2025 May 12 Archive - People's Balita

Archive for May 12th, 2025

Kaya ‘fake news’ ang kumalat na balitang naghiwalay na: SOFIA, nagbakasyon sa Bali kasama si DANIEL at anak na si ZOE

Posted on: May 12th, 2025 by @peoplesbalita No Comments

NAKATANGGAP kami ng mga larawan nina Sofia Andres, Daniel Miranda at anak nilang si Zoe na kasalukuyang nasa Bali, Indonesia.

Kaya sabi ng taong malapit kina Sofia at Daniel na fake news ang kumalat na baka hiwalay na ang mag-asawa dahil sa pag-unfollow sa isa’t isa sa kanilang IG account.

Nasulat namin na hindi totoong hiwalay na ang dalawa base ito sa taong malapit sa kanila.

At noong Abril 29 ay muli naming sinulat na magkasama sina Sofia at Daniel sa ABS-CBN dahil may panayam sila sa online show ni Melai Cantiveros na ‘Kuan On One’ na galing din sa taong malapit sa kanila.

Mukhang masaya ang bakasyon ng pamilya sa Bali base sa nakasulat sa straw hat na ‘vacation mode’ at may ilang larawang tumatakbo si Zoe sa tabing dagat ay may larawan ding magkakasama silang tatlo. Isa pang kuha habang nakaupo sila at may mga hawak na puting talulot ng rosas.

Samantala, mababasa naman sa komento ng netizens na natutuwa sila na sina Daniel at Sofia pa rin na inakalang nagkahiwalay na nga.

Anyway, palaisipan pa rin kung bakit naka-unfollow sila sa kanilang IG account, nalimutan na nilang ibalik?

***

“PARANG painting ‘yung mga kuha sa Incognito, yung nasa yelo sila,“ ito ang komentong narinig namin sa isang showbiz event na dinaluhan namin.

Nagkita kami ng killalang TV/movie executive at tuwang-tuwang binanggit na avid viewer siya ng ‘Incognito’ nina Richard Gutierrez, Ian Veneracion, Baron Geisler, Kaila Estrada, Anthony Jennings, Maris Racal at Daniel Padilla.

“Nakikita ko ‘yung mga post mo pag nanonood ka ng Incognito, ako rin, grabe ang ganda-ganda. Updated ako, ah,” sabi sa amin.

At dahil ‘Incognito’ ang topic ay nabanggit nga ng kasamahan namin ang mga episodes na napanood niya na mahirap ang tapings dahil mahirap makipaghabulan sa yelo.

Ito raw pala ‘yung kinukuwento ng cast sa nakaraang midterm presscon na ginanap sa Seda Hotel last month na hindi madaling mag-shoot sa Japan kapag winter season.

“In fairness ha, hindi nasayang ang kuwento kay Baron kasi hindi siya nakasama sa Japan, ‘yun pala may sarili siyang kuwento o pinagdadaanan sa Baguio, ha, ha,” tsika sa amin.

Sabi pa ng aming kausap, “alam mo palaisipan ang role ni Ian (contractor) di ba siya ang taga-utos ng kontraks kung ano ang gagawin, hindi kaya ang ending siya pala ‘yung kaaway?”

Kaabang-abang ang mga kaganapan ngayong linggo sa ‘Incognito’ na nandog ng Star Creatives at Studio Three Sixty na napapanood sa Kapamilya channel, iWantTFC, TV5, A2Z at cable channel, mula sa direksyon nina Lester Pimentel Ong, Ian Lorenos at Wang Yan Bin.

(REGGEE BONOAN)

Aminadong walang lakas ng loob para maging houseguest: BARBIE, sobrang proud kay DAVID sa pagpasok sa Bahay ni Kuya

Posted on: May 12th, 2025 by @peoplesbalita No Comments

SOBRANG proud nga si Barbie Forteza sa pagpasok noong Linggo (May 4) ng kanyang on-screen partner na si ni David Licauco sa Pinoy Big Brother Celebrity Collab Edition(PBB) bilang isang houseguest.

“I’m just really really proud of him,” sabi ng aktres.

“Ako, to be honest, parang wala akong ganoong level na lakas ng loob para pumasok sa loob ng Bahay ni Kuya.”

Ikinuwento ng Kapuso Primetime Princess na talagang gusto ni David na pumasok sa loob ng Bahay ni Kuya para makilala ang mga housemates.

Nabanggit din ni Barbie na swak ang pagpasok nito sa PBB dahil sigurado siyang makakatulong ang Pambansang Ginoo sa mga housemates.

“Si David kasi yung tipo ng tao na marami ka din talagang makukuha sa kanya in terms of outlook sa buhay,” paliwanag ni Barbie.

Samantala, lilipad patungong Korea si Barbie para sa taping ng kanyang upcoming series na ‘Beauty Empire’.

Malapit na itong mapanood sa Viu kasama sina Kyline Alcantara at Ruffa Gutierrez bago ito opisyal na umere sa GMA.

***

NASA Telangana, India na ang ating Philippine representative para sa ‘2025 Miss World’ na si Krishnah Gravidez.

