SINABI ni Interior and Local Government Secretary Jonvic Remulla na ang resulta ng kamakailan lamang na eleksyon sa bansa ay pagpapakita na mas pinili na ngayon ng mga Filipino ang ‘good governance’ o mabuting pamamahala.

Sinabi ni Remulla na ang resulta sa eleksyon ay nag-iba sa pre-election surveys at maraming nanalong kandidato ang natalo ang may malalaking pangalan sa politika sa iba’t ibang lalawigan at rehiyon.

Sinabi pa rin ng Kalihim na indikasyon lamang ito na ang mga botante ay mas pinili ngayon ang ‘open at good governance.’

Winika pa nito na ang boto ay hindi lamang isang boto para kay Pangulong Ferdinand Marcos Jr. o para kay dating Pangulong Rodrigo Duterte, subalit boto ito ng tao para sa pagbabago at pananagutan .

“What came out of the polls was extraordinary. What came out of the local elections was extraordinary. I have a different view. It was not a binary elections. It was not one family or the other. It is not about the current president versus the family of the former. It was not a binary choice, the choice was about governance,” ani Remulla.

Kapansin-pansin din aniya na hindi rin pumili ang mga botante ng maraming political dynasty at sa halip ay bumoto para sa alternatibo sa ilang lugar.

“Dynasties fell and new ones are emerging. Every dynasty has one common feature- they stay too long, they govern too much, and they held everything in closed doors. More than ever, we need local governance,” aniya pa rin.

Winika pa nito na ang boto ay hindi lamang isang boto para kay Pangulong Ferdinand Marcos Jr. o para kay dating Pangulong Rodrigo Duterte, subalit boto ito ng tao para sa pagbabago at pananagutan .

“What came out of the polls was extraordinary. What came out of the local elections was extraordinary. I have a different view. It was not a binary elections. It was not one family or the other. It is not about the current president versus the family of the former. It was not a binary choice, the choice was about governance,” ani Remulla.

Kapansin-pansin din aniya na hindi rin pumili ang mga botante ng maraming political dynasty at sa halip ay bumoto para sa alternatibo sa ilang lugar.

“Dynasties fell and new ones are emerging. Every dynasty has one common feature- they stay too long, they govern too much, and they held everything in closed doors. More than ever, we need local governance,” aniya pa rin. (Daris Jose)

NAGMOBILISA na ang TINGOG Party-list, sa pakikipag -koordinasyon ng  Office of House Speaker Ferdinand Martin Romualdez ng agarang government action bilang tugon sa partial closure  San Juanico Bridge, na nag-uugnay sa isla Leyte at Samar.

Noong  May 17, 2025, nagkaroon ng  multi-agency consultative meeting na pinamunuan ng TINGOG at Office of the House Speaker, kabilang na ang mahigit sa 30 national government tulad ng   DPWH, MARINA, PPA, LTFRB, DSWD, DEPDev, OCD, at iba pang tanggapan ng gobyerno.

Sa ginanap na pagpupulong, ilang usapin ang natalakay para masiguro ang  public safety, mabawasan ang epekto sa commuters at businesses, at agad maibalik ang pagdaan at biyahe sa naturang lugar.

Kabilang na rito ang collaboration ng DPWH at MARINA upang matukoy at mapreparea ang alternative transport routes at ports. Kasama dito ang Amandayehan Port sa Basey, Samar, na inihahanda para sa Ro-Ro operations.

Mga permits para sa karagdagang  Sta. Clara Shipping vessels na naaprubahan.

Koordinasyon sa PPA at MARINA para sa  docking arrangements at  alternative maritime routes.

Sa koordinasyon sa DPWH, inilunsad ng TINGOG ang 24-hour free ride service sa apektadong pasahero at commuters

Pagkakaroon ng pansamantalng passenger terminals at assistance centers sa magkabilang dulo ng  San Juanico Bridge, na mabibigay ng  basic services at emergency support, sa tulong ng  DSWD, OCD, AFP, PNP, DICT, at local CSWDOs. (Vina de Guzman)

TINATAYANG P5,321,563,665.95  billion halaga na illegal drugs o shabu ang sinunog  ng Philippine Drug Enforcement Ageency (PDEA) sa Integrated Waste Management Inc. (IWMI) sa Brgy Aguado, Trece Martires City Martes ng umaga.

