MAHIGIT 500 pamilya sa Tipo-Tipo, Basilan ang lumikas dahil sa sagupaan sa pagitan ng militar at armadong grupo noong nakaraang linggo.nnAyon sa report ng lokal na pamahalaan, kasalukuyang nasa mga evacuation centers ang mga residenteng naapektuhan mula sa mga barangay ng Baguindan at Bohe Piyat.nnNangangailangan ng pagkain, tubig, gamot, at mga gamit sa pansamantalang tirahan ang mga bakwit.nnNagsimula na ang relief operations ng Department of Social Welfare and Development (DSWD) katuwang ang lokal na pamahalaan at ilang non-government organizations.nnNanawagan naman si Basilan Governor Jim Salliman sa karagdagang suporta mula sa national government para matugunan ang pangmatagalang pangangailangan ng mga evacuee.nnPatuloy pa rin ang military operations sa lugar para matiyak ang seguridad ng mga mamamayan.
- October 21, 2025 WordPress timezone: Asia/Manila
Current date: October 21, 2025
Current time: October 21, 2025 6:13 PM Ang Diyaryong Pinagkakatiwalaan
Archive for April, 2025
BARANGAY SA NORTH COTABATO, NIYANIG NG 5.3 NA LINDOL
ISANG lindol na may lakas na magnitude 5.3 ang yumanig sa bayan ng Tulunan, North Cotabato nitong Lunes ng umaga, ayon sa PHIVOLCS.nnNaitala ang sentro ng lindol sa layong 14 km timog ng Tulunan at may lalim na 10 km. Tectonic ang pinagmulan nito.nnNararamdaman ang pagyanig sa ilang bahagi ng Soccsksargen at mga karatig lalawigan.nnWala namang naiulat na nasaktan o nasirang estruktura, ngunit patuloy ang ginagawang assessment ng mga lokal na awtoridad.nnPinayuhan ng PHIVOLCS ang publiko na manatiling alerto sa posibleng aftershocks at sundin ang mga abiso mula sa disaster response agencies.
ALBAY, NAKAPAGTALA NG MAINIT NA 48°C HEAT INDEX
NAITALA sa Albay ang isa sa pinakamataas na heat index sa bansa ngayong taon, umabot ito sa 48°C nitong Linggo, Abril 21, ayon sa PAGASA.nnAng naturang antas ng init ay nasa ‘danger level’ na maaring magdulot ng heat cramps, heat exhaustion, at posibleng heat stroke kung hindi maagapan.nnAyon sa weather bureau, epekto ito ng El Niño phenomenon at ng patuloy na umiiral na mainit na panahon sa bansa.nnNagpaalala ang mga otoridad na iwasan ang direktang sikat ng araw mula alas-10 ng umaga hanggang alas-4 ng hapon, magsuot ng magagaan at preskong damit, at uminom ng maraming tubig.nnPinapayuhan din ang publiko na iwasan ang strenuous activities sa kasagsagan ng init ng araw.nnSamantala, mahigit 30 lugar sa bansa ang nasa ilalim din ng mataas na heat index mula 42°C pataas, kabilang na ang Metro Manila na nakapagtala ng 44°C.
PBBM: TULOY ANG LABAN KONTRA KANSA!
PINANGUNAHAN ni Pangulong Ferdinand R. Marcos Jr. ang inagurasyon ng ika-39 Malasakit Center sa Central Luzon sa lungsod ng Balanga, Bataan bilang bahagi ng pagpapatuloy ng kanyang administrasyon sa laban kontra kanser.nnAng bagong bukas na Malasakit Center ay nasa loob ng Bataan General Hospital and Medical Center (BGHMC).nnAyon kay Pangulong Marcos, mahalaga ang proyektong ito para sa mga pasyenteng may kanser at sa kanilang mga pamilya na hirap sa gastusin para sa gamutan.nn”Hindi madali ang laban kontra kanser. Pero hindi kayo nag-iisa. Sa bawat ospital, bawat pasilidad, at bawat inisyatibo, tinitiyak nating hindi kayo kailanman mawawalan ng pag-asa,” ani Pangulong Marcos.nnAniya, hindi lamang ito pasilidad kundi simbolo ng malasakit at pagkakaisa upang bigyan ng dignidad ang bawat Pilipino na may karamdaman.nnIpinahayag din ng Pangulo na walang sinuman ang dapat mawalan ng pagkakataon sa lunas dahil lamang sa kakulangan ng pera.nnKabilang sa mga benepisyaryo ng center ay ang mga indigent patients na mangangailangan ng chemotherapy, laboratory tests, at iba pang medical services.nnTarget ng pamahalaan na palawigin pa ang mga Malasakit Center sa buong bansa.
