2025 May Archive - People's Balita

Archive for May, 2025

Malalim daw ang pinag-ugatan ng tampuhan: GERALD at JULIA, usap-usapan ang balitang naghiwalay na

Posted on: May 27th, 2025 by @peoplesbalita No Comments

MAY katotohanan kaya ang tsikang hiwalayan blues nina Gerald Anderson at Julia Barretto.

Ito ang obserbasyon ng nga taong nasa paligid nila. Nagkanya-kanya na raw lakad ngayon ang dalawa.

Dagdag pa raw ang ginawang pagbura ng dalawa sa mga larawan na magkakasama sila sa Instagram pages nila.

Well, sa totoo lang naman kung ilang beses na rin naman nagkaroon ng isyu na hiwalay na ang dalawa di ba?

Pero ang ending nagkaayos din naman at na patch nila ang hidwaan.

Ayon pa sa source namin ay iba na raw ang sitwasyon ngayon nina Gerald at Julia.

Mukhang malalim daw ang pinag-ugatan ng tampuhan at maaring hahantong na raw sa tuluyang paghihiwalay.

Pero sa mga nakausap naming taga-showbiz ay maaring gumawa lang daw ng ingay sina Gerald at Julia.

Hindi na raw kasi gaanong hot topic ang dalawa, huh!

***

WALANG katotohanan daw ang isyu kina re-elected Bulacan Governor Daniel Fernando at Kim Rodriguez.

Ito ang tsika sa amin ng nakausap naming staff ng gobernador.

Siyempre itinanggi rin niya ang isyung binigyan ng kotse ng Gov. Daniel si Kim at pati na rin sa sinasabing isang milyong allowance nito.

Paliwanag pa rin ng kausap namin na bahagi raw yun sa mga ginawang paninira kay sa gobernador ng mga nakalaban sa pulitika.

Samantala landslide ang pagkapanalo ni Gov. Daniel, tinambakan nila nang husto ng ka-tandem niyang si VG Alex Castro ang mga katunggali.

Now on his 3rd and last term may balak kayang tumakbo sa higher position si Gov. Fernando?

(JIMI C. ESCALA)

Napansin dahil sa mahusay na pagganap sa ‘Lilim’: HEAVEN, waging Best Actress sa ‘Jinseo Arigato International Film Festival’

Posted on: May 27th, 2025 by @peoplesbalita No Comments

SA Instagram post ni Heaven Peralejo, ibinahagi niya ang memorable moments sa pagkapanalo niya ng Best Actress sa Suspense-Thriller-Horror Category sa Jinseo Arigato International Film Festival, dahil sa mahusay niyang pagganap sa “Lilim.”

Panimula ng post ni Heaven na hindi pa rin makapaniwala, “Still in disbelief. Thank you for seeing me. Thank you for hearing me…”

Inialay niya ito sa kanyang direktor at ina… “This one’s for my director @red_mikhail @evolvestudiosph…and for my mom @luanneperalejo. We did it.”

Pagpapatuloy pa ng kanyang pasasalamat, “Thank you to the Jinseo Arigato International Film Festival for this incredible honor. To be recognized for something I love with all my heart—it means the world.

“To Boss Vic, my tatay in this industry—thank you for trusting me with this role and for always guiding me. @viva_films

“To Boss @veroniquecorpus Boss val, and Boss @mamagrace314 I offer this award to all of you. Thank you for believing in me.“

Special mention naman ang kanyang kaibigan na sumama at nagbigay ng suporta sa kanya.

“To @kimpoyfeliciano, my brother from another mother thank you for flying all the way just to be here. Your support means so much,” say pa ni Heaven.

Hindi niya nakalimutang pasalamatan ang kanyang tagahanga…

“And to my @heavenlyangels @marven_royalsofc to all my supporters thank you for standing by me through every high and low. I carry your love with me always.“

Pinarangalan din si Direk Mikhail Red bilang Best Director para sa “Lilim.”

Congrats Heaven and Direk Mikhail!

***

NAGSAGAWA ang Movie and Television Review and Classification Board (MTRCB) ng isang Data Privacy Seminar kamakailan bilang parte ng pagpapalakas sa seguridad at etikal na datos na kapit ng Ahensya.