Kabilang sa mga sinunog ay  738.2005 kilograms ng  Methamphetamine Hydrochloride, o Shabu; 1,478,4915 kilograms ng  Marijuana, 4,8668 kilogram na MDMA o Ecstasy ; 39,2168 gramo na Cocaine; 2,2116 gramo na toluene; 6,1516 gramo na Ketamine;  5,51000 gramo na Phenacetin; 1,0400 gramo na LSD; 2,000 ml  na Liquid Cocaine; 49,0420 ml na liquid meth; 1,398,05 ml na liquid marijuana at mga iba’t ibang assorted  surrendered expired medicines.

” These are pieces of drug evidence confiscated during  anti-drug operation by PDEA and other counterpart law enforcement turn over by authorities that were recently ordered  by the court  to be destroyed. Stacked inside a chamber, the dangerous drugs were burned beyond recovery’ ayon kay PDEA Director Undersecretary Isagani R. Nerez.

Ang mga droga at controlled precursors and essential chemicals (CPECs) ay bahagi ng mga ebidensya na nakumpiska sa iba’t ibang drug operations na isinagawa ng PDEA kasama ang kanilang counter part law enforcement at military units at hindi na kailangan na ebidensya sa korte.

Sinunog ang nabanggit na mga drug evidence sa pamamagitan ng Thermal Decomposition, o thermolysis, isang proseso kung saan sinusunog ang mga ito na may 1,000 degrees centigrade na init nito

Kasama sa nasabing okasyon ay mula sa representante ng Department of Justice (DOJ), Department of the Interior and Local Government (DILG), mga lokal na opisyal ng Barangay Aguado, Trece Martires City, Philippine National Police (PNP) at iba pang law enforcement agencies, non-government organizations (NGOs) at mga mamamahayag.

Ang pagsira sa mga iba’t ibang droga ay pagsunod sa ipinapatupad na panuntunan sa kustodiya at pagtatapon sa mga nakumpiskang mga droga na nakasaad sa Section 21, Article II of Republic Act 9165, o ang Comprehensive Dangerous Drugs Act of 2002, and Dangerous Drugs Board Regulation No. 1, Series of 2002. (Gene  Adsuara)

HALOS umabot na sa P10T ang panukalang budget na isinumite ng mga ahensiya ng pamahalaan para sa state expenditure plan para sa taong 2026.

Inaasahan din na lolobo ito hanggang sa P11 trillion —halos P2 trillion na higit sa P9 trillion na isinumite na national budget ngayong taon.

Sinabi ni Budget Secretary Amenah Pangandaman na ang budget submissions ng mga ahensiya ng pamahalaan ay nananatiling “almost P10 [trillion] to date.”

Gayunman, sinabi ni Department of Budget and Management (DBM) Undersecretary Goddess Libiran na base sa Budget Preparation and Execution Group, ang tantiya nito na kabuuan ng isusumiteng budget ay tatama sa P11 trillion.

“But that’s still an estimate since we’re in the process of consolidating all [budget] requests,” ang sinabi ni Libiran.

Dahil sa limitadong fiscal space, sinabi ni Pangandaman na maingat na pag-aaralan ng DBM ang panukalang budget na isinumite ng mga ahensiya.

Base sa 2022-2028 Medium Term Fiscal Framework, ang state expenditure plan para sa 2026 ay tinatayang P6.793 trillion.

Matatandaang, noong nakaraang taon, natanggap ng DBM ang P9.2 trillion na halaga ng budget proposals, subalit ang inaprubahan lamang ay P6.352 trillion bilang National Expenditure Program (NEP) na naging 2025 General Appropriations Act.

Sa ulat, ‘As early as December 27, 2024’, ang nanawagan ang Budget Department sa lahat ng departamento ng gobyerno at maging sa mga ahensiya na maghanda para sa kanilang budget proposals para sa Fiscal Year 2026.

Nauna rito, sinabi ng Kalihim na ang pagpapalabas ng Budget Call ay isinagawa “so that there is enough time for the agencies to prepare their budget request to DBM.”

