Ang Diyaryong Pinagkakatiwalaan
KASAMA ang kanyang asawa at mga anak, ay bumoto na si Mayor John Rey Tiangco sa Navotas Elementary School nitong Mayo 12, dakong alas-8:10 ng umaga. Naghain din si Tiangco ng certificate of challenge matapos ang kanyang voter receipt ay nagpakita ng overvote. (Richard Mesa)
SI LINO CAYETANO, kandidato sa pagka-Congressman ng District 1, ay nakalista pa rin bilang botante ng District 2. Hindi siya pinayagang lumipat at bumoto sa District 1 ng Comelec at ng korte dahil sa residency issues.
NAKABOTO na si Pangulong Ferdinand ‘Bong Bong ‘ Marcos Jr. kasama ang kanyang pamilya ngayong araw , Lunes Mayos 12 sa Batac, Ilocos Norte.
WALANG namo-monitor na anumang seryosong banta sa seguridad ang Philippine National Police (PNP) kaugnay ng gaganaping lokal at nasyonal na halalan ngayong Lunes, Mayo 12.
Ito ang inihayag nitong Sabado ni PNP Spokesperson P/Brig. Gen. Jean Fajardo kung saan handang-handa na ang PNP para sa pagbabantay sa midterm polls.
“Wala naman tayong namo-monitor na seryosong banta… pero hindi tayo nagkukumpiyansa at patuloy ang ating intelligence gathering,” pahayag ni Fajardo.
Sinabi ni Fajardo na sa kabuuan ng election period ay naging mapayapa ito bagaman may ilang mga insidente ng karahasan na naitala dulot ng alitan sa pulitika.
Una rito, isinailalim ng PNP sa full alert status ang buong puwersa nito upang tiyakin ang mapayapa at maayos na pagdaraos ng halalan.
Nasa 163,000 pulis ang idineploy sa buong bansa.
Sa kasalukuyan ay nasa 40 ang naitalang Election Related Incident (ERIs), 26 dito ang bayolente at 14 naman ang non-violence.
Karamihan naman sa mga bayolenteng insidente na may kinalaman sa halalan ay mula sa Bangsamoro Autonomous Region in Muslim Mindanao (BARMM) na nakapagtala ng 8 insidente at Cordillera Administrative Region (CAR) na may pito namang kaso.
Patuloy ang monitoring ng PNP lalo na sa araw ng botohan, bilangan at hanggang sa mailuklok ang mga nagwaging kandidato. (Daris Jose)
MULING kinumpirma ni Speaker Ferdinand Martin Romualdez ang malakas na suporta ng mahigit sa tatlong milyong boto mula sa Eastern Visayas para sa lahat ng senatorial candidates ng Alyansa Para sa Bagong Pilipinas.
“All out support ang Region 8 para sa Alyansa senatorial slate pahayag ni Romualdez kasunod ng Region 8 unity rally sa pangunguna nina Tingog Party-list Reps. Yedda Romualdez at Jude Acidre at Lakas-Christian Muslim Democrats (CMD) para sa kandidato ng administrayon.
The Alyansa slate comprises House Majority Leader Erwin Tulfo, former Interior Secretary Benhur Abalos, Deputy Speaker Camille Villar, Makati Mayor Abby Binay, Senators Bong Revilla, Francis Tolentino, Pia Cayetano and Lito Lapid, former Senators Ping Lacson and Manny Pacquiao and former Senate President Vicente “Tito” Sotto III.
Nang tanungin sa bilang ng botante mula sa rehiyon, inihayag ni Romualdez na mahigit sa 3 million.
Ipinarating din ng Speaker sa Pangulo ang naturang rally.
“Of course sinabi ko naman na andito tayo at nandito ‘yung ibang mga senatoriables at mga representante nila. Alam mo naman si Presidente, hindi lang Ilocano, kalahati ‘yan, Waray,” dagdag ng Speaker.
