KAPANSIN-PANSIN na nagbago ang tono ni Pangulong Ferdinand Marcos Jr. sa pag-endorso sa kanyang senatorial slate matapos na tuluyang kumalas ang kanyang kapatid na si reelectionist Senator Imee Marcos mula sa ticket. nnSa mga nakalipas na campaign rally kasi ng Alyansa Para sa Bagong Pilipinas, palaging nagtatapos ang talumpati ng Pangulo sa “Labingdalawa, Alyansa!” nn nnSubalit sa campaign rally sa ANTIPOLO, Rizal, ang naging sigaw ng Pangulo ay “Alyansa all the way!” nn“Kaya sa Mayo po, ‘wag na kayong magdalawang isip. Alyansa all the way! Alyansa sa bagong Pilipinas!” ang sinabi ni Pangulong Marcos.nnIto ang kauna-unahang campaign rally simula nang kumalas si Imee Marcos sa administration slate.nn nnMatatandaang, sinabi ni Imee Marcos na ang ginawa ng administrasyon sa pagkakaaresto kay dating Pangulong Rodrigo Duterte ang dahilan nang tuluyan niyang pagkalas sa Alyansa Para sa Bagong Pilipinas, ang kowalisyon na ini-endorso ng kanyang kapatid na si Pangulong Marcos.nnSinabi ni Imee Marcos na hindi na niya kayang mangampanya at tumuntong sa iisang entablado kasama ang iba pang kasapi ng Alyansa.nn nnSinabi ni Marcos na may mga natuklasan siya na ginawa ng administrasyon tungkol kay da­ting Pangulong Rodrigo Duterte na salungat sa kanyang mga paninindigan at prinsipyo.nnAyon pa kay Marcos, mananatili siyang independent sa pagtakbong muli sa Senado.nnSamantala, muli namang inulit ni Alyansa sa Bagong Pilipinas campaign manager at Navotas City Rep. Toby Tiangco ang kanyang mensahe kay Imee Marcos, “Senator Imee has decided na hindi na po siya sasama sa Alyansa, and we respect her decision and wish her luck.” nn nn“Kami naman tuloy-tuloy lang po ‘yong kampanya namin, para ipakita tulad ng sabi ko kanina ‘yong kakayanan namin, ‘yong kwalipikasyon ng aming labing-isang kandidato na makikita naman kapag pinagkumpara ‘yong track record which is very important, ‘di ba?” ang sinabi pa rin ni Tiangco. (Daris Jose)

KALABOSO ang 19-anyos na tulak na itinuturing na High Value Individual (HVI) matapos makuhanan ng baril at halos P.8 milyong halaga ng shabu nang matiklo ng pulisya sa buy bust operation sa Valenzuela City.nn Kinilala ni P/Lt. Col. Timothy Aniway Jr., hepe ng District Drug Enforcement Unit (DDEU) ng Northern Police District (NPD) ang suspek na si alyas “Gio”, ng San Diego, 1st St., Brgy. Maysan ng lungsod.nn Sa kanyang ulat kay NPD District Director P/BGen. Josefino Ligan, sinabi ni Lt Col. Aniway na ikinasa nila ang buy bust operation, katuwang ang Valenzuela Police Sub-Station 4, sa koordinasyon sa PDEA nang magpositibo ang natanggap nilang impormasyon hinggil sa illegal drug activites ng suspek.nn Nang tanggapin umano ng suspek ang marked money mula sa pulis na nagpanggap na buyer kapalit ng ibinentang isang sachet na shabu, ay agad siyang sinunggaban ng mga operatiba ng DDEU dakong alas-12:55 ng hating gabi sa Baltazar St., Brgy. Malinta.nn Nakumpiska sa suspek ang nasa 115 grams ng hinihinalang shabu na may katumbas na halagang P782,000.00, isang cal .38 revolver na kargado ng tatlong bala at buy bust money.nn Ayon kay PSSg Elouiza Andrea Dizon, mga kasong paglabag sa Sections 5 at 11 ng Article II ng R.A 9165 o ang Comprehensive Dangerous Drugs Act of 2002 at R.A 10591 o ang Comprehensive Law of Firearms and Ammunition Act in relation to B.P 881 Omnibus Election Code isinampa nila laban sa suspek sa Valenzuela City Prosecutor’s Office.nnPinuri naman ni Gen. Ligan ang mga operatiba ng DDEU para sa kanilang pambihirang kasipagan at hindi natitinag na pangako sa pagpapanatiling ligtas ang mga lansangan ng Camanava mula sa salot na ilegal na droga at iba pang kriminal. (Richard Mesa)

