MULI na namang ile-level-up ng Rampa Drag Club ang landscape ng LGBTQ+ nightlife ng bansa sa opisyal na paglipat nito sa mas malaki at mas bonggang location sa gitna ng Tomas Morato, Quezon City.Mula nang mag-grand opening ito nuong unang quarter ng 2024, walang tigil ang Rampa sa commitment nito na bigyan ang community ng isang safe at open space para sa self-expression.
Sa pagsasanib puwersa ng mga Philippine LGBTQ+ icons at allies gaya nina RS Francisco, Cecille Bravo, Ice Seguerra, Boy Abunda, at ang Divine Divas na sina Precious Paula Nicole, Brigiding, at Vinas Deluxe, walang puknat ang Rampa sa pagbibigay sunod-sunod na parties na ang mensahe ay ang pagkakaisa at selebrasyon ng creative freedom kung saan ang pabolosang mundo ng drag ang nagbubuklod sa over-the-top fun ng venue.
Ngayon, with much hard work and dedication, kilala na ang Rampa bilang tahanan ng mga bagong simbolo na drag artists na kilala bilang Rampa Reynas, kasama ang kanilang homegrown dancers, ang Rampa Movers.
Ang nakaka-inspire na talento ng mga artists ng Rampa ay umani ng papuri di lamang ng kumunidad at ng Philippine press ngunit pati na rin ng international news organizations gaya ng The New York Times at pati ng mga international celebrities gaya ni Lady Gaga na napansin ang performance ni Precious Paula Nicole ng kanyang smash hit dance single na “Abracadabra.”
Kaya tuloy-tuloy ang party sa grand reopening nito ngayong gabi.
***
ALINSUNOD sa direktiba ni Pangulong Ferdinand R. Marcos Jr. para sa lahat ng miyembro ng gabinete at pinuno ng mga ahensya na magsumite ng kanilang courtesy resignation, pormal na naghain ng kanyang courtesy resignation ang Movie and Television Review and Classification Board (MTRCB) Chairperson at CEO Lala Sotto-Antonio noong Biyernes, Mayo 23, 2025, sa pamamagitan ng Office of the Executive Secretary Lucas P. Bersamin.
Sa kanyang liham na natanggap ng Office of the President, ipinarating ni Sotto-Antonio ang kanyang pasasalamat sa pagkakataong makapaglingkod sa administrasyong Marcos, Jr. at mamuno sa MTRCB sa pagpapatupad ng mandato nito na suriin at pag-uri-uriin ang mga pelikula, na tinitiyak na ang nilalaman ay nananatiling angkop at naaangkop sa edad para sa mga manonood na Pilipino lalo na sa mga bata.
“It has been a profound honor to serve in your administration and to lead the MTRCB in fulfilling its mandate of guiding and safeguarding the content consumed by the Filipino public,” sabi ni Sotto-Antonio.
“I remain grateful for the opportunity to contribute to nation-building through this agency and for the trust you have placed in me during my tenure.”
Si Chairperson Sotto-Antonio ay itinalaga ni Pangulong Marcos Jr. noong Hulyo 7, 2022, at mula noon ay pinamunuan niya ang MTRCB na may diin sa pagpapalakas ng responsableng regulasyon sa nilalaman, pagtataguyod ng media literacy sa pamamagitan ng mga kampanya tulad ng Responsableng Panonood program, at paggawa ng makabago sa mga sistema ng pag-uuri ng Ahensya upang makasabay sa patuloy na nagbabagong tanawin ng media.
Lumahok at kinatawan niya ang Pilipinas sa iba’t ibang mga internasyonal na forum, kabilang ang Annual Conference ng International Institute of Communication (IIC) sa Bangkok, Thailand, Latin America at Caribbean, Annual Asia Digital Communications, Media Forum sa Seoul, South Korea, at bilang resource speaker sa Miami, Florida Media Summit noong 2023.
Sa ilalim ng kanyang pamumuno, ang Lupon ay nagtakda ng bagong benchmark na may higit sa 267,000 mga materyales na nasuri noong 2024, nakatanggap ng mga papuri mula sa mga co-regulator sa buong mundo, nakamit ang mataas na marka sa mga pagsusuri sa pagganap at pinalawak ang pakikipagtulungan nito sa mga pangunahing stakeholder, na muling pinagtitibay ang papel nito sa pagprotekta sa mga manonood ng Filipino—lalo na sa mga bata at pamilya—mula sa potensyal na nakakapinsalang content.
(ROHN ROMULO)
NAGPAHAYAG ng buong suporta si Speaker Ferdinand Martin Romualdez sa direktiba ni Pangulong Bongbong Marcos na pagbitiwin ang mga miyembro ng gabinete upang mabigyan ito ng espasyo na mare-organize ang kanyang mga departamento.
IBINASURA ng Commission on Elections (Comelec) ang petition for disqualification laban kay Senator-elect Erwin Tulfo sa May 2025 midterm elections.
NASAMSAM sa isang bagong identified High-Value Individual (HVI) drug pusher ang mahigit P.3 milyong halaga ng droga nang kumagat sa ikinasang buy bust operation sa Caloocan City, kamakalawa ng hapon.
SUGATAN ang isang construction worker matapos ng srewdriver ng selosong kapitbahay makaraang paghinala ang suspek na may gusto ang biktima sa kanyang live-in partner sa Malabon City, kahapon ng umaga.
ARESTADO ang isang lalaki dahil sa illegal na pagre-recruit ng mga aplikante ng Philippine Coast Guard (PCG) kapalit ng pera.
TIMBOG ang dalawang holdaper nang masapol sa kuha ng close circuit television (CCTV) camera ang ginawa nilang panghoholdap sa isang coffee shop sa Caloocan City.