Nakilala na raw ni Krishnah ang ibang delegates at pinost niya ito sa kanyang Instagram account.

Roommate ni Krishnah ay si Miss World Indonesia Monica Kezia Sembiring. Tinawag niya itong “a sweet lady!”

Sa sent off ni Krishnah, bitbit nito ang “pride and dreams” ng ating bansa. Bago siya lumipad for India, binisita niya ang Indian Ambassador to the Philippines na si His Excellency Harsh Kumar Jain, and his esteemed spouse, Smt. Vandana Jain.

Nagkaroon sila ng “enriching conversations about the vibrant history and rich culture of India.”

Ang advocacy ni Krishnah ay ang pagtulong sa daycare center sa Purok 15 in Irisan, Baguio City. Ito ay para sa Color the World with Kindness’ Beauty With A Purpose project.

***

MULING nagbabalik si Jessica Sanchez sa pagsali niya sa 20th season ng ‘America’s Got Talent.’

Unang nag-perform sa AGT stage ang 29-year old Fil-American singer ay noong 10 years old siya sa first season ng show.

“Being 10 years old on ‘AGT’ played such a massive role in me believing in something bigger for myself, for my voice. What a huge blessing it is to be able to come back and chase after my dreams again after 20 years. Can’t wait to see what God has in store for me,” post ni Jessica sa Instagram.

Sumikat si Jessica sa season 11 ng American Idol in 2012. Naging first runner-up siya sa winner na si Phillip Phillips. Lumabas siya sa TV shows na ‘Glee’ at nag-guest sa maraming A-list concerts.

Kinasal si Jessica to Rickie Gallardo in Texas noong 2021.

Nag-perform siya sa Miss Universe Philippines coronation night noong 2023.

(RUEL J. MENDOZA)

Inaayos agad ang problema kesa i-broadcast sa social media: DENNIS, inaming ‘di sila magpo-post ng cryptic message ni JENNYLYN

Posted on: May 12th, 2025 by @peoplesbalita No Comments

BIRTHDAY ngayon (May 12) ni Dennis Trillo, ang newest Belle Dolls Zero Filter Sunscreen ambassador.

Kaya naman sinorpresa siya ni Ms. Rhea Anicoche-Tan sa pamamagitan ng isang bonggang birthday cake, pagkatapos ng signing of contract at Q&A, na ginanap noong May 8 sa Solaire North, Quezon City.

Anyway, magkalapit lang pala ang birthday ni Dennis at asawang si Jennylyn Mercado, na magsi-celebrate naman sa May 15, Huwebes.

Kaya say ni Dennis, “Election po sa Monday at magkakasama kaming buong pamilya. Siguro kakain lang sa labas or kahit sa bahay lang,” sambit ni Dennis.

Kahapon naman, May 11, ang Mother’s Day, kaya isang celebration na lang.

“Birthday wish ko ay, sana, laging maging masaya yung pamilya. Yun lang ang hiling ko.

“Yun na, yun siguro!” Pahayag pa ng premyadong Kapuso actor.

Dagdag niya, “Yun ang the best para sa akin.”

Samantala, mas tahimik at tapos na raw ang mga isyu at intriga sa pagsasama nila ngayon, dahil mas matured na sila.

Kaya, hindi raw uso sa kanila ang pagpo-post ng cryptic message sa social media.

“Naku, yun ang hindi namin gagawin,” sabi ni Dennis.

“Dahil siyempre, unang-una, bilang mag-asawa, kung ano yung problema niyo, mas magandang ayusin niyo muna, kayong dalawa lang, kesa i-broadcast niyo sa iba.

“Dahil maraming manghihimasok na maaring makaapekto ng relasyon niyo.”

Inamin naman ni Dennis, nung bata pa siya ay meron siyang in-unfollow.

“Ahhh, meron, meron din. Hindi ko naman bina-block. Pero siyempre, para wala lang maging problema, minabuti ko na lang din,” pagbabahagi pa niya, sabay sabing hindi naman lahat ng kanyang ex-girlfriends ay in-unfollow niya. Dahil may iba na friends pa rin sila.

Samantala, marami nga ang nakapansin na mas bumata si Dennis at ang kinis ng mukha.

Hindi naman ikinaila ni Dennis, sumasabay siya kay Jennylyn sa paggamit ng ilang beauty products na iniendorso ng asawa.

Kaya hindi big deal sa Kapuso actor na mag-endorse ng bagong produkto ng Belle Dolls na Zero Filter Sunscreen, na gamit na gamit hindi sa taping o shooting, lalong-lalo na pagmo-motor siya.

Ayon pa sa founder of Beautéderm ang Belle Dolls Zero Filter Sunscreen ay suitable for both men and women, dahil kailangan natin ng sun protection for outdoor activities.

Available ito nationwide in two sizes: 80 mL (facial mist) and 50 mL (lightweight lotion). Parehong protection para sa skin from UV damage, nagpi-prevent ng sun-related skin problems, moisturize the skin, reduce blemishes, at nag-i-improve overall skin texture and tone.

Ini-invite nina Ms. Rei at Dennis ang lahat subukan ang produkto para sa isang zero-filter journey.

(ROHN ROMULO)