SA kulungan ang bagsak ng 32-anyos na miyembro ng isang grupong kriminal nang pagbentahan ng hindi lisensiyadong baril ang pulis na nagpanggap pa buyer sa Valenzuela City.nnSinampahan ng pulisya ang suspek na si alyas “Weng”, ng Sitio Kabatuhan, Brgy. Gen. T. De Leon ng kasong paglabag sa Comprehensive Law on Firearms and Ammunition at paglabag sa Batas Pambansa Bilang 881 o ang Omnibus Election Code sa Valenzuela City Prosecutor’s Office.nnSa ulat ni Valenzuela Police Chief P/Col. Nixon Cayaban kay Northern Police District (NPD) District Director P/BGen. Josefino Ligan, positibo ang natanggap na impormasyon ng mga operatiba ng Station Intelligence Section (SIS) hinggil sa pagbebenta umano ng hindi lisensiyadong baril ng suspek.nnBumuo ng team ang mga operatiba ng SIS sa pangunguna ni P/Capt. Mark Angelo Bucad saka ikinasa ang buy bust operation na nagresulta sa pagkakadakip kay alyas Weng dakong alas-4:55 ng madaling araw sa isang bakanteng lote sa San Francisco St. Brgy. Karuhatan.nnNakumpiska sa kanya ang isang 1911 kalibre .45 pistol na may isang magazine, buy bust money na isang tunay na P500 bill at 20 pirasong P1,000 boodle money, cellphone at sling bag.nnAyon kay Col. Cayaban, miyembro ng Monsanto Criminal Group na sangkot sa iba’t-ibang uri ng krimen si alyas Weng, na nagpapakilala bilang balloon decorator. (Richard Mesa)

ARESTADO ang isa sa dalawang kawatan ng motorsiklo nang tangkain kikilan pa ang biktima kapalit ng pagtuturo sa kinaroroonan ng kanyang motorsiklo sa Valenzuela City.nnAyon kay Valenzuela Police Chief P/Col. Nixon Cayaban, nahaharap sa kasong paglabag sa New Anti-Carnapping Act of 2016 at Attempted Robbery Extortion ang suspek na si alyas “Mark”, 33, delivery rider ng Malolos, Bulacan habang tinutugis pa ang kasabuwat niyang si alyas “Baning” ng Muzon, San Jose Del Monte, Bulaca.nnSa ulat ni Col. Cayaban kay Northern Police District (NPD) District Director P/BGen. Josefino Ligan, ipinarada sandali ng biktimang si alyas “Eldrin”, 33, sa harap ng kanilang bahay sa Brgy. Karuhatan alas-5 ng madaling araw ang kanyang Yamaha Aerox na motorsiklo para kuhanin ang nalimutan niyang gamit.nnNang pagbalik niya, nakita ng biktima na sinakyan na ang kanyang motorsiklo ng isang lalaki at pinaandar kaya tinangka niyang humabulin subalit. hinarang siya ni alyas Mark na sakay ng Yamaha NMAX at pinakitaan ng baril.nnSa takot, hindi na siya humabol at sa halip ay humingi siya ng tulong sa kanyang mga kaibigan sa pamamagitan ng pag-post sa kanilang group chat hinggil sa pangyayari.nnIlang oras lang ay may nag-mensahe na sa kanya na nagpakilalang Francis Cohh na humihingi ng P13,000 na kalaunan ay ibinaba sa P10,000 kapalit ng pagtuturo sa kinaroroonan ng kanyang motorsiklo at ipinadala pa sa biktima ang video ng kanyang motorsiklo at mga dokumento.nnKaagad humingi ng tulong sa mga tauhan ni Col. Cayaban ang biktima na nagresulta sa pagkakadakip kay alyas Mark nang tangkain i-cash out ang pera na ipinadala ni “Eldrin” at nakumpiska sa kanya ang gamit na motorsiko at cellular phone. (Richard Mesa)

