NAGING matagumpay ang Chinese New Year (CNY) party ng negosyanteng si Rhea Anicoche-Tan kasama ang celebrity endorsers na pinangungunahan nina Ms. Sylvia Sanchez, Carlo Aquino at Sam Milby sa Beautéderm Headquarters sa Angeles City.

Sumuporta at nakisaya rin sa event sina Anne Feo, Ynez Veneracion, Councilor Ervic Vijandre, Jhaiho, Kimson Tan, Gillian Vicencio, Sunshine Garcia, Patricia Tumulak, Darla Sauler, DJ Chacha at si Alma Concepcion na nakatanggap ng bonggang regalo mula kay Ms. Rei.

Kasabay ng CNY celebration, nagbigay din ng tips for success si Tan habang ipinagdiriwang ang first anniversary ng 7-storey building na kung saan matatapuan ang mga negosyong tinatag ni Ms. Tan, ang Beautéderm, BlancPro, BeautéHaus, Beauté Beanery, at A-List Avenue.

Pahayag ni Rhea, “Do the things you love with strength. And when success comes, make an impact. That’s our mission — to boost consumer confidence and give back to the community.”

Dagdag ng sikat nang business magnate, “Be consistent. Hindi madali ang magtayo ng negosyo but you have to show up and be consistent. Always listen to your gut and people that genuinely love and support you. Huwag magmadali. It takes time.”

Sa tanong na ano ang kahulugan ng ‘success’ para sa kanya, sagot niya sa media, “When you see that the community you’re supporting thrives, I count that as personal success.”

Nagkaroon ng building tour kasama ang guests at celebrities. Ipinakita ng Beautéderm boss ang Beauté Beanery kung saan nag-o-offer ng premium coffee, drinks, at food items; ang BeautéHaus naman ay kilalang skin clinic kung saan nagpo-provide ng

beauty services and treatments; at ang A-List Avenue ay nagbebenta ng authentic high-end brands at designer labels.

Patuloy naman ang pamamayagpag ng Beautéderm at BlancPro sa market at plano pa nilang magdagdag ng products na safe at effective.

At sa 15th anniversary nito, kaabang-abang kung sinu-sino pang A-listers ang madadagdag sa kanilang endorsers.

Nominado rin ang nasabing beauty business sa 5th VP Choice Awards for Beauty Cosmetic Brand of the Year. Voting will start on March 5 to April 5.

Para sa iba pang detalye, bisitahin ang social media pages ng Beautéderm, BlancPro, BeautéHaus, Beauté Beanery, at A-List Avenue.

Available rin ang skincare products sa Shopee, Lazada, at TikTok.

***

SI Sylvia Sanchez nga ang kilalang face of Beautederm na nananatiling loyal sa company na kung saan magsi-celebrate na ito ng 15 years.

“Sobrang happy ako kay Rei, dahil matagal na kaming nagkasama. Sa kanya, pinapanood at tinitingnan ko lang siya.

“Pag may nakikita naman ako, sinasabi ko sa kanya na diretso at nag-uusap kami ng seryoso.

“Ngayon, haping-happy ako sa kanya. Tapos sabi ko sa kanya, ‘ang payat-payat mo na’. Nagpapa-sexy kasi siya, maganda na siya, kaya ‘wag na siyang magpapayat, tama na ‘yun.

“Ako dapat ang magpapayat, tapos si Rei Rei na ang endorser.

“Ganun ang naging relasyon namin at naging matibay ang samahan namin.”

Samantala, muling natanong si Ibyang tungkol sa pagkakaroon ng apo, na aminadong gustung-gusto na niya.

“Matagal na ‘yun, 52 na kasi ako,” say ng premyadong aktres.

“Pero wala namang lumalapit sa akin at sabihing, ‘mama magkaka-apo ka na’.

“Pero hindi naman ko naman sila pini-pressure, buhay kasi nila ‘yun. Kaya gusto ko mag-enjoy sila.

“Gusto ko kasi na magka-apo ako, na ready na silang magka-anak at hindi na sila magtrabaho. Yung relax na sila at aalagaan na lang anak nila.”

Matagal na raw siyang nagpaparinig kina Maine Mendoza at Ria Atayde.

“Ay oo, silang dalawa. Tine-text ko nga si Maine. Tapos sabi ni Ria, ‘chill lang mama’.”

Kitang-kita at ramdam na ramdam ni Sylvia kung gaano kasaya sina Congressman Arjo Atayde at Maine, ganun din si Ria sa piling ni Zanjoe Marudo.

Darating naman sa tamang panahon ang inaasam at ipinagdarasal na apo.

(ROHN ROMULO)

SA halip na isang bonggang birthday bash pala ay isang renewal of vows ang magiging selebrasyon ni Heart Evangelista sa Pebrero 14.

Sa sosyal na Balesin Island gaganapin ang double celebration na isang intimate na ganap at piling family members at friends lamang ang imbitado.

Lahad ni Heart, “This time around my heart is definitely complete. I was 30 when I got married. But it’s different now, I know what marriage is now, so it’s very meaningful for me.

Naging emosyonal si Heart Evangelista nang mapag-usapan ang pagiging ina niya sa kambal ng anak ng kanyang mister na si Senator Chiz Escudero na sina Chesi at Quino.

“I didn’t give them the gift of life but they gave me, you know, the feeling of really what love is and they really accepted me,” pahayag ni Heart.

Sinabi rin ng Kapuso actress na nais niyang magkaroon ng sariling mga anak at handa na siya.

“It’s so hard when you question yourself of all these things but when I look back at my life, you know, with the people, and the experiences I had, all the hardships of being alone, it makes sense now.

“And I feel like if there’s any moment that I should be blessed with a baby, it should be now because I feel like I’m ready as a person and I would be able to give more.”

***

MAY mga nilalang talaga na dapat tanggalan ng wi-fi o internet connection.

Tulad na lamang ng mga walang magawa kundi magkalat ng fake news at mambiktima ng mga artista.

Latest victim si Marian Rivera kung saan may isang inimbentong social media post na may kinalaman sa kanyang biyenan.

Pinost ito ng GMA Primetime Queen sa kaniyang Facebook page, ang screenshot ng nabanggit na pekeng social media post na may mukha at pangalan niya.

Edited diumano ang nakalagay na mga salita lalo pa nga at walang X account, na dating Twitter, si Mrs. Dantes.

“Hindi ko ‘to sinasabi bakit ba may mga taong hilig mag edit!!!  nakakarami na po kayo. tama na!,” as is na reaksyon ni Marian sabay pakiusap na tigilan na ang mga peke o manipulated posts.

As usual, matapos makapanggulo ng kung sino mang may gawa noon ay deleted na ang nasabing pekeng post.

(ROMMEL L. GONZALES)