Umaasa ito na makakapasok ang kandidato ng administrauon at tutulong sa abot ng kanilang makakaya para magwagi ang mga ito.
Dinaluhan ng libong supporter, lokal na opisyal at community leders ang naturang rally sa Tacloban City na nagpapakita sa suporta ng rehiyon.
Ang Eastern Visayas ay binubuo ng anim na probinsiya. (Vina de Guzman)
LAGLAG sa rehas ang isang tulak ng droga na itinuturing bilang high-value individual (HVI) matapos pagbentahan ng shabu ang isang pulis sa loob ng sementeryo sa Navotas City, kamakalawa ng gabi.
Sa kanyang report kay Northern Police District (NPD) District Director P/BGen. Josefino Ligan, kinilala ni Navotas police chief P/Col. Mario Cortes ang naarestong suspek na si alyas “Dey Dey”, 23, ng Brgy. Tangos South.
Batay sa ulat, ikinasa ng mga tauhan ni Col. Cortes ang buy bust operation, sa koordinasyon sa PDEA nang magawang makipagtransaksyon sa suspek ng droga ng isa sa mga operatiba Station Drug Enforcement Unit (SDEU).
Matapos tanggapin ang marked money mula sa isang pulis na nagpanggap na buyer kapalit ng isang plastic sachet ng shabu, agad dinamba ng mga operatiba ng SDEU ang suspek sa loob ng Navotas Public Cemetery sa Brgy. San Jose, dakong alas-10:47 ng gabi.
Nakumpiska sa suspek ang nasa 53 grams ng hinihinalang shabu na may katumbas na halagang P364,480.00 at buy bust money na isang tunay na P500 bill at pitong P1,000 boodle money.
Kasong paglabag sa Sections 5 at 11 under Article II ng R.A 9165 o ang Comprehensive Dangerous Drugs Act of 2002 ang isasampa ng SDEU sa laban sa suspek sa Navotas City Prosecutor’s Office.
Pinuri naman ni P/BGen. Josefino Ligan, District Director ng NPD, ang operating team para sa kanilang matagumpay na operation
“The timely and successful apprehension of this high-value suspect reflects our unyielding commitment to eradicate illegal drugs in CAMANAVA. We will continue to intensify our efforts and protect our communities from the menace of drug abuse and trafficking,” ani Gen. Ligan. (Richard Mesa)
NAGBABALA sa publiko ang Commission on Elections (Comelec) hinggil sa dalawang fake news na kumakalat ngayon online na nagsasabing may karapatan ang poll watchers na kunan ng litrato ang mismong Voter-Verified Paper Audit Trail (VVPAT) o voter receipt ng mga botante.
“Ang maaari lamang kunan ng litrato ng mga watchers ay ang proseso at ang insidente, kung mayroon man habang nagsasagawa ng Final testing and Sealing (FTS), Transmission, Printing ng Election Returns (ERs) at Proseso ng Pag-scan ng VVPAT,” paglilinaw ng Comelec.
Nilinaw din na tanging ang National Citizen’s Movement for Free Elections (NAMFREL) ang pinapayagan na mag-scan ng VVPAT para sa piling clustered precincts matapos ang botohan, consolidation ng resulta sa presinto, printing ng election returns at transmission sa iba’t ibang servers.
“Kailanman ay hindi naging legal ang pagkuha ng litrato ng balota at ng VVPAT dahil lumalabag ito sa ballot secrecy na Karapatan ng bawat botante,” ayon pa sa pahayag ng Comelec, na nagsabing mahaharap sa kasong election offense na may parusang kulong na hanggang anim na taon.
Nagpaalala rin ang poll body na ang mga nagpapakalat ng false at alarming information ay isang election offense sa ilalim ng Section 26 ng Omnibus Election Code.
THE worldwide-hit streaming series is on its first ever cinematic adventure in Gabby’s Dollhouse: The Movie.