SISIMULAN nang ipatupad ng Land Transportation Office-National Capital Region (LTO-NCR) ang “Oplan Isnabero” ngayong linggo, April 20 laban sa mga pasaway na taxi drivers na tatangging maihatid sa kanilang destinasyon ang mga pasaherong babalik sa Maynila makaraan ang mahabang bakasyon.nnPartikular na nakakalat ang LTO operatives sa pangunahing transport terminals sa Metro Manila upang matiyak ang maayos na pagbabalik ng mga pasahero.nnPinayuhan ni LTO-NCR Regional Director Roque Verzosa III ang mga taxi drivers na tupdin ang kanilang responsibilidad at huwag mang-isnab ng mga commuters.nnSa ilalim ng Joint Administrative Order No. 2014-01, ang pagtanggi sa pagsasakay ng pasahero ay may multang mula PHP 5,000 hanggang PHP 15,000 at maaaring mapawalang bisa ang Certificate of Public Conveyance (CPC) ng taxi.
- October 21, 2025 WordPress timezone: Asia/Manila
Current date: October 22, 2025
Current time: October 22, 2025 2:49 AM Ang Diyaryong Pinagkakatiwalaan
Archive for April, 2025
31 porsyentong Pinoy gumanda buhay sa nagdaang 12 buwan – SWS
UMAABOT sa 31 percent ng mga Pinoy ang nagsabing gumanda ang kanilang buhay sa nakalipas na 12 buwan, habang 30% ang nagsabing lumubha ang kanilang buhay sa nakalipas na 12 buwan.nnBatay sa latest SWS survey na ginawa mula Marso 15-20, nasa 38% naman ang nagsabing hindi nagbago ang kanilang pamumuhay.nnAng survey ay nagpapakita ng net gainers score na +1 na ayon sa SWS, ay mataas kahit na bumaba ng 5 points mula sa score na +6 noong Pebrero. Ang net gainers scores +1 hanggang +9 ay kinokonsiderang “high” ng SWS.nnAng mga respondents ay tinanong na “Kung ikukumpara ang uri ng inyong kasalukuyang pamumuhay sa nakaraang 12 buwan, masasabi ba ninyo na ang uri ng inyong pamumuhay ay mas mabuti kaysa noon, kapareho ng dati o mas masama kaysa noon”.nnAng non-commissioned survey ay ginawa ng face-to-face sa 1,800 registered voters na may edad 18 taon pataas, 300 sa Metro Manila, 900 sa Balance Luzon, 300 sa Visayas at 300 sa Mindanao.
Departure honor, nararapat sa isang National Artist:NORA, maayos na naihatid sa kanyang huling hantungan
MAAYOS na naihatid sa huling hantungan ang labi ng Superstar at National Artist for Film and Broadcast Arts na si Nora Aunor sa Libingan ng Mga Bayani noong Martes, April 22.Nagkaroon muna ng madamdaming State funeral sa Metropolitan Theater o MET kung saan siya binigyan ng pagpupugay ng ilang personalidad na malapit sa kanya, bago siya inilibing.Sa Libingan ng mga Bayani ay nagkaroon ng departure honor para sa pumanaw na National Artist. Kasunod nito ang pagmamartsa mula sa gate patungo sa naka-assign na burial site, na katabi mismo ng isa pang National Artist na Ishmael Bernal, direktor ng ‘Himala’ na pinagbidahan ni Nora. Ginanap din ang final benediction ng assigned priest at ang final viewing ng pamilya, mga kaibigan, at tagasuporta ni Ate Guy. Hindi nga napigilan na maging emosyonal ang magkakapatid na Lotlot, Matet, Kiko, Kenneth at Ian de Leon, hanggang sa pagsasara