2025 April 26 Archive - People's Balita

Archive for April 26th, 2025

Bersamin at dalawa pang cabinet members, magsisilbing mga caretaker ng Pilipinas habang nasa Vatican City ang First couple

Posted on: April 26th, 2025 by @peoplesbalita No Comments

PINANGALANAN ng Malakanyang ang mga magsisilbing caretaker ng bansa habang nasa Vatican City ang First Couple. Sina Executive Secretary Lucas Bersamin, Justice Secretary Jesus Crispin Remulla, at Agrarian Reform Secretary Conrado Estrella III ang pansamantalang mamumuno. Lumipad ang Pangulo at Unang Ginang upang dumalo sa libing ni Pope Francis. Kumpirmadong dadalo rin ang mga lider mula sa iba’t ibang bansa. Ayon sa Vatican, pumanaw si Pope Francis kamakailan matapos ang ilang linggong gamutan sa ospital dahil sa double pneumonia.

https://dzme1530.ph/wp-content/uploads/2025/04/caretaker.png

Impeachment trial issue ni VP Sara, ayaw nang patulan ng Malakanyang

Posted on: April 26th, 2025 by @peoplesbalita No Comments

TILA ayaw nang patulan ng Malakanyang ang mga pahayag ni VP Sara Duterte kaugnay ng kinakaharap nitong impeachment complaint. Ayon kay Usec. Claire Castro, wala ang Palasyo sa posisyon para manghimasok sa isyung ito. Kinumpirma ni VP Sara na nakipagpulong siya sa mga abogado habang nasa Netherlands. Naniniwala siyang mananalo sila sa impeachment. Ayon kay Castro, ang proseso ay nasa kamay na ng Senado. Wala ring natanggap na notice of disallowance ang Office of the President ukol dito.

https://remate.ph/wp-content/uploads/2024/11/sara-1.jpg

Mga kandidato sa 2025 elex, hindi dapat kasama sa distribusyon, pagbebenta ng bigas sa halagang P20 kada kilo- Malakanyang

Posted on: April 26th, 2025 by @peoplesbalita No Comments

SINABI ng Malakanyang na hindi dapat kasama ang mga kandidato para sa 2025 elections sa distribusyon at pagbebenta ng bigas sa halagang P20 kada kilo. Ayon kay Presidential Communications Usec. Claire Castro, dapat ay hindi makita sa tarpaulin ang mukha ng sinumang kandidato. Aniya, ang pagbebenta ng bigas ay para sa taumbayan, hindi para sa mga kandidato. Bagama’t walang direktiba ang Pangulo, kumpiyansa ang Malakanyang na makikita ng COMELEC kung may pamumulitika. ‘Hayaan natin ang COMELEC na magsuri kung ginagamit ito sa pangangampanya,’ dagdag ni Castro.

https://remate.ph/wp-content/uploads/2023/09/BIGAS.jpg

Valenzuela, unang lungsod sa Pilipinas na nag-deploy ng 41 electric vehicles

Posted on: April 26th, 2025 by @peoplesbalita No Comments

BILANG katuparan ng layunin ng environmental initiative nitong ‘Go Green Valenzuela,’ at sa pagsisikap na patatagin ang kapayapaan at kaayusan sa lungsod, ang Pamahalaang Lungsod ng Valenzuela ay nagturnover ng 41 electric vehicles (EV) para magamit ng Valenzuela City Police Station at iba’t ibang tanggapan ng pamahalaan. Kasabay nito, pinasinayaan din ng lungsod ang bago nitong EV Charging Station sa ALERT center. Ang Valenzuela ay ngayon ang unang lungsod sa Pilipinas na nag-deploy ng pinakamalaking bilang na 35 electric vehicles para magamit sa mga operasyon ng pulisya at anim naman para sa iba’t ibang tanggapan ng gobyerno. Ang hakbang na ito ay naging posible sa pamamagitan ng pakikipagtulungan sa ACMobility at BYD Philippines, na nagtulak sa paggamit ng mga sustainable na solusyon sa transportasyon. Ang inilaang badyet ng mga EV ay umabot sa P75,768,000.00 sa tulong ni Senator Win Gatchalian. May mga anti-theft equipment, regenerative braking, at electronic stability program ang mga sasakyang ito. Dumalo sa seremonya sina Mayor WES Gatchalian, Senator WIN Gatchalian, DILG Secretary Juanito Victor Remulla, dating Senate President Vicente “Tito” Sotto, at iba pang opisyal.

