Arestado si alyas ‘Juan’ matapos tutukan ng baril ang isang nakaalitan sa Caloocan City. Nakumpiska sa kanya ang isang .38 revolver na walang lisensya. Nahaharap siya sa mga kasong Grave Threat at paglabag sa RA 10591. (Richard Mesa)
- October 21, 2025 WordPress timezone: Asia/Manila
Current date: October 21, 2025
Current time: October 21, 2025 8:11 AM Ang Diyaryong Pinagkakatiwalaan
Archive for April 26th, 2025
Pang-apat na business one-stop shop ng Caloocan, inilunsad
Inilunsad ng Caloocan LGU sa pangunguna ni Mayor Along Malapitan ang ikaapat na business one-stop shop (BOSS) sa SM Sangandaan upang pabilisin ang pagproseso ng permits para sa mga negosyante. Layunin ng proyekto na gawing accessible ang serbisyo para sa mga Batang Kankaloos. (Richard Mesa)
2 tulak, timbog sa buy bust sa Navotas
Dalawang drug suspects ang naaresto sa magkahiwalay na buy bust operation sa Navotas City, kung saan nasamsam ang mahigit P.1 milyon halaga ng shabu. Nahuli ang mga suspek sa Brgy. San Roque at Brgy. Daanghari at nahaharap sa kasong paglabag sa RA 9165. (Richard Mesa)
Para pag-usapan ang regional, global issues: PBBM, Japan PM magpupulong sa April 29
Makikipagpulong si Pangulong Ferdinand R. Marcos Jr. kay Japanese Prime Minister Shigeru Ishiba sa Palasyo ng Malakanyang sa April 29 para talakayin ang regional at global issues. Layon din ang pagpupulong na palalimin ang kooperasyon sa ekonomiya, depensa, at intelligence sharing, kabilang ang GSOMIA. (Daris Jose)
Para dumalo sa libing ni Pope Francis: First Couple, biyaheng Vatican City
LUMIPAD na kagabi ang First Couple na sina Pangulong Ferdinand Marcos Jr. at Unang Ginang Liza Araneta-Marcos para dumalo sa libing ni Pope Francis sa Vatican City. Ayon kay Claire Castro ng Malakanyang, mamayang gabi ang alis. Wala pang detalye kung sino ang magiging caretaker ng bansa habang wala ang First Couple. Ang libing ay gaganapin sa Sabado sa St. Peter’s Basilica, sa pangunguna ni Cardinal Kevin Farrell. (Daris Jose)
P20 kada kilo ng bigas, ibebenta sa Visayas —DA
MABIBILI na ng P20 kada kilo ang bigas na sisimulan ang implementasyon sa Visayas.nnIto ang inanunsyo ni Department of Agriculture Secretary Francisco Tiu Laurel Jr. matapos ang closed-door meeting kasama si Pangulong Ferdinand Marcos Jr. at ang 12 Visayas governors sa Cebu Provincial Capitol.nnSinabi ni Tiu Laurel na nais ni Pangulong Marcos na ang programang ito na ipatutupad sa iba’t ibang bahagi ng bansa ay magiging pangmatagalan.nn’The President has actually given the directive, initially itong programa ng DA was supposed to last until December, pwede pa stretch ‘yan until February. But our President has given the directive to the Department of Agriculture to formulate this to be sustainable and ituloy-tuloy hanggang 2028,’ ang sinabi ni Tiu Laurel sa press conference.nn“So ito may dalawang template, isang 5 kilos per week per family and another one is 10 kilos per week. So kanina sa ngayon parang napagkasunduan in essence is 10 kilos per week, so 40 kilos per month,” ayon kay Tiu Laurel.nnPinag-usapan sa pulong ang inisyal na implementasyon ng kaniyang pangako noong 2022 elections na maibaba sa bente pesos ang presyo ng bigas.nnSinasabing matagal nang umaasa si Pangulong Marcos na matutupad nito ang kanyang campaign promise na bawasan ang presyo ng bigas ng hanggang P20 kada kilo. (Daris Jose)
Thunder, kinumpleto ang second-largest playoff comeback at ibinulsa ang 3-0 lead laban sa Memphis
IPINOSTE ng Oklahoma City Thunder ang second-largest playoff comeback upang ibulsa ang 3-0 lead laban sa Memphis Grizzlies. Sa ikatlong game sa pagitan ng dalawang koponan, binura ng Thunder ang 29-point deficit upang itumba ang Grizzlies, hawak ang anim na puntos na kalamangan, 114-108. Sa pagtatapos ng 1st half, hawak na ng Memphis ang 26-point lead at halos ibulsa na ang isang panalo laban sa NBA top team. Gayunpaman pagpasok ng ikatlong quarter ay agad umarangkada ang OKC at ipinoste ang 36-18 scoring run sa loob ng 12 mins, daan upang bumaba sa walo ang deficit. Maliban sa episyenteng opensa, naging maganda rin ang depensang ipinakita ng OKC at pagpasok ng 4th quarter ay lalong nangibabaw ang elite defense ng NBA top team. Nagawa kasi ng koponan na limitahan ang Memphis sa 13 points sa buong 4th quarter. Sa huling 4mins & 50 secs ng laro, mistulang nagkaroon ng offensive breakdown ang Grizzlies dahil walang naipasok na kahit isang puntos ang koponan. Sa huli, nagawa ng Thunder na iposte ang 27 points sa 4th quarter, tangan ang 6-point lead at muling ibinulsa ang Game No. 3. Muling gaganapin sa homecourt ng Grizzlies ang Game No. 4 ngunit kung umabot sa Game 5, babalik na ito sa homecourt ng OKC. Sa kasalukuyang playoffs, tanging ang top NBA team na Thunder ang nakagawa ng 3-0 lead.
https://images.app.goo.gl/kMNXpTwSBvhn88AY8
Eala bigo kay Swiatek sa Madrid Open
NATAPOS na ang kampanya ni Pinay tennis star Alex Eala sa Madrid Open sa Spain. Ito ay matapos na talunin siya ni world number 2 Iga Swiatek sa score na 4-6, 6-4, 6-2. Nagawa pang maitabla ni Eala sa 4-4 sa ikalawang set subalit pinatunayan ni four-time French Open champion ang kaniyang lakas sa clay court. Pagpasok ng desiding set ay nakalamang agad ang Polish player na 3-0 hanggang mahabol ni Eala 3-1. Subalit hindi na nagpabaya si Swiatek at tuluyang tinalo ang Pinay tennis star. Itinuturing ni Swiatek na rematch niya ang laban kay Eala dahil sa tinalo siya sa quarterfinals ng Miami Open noong nakaraang buwan.
https://images.app.goo.gl/9q1pEnVdVHh9DVZ1A
NPC kinondena ang ginawang pananakot sa DZRH reporter
KINONDENA ng NPC ang mga banta laban kay DZRH reporter Romy Gonzales mula kay La Paz, Abra Mayor at congressional candidate Joseph “JB” Bernos. Ayon kay NPC President Leonel Abasola, hindi katanggap-tanggap ang agresibong pag-uugali ni Bernos bilang opisyal ng pamahalaan. Nanawagan ang NPC sa COMELEC, DILG, at PNP na imbestigahan ang insidente at bigyan ng proteksyon si Gonzales. Binigyang-diin ng NPC ang kahalagahan ng malayang pamamahayag at integridad ng mga mamamahayag sa bansa.
https://images.app.goo.gl/npc-dzrh