2022 May Archive - People's Balita

Archive for May, 2022

Bilyong MRT7 project, inaasahang fully operational na sa 2023 – DOTr

Posted on: May 27th, 2022 by @peoplesbalita No Comments

INAASAHANG magiging fully operational na ang P68.2 billion Metro Rail Transit Line 7 (MRT7) project sa susunod na taon.

Ayon sa Department of Transportation (DOTr) Undersecretary Timothy Batan, kasalukuyang 65% na ang natatapos sa naturang proyekto na magpapaiksi ng oras ng biyahe mula North Avenue, Quezon City patungong San Jose del Monte, Bulacan mula sa 2 oras ay magiging 30 minuto na lamang.

Inaasahang masimulan ang partial operation ng tren sa Disyembre ng kasalukuyang taon.

Ang MRT-7 ay mayroong anim na train sets na binubuo ng 18 train cars na idineliver sa bansa noong Disyembre 2021.

Ayon sa DOTr nasa 800,000 pasahero kada araw ang passenger capacity ng naturang tren at inaasahang sa unang taon nito ay aabot sa 300,000 pasahero ang maseserbisyuhan ng MRT7.

Tiangco brothers nagpasalamat kay Sen. Go sa binigay na tulong sa mga nasunugan sa Navotas

Posted on: May 27th, 2022 by @peoplesbalita No Comments

NAGPAHAYAG ng kanilang taos pusong pasasalamat si Navotas City Mayor Toby Tiangco at Congressman John Rey Tiangco kay Senator Bong Go sa ibinigay niyang tulong sa mga pamilyang naapektuhan ng sunog kamakailan sa naturang lungsod.

Personal na binisita ni Senator Go para kamustahin ang kalagayan ng nasa 106 mga pamilyang nawalan ng tirahan dahil sa naganap na sunog sa Sitio Puting Bato, Brgy. NBBS Proper.

Namigay si Sen. Go ng food packs, vitamins, face masks, pagkain, at 1 Box na naglalaman ng kanyang mga damit. May mga nakatanggap ng mga bisikleta, tablets, sapatos, at mga bolang panlaro ang pinamigay.

Aniya, dama niya ang hirap ng masunugan ng bahay at mawalan ng mga gamit kaya hindi siya nag-aatubiling umaksyon agad upang maghatid ng tulong. Dalangin niya na makaahon kaagad at makabalik sa normal nilang pamumuhay ang mga naapektuhan ng sunog.

Ayon kay Mayor Tiangco, sa pakikipag-ugnay ng kanyang tanggapan sa DSWD, nabigyan ng tulong pinansyal ang mga nasunugan.

Katuwang din ang DOH, DTI at NHA, nakatanggap ang mga apektadong pamilya ng mga gamot at nabigyan ng kaalaman tungkol sa mga programang maaari nilang makuha mula sa nabanggit na mga ahensya. (Richard Mesa)

BARANGAY AT SK ELECTION NAGHAHANDA NA

Posted on: May 27th, 2022 by @peoplesbalita No Comments

MAGSISIMULA na ng paghahanda ang Commission on Elections (Comelec) sa susunod na buwan para sa December 2022 barangay at Sangguniang Kabataan (SK) elections sa kabila ng panawagan na ipagpaliban ito,sinabi ni Commissioner George Garcia ngayong Huwebes.

“Definitely this coming June, we will already start the ball rolling for the preparations for the barangay and SK elections. We cannot presume that Congress will not be proceeding with the elections. We still have to prepare. Napakahirap naman po kung bandang September, bigla na lang matutuloy pala tapos wala kaming paghahanda ”pahayag ni Garcia sa panayam ng ANC .

Ginawa ni Garcia ang pahayag kasunod ng pahayag ni House Majority Leader Ferdinand Martin Romualdez na mahigit sa P8 bilyon ang mase-save kung ang barangay elections ngayon taon ay maipagpaliban.

Mungkahi ng mambabatas,ang nasabing halaga sa halip ay maaring gamitin sa pagtugon sa COVID-19 at economic stimulus at ayuda para sa mga naapektuhan ng pandemya.

Nauna na ring sinang-ayunan ni Garcia ang nasabing suhestyon pero aniya sila ay tatalima sa kung ano ang desisyon ng Kongreso sa usapin.

Aniya, ang P8.6 bilyong inilaan para sa 2022 barangay at SK elections ay nanatiling buo. .

“Until today, I can honestly tell you that intact po ang P8.6 billion. Wala pa po kaming releases from the DBM”, sabi ni Garcia

Binigyan diin din ni Garcia na ang voter registration ay nakatakda muling buksan sa July para sa nais magparehistro o reactivate.

Sisimulan na rin ng Comelec ang pag-imprenta ng ilang dokumento sa halalan, pagkuha ng mga kagamitan sa halalan, at pagsasanay sa mga manggagawa sa botohan. (CARDS)

Diokno, Medalla, Pascual, Bonoan kinuha rin bilang bahagi ng BBM administration

Posted on: May 27th, 2022 by @peoplesbalita No Comments

TATLO pang magiging miyembro ng gabinete ng incoming administration ang inanunsiyo ngayon ni President-elect Ferdinand Marcos Jr.

