PINASOK na rin ni Glaiza de Castro ang pag-produce ng pelikula at ang unang venture niya ay co-producer niya si Ken Chan sa mystery-thriller film na ‘Slay Zone’.

Kakaibang Valentine movie raw ang ‘Slay Zone’ dahil panggulat daw ito sa mga magde-date sa Araw ng mga Puso. Kasama rito ni Glaiza ay sina Pokwang at Abed Green.

“Okey naman ang pag-produce namin ni Ken at wala namang naging problema sa ngayon. Hopefully maging maayos din sa mga susunod naming gagawin pa.

“Bilib ako kay Ken kasi kahit sobrang busy siya, nakakabisita pa siya sa location namin sa Bulacan. Kaya dun pa lang alam kong seryoso siya sa ginagawa namin,” sey ni Glaiza.

Kasalukuyang tinatapos ni Glaiza ang ilang araw na lang na taping sa South Korea ng ‘Running Man Philippines’.

***

NAGKABATI na ulit ang dating magka-loveteam na sina Ken Chan at Rita Daniela.

Kinuwento nila kung paano naganap ang aminan ng feelings sa isa’t isa, ang kanilang hindi pagkakaunawaan, at pagbabalik ng maganda nilang samahan bilang magkaibigan.

Ayon kay Rita, pinaghandaan niya ang pagsabi ng nararamdaman niya para kay Ken.

“Gumastos ako. Nagpa-reserve lang naman ako ng isang cottage tapos kami lang naka-reserve that day so sa amin ‘yung buong bundok. Para kaming nasa pelikula tapos may naka-set up na picnic,” sey ni Rita.

Sey naman ni Ken: “Through letters, tapos ‘yung sulat sobrang liliit, tapos binasa niya sa harap ko while she’s crying.”

Inamin ng dalawa na mahal nila ang isa’t isa pero pinili raw ni Ken na hindi mapunta sa relasyon ang kanilang samahan.

“Ang sabi ko, thank you. But I’m sorry. I was not ready. I was starting my businesses. Sabi ko sa kanya, hindi pa ako handa. Kasi kung magsisinungaling, sige let’s do this, and I am not ready, mas lalo ko siyang masasaktan.”

Sey ni Rita: “May part na kahit trinay lang ng kaunti, hanggang saan aabot. At least nagawa kaysa marami kang what ifs.”

Pag-amin ng dalawa, may isang taon silang hindi nag-usap bago mabalik ang kanilang friendship.

“It really took us time bago kami maging ganito ulit na nakakapag-usap kami, na puwede kami magtabi,” sey ni Rita.

Sumikat ang tambalang BoBrey at RitKen dahil sa teleserye nila Ken at Rita na ‘My Special Tatay’ noong 2018. Nasundan ito ng mga teleseryeng ‘One Of The Baes’ (2019) at ‘Ang Dalawang Ikaw’ (2021).

(RUEL J. MENDOZA)

KATULAD ng ipinangako ni Boy Abunda noong February 13, for the first time, magla-live si Queen of All Media Kris Aquino mula sa Amerika, sa ‘Fast Talk with Boy Abunda’, sa mismong araw ng kanyang birthday, February 14.

Ini-reveal nga ni Kris ang makadurog-pusong detalye tungkol sa kanyang medical conditions na gusto niyang ipaalam lahat.

Nabanggit nga niya sa bandang huli ng interview na, “I refuse to die.

“Talagang pipilitin ko, because my next chapter is to become a stage mother.”

Matapos siyang sabihan ng kapatid na si Viel, na mag-ayos ng bihis, dahil ayaw nitong kaawaan ng tao at matakot na parang ililibing na siya.

“Happy Valentine’s day and I’m 53 now, I want to still be here when I’m 63,” positibong pananaw pa ng aktres.

Ikinuwento ni Kris ang nagkapatong-patong na sakit, na ngayon ay pati ang kanyang puso sa may problema, dahil namamaga na raw.

Kinumpirma ni Kris na meron na siyang limang autoimmune disease kaya lalong lumalala ang kanyang kalagayan. Ang ikalima raw ang pinakakontrabida sa lahat sa buhay niya, ang Churg-Strauss syndrome na kilala rin na EGPA(Eosinophilic granulomatosis with polyangiitis).