https://media.philstar.com/photos/2025/04/25/untitled-1_2025-04-25_22-17-59.jpg

COMELEC pinapasagot ang ilang mga kandidato dahil sa pagbili ng boto

Posted on: April 26th, 2025 by @peoplesbalita No Comments

PINAPASAGOT na ng Commission on Elections (COMELEC) ang ilang mga lokal na kandidato dahil sa alegasyon ng pagbili ng mga boto. Dalawa sa mga dito ay tumatakbo sa pagka-alkalde ng lungsod ng Maynila na sina Isko Moreno at Samuel Versoza. Kabilang din na pinapasagot sina Caloocan mayoral candidate Dale Malapitan at Malabon Mayor Jeannie Sandoval. Nilinaw ni Malapitan na ang pamamahagi ng P3,225 sa mga botante ng Caloocan ay bahagi ng kanilang programa at ito ay pinayagan ng COMELEC noon pang Pebrero. Nasa listahan na pinapasagot rin ng COMELEC ay sina: Maguindanao del Sur Rep. Esmael Mangudadatu, Alaminos, Laguna Vice Mayor Victor Mitra, Alaminos Mayor Eric Reyes, Alaminos Councilor Joey Briz, Isabela Rep. Joseph Tan, Bulacan Sangguniang Panlalawigan member Anna Kathrina Hernandez Santiago, Isabela Mayor Alyssa Sheena Tan, Pandan, Catanduanes Mayor Raul Tabirara, Cavite Rep. Adrian Jay Advincula, Eastern Samar Councilor Rex Docena, Jerry Jose na tumatakbong konsehal ng Villaverde, Nueva Vizcaya; Masbate Gov. Richard Kho; Baybay City congressional candidate Levito Baligod; Baybay City mayoral candidate Marilou Baligod; Ana Kathrina Hernandez, na tumatakbong konsehal ng Bulacan; Montevista, Davao de Oro Mayor Cyrex Basalo, Aurora Gov. Reynante Tolentino, Santiago City Sangguniang Panglunsod member Sherman Miguel, Eastern Samar Rep. Maria Fe Abunda, Maria, Aurora Mayor Ariel Bitong, Sanggunian Bayan member Elizabeth Farin, Palawan Rep. Christopher Sheen Gonzales, Maguindanao del Sur Datu Ali Midtimbang at Sanggunian Panglunsod member Anton Phoenix Abaya. Ang mga ito ay pinapasumite ng written explanation kung bakit hindi sila dapat idis-qualify dahil sa alegasyon umano ng pamimili ng boto. Natitiyak naman ng COMELEC na kanilang agad na binibigyan ng aksyon ang mga reklamong naipaparating sa kanilang opisina.

https://img.bomboradyo.com/cauayan/2025/04/vote-buying-comelec.webp

Kelot na wanted sa statutory rape, nakorner sa selda

Posted on: April 26th, 2025 by @peoplesbalita No Comments

Nadiskubre ng Caloocan Police na ang isang lalaking wanted sa tatlong kaso ng statutory rape ay nakapiit na pala sa Caloocan City Jail. Si alyas Dodie ay matagal nang pinaghahanap matapos kasuhan ng paulit-ulit na panghahalay sa isang menor de edad. Natunton siya sa BJMP facility ng mga tauhan ng DIDMD matapos matanggap ang impormasyon. Walang piyansa ang kaso laban sa kanya ayon sa warrant na inilabas noong Agosto 4, 2024.

https://hsrc.ac.za/wp-content/uploads/2024/12/terrifying-hands-silhouettes-studio_23-2150710095-700×467.jpg

2 tulak ng high-grade marijuana, arestado sa Caloocan

Posted on: April 26th, 2025 by @peoplesbalita No Comments

Naaresto ng Caloocan police ang dalawang lalaking tulak ng high-grade marijuana sa isang buy-bust operation sa Bagong Silang. Kinilala ang mga suspek na sina alyas Andrie, 24, at Mark, 22. Nakumpiska mula sa kanila ang 29g ng high-grade marijuana at 950g ng tuyong dahon ng marijuana na nagkakahalaga ng P157,500. Kakasuhan sila sa ilalim ng R.A. 9165. Pinuri ni NPD Director P/BGen. Ligan ang DDEU sa kanilang propesyonalismo at dedikasyon sa kaligtasan ng publiko.