NANAWAGAN ang lokal na pamahalaan ng Malabon, sa mga residente na aktibong lumahok sa kampanya ng lungsod para labanan ang dengue fever para pigilan ang pagkalat ng sakit at pangalagaan ang kalusugan ng komunidad.nn“Iba’t ibang aktibidad at programa po ang ating ipinatupad upang mas paigtingin ang ating kampanya laban sa sakit na dengue. Ito po ay nakamamatay, ngunit maaari po natin itong mapigilan. Maliban sa paglilinis ng kapaligiran, atin pong hinihikayat ang mga Malabueno na alamin at gawin ang mga paraan upang maiwasan ang pagkalat ng sakit na ito at mapanatiling ligtas at malulusog na pangangatawan at lungsod,” pahayag ni Mayor Jeannie Sandoval.nnSa ulat ng City Health Department (CHD) – City Epidemiology Surveillance Unit, nasa 469 ang hinihinalang may kaso ng dengue, kabilang ang 5 nasawi, mula Enero 1 hanggang Marso 29, 2025.nnSa mga barangay na may kumpirmadong kaso ng dengue, ang Barangay Longos ang nagtala ng pinakamataas na bilang, na may 115 kaso, sinundan ng Barangay Tonsuya na may 45 na kaso, at Barangay Catmon na may 36.nnBilang tugon, dinoble ng pamahalaang lungsod ang pagsisikap nito sa pagsubaybay sa sakit sa iba’t ibang lugar, partikular sa mga lansangan kung saan naiulat ang mga hinihinalang kaso ng dengue. Bukod pa rito, ang lungsod ay patuloy na nagpapatupad ng integrated vector management (IVM) na mga estratehiya, kabilang ang mga aktibidad ng misting sa mga high-risk zone, source reduction initiatives upang maalis ang mga lugar na pinag-aanak ng lamok, at regular na declogging operations sa mga drainage system at mga daluyan ng tubig.nnIlulunsad din ng Ospital ng Malabon ang “OsMal Dengue Express Lane 24/7,” na naglalayong pahusayin ang pangangalaga para sa mga pasyente ng dengue, mapadali ang koordinasyon sa mga tertiary hospital para sa paglipat ng pasyente, at tiyakin ang napapanahong pagpapakalat ng mahalagang impormasyon.nnAng lokal na pamahalaan ay nagsasagawa rin ng mga awareness campaign at lecture sa mga pampubliko at pribadong elementarya at mataas na paaralan upang matiyak na ang mga Malabueno ay may kaalaman tungkol sa pag-iwas at paggamot sa dengue.nnSumailalim din sa pagsasanay sa pagsubaybay sa saki 100 health personnel mula sa lungsod, kabilang ang mga doktor, nars, at sanitary inspector upang mapahusay ang kanilang kahandaang tumugon nang epektibo sa oras ng pangangailangan.nnBinigyang-diin ng CHD ang kahalagahan ng maagang konsultasyon, dahil tinitiyak nito na ang mga pasyente ng dengue ay makakatanggap ng kinakailangang paggamot para sa mas mabilis na paggaling at nakakatulong na maiwasan ang mga pagkamatay.nn“Sa ating mga mahal na Malabueno, sariling inisyatiba pa rin ng paglilinis at pag-ayos ng kapaligiran ang unang dapat nating isipin upang makaiwas sa sakit na dengue. Kasabay ito ng patuloy nating pagsasagawa ng mga programang nakatuon sa paglilinis, pagtanggal ng mga maaaring pamugaran ng lamok, at tulong para sa mga naapektuhan ng sakit,” panawagan ni Dr. Alexander Rosete, City Administrator. (Richard Mesa)

IPAGPAPATULOY ng gobyerno ang pagtulong sa mga Filipino na naghahanap ng trabaho at nano-entrepreneurs.nnSinabi ito ni Pangulong Ferdinand R. Marcos Jr. nang bisitahin niya ang Trabaho at Serbisyong Pangkalusugan sa Bagong Pilipinas job fair sa Antipolo Sports Hub sa Antipolo City, Rizal.nn nn“Binibigyan pati ng suporta sa equipment, sa training, at kahit mabigyan ng kaunting puhunan para makapag-start po ng kanilang mga bagong negosyo kahit na maliliit lamang. Eh pinag-uusapan po natin dati lagi natin sinasabi ang medium- and small-scale enterprises. Ngayon napunta na po tayo sa micro enterprise, nano enterprise ang tawag din,” ang sinabi ni Pangulong Marcos.nn nn“At magpapasalamat din ako sa mga employer. At dahil ‘yung mga employer po ay kinausap namin na makapunta rito upang ‘yung mga nag-a-apply sa iba’t ibang klaseng trabaho ay mabigyan naman ng pagkakataon,” aniya pa rin.nn nnGagamit aniya ang administrasyon ng whole-of-government approach upang masiguro na ang mga filipino mula sa marginalized sector ay makakukuha ng kinakailangang suporta.nn nnSa kabilang dako, tinatayang 766 bakanteng trabaho ang inalok ng 10 nagpartisipang employers sa job fair.nn nnAng ‘Job vacancies’ ay available sa 300 job seekers na benepisaryo ng Assistance to Individuals in Crisis Situation (AICS) program ng Department of Social Welfare and Development (DSWD).nn nnMayroon namang 1,800 graduating beneficiaries ng Pantawid Pamilyang Pilipino Program (4Ps) ng DSWD ang makatatanggap ng P3,000 bawat isa sa ilalim ng AICS.nn nnSamantala, namahagi naman ang Department of Labor and Employment (DoLE) ng iba’t ibang Integrated Livelihood Program packages sa ilang benepisarto at nagsagawa ng orientation para sa 122 benepisaryo ng Tulong Panghanapbuhay Para sa Ating Disadvantaged o Displaced Workers program.nn nnTinurn over naman ng Department of Health (DoH) ang anti-dengue commodities at nag-alok ng libreng gamot, serbisyong medikal gaya ng screening laboratories, X-rays at electrocardiograms; pagbakuna para sa pneumonia; at medical consultations.nn(Daris Jose)