Matapos magkaroon ng comorbidity at magpositibo sa COVID-19, may tama na rin daw ang kanyang lungs.

Puwede rin daw siyang ma-stroke anytime, at side daw ng daddy niya ay matindi ang pagkakaroon ng cardiovascular disease.

“I would have been okay, kung hindi ako nagkaroon ng autoimmune disease.

“I was treated for this in San Francisco, December 2016. So, I was fine noong panahon na ‘yun. It was only nagka-problema na naman after ng COVID.”

Sabi ni Kuya Boy, ang susunod na anim na buwan ay magiging crucial sa kalagayan ni Kris, kaya tanong niya, ano ang magiging susunod na hakbang sa kanyang pagpapagamot.

“On Monday (Feb. 19) papasok ako sa ospital at may susubukan kaming biological na gamot,” mahinahong sagot ni Kris.

“This is my chance, but to save my heart. Because kung hindi ito tumalab Boy, I have a very strong chance of having cardiac arrest.

“As in puwedeng in my sleep. Kung ano man ang ginagawa ko, puwedeng tumigil na lang ang pagtibok ng puso.

“May gamot na susubukan, pero there is a big risk with this medicine. Dahil hindi binibigay ang gamot na ‘to, na hindi muna binibigyan ng steriods.

“Kaya on Monday, magbi-baby dose muna ako. Titingnan nila kung kakayanin ko, saka ko bibigyan ng pangalawang dose.”

Very honest naman si Kris sa pagsasabi sa maaaring mangyari sa kanya sa darating na buwan.

“I am very very upfronted honest at hinarap ko na ito. Because alam ko, na bawat araw, especially now birthday ko pa, pahiram na lang ito ng Diyos.

“Binigyan Niya ako ng bonus. Kaya kung ano man ang natitira, it’s a blessing.

“But I really want to stay alive. I mean, sino ba naman ang magsasabi na, handa na akong mamatay.

“Bimby is only 16, I made a promise to him na, until he becomes an adult, I will do everything, lahat gagawin ko.

“Ang kuya niya falls under autism spectrum. Ako lang ang nagpalaki sa kanila, kaya kailangan pa nila ako.

“But on the flipside of that, after Monday, wala akong immunity. Puwede na akong dapuan ng kahit na anong sakit at wala akong panlaban doon.”

Tanong tuloy ng mga netizen, bakit daw ang hirap gumaling ni Kris sa kanyang mga sakit.

“Ang daming hindi puwede gamitin sa akin. Kumbaga, papasok ka sa giyera, ang mga kalaban mo lahat naka-armalite, lahat sila may assault rifle, ikaw, binigyan ka ng butter knife or tinidor.

“Pero buhay ako ngayon, at alam ko, dahil tiwala ako sa dasal na kakayanin pa ‘to.

“Ito lang ang sinabi ko sa Ate ko, ‘Ate if something happens to me, it will show people na prayers, hindi pinapakinggan ng Diyos ang napakaraming dasal ng mga tao.”

Huling tanong ni Kuya Boy, ang dasal ngayon ni Kris?

“I just wanna thank God. Gusto kong magpasalamat, because people that I don’t know, people that I never met. Yung hindi ko kakilala, everywhere.

“Wala akong na-encounter na hindi nagsabi sa mga anak ko, mga kapatid ko at mga kaibigan, ‘na ipinagdarasal nila at sinasabi nilang kailangan siyang gumaling. Kasi meron pa kaming hinihintay na galing sa kanya. Gusto pa namin siyang mapanood’.

“But, I cannot promise you that. Kasi ang dami ko nang hindi kayang gawin.

“Pero ito po ang pangako ko sa inyo, hindi ko kayo bibiguin dahil sumuko ako. Wala sa pananaw ko sa buhay na puwedeng sumuko, kailangang lumaban.

“Hindi ko ipapahiya ang sarili ko sa inyo dahil binigyan n’yo ako ng pinakamagandang regalo. ‘Yung pagmamahal ninyo, pagsuporta at pagdarasal ninyo.

