May libreng sakay para sa publiko ang transport group na Manibela sa araw ng Pasko at Bagong Taon.

Sinabi ni Manibela President Mar Valbuena, na isa itong pasasalamat sa mananakay dahil sa pagsuporta sa kanilang ipinaglalaban.

Magsisimula ang libreng sakay mula alas-5 ng umaga hanggang alas-10 ng umaga at mula alas-4 ng hapon hanggang alas-9 ng gabi.

May nakapaskil na libreng sakay sa mga pampasaherong jeep na maaaring parahin ng ng mga mananakay.

Magugunitang patuloy na ipinaglalaban ng grupo ang Transport modernization program ng gobyerno. ( Gene Adsuara)

Kinumpirma ni Vice President Sara Duterte na nagboluntaryong bilang maging abogado ang kaniyang amang si dating Pangulong Rodrigo Duterte.

Sinabi ng bise presidente, na handang maging isa sa mga abogado niya ang dating pangulo sa mga kasong kinakaharap kabilang na ang impeachment case.

Nahaharap kasi sa tatlong impeachment complaints ang bise president na isinampa ng ilang Katolikang pari, religious group at mga abogado.

Dagdag pa ng bise presidente , nababahala ang ama sa impeachment case nito.

Naniniwala ang bise presidente na wala itong nilabag na batas. (Daris Jose)

Ipinaalala ng Department of Transportation (DOTr) – Maritime Sector ang karapatan ng mga pasahero sa mga sasakyang pandagat kasabay ng tuloy-tuloy na pagdagsaan ng mga ito sa mga pantalan.

Pangunahin dito ang karapatan ng mga pasahero sa mga pagkakataong nakansela, na-delay, o hindi nakumpleto ang kanilang biyahe sa pamamagitan ng mga sasakyang pandagat.

Sa ilalim ng Maritime Industry Authority (MARINA) Circular 2018-07, ang mga mga pasaherong nakaranas nito ay may karapatang malaman ang dahilan ng aberya, karapatang mabigyan ng akmang refund, at ma-revalidate ang kanilang mga ticket.

Kung pinili ng mga pasahero na i-revalidate ang kanilang mga ticket, maaari rin silang mag-avail ng iba pang amenities tulad ng mga pagkain at libreng accommodation kung kinakailangan, habang hinihintay na ma-reschedule ang kanilang mga trip.

Pero paalala ng DOTr Maritime Sector, ang karapatan ng mga pasahero na ma-refund ang kanilang mga pamasahe ay maaari lamang magamit o walang libreng accommodation na maibigay ang shipping operator.

Sa mga pasahero namang makakaranas ng ‘uncompleted voyage’, hawak nila ang karapatan para sa libreng amenities, karapatan para sa tamang compensation, at karapatang makapagbiyahe rin sa kanilang pupuntahan. (Daris Jose)