UMABOT sa 13 sakay ng pampasaherong bus, kabilang ang apat na lola ang sugatan sa karambola ng tatlong sasakyan sa bahagi ng North Luzon Expressway na sakop ng Valenzuela City, Lunes ng gabi. Isinugod ng mga ambulansiya ng NLEX Rescue Team at Valenzuela City Disaster Risk Reduction and Management Office (VCDRRMO) ang mga biktima, kabilang ang mga lolang sina ‘Marissa’, 83, ‘Teresita’, 65, ‘Angelyn’, 63, at ‘Narcisa’, 60, at siyam pang pasahero sa magkahiwalay na pagamutan sa Valenzuela Medical Center at Valenzuela City Emergency Hospital kung saan nilapatan ang tinamo nilang mga sugat sa iba’t ibang parte ng katawan. Sa imbestigasyon ng mga tauhan ni Valenzuela Police chief P/Col. Nixon Cayaban, naganap ang insidente dakong alas-9:03 ng gabi sa Km. 12+900 ng North Luzon Expressway (NLEX) na sakop ng Brgy. Gen. T. De Leon, Valenzuela City. Pawang tinatahak ng tatlong sasakyan ang expressway patungong Balintawak nang lumipat mula sa lane 4 ang pampaseherong bus na minamaneho ng 42-anyos na si alyas “Marlon” at sa sobrang bilis ng dating ay natumbok ang hulihang bahagi ng close van. Muling lumipat sa lane 4 ang bus at binangga naman ang hulihang bahagi ng Isuzu dump truck na minamaneho naman ng 28-anyos na si alyas “Eugene”. Sa lakas ng pagkakabangga, nawasak ang unahang bahagi ng bus kaya’t kinailangan pang basagin ang salamin ng bintana upang mailabas ang mga sugatang pasahero. Ayon kay P/SMS Oliver Juan ng Traffic Investigation Unit ng Valenzuela Police, nakipagkasundo ang operator at driver ng bus sa mga biktima at nangakong sasagutin ang lahat ng gastusin sa ospital, pati na ang gamot at ang nasirang bahagi ng dump truck. Gayunman, sasampahan pa rin ng kasong reckless imprudence resulting in multiple physical injuries at damage to property ang driver ng bus sa Valenzuela City Prosecutor’s Office. (Richard Mesa)

null

MULING inaresto ng pulisya ang isang lalaki sa loob ng selda nang mabisto na nakabinbin itong arrest warrant sa kasong statutory rape sa Valenzuela City. Sa ulat, nadakip ng mga tauhan ni Valenzuela police chief P/Col. Nixon Cayaban ang akusado na si alyas “Panot”49, construction worker ng Brigida Street, Brgy., Karuhatan sa hindi nalaman na kaso, Nang tignan kung may criminal record ito, nadiskubre ng Warrant and Subpoena Section (WSS) na nakatala ang akusado bilang Most Wanted Person sa lungsod para sa kasong Statutory Rape. Dakong alas-4:30 ng hapon nang isilbi ng mga tauhan ni Col. Cayaban sa akusado sa loob ng Custodial Facility Unit ng VCPS ang warrant of arrest para sa kasong Statutory Rape na inisyu ng Regional Trial Court Branch 172, Valenzuela City. Walang inirekomendang piyansa ang korte para sa pansamantalang paglaya ng akusado na nanatiling nakapiit sa naturang custodial facility unit habang hinihintay ang pagpapalabas ng commitment order mula sa hukuman. Pinuri ni P/BGen. Josefino Ligan, District Director ng Northern Police District, ang Valenzuela City Police sa kanilang mabilis at coordinated action kung saan binigyang-diin niya ang pangako ng NPD na itaguyod ang hustisya at pagpapanatili ng kapayapaan at kaayusan sa CAMANAVA area. (Richard Mesa)

null

SWAK sa kulungan ang 31-anyos na lalaki matapos maaktuhan ng mga pulis habang kinakalikot ang hawak na baril sa Caloocan City. Mahaharap sa kasong paglabag sa RA 10591 in relation to Omnibus Election Code ang suspek na residente ng Brgy. 176, Bagong Silang, ng lungsod. Sa ulat, habang nagsasagawa ng regular foot patrol ang mga tauhan ng Cadena De Amor Police Sub-Station 11 sa Robes-1. Area 1, Brgy. 175, Camarin nang matiyempuhan nila ang suspek na abala sa pagkalikot ng hawak na baril sa isang eskinita sa dakong ala-1:45 ng madaling araw. Kaagad nilang nilapitan ang suspek sabay nagpakilala bilang mga pulis bago kinumpiska ang hawak nitong isang kalibre .38 revolver na kargado ng dalawang bala. Nang hanapan nila ng kaukulang mga dokumento hinggil sa ligaledad ng naturang baril ay walang naipakita ang suspek kaya pinosasan siya ng mga pulis at binitbit sa selda. Pinuri naman ni P/BGen. Josefino Ligan, District Director ng Northern Police District, ang mabilis na aksyon ng Caloocan CPS. “This successful operation demonstrates the power of collaboration and our relentless pursuit of those who seek to evade the law and possess illegal firearms. We will continue to work tirelessly to ensure the safety and security of every resident in our district,” pahayag niya. (Richard Mesa)