“Kasi, wala naman akong nagawa para sa inyo. Pero kayo sobra ang binibigay n’yo sa akin na lakas. I know that you’re praying for me and that’s the biggest gift that anyone can give.”

Dagdag pahayag pa ni Kris para kanyang mga kapatid.

“I missed them so much! I loved them so much and it’s so hard.”

Nagpasalamat din si Kris sa mga kaibigan niya, lalo na yung nag-effort na puntahan siya sa Los Angeles, dahil nalaman niya kung sino talaga ang totoong kaibigan.

Panghuli niyang pasasalamat kay Boy at sa GMA, “I want to say thank you also to you for making this happened.

“Thank you to Mr. Duavit, Ms. Annette and everybody in GMA dahil kayo ang nagbigay sa akin ng venue para mag-explain sa mga tao kung ano ang nangyayari sa akin.

“And also to our friend, Ms. Jessica Soho, kasi Boy, alam mo naman na kanya nakapangako ang interview na ‘to. Pero noong nalaman niya sa ‘yo ko binigay, wala talaga siyang pag-aalinlangan.

“Dahil alam niya you are like a brother to me.”

May God bless you Kris, patuloy kaming magdarasal na malampasan mo ang pagsubok na ito.

(ROHN ROMULO)

KAHIT hiwalay na, sobra pa rin ang ibinigay na pasasalamat ng Kapamilyang aktor Daniel Padilla sa ex niyang si Kathryn Bernardo. Sa kanyang muling pagpirma ng kontrata sa Kapamilya channel ay hindi nakalimutang banggitin ni Daniel ang pangalan ni Kathryn. Kung si Kathryn ay hindi binanggit si DJ sa mga pinasalamatan niya ay hindi naman ito nakaligtaan ng aktor. Few days ago ay nag-renew ng kanyang kontrata si Kathryn sa ABS-CBN kahit may mga tempting offers sa kanya ang kakaibang networks.

Ginanap ang contract signing ni Daniel sa ABS-CBN na present siyempre ang mga bosing ng network. Banggit pa ng aktor na 15 years na siya as talent ng Dos at manatili raw siyang Kapamilya.

Present siyempre sa contract signing sina Sir Carlo Katigbak (president and CEO), Ms. Cory Vidanes (COO), Sir Rick Tan, at ang Star Magic head si Direk Laurenti Dyogi. Kasama rin ang ina niya na si Karla Estrada with his manager na si Luz Bagalacsa. Before sa pasasalamat ni Daniel kay Kath ay binanggit muna niya sa mga pinasalamatan ang mga nabanggit na mga bosing ng network.

Para raw sa tiwala sa pagbibigay sa kanya ng trabaho at sa totoong pagmamahal na ibinigay ng mga ito sa kanya. So, may mga pekeng nagbibigay sa kanya ng atensiyon, huh! Tanggap din ni DJ ang mga natatanggap n puna at mga negatibong komento mula sa mga tagahanga at kasama pa rin sa mga pinasalamatan niya, huh! “Kailangan nating tanggapin na may mga pangyayari na hindi man sangayon sa atin o hindi man natin gusto pero it was bound to happen, ganun talaga,” banggit pa ng super sikat pa ring aktor. Para pa rin sa anak ni Karla ang lahat daw ng kaganapan sa buhay ay nasa plano ng Diyos kung kaya ibinalik ni Daniel ang pasasalamat at papuri sa Poong Maylikha.

***

ISA ang Kapamilyang aktres na si Julia Barretto sa sinasabing calendar girl ng Tanduay family para sa 170th anniversary ng naturang wine company. Siyempre dahil Tanduay Girl ay sexy and daring ang mga kuha kay Julia. Sey pa ni Julia na kaya raw niya tinanggap na maging Tanduay girl na kahit may kaba raw siyang naramdaman but still very proud daw siya at excited. “I was nervous but at the same time excited because for me it is an honor to be chosen to represent the brand for 2024,” sey pa ng aktres. Samantala, hindi naman tutol ang boyfriend ni Julia na si Gerald Anderson, pero may bilin lang ang aktor Kay Julia, huh! “I think ang pinaka-request niya lang is, yung sana tastefully, gracefully pa rin siya na gagawin ko,” lahad pa ng magandang aktres.

(JIMI C. ESCALA)