Parte rin ito ng pakikiisa ng Board sa selebrasyon ng Privacy Awareness Week tuwing huling linggo ng Mayo, alinsunod sa Proklamasyon Bilang 527.

Ito ay upang mapataas ang kaalaman ng publiko at mga ahensya ng gobyerno pagdating sa data privacy at mga karapatan kaugnay dito.

Ang inisyatibong ito ng MTRCB ay bahagi rin ng pagsuporta sa misyon ni Pangulong Ferdinand R. Marcos, Jr. na maisulong ang digitalisasyon at mapalakas ang digital na ekonomiya ng bansa sa pamamagitan ng pagtitiyak na ang mga institusyon ng pamahalaan ay responsableng pinoproseso at pinangangalagaan ang mga datos.

Binigyang-diin ni MTRCB Executive Director II Roberto C. Diciembre ang kahalagahan ng naturang pagsasanay sa direksyon ng MTRCB patungo sa interes ng mga stakeholder.

“Napakahalaga po para sa ating ahensya na tiyaking maayos, ligtas at protektado ang ating mga datos, laluna’t karamihan sa ating mga transaksyon ay may kalakip na personal at sensitibong impormasyon,” sabi ni Diciembre sa kanyang pambungad na salita.

Nananatili naman ang pangako ng MTRCB na maisulong at mapaigting ang kakayahan ng ahensya pagdating sa tamang pangangalaga ng mga personal na datos alinsunod sa mandato nitong magserbisyo sa publiko ng may integridad at katapatan.

(ROHN ROMULO)

Palarong Pambansa 2025, pormal nang binuksan sa Ilocos Norte

Posted on: May 27th, 2025 by @peoplesbalita No Comments

PORMAL nang binuksan ang 2025 Palarong Pambansa, na ginanap sa Ferdinand E. Marcos Memorial Stadium sa Laoag City, Ilocos Norte.

Tinatayang 15,000 student-athletes mula sa iba’t ibang rehiyon ang lalahok sa palaro na tatagal hanggang Mayo 30. Tampok ang 22 regular sports kabilang ang basketball, swimming, athletics, at taekwondo.

Kasama rin ang weightlifting bilang demo sport, at kickboxing, girls’ football, at girls’ futsal bilang exhibition events.

Una rito, nangunguna ang National Capital Region (NCR) na nakamit ang ika-17 sunod na overall title noong 2024.

Mababatid na sa kabila ng naranasang lindol sa La Union noong Mayo 24, walang naiulat na pinsala o nasaktan sa mga lugar ng palaro.

Tampok sa pagbubukas ang makulay na seremonyang hango sa epikong Ilocano na “Biag ni Lam-ang.”

Alex Eala, hindi pinalad vs Emiliana Arango sa unang round ng 2025 French Open

Posted on: May 27th, 2025 by @peoplesbalita No Comments

HINDI pinalad ang Filipina tennis player na si Alex Eala laban sa Colombian na si Emiliana Arango, 6-0, 2-6, 6-3, sa unang round ng 2025 French Open women’s singles tournament nitong Linggo.

Nakabawi si Eala sa ikalawang set kung saan siya ay lumamang ng 3-2 bago ito pansamantalang itinigil dahil sa ulan.

Sa kalaunan, nakuha niya ang set ngunit nakabawi ang Colombian sa huling set.

Ang 20-anyos na si Eala, ay lalaban pa rin sa doubles tournament kasama ang Mexicanang si Renata Zarazua simula Miyerkules.

Ito ang kauna-unahang pagkakataon ni Eala na makapasok sa main draw ng French Open.

Courtesy resignation ni Teodoro , hindi makakaapekto sa military operations -PN Spokesperson for the WPS Trinidad

Posted on: May 27th, 2025 by @peoplesbalita No Comments

HINDI makaaapekto ang courtesy resignation ni Department of National Defense (DND) Secretary Gilberto Teodoro Jr. sa operasyon ng Armed Forces of the Philippines (AFP).

Ang AFP ay isang professional organization na patuloy na tutuparin ang mandato nito na magsilbi sa mga Filipino at protektahan ang bansa.

Ang courtesy resignation ni Teodoro ay bilang tugon sa naging kautusan ni Pangulong Ferdinand Marcos Jr.