null

nnnnNAGPASAKLOLO na si Education Secretary Sonny Angara sa Quezon City Police District (QCPD) kaugnay sa di umano’y napaulat na ‘bullying’ sa Bagong Silangan High School.nnKumakalat kasi ngayon sa social media ang di umano’y pambu-bully sa isang babaeng Grade 8 student ng kaniyang mga kaklase sa loob ng isang paaralan sa Bagong Silangan, Quezon City.nn nnSa isang liham kay QCPD Director Brig. Gen. Melecio Buslig Jr., sinabi ni Angara na ang insidente na kinasangkutan ng mga menor de edad ay kailangan na mahawakan ng maayos ng mga eksperto o may kasanayan at pagiging sensitibo.nn“The Department of Education (DepEd) has initiated internal protocols to ensure that the matter is addressed with urgency and care,” ang sinabi ng Kalihim.nn“While we have instructed the school to expedite its investigation and extend support to the affected learners, we also recognize that certain aspects of the incident may require your office’s expertise — particularly in maintaining the safety of the school community,” ang nakasaad pa rin sa liham.nnHangad din ni Angara ang pagtutulungan sa pagitan ng Learner Rights and Protection Office (LRPO) ng DepEd at Philippine National Police (PNP) Women and Children Protection Desk.nn nn“Your specialized training, experience, and established protocols in handling such cases are instrumental in ensuring that all parties, especially the children involved, are treated with compassion, dignity, and due process,” ang sinabi nito.nnNauna rito, inatasan na ng DepEd ang pamunuan ng Bagong Silangan High School sa lungsod ng Quezon na palawakin ang imbestigasyon ukol sa insidente ng pambubully sa isang estudyante.nn nnMayroon ng inilaang pulong ang DepEd sa Child Protection Committee ng paaralan para marinig ang panig ng mga magulang at mga sangkot na estudyante.nn nnSinabi ni DepEd Media Relations Chief Dennis Legaspi na hindi papayagan ang anumang uri ng pambubully sa mga paaralan.nn nnHanda umano nilang tulungan ang mga paaralan para mahigpit na maipatupad ang batas ukol sa anti-bullying.nn nnMagugunitang inireklamo ng isang magulang sa nasabing paaralan ang ginawang pambugbog sa kaniyang anak na babae kung saan lagi umano itong binubully. (Daris Jose)

nnnnNAGSIMULA na ang Philippine Army team na magpartisipa sa search and rescue mission para sa mga indibiduwal sa Myanmar na winasak ng magnitude-7.7 earthquake noong nakaraang linggo.nnSinabi ng Philippine Army na ang 10-man Search and Rescue (SAR) team mula 525th Combat Engineer Battalion of Combat Engineer Regiment ay sumama para gampanan ang mga ‘specific designations’ kasama ang ibang contingents.nn nn”The team emphasized the adherence to specific security measures to mitigate the risks of petty crimes and the safety protocols to be observed in case of aftershocks,” ang sinabi ng Philippine Army.nnSinabi pa rin ng Philippine Army, na ang SAR team ay may mahalagang papel sa humanitarian assistance at disaster response matapos ang malakas na paglindol sa Turkiye noong February 2023.nn nnNauna rito, ang first batch ng Philippine contingent na may 58 miyembro ay dumating sa Myanmar noong April 1, habang ang second batch na may 33 miyembro ay noong April 2.nnSi Lieutenant Colonel Erwen S. Diploma ang mamumuno sa Philippine contingent na binubuo ng urban search at rescue teams mula sa Philippine Army, Philippine Air Force, Bureau of Fire Protection, Metropolitan Manila Development Authority, Department of Environment and Natural Resources at Private Sector (EDC and APEX Mining).nn nnBahagi rin ng Philippine contingent. ang medical assistance team mula sa Department of Health (DOH) at coordinators mula sa Office of Civil Defense (OCD). (Daris Jose)

PBBM, pinawi ang pangamba ng kakulangan sa pondo ng PhilHealth