kontrata sa pagkontrol sa baha ng gobyerno.
Samantala, sinabi ni Sen. Juan Miguel Zubiri na dapat ilabas ang listahan ng mga mambabatas na nagsulong ng mga palpak na proyekto ng gobyerno.
“Kaya for three years na wala yung legacy projects ng ating Pangulo. Dahil nga, siguro there was a free hand and we’re all guilty – both House and the Senate. So I think ‘wag na tayong mag santo-santo dito. Ilabas na natin yung listahan. Sino ba nag-amend nyan? Tapos depensahan ng Kongresman o Senador sa Luneta kung kaya nyang depensahan bakit nya nilagay dun,” ani Zubiri.
Tinawag naman ni Sen. Erwin Tulfo na “pagnanakaw to the max” ang nakukuhang komis­yon at kickback ng mga kontraktor at ilang tiwaling opisyal ng pamahalaan.
“P545.64 billion pesos of flood control. This is nothing less than a grand robbery of our nation. Sa salitang kal­ye, ‘pagnanakaw to the max’,” pahayag ni Tulfo.
Ayon pa kay Tulfo, bago pa magawa ang isang proyekto, hinihingi­an na umano ng ilang politiko ng 20-25 percent na komisyon ang mga kontratista. Ito aniya ang dahilan kung bakit substandard o palpak ang mga proyekto at karamihan ay “ghost projects” na.

Ads August 21, 2025

Posted on: August 21st, 2025 by @peoplesbalita No Comments

21 – 4-merged