https://media.philstar.com/photos/2025/01/03/jov_2025-01-03_22-39-15.jpg

Sinusubukan na namang lokohin ang mga tao gamit ang P20-per-kilo rice—VP Sara

Posted on: April 26th, 2025 by @peoplesbalita No Comments

DITO inilalarawan ni Speaker Ferdinand Martin Romualdez ang pagsisimula nang pagpapatupad ng P20 kada kilo ng bigas ng Department of Agriculture sa Western, Central at Eastern Visayas sa susunod na linggo na siyang pangarap ni Pangulong Bongbong Marcos para sa bayan. Una nang inihayag ni Agriculture Secretary Francisco Tiu Laurel Jr. ang pilot program matapos ang isinagawang closed-door meeting sa Chief Executive at sa 12 Visayas governors sa Cebu nitong Miyerkules. “Simula pa lang ito. Gagawin nating alaala, kasaysayan na lang ang mahal na bigas. Sa tulong ng whole-of-government effort, masusundan ito hanggang maabot ng programa ang bawat sulok ng bansa,” ani Romualdez. Noong nakalipas na taon ay nasa ₱60 kada kilo ang presyo ng bigas sa ilang pamilihan na naging ₱35-₱39 nitong taon hanggang sa target na ₱20 ngayon, Pinapurihan naman ni speaker ang Visayas LGUs sa pagtulong sa subsidy cost sa national government, kung saan tinawag nito ang nasabing kasunduan na isang kongkretong porma ng tunay na bayanihan economics. Para sa long-term solutions, sinabi ni Speaker Romualdez na suportado ng kamara ang agricultural modernization tulad ng mechanization, high-quality seed distribution, soil-health programs at solar-powered irrigation, para sa abot-kayang bigas at masigurong magtuluy-tuloy ang pilot implementation nito. “Marami pa tayong batas na dapat ipasa para maipagpatuloy at mapalawig ang ₱20-rice program. Kapag nagtagumpay ang Alyansa sa Senado, mas madali nating maisusulong ang mga reporma sa logistics, farm support, at digital subsidies na magtitiyak na hindi pansamantala kundi pangmatagalan ang tagumpay na ito—para sa magsasaka, para sa mamimili, at para sa buong bayan,” dagdag nito. (Vina de Guzman)

https://tonite.abante.com.ph/wp-content/uploads/2025/04/sarfar.jpg

Sinimulan sa Visayas region: Pangakong P20 kada kilo ng bigas, tinutupad na—PBBM

Posted on: April 26th, 2025 by @peoplesbalita No Comments

Inanunsyo ng Department of Agriculture na sisimulan na ang pagbebenta ng bigas sa halagang P20 kada kilo sa Visayas bilang pagtupad sa campaign promise ni Pangulong Bongbong Marcos. Ayon kay Secretary Francisco Tiu Laurel Jr., layunin ng pilot program na maging pangmatagalan hanggang 2028. Ang programa ay tinalakay sa closed-door meeting sa Cebu kasama ang 12 Visayas governors. Ang rice distribution ay 10 kilos kada linggo bawat pamilya. Tiniyak ni PBBM na magiging nationwide ang implementasyon kapag naresolba ang logistics issues.

https://images.app.goo.gl/qPb92Vwk7wvVhvNL9

LTO, naglabas ng SCO laban sa may-ari at driver ng truck sa Marikina crash

Posted on: April 26th, 2025 by @peoplesbalita No Comments

NAGLABAS ng show cause order (SCO) ang Land Transportation Office (LTO) laban sa rehistradong may-ari at driver ng trailer truck na sangkot sa serye ng banggaan sa Marikina City noong gabi ng Miyerkules, Abril 23, isang trahedyang nagresulta sa pagkasawi ng hindi bababa sa tatlong katao. Ayon kay LTO Chief, Assistant Secretary Atty. Vigor D. Mendoza II, ang pagpapalabas ng SCO ay unang hakbang sa imbestigasyon kung saan inaasahang magbibigay ng kanilang paliwanag ang may-ari at driver ng trak kaugnay ng insidente. “Nais naming malaman kung ano talaga ang nangyari, at bahagi niyan ay ang pagtukoy kung may pagkukulang sa panig ng nakarehistrong may-ari pagdating sa maintenance ng trak at sa kondisyon ng driver noong oras ng aksidente,” pahayag ni Asec Mendoza. Batay sa ulat ng pulisya, may kargang 40-foot container van ang trak at bumabaybay sa Fortune Avenue sa Marikina City bandang alas-10 ng gabi nang bigla itong huminto at umusad paatras habang nasa paakyat na bahagi ng kalsada.Ayon pa sa ulat ng pulisya, nawalan umano ng preno ang trak. “Patuloy itong umatras hanggang sa tumagilid ang chassis ng trailer kasama ang kargang container, na tuluyang nadaganan ang tatlong sasakyan. Ang biglaang pag-atras ay nagdulot ng sunod-sunod na banggaan, na humantong sa pagkakasangkot ng dalawa pang sasakyan,” ayon sa ulat. Tatlong katao ang nasawi kabilang umano ang isang driver ng jeepney at dalawang sakay ng isang sedan habang sampu naman ang sugatan. Sa ngayon ay nasa kustodiya na ng pulisya ang driver ng trak. Ayon kay Asec Mendoza, ang driver ng trak ay hihingan ng paliwanag kung bakit hindi siya dapat patawan ng parusa para sa reckless driving at pagiging improper person to operate a motor vehicle na may katumbas na parusang pagbawi ng lisensya. Dagdag ni Asec Mendoza, layunin ng imbestigasyon na matukoy kung ang trak ay maayos na minementena. Sisiyasatin din ng mga imbestigador ng LTO kung may naganap na overloading. Agad namang sinuspinde ang lisensya ng driver ng trak habang isinailalim sa alarma ang mismong sasakyan. (PAUL JOHN REYES)

https://images.app.goo.gl/52i1cNwZvcEyzwNs5