Kabilang sa budget na isinumite para sa Fiscal Year 2026 ay Tier 1 at Tier 2 proposals.

Ang Tier 1 ay tumutukoy sa mga umuulit na proyekto habang ang Tier 2 ay mga bago at pinalawak na panukala, ayon kay Libiran.

Samantala, sinabi ni Pangandaman na ang NEP o panukalang national budget para sa susunod na taon ay isusumite sa Kongreso “hopefully two weeks after SONA (State of the Nation Address).”

Nakatakda sa July 28, 2025 ang 4th SONA ni Pangulong Ferdinand Marcos Jr. , ang kanyang annual address sa banay sa isang joint session ng Mababang Kapulungan ng Kongreso at Senado.

Sa ilalim ng Saligang Batas, ang panukalamng national budget para sa susunod na taon ay isusumite sa Kongreso “no later than 30 days” matapos ang SONA. ( Daris Jose)

DALAWANG pugante na kapwa akusado sa karumal-dumal na krimen ang magkasabay na nadakma ng pulisya nang matunton sa kanilang pinagtaguang lugar sa Valenzuela City, kahapon ng umaga.

Ayon kay Valenzuela Acting Police Chief P/Col. Relly Arnedo, nakatanggap sila ng impormasyon na muling nagbalik sa lungsod sina alyas “Dodoy” 53, at alyas “Rey” 55, matapos magtago sa lalawigan sa Bicol Region kung saan kapuwa sila dating naninirahan sa Sorsogon City.

Nang matukoy kung saan nanunuluyan ang mga akusado, agad ikinasa ng operatiba ng Warrant and Subpoena Section ang operation na nagresulta sa pagkakaaresto sa dalawang pugante dakong 9:40 ng umaga sa Agustin St. Brgy. Malina.

Hindi na nakapalag ang dalawa nang isilbi sa kanila ang warrant of arrest na inilabas noong Nobyembre 26, 2024 ng Valenzuela Regional Trial Court (RTC) Branch 172 para sa kinakaharap na mabigat na kasong Murder na walang inirekomendang piyansa.

Pinuri naman ni Northern Police District (NPD) Director P/BGen, Josefino Ligan ang Valenzuela Police Station sa mabilis na pagkakadakip sa dalawang pugante na aniya ay nagpapatunay lamang na walang puwang ang mga kriminal na gumawa ng karimarimarim na krimen sa Camanava (Caloocan, Malabon, Navotas, Valenzuela) area. (Richard Mesa)

LAGLAG sa selda ang 27-anyos na kelot matapos inguso sa mga pulis ng isang ‘Marites’ na armado ng baril habang palakad-lakad sa kalsada sa Caloocan City, kahapon ng madaling araw.

Sa ulat Northern Police District (NPD) Director P/BGen. Josefino Ligan, unang nakatanggap ng tawag mula sa isang residente ng barangay 185 ang mga tauhan ng Tala Police Sub-Station 14 hinggil sa lalaking nakasuot ng puting short sleeve hoodie at pulang short pants na palakad-lakad at tila nagmamanman sa kanilang lugar dakong alas-1 ng madaling araw.

Kaagad namang rumesponde ang mga pulis sa lugar kung saan naispatan ng mga ito ang lalaking tumutugma sa ibinigay na deskripsiyon ng nagsumbong sa Gumamela St. Brgy. 185 habang may bitbit na armas kaya maingat nila itong nilapitan.

Gyunman, nakatunog ang suspek na nakilala sa alyas “Tenga”, kaya agad niyang inihagis sa gilid ng bangketa ang hawak na baril subalit, huli na dahil nakorner na siya ng mga pulis.

Nakumpiska ng mga pulis ang isang kalibre .38 revolver na kargado ng dalawang bala at nang walang naipakita ang suspek na mga dokumento hinggil sa legalidad ng naturang baril ay inaresto na siya.

Kasong paglabag sa R.A. 10591 (Comprehensive Firearms and Ammunition Regulation Act) at Batas Pambansa Blg. 881 (Omnibus Election Code of the Philippines) ang isinampa ng mga pulis laban sa suspek sa Caloocan City Prosecutor’s Office. (Richard Mesa)