“The AFP is a professional organization. We keep performing our mandate just as other agencies of the government are professional in performing their mandates. Tayo naman kung sino man ang nakaupo sa atin, we keep performing our mandate. Kung sinong maitalaga sa gobyerno, we are full support from the Navy, the Air Force, and the Army,” ang sinabi ni Rear Adm. Roy Vincent Trinidad, Philippine Navy (PN) spokesperson for the West Philippine Sea (WPS).

Para kay Trinidad, ang AFP ay “doing good” sa nakalipas na tatlong taon habang nasa kapangyarihan si Teodoro bilang DND chief.

“Nakikita ito sa result ng mga surveys na naiintindihan ng ating taumbayan at sumusuporta sila as paninindigan ng DND at AFP in performing its mandate especially sa West Philippine Sea,” ang sinabi pa rin ni Trinidad.

Ang Navy, ayon kay Trinidad, buo ang suporta kay Teodoro, binigyang-diin na walang roadblocks kahit pa ang kapalaran ng huli sa Gabinete ng Pangulo ay nakabitin.

“There are no roadblocks, the SND [Secretary of National Defense] has our full support. Whatever the guidance of the SND is as the alter ego of the President in the Defense Department, we fully support it. We have a very robust relationship with our SND,” aniya pa rin.

Matatandaang, noong nakaraang linggo, inatasan ni Pangulong Marcos ang kanyang mga Cabinet secretaries na magsumite ng kanilang courtesy resignation bilang bahagi na pagkakaroon ng pagbabago kasunod ng hindi kanais-nais na mga resulta sa kamakailan lamang na midterm elections.

Nagdesisyon si Pangulong Marcos na panatilihin sa puwesto ang kanyang economic team at maging si Executive Secretary Lucas Bersamin, subalit tinanggap ang courtesy resignations ni Ambassador Antonio Lagdameo, Permanent Representative to the United Nations, and Environment Secretary Maria Antonia Yulo Loyzaga. Nagdesisyon din ang Pangulo na palitan ang pinuno ng Department of Human Settlements and Urban Development (DHSUD).

Sa ngayon, hindi pa rin nagdedesisyon ang Pangulo sa courtesy resignation ni Teodoro bilang Kalihim ng DND. ( Daris Jose)

Madaliin ang adopsyon ng SCS Code of Conduct para mapigilan ang maling kalkulasyon sa karagatan

Posted on: May 27th, 2025 by @peoplesbalita No Comments

BINIGYANG DIIN ni Pangulong Ferdinand Marcos Jr., araw ng Lunes ang pangangailangan na madaliin ang adopsyon ng Code of Conduct on the South China Sea para mapigilan maling kalkulasyon sa karagatan.

”We underscore the urgent need to accelerate the adoption of a legally binding Code of Conduct in the South China Sea,” ang sinabi ni Pangulong Marcos sa kanyang naging interbensyon sa ASEAN plenary.

Ito aniya ay upang pangalagaan ang maritime rights, i-promote ang katatagan at mapigilan ang maling kalkulasyon sa karagatan.

Sa naging talumpati ng Pangulo, sinabi nito ang pangangailangan na ipagpatuloy ang ‘engaging partners’ hindi lamang para palawigin ang networks, kundi para panindigan at i-project ang ASEAN values, gaya ng ‘kapayapaan, inclusivity, at shared progress.’

Winika pa ng Pangulo na ang estratehiya ng Pilipinas ay makatutulong upang ipaliwanag ang daan tungo sa mas malalim na katatagan at seguridad.

Ipagpapatuloy din ng bansa ang pagsisikap nito na tiyakin na ang regional bloc ay magiging ligtas, mapayapa, matatag at pinamamahalaan ng batas.

”Yet these objectives can only be realized by working together with our partners as we collectively navigate a constantly shifting global architecture. Sustainable growth requires that we invest in our people,” ang sinabi nito.

Kung matatandaan, sinang-ayunan ng member states ng regional bloc at Tsina na kompletuhin ang Code of Conduct on the South China Sea sa susunod na taon sa kabila ng mga pinagtatalunang isyu na nagsilbing hadlang para matuloy ang paglikha nito, ang naunang sinabi ng Department of Foreign Affairs (DFA) ng Pilipinas. ( Daris Jose)

PBBM, may napili ng susunod na PNP Chief- DILG

Posted on: May 27th, 2025 by @peoplesbalita No Comments

MAY napili na si Pangulong Ferdinand Marcos Jr. na bagong hepe ng Philippine National Police (PNP).