ng kabaong ni Ate Guy na isinagawa ng anak na si Ian. Binigyan din ng military honor at 21-gun salute habang tuluyan nang inililibing ang yumaong aktres at national artist.Si Ian naman ang tumanggap ng watawat ng Pilipinas mula sa mga sundalo matapos ang isinagawang state funeral. Isa-isa namang nag-alay ng mga puting rosas ang naulilang pamilya ng nag-iisang Superstar.Nagpasalamat naman si Ian sa mga naglaan ng oras para samahan sila sa paghahatid sa kanilang butihing inacsa huling hantungan.“Magandang tanghali po sa ating lahat. Unang-una, on behalf sa aking pamilya, sa mga kapatid ko, sa mga anak namin, mga apo ni Mommy, hindi n’yo po alam kung gaano po namin kayo kamahal.“Dahil sa pagmamahal n’yo na ibinigay n’yo sa mommy namin, siya lang po ang nag-iisang Superstar dahil sa inyong lahat. Nagkaroon ng isang national artist dahil po sa inyong lahat,” madamdaming pahayag ni Ian.Matatandaan na ikinagulat ng lahat ang pagpanaw ni Ate Guy noong Miyerkules Santo, ika-16 ng Abril, na dahil sa acute respiratory failure.May you ‘rest in paradise’ Ate Guy? ***BILANG pagpupugay sa yumaong Superstar at National Artist muling ipalalabas ang dalawang pelikula ni Nora Aunor na mula sa direksyon ni Mario O’Hara.Ito ang ‘Tatlong Ina, Isang Anak’ at ‘Tatlong Taong Walong Diyos’ na ipalalabas sa Ayala Cinemas kapalit ng ‘Shake, Rattle & Roll’ at ‘Sa Init ng Apoy’.Ang regular tickets ay ₱180 at ₱160 para students.(ROHN ROMULO)
Aabot sa 70,000 na pelikula at TV materials: MTRCB, nagbigay ng angkop na klasipikasyon sa 1st Quarter ng 2025
AABOT sa halos 70,000 pelikula, telebisyon at publicity materials ang nabigyan ng angkop na klasipikasyon ng Movie and Television Review and Classification Board (MTRCB) mula Enero hanggang Marso 2025.
Mas malaki ito kumpara sa 59,095 na materyal na binigyan ng angkop na klasipikasyon ng Ahensya sa parehong panahon noong 2024.
Batay sa datos, ang 68,953 ay mula sa TV programs, plugs at trailers; 159 ay mga pelikula (lokal, independent at internasyonal), habang 118 naman ang trailers. Nirebyu din ng Board ang aabot sa 413 na publicity at optical media materials.
Sa pamamagitan ng mahigpit na pagsunod sa mga alituntunin at proseso ng pagrerebyu, ang MTRCB, sa pangunguna ni Chairperson at CEO Lala Sotto-Antonio, ay nananatili ang dedikasyon na maisulong ang responsableng panonood.
“Parte ito ng pagsisikap ng Board ma matiyak na ang lahat ng pelikula at programa sa telebisyon ay mabibigyan ng angkop na klasipikasyon batay sa Presidential Decree (PD) No. 1986, ang batas na basehan sa pagrerebyu ng mga materyal,” sabi ni Sotto-Antonio.
“Ang tagumpay na ito ay sumasalamin sa dedikasyon ng 31 Board Members para masiguro na ang lahat ng materyal ang may angkop na klasipikasyon,” dagdag niya.
Sa patuloy na paglago ng media sa bansa, patuloy din ang pagpapa-igting ng MTRCB sa kampanya nito tungo sa “Responsableng Panonood” sa pamamagitan ng pagsasagawa ng konsultasyon sa mga stakeholders, aktibidad at iba’t ibang inisyatiba.