PBBM KAY POPE FRANCIS: ‘THE BEST POPE IN MY LIFETIME’
NAGPAHAYAG nang matinding kalungkutan si Pangulong Ferdinand Marcos Jr., sa pagpanaw ni Pope Francis, mas kilala ng mga Filipino bilang si “Lolo Kiko.”nn”Ibang klase si Pope Francis. That’s really sad. I love this Pope. The best Pope in my lifetime as far as I’m concerned,” ang sinabi ni Pangulong Marcos sa sidelines ng isang pagpupulong, araw ng Lunes.nnNauna rito, inanunsyo ng Vatican ngayong Lunes (oras sa Pilipinas) sa isang video statement na pumanaw na si Pope Francis, ang kauna-unahang Latin American leader ng Roman Catholic Church.nnNito lang nakaraang linggo, nakipagpakita si Pope Francis, 88-anyos, at pinasalamatan ang medical team na umasikaso at nagligtas sa kaniya sa limang linggo niyang pagkakaratay sa ospital dahil sa double pneumonia.nnMahina ang boses pero walang suot na oxygen ang Santo Papa nang pasalamatan niya ang medical team na binubuo ng nasa 70 doktor at mga staff mula sa Gemelli Hospital sa Rome.nn”Thank you for your service in hospital,” ang sinabi ni Pope Francis. “It is very good. Keep going like this.”nnNitong nakaraang Linggo ng Pagkabuhay, pumasok si Pope Francis sa St. Peter’s Square sakay ng open-air popemobile, na kauna-unahang niyang ginawa mula nang makalabas ng ospital.nnSinalubong siya ng libu-libong Katoliko na may bitbit na mga watawat ng kanilang mga bansa at sumisigaw ng “viva il papa!” (long live the pope!).nnIlang beses din na sandaling tumigil ang popemobile sa square, upang batiin at basbasan ang mga tao, may sanggol din na inilapit sa kanya.nnBinasa naman ng kanyang tauhan ang kanyang Easter message mula sa balkonahe ng St. Peter’s Basilica, kung saan binigyan-diin ng Santo Papa ang agarang tigil-putukan sa Gaza.nn”I express my closeness to the sufferings … of all the Israeli people and the Palestinian people,” saad niya sa mensahe.nn”I appeal to the warring parties: call a ceasefire, release the hostages and come to the aid of a starving people that aspires to a future of peace,” dagdag pa niya.nnNagawa rin ni Pope Francis na makausap nitong Linggo ng umaga sa Vatican sa US Vice President JD Vance.nnAyon sa Vatican, ilang minuto lang ang itinagal ng pag-uusap nina Pope Francis at Vance upang magpalitan ng Easter greetings.nnSamantala, sinabi ni Pangulong Marcos na laging tatandaan ng mga Pilipino si Pope Francis at ang panawagan nito sa mga mananampalatayang Filipino na muling pasiglahin araw-araw ang kanilang sigasig na kumonekta sa at abutin ang mga nasa gilid at sama-samang magtrabaho para protektahan ang kapaligiran.
PBBM, pinasinayaan ang P430.3-M BALINGOAN PORT EXPANSION PROJECT
PINANGUNAHAN ni Pangulong Ferdinand R. Marcos Jr. ang inagurasyon ng Port Operations Building (POB) sa ilalim ng P430.3-million Balingoan Port Expansion Project sa Balingoan, Misamis Oriental.nnThe Balingoan Port Expansion Project ay nakatuon tungo sa pagpapalakas ng ‘economic at tourism activities’ sa rehiyon.nnSa pagsasalita sa nasabing paglulunsad na isinagawa sa newly completed terminal, sinabi ni Pangulong Marcos na sa ilalim ng Build Better More program, layon ng gobyerno sa pagtatayo ng mga imprastraktura ay paghusayin ang ‘public convenience, comfort, security, at general progress.’nn“Sa pagsasaayos natin sa pasilidad na ito, asahan natin na lalakas ang turismo, bubuhos ang negosyo, lalago ang ekonomiya, at higit sa lahat, mas gaganda ang kabuhayan ng mga taga Misamis Oriental,” ang sinabi ni Pangulong Marcos.nn“Isa lamang po ito sa aming mga proyekto at sa aming mga ginagawa upang gawing makabago ang mga pantalan sa ating kapuluan,” aniya pa rin.nnSakop ng newly-inaugurated Port Operations Building ang 3,082.50 square meters at nagtatampok ng single-level, high-ceiling design na maaaring mag-accommodate ng hanggang 500 seated passengers. Ito ay 233% na pagtaaas mula 150-passenger capacity ng lumang terminal.nnKabilang sa modern features ng terminal ay ang passenger lounge areas, gender-inclusive restrooms, childcare at play areas, food concession spaces, at prayer rooms, pinaganda at pinalaki naman ang ‘convenience at comfort’ ng mga biyahero.nnSa ilalim ng expansion project, ang back-up area, karagdagang roll-on/roll-off ramp, at pinalawig na cargo handling capabilities ay itinayo rin at pinalawak.nn”With the improvements, the port now has the capacity to berth up to five to six RoRo (roll-on/roll-off vessels) simultaneously, significantly reducing congestion and long queues of cargo and passenger vehicles,” ayon sa ulat.nnAng Balingoan port ay matatagpuan sa 84 kilometers mula sa Cagayan de Oro City, nagsisilbi ito bilang mahalagang transportasyon at economic hub na nagdudugtong sa Northern Mindanao sa Camiguin at Bohol.nnAng development ng Port of Balingoan ay maaari ring magpalakas sa tourism landscape ng Northern Mindanao, nag-aalok sa mga biyahero ng ‘greater access’ sa ilang itinuturing na ‘Misamis Oriental’s lesser-known yet captivating destinations.’nnSamantala, noong nakaraang taon, nakapagtala ang port ng mahigit sa 6,102 ship calls, nahigitan ang pre-pandemic figures, na may RoRo traffic na lampas sa 109,000 at passenger traffic na umabot sa mahigit na 671,000.