Gayunman, tumanggi naman si Department of the Interior and Local Government (DILG) Secretary Jonvic Remulla na pangalanan ang susunod na PNP chief. Si Pangulong Marcos aniya ang mag-aanunsyo nito.

“Meron na siyang napili. Excellent, very qualified, very dynamic, good track record,” ang sinabi ni Remulla.

Magiging bentahe ani Remulla kung ang susunod na PNP chief ay mayroong mas mahabang termino o panahon para ipatupad ang patuloy na pananaw para sa police organization.

“Ang nangyayari kasi sa atin, a tenure of a chief PNP will only last one year, a little more than one year. Kailangan natin merong continuing vision na may buy-in ng lahat ng PNP as the years go by,” ayon sa Kalihim.

“Ngayon kasi paiba-iba. Every year iba ang directive, vision, mission statement. My goal is that isa na lang. No matter who the Chief PNP is,” aniya pa rin.

Sa Hunyo 7 ay mapapaso na ang extended term ni PNP chief Police General Rommel Marbil.

Samantala, ilan sa mga pangalan na kasama sa pagpipilian ay sina Deputy Chief for Administration LtGen. Jose Melencio, si PNP Deputy Chief for Operations LtGen. Robert Rodriguez, PNP Durectorial Staff Chief LtGen. Edgard Alan Okubo, National Capital Region Police Office Chief PMGen. Anthony Aberin at si Criminal and Investigation and Detection Group (CIDG) Chief PMGen. Nicolas Torre III.

(Daris Jose)

Sa gitna ng krisis sa tulay: Dizon hangad ang madaliang pagsasa-ayos ng Samar port

Posted on: May 27th, 2025 by @peoplesbalita No Comments

HINILING ni Department of Transportation (DOTr) Secretary Vince Dizon sa mga opisyal ng Eastern Visayas na paganahin ang Amandayehan port sa Basey, Samar, sa loob ng dalawang linggo para tugunan ang mga hadlang sa logistic sa gitna ng San Juanico Bridge load limit.

Araw ng Linggo nang bisitahin ni Dizon ang Tacloban at Amandayehan ports, kung saan sinabi nito na ipinag-utos ni Pangulong Ferdinand Marcos Jr. na tiyakin ang ‘uninterrupted movement’ ng mga suplay sa pagitan ng Leyte at Samar provinces sa kabila ng limited access sa mahalagang tulay.

“This is a major emergency, especially with regards to the movement of goods, food, fuel, and construction materials. So we have to find a way to move goods from Samar to Leyte and Leyte to Samar,” ang sinabi ni Dizon matapos ang inter-agency meeting.

At upang masiguro na magpapatuloy ang pagsasaayos sa

Amandayehan Port matapos na pondohan ng DPWH ang inisyal na trabaho, hiniling ni Dizon sa provincial government at lokal na pamahalaan ng Basey, Samar, na i-turn over ang pamamahala ng daungan sa PPA upang sa gayon ay makapaglaan ng pondo para sa rehabilitasyon at pagsasaayos nito.

Kasama naman sa miting sa Tacloban Airport ang mga opisyal mula sa Philippine Ports Authority (PPA), Maritime Industry Authority, Philippine Coast Guard, Department of Public Works and Highways (DPWH), Land Transportation Franchising and Regulatory Board, Office of Civil Defense, Samar provincial government, local government units of Santa Rita in Samar and Tacloban City, Department of Economy, Planning, and Development, at Philippine Chamber of Commerce and Industry (PCCI), Tacloban – Leyte chapter.

Sinabi pa ni Dizon na ang nagpapatuloy na trabaho sa Amandayehan port ay kailangang madaliin upang mapigilan ang matinding pagkaantala sa paghahatid ng goods at magtatag ng alternatibo at mas maiksing ruta papuntang Tacloban mula Samar Island.

Isang kinatawan naman mula sa kontratistang Aqualine Construction ang nangakong tutupdin ang itinakdang deadline ni Dizon.