“Atin pong tinitiyak na ang Board ay mananatiling dedikado sa pagtitiyak na ang bawat pamilyang Pilipino ay ligtas mula sa mapanganib na palabas at magkaroon ng komportableng panonood,” sabi ni Sotto-Antonio
Idiniin din niya ang prayoridad ng MTRCB na protektahan ang kabataang Pilipino mula sa mapanganib na content na posibleng makaapekto sa kanilang pag-iisip. (ROHN ROMULO)
Bilang pagbibigay-pugay sa nag-iisang Superstar:ALFRED, ipalalabas ang ‘Pieta’ nila ni NORA sa mga sinehan na walang bayad
SA Instagram post ng aktor at pulitiko na Alfred Vargas nagbigay-pugay siya sa nag-iisang Superstar at National Artist for Film and Broadcast Arts na si Nora Aunor. Pinost niya ng kanilang eksena ni Ate Guy sa ‘Pieta.’This scene was taken from one of Ate Guy’s last ever films, PIETA. I played, Isaac, her long lost son.When Isaac finally returned home he was greeted by a mother who couldn’t remember anything anymore, panimula ni Alfred. Instead of surprising his mother, he ended up the one being surprised… for the wrong reasons. Pieta is a story about love, family, truth, mistakes and forgiveness.This was a painful but loving scene at the same time.*Painful because Rebecca, Nora Aunor’s character, the mother of Isaac, couldn’t recognize her son at all.Loving because she still showed how much she cared for and loved her son despite the incomprehensible situation.Dagdag pagpupugay pa niya, Ate Guy, working with you has been one of the greatest honors of my life. As an actor and as a human being you have touched my heart. You have taught me so much without saying anything and you have inspired me tremendously by mentoring me through our scenes together. PIETA will always be one of the most special and favorite films l’ve done my entire life because of you.The most important lesson I learned from you is that:TRUE STARS SHINE BECAUSE OF THEIR HUMILITY AND GENEROSITY IN EVERYTHING THEY DO AND WHOEVER THEY MEET. Sayo ko naramdaman ito nang sobra, Ate Guy.Maraming salamat dahil tinanggap mo ako sa puso mo at nagkaroon ako ng chance to work at makilala ang ONE AND ONLY SUPERSTAR that we will ever have!Rest in peace, Ate Guy Mahal na mahal kita.” #restinpeacenoraaunorPahabol pa ni Alfred na, “As a tribute to our one and only SUPERSTAR, I’m planning to show PIETA in selected SM Cinemas nationwide, for free, later this year. Para mapanood ng Noranians ang isa sa mga pinakahuling obra ni Ms Nora Aunor!(ROHN ROMULO)
Marcos admin, gumagawa ng mga hakbang para makamit ng PH ang pagiging upper-middle income sa 2026.
INIHAYAG ni Navotas Congressman Toby Tiangco na ang administrasyong Marcos ay patuloy na gumagawa ng mga kinakailangang hakbang upang matulungan ang Pilipinas na makamit ang pagiging upper-middle income sa 2026. “Climbing up to a higher bracket would be a milestone for our country. NEDA has expressed optimism that we will reach upper-middle income status by 2026, if not sooner,” ani Tiangco. “To help keep the country on track, the Marcos administration continues to implement programs and policies aimed at increasing investments and generating jobs to sustain the country’s upward momentum,” dagdag niya. Ang isang bansa ay inuri bilang upper-middle income kapag umabot ito sa per capita gross national income (GNI)—o ang kabuuang halaga ng perang kinita ng mga tao at negosyo ng isang bansa sa loob at labas ng bansa—sa pagitan ng $4,516 at $14,005. Sa Southeast Asia, ang Indonesia, Thailand at Malaysia ay kabilang sa grupong ito, habang ang Singapore at Brunei ay itinuturing na mataas ang kita. “Finally, after so many years, makakahabol na tayo. The Marcos administration is determined to ensure that we no longer lag behind our ASEAN neighbors,” aniya. Binigyang-diin niya na bagama’t mahalaga ang economic classification, nananatiling nakatutok ang administrasyon sa inclusive growth. “Rising to a higher income group is a great achievement, but it’s not the end goal. The true objective is to uplift the lives of Filipinos—through better education, more jobs, and poverty reduction,” dagdag niya. Nagpahayag din si Tiangco ng suporta para sa bagong lagdang Department of Economy, Planning and Development (DEPDev) Act, na pinaniniwalaan niyang magpapahusay sa pangmatagalang pagpaplano ng ekonomiya at pagpapatuloy ng patakaran. (Richard Mesa)