Heat inagaw ang No. 8 spot sa playoffs
BUMANAT si Tyler Herro ng 30 points para tulungan ang Miami Heat sa 123-114 overtime win sa Hawks sa Play-In Tournament at kunin ang No. 8 berth sa Eastern Conference first-round playoffs.nnNagdagdag si Davion Mitchell ng 16 markers tampok ang tatlong krusyal na three-point shots sa extra period sa pagharap ng Miami sa No. 1 Cleveland Cavaliers sa first-round playoffs.nn“I know how badly our group wanted to get into this thing,” sabi ni Fil-American Heat coach Erik Spoelstra na nakahugot kay Andrew Wiggins ng 20 points. “I could see it in their eyes and feel it in their heart.”nnAng Miami ang naging unang No. 10 seed na nakasampa sa playoffs simula nang ilunsad ang play-in format noong 2020-21 season.nnSila rin ang unang play-in team na umabante sa first-round playoffs na may dalawang road wins.nnPinamunuan ni Trae Young ang Atlanta sa kanyang 29 points at 11 assists.nnSa Memphis, kumamada si Ja Morant ng 22 points at 9 assists sa 120-106 pagsibak ng Grizzlies sa Dallas Mavericks sa Play-In Tournament papasok sa NBA Playoffs.nnUmiskor si Jaren Jackson Jr. ng 24 points at may 22 markers si Desmond Bane para sa Memphis na tatayong No. 8 seed sa Western Conference katapat ang top-seeded Oklahoma City Thunder sa isang best-of-seven series.nnHangad nilang maging pang-pitong tropa sa NBA history na tumalo sa No. 1 team sa first round bilang No. 8 seed.nnHuli itong nangyari noong 2022-23 season nang gulatin ng No. 8 Miami Heat ang No. 1 Milwaukee Bucks, 4-1.
WBC interim lightweight champ Ryan Garcia, target na makasagupa si Boots Ennis
TARGET ni Ryan Garcia, ang WBC interim lightweight champ, na labanan si IBF welterweight champ Jaron ‘Boots’ Ennis matapos talunin ni Ennis si Eimantas Stanionis noong Abril 12, 2025.nnInilarawan ni Garcia na madaling manalo si Ennis sa 147 lbs dahil mahihina umano ang mga kampeon sa kategoryang ito.nnBagamat matibay si Ennis, sinabi ni Garcia na madalas itong tamaan ng suntok na nagiging sanhi ng kahinaan para ma-knockdown.nnAyon WBC interim lightweight champ, mas mabagsik siya kumpara kay Stanionis at handa siyang gumawa ng mega-fight laban kay Ennis.nnBinanggit ni Garcia na kailangang harapin ng IBF welterweight champ ang mga mahihirap na kalaban upang makapasok sa pound-for-pound list.nnHindi pa tumutugon si Ennis sa hamon ngunit seryoso si Garcia sa laban basta’t maayos ang premyo.
Machine operator, kulong sa statutory rape sa Valenzuela
REHAS na bakal ang kinasadlakan ng 21-anyos na machine operator na akusado sa statutory rape matapos matimbog sa manhunt operation.nnAng akusado ay kabilang sa Top 3 Most Wanted Person sa Valenzuela City at nahuli sa bisa ng warrant of arrest para sa dalawang bilang ng Statutory Rape.nnWalang piyansang inirekomenda ang korte. Pinuri ni P/BGen. Ligan ang Valenzuela Police sa dedikasyon sa paghuli ng mga kriminal.
2 tulak, kalaboso sa pagbenta ng shabu sa parak sa Valenzuela
MAHIGIT P.3 milyong halaga ng shabu ang nasamsam sa dalawang tulak na itinuturing bilang High Value Individuals (HVI) matapos matiklo ng pulisya sa buy bust operation sa Valenzuela City.nnNakumpiska sa mga suspek ang nasa 51 grams ng hinihinalang shabu, buy bust money, coin purse at recovered cash. Kinilala sila na sina alyas “Michael” at “David”, parehong taga-Brgy. 171, Caloocan City.nnKinasuhan sila ng paglabag sa R.A. 9165. Pinuri naman ni P/BGen. Josefino Ligan ang Valenzuela Police sa kanilang patuloy na kampanya laban sa iligal na droga.