Sa kabilang dako, sa isinagawang berthing trial at test float sa Amadyehan Port ng RoRo vessel LCT Aldain Dowey, pag-aari ng Sta. Clara Shipping Corp. noong May 22, nakita ng mga awtoridad ang pangangailangan na pagtibayin ang rampa para mapadali at maging magaan ang ang loading at unloading ng wheeled vehicles lalo na sa panahon ng high tide.

Ang travel time sa pagitan ng Tacloban City at Amandayehan port ay wala pang 30 minuto.

Sa kabilang dako, winelcome naman ni Samar Governor Sharee Ann Tan ang naging kautusan mula kay Dizon sa mga kontratista dahil ang port ay ang pinakamahusay at pinakamaikling ruta mula Samar hanggang Leyte.

Sa kasalukuyan, ang mga truckers at cargo vehicles ay gumagamit ng Maguino-o at Calbayog ports sa pribadong daungan sa Ormoc City bilang alternatibong ruta.

Ang travel time sa pagitan ng dalawang daungan na gumagamit ng roll-on, roll-off vessel ay 13 oras na may rate na P15,000 sa higit sa P20,000 kada cargo truck.

“This has been affecting the economy, but we are hoping this will be temporary and this problem will immediately be resolved by the DPWH, PPA, and the DOTr,” ang sinabi ni Tan, idagdag pa nito na ang kakapusan ng fuel supply sa Samar ay nanaranasan na ngayon sa maraming lugar.

“The 10 days that were guaranteed by the secretary are good enough; at least we have a target rather than not knowing when it will start operating,” ang sinabi ni Tan.

Aniya pa, ang nagpapatuloy na pagkaantala sa paghahatid ng goods at produkto ay nagkakahalaga ng P2 billion sa economic loss per day, isinasaalang-alang na rito ang 1,400 trucks na tumatawid sa San Juanico Bridge araw-araw.

“This will cost inflation not only in Region 8 but also in the entire country,” ang dagdag na pahayag ni Tan. ( Daris Jose)

PBBM isusulong na bilisan ang negosasyon sa Code of Conduct sa West Philippine Sea… 46th ASEAN Summit pormal ng nagbukas

Posted on: May 27th, 2025 by @peoplesbalita No Comments

PORMAL ng nagbukas araw ng Lunes, May 26 ang 46th ASEAN Summit 2025 sa Kuala Lumpur, Malaysia.

Eksaktong alas-8:30 ng umaga kanina nang magsimulang magsidatingan ang mga leaders mula sa Southeast Asian Nations.

Isa-isa silang sinalubong ni Malaysian Prime Minister Anwar Ibrahim sa ginanap na welcome ceremony na sinundan ng pagsisimula ng Plenary session kung saan dito ilalatag ang mga agenda na kanilang tatalakayin.

Kabilang sa mga tatalakayin ng ASEAN leaders ang mga regional at global challenges, kabilang ang developments sa South China Sea, sitwasyon sa Myanmar, maritime security, climate change, pabago-bagong takbo ng ekonomiya at digital disruption.

Unang inihayag ni Pangulong Ferdinand Marcos Jr na kanyang isusulong na bilisan ang negosasyon sa Code of Conduct sa West Philippine Sea, South China Sea at ang ethical at responsible Artificial Intelligence (AI) regional framework. (Daris Jose)

Valenzuela Olympics 2025

Posted on: May 27th, 2025 by @peoplesbalita No Comments

OPISYAL na sinimulan ng Pamahalaang Lungsod ng Valenzuela sa pangunguna ni Mayor WES Gatchalian ang Valenzuela Olympics 2025 sa isang masiglang opening ceremony na ginanap sa WES Arena sa Brgy. Punturin.

Ang mga star ng NLEX Road Warriors na sina Asi Taulava, Jake Pascual, at Dave Marcelo ay nakiisa rin sa opening ceremony, na nagpasigla sa mga tao at nagpakita ng suporta para sa mga lokal na atleta.

Ang Valenzuela Olympics na unang inilunsad noong 2022, ay patuloy na itinatampok ang mga talento ng kabataan habang isinusulong ang sportsmanship, camaraderie, at pagkakaisa. (Richard Mesa)