Kinumpirma ni Marcos na kanyang magiging Trade secretary si Alfredo Pascual isang international development banker, finance expert at dating naging presidente ng University of the Philippines System

Pinangalanan din ni Marcos ang kasalukuyang Bangko Sentral ng Pilipinas (BSP) governor na si Benjamin Diokno na malilipat sa Department of Finance.

Ang termino sana ni Diokno ay sa July 2023 pa.

Ipapalit naman sa kanya upang punan ang termino sa BSP ay ang kilalang ekonomista at propesor na si Felipe Medalla.

Si Medalla ay dating Socio-Economic Planning secretary at director-general ng National Economic and Development Authority (NEDA) noong panahon ni dating Pangulong Joseph Estrada.

Habang si Engr. Manuel Bonoan ang pinili naman ni Marcos bilang susunod na DPWH secretary.

Si Bonoan ay ang kasalukuyang presidente ng operations and management companies ng Skyway, NAIAX, SLEX at STAR.

Dati na ring naging undersecretary noon sa DPWH si Bonoan.

“I know the economic team si critical and that is what the people are looking too. I think we have found the best people who are able to look forward and to anticipate what the conditions will be for the Philippines and the coming years,” ani Marcos sa isang panayam.

Kinumpirma rin naman ni Marcos na inalok niya na maging bahagi rin ng gabinete si Rep. Rodante Marcoleta at UP Professor Clarita Carlos pero hindi pa rin daw nakakapagdesisyon ang mga ito. (Daris Jose)

P20M iginawad ng DOLE sa mga manggagawang impormal

Posted on: May 27th, 2022 by @peoplesbalita No Comments

MAHIGIT 800 na mga public utility vehicle (PUV) driver, solo parent, ambulant vendor, marginalized fisherfolk, person with disabilities, at iba pang vulnerable na mga manggagawa sa National Capital Region (NCR) ang nakatanggap ng P20 milyong tulong mula sa labor department.

Iginawad ni Labor Secretary Silvestre Bello III ang tulong ng DOLE sa mga marginalized na manggagawa na naapektuhan ng pandemya noong Araw ng Paggawa para sa mga Manggagawa sa Impormal na Sektor noong Lunes sa Arroceros, Maynila. Ang nabanggit na tulong ay bahagi ng pagsusumikap ng pamahalaan na muling makabangon ang ekonomiya,

Tumanggap ang mga benepisyaryo ng DOLE Integrated Livelihood Program (DILP) ng bicycle units, electronic loading business, bigasan package, frozen goods, home care products, Nego-Kart (Negosyo sa Kariton), o bangka.

Samantala, ang mga mga benepisyaryo ng Tulong Panghanapbuhay sa Ating Disadvantaged/Displaced Workers (TUPAD) Program ay sumailalim sa emergency employment sa loob ng 10 araw at nakatanggap ng P5,370 ang bawat isa, bilang kanilang suweldo.

Binigyang-halaga ni Bello ang malaking kontribusyon sa ekonomiya ng mga manggagawa sa impormal na sektor at muling binanggit ang layunin ng Kagawaran na palakasin ang kanilang kakayahan sa pamamagitan ng emergency employment o pagsusulong ng entrepreneurship at mga negosyo ng komunidad.

Binigyang-diin din niya ang mga social amelioration program ng administrasyong Duterte at ang kahalagahan ng whole-of-government approach upang tulungan ang marginalized sector na makabawi mula sa epekto ng pandemya.

Batay sa March 2022 Labor Force Survey ng Philippine Statistics Authority (PSA), 36.2 porsyento o 17.016 milyon ng kabuuang bilang ng mga may trabaho ang maaaring ituring na mga manggagawa sa impormal na sektor

Ayon sa PSA, ang impormal na sektor ay binubuo ng mga “yunit” ng nakikibahagi sa produksiyon ng mga kalakal at serbisyo na ang pangunahing layunin ay makalikha ng trabaho at kabuhayan. Ang mga yunit na ito ay karaniwang pinatatakbo ng mababang antas ng organisasyon, na may kaunti o walang dibisyon sa pagitan ng paggawa at kapital, bilang mga dahilan ng produksyon.

Ang paggunita sa Araw ng mga Manggagawa sa Impormal na Sektor na may temang “Manggagawa sa Impormal na Sektor, Matatag na Ugnayan Tungo sa Matatag na Pagbangon” ay pinangunahan ng Bureau of Workers with Special Concerns. (Richard Mesa)

Libreng sakay sa MRT 3 extended hanggang June 30

Posted on: May 27th, 2022 by @peoplesbalita No Comments

Pinatagal pa ng Department of Transportation (DOTr) ang libreng sakay sa Metro Rail Transit Line 3 (MRT3) ng hanggang June 30.

“The Libreng Sakay program would be extended anew until June 30 to help lessen the financial burden of commuters affected by rising prices of fuel and basic commodities,” wika ng DOTr.

Dapat sana ay sa April 30 na magtatapos ang programa sa Libreng Sakay subalit ito ay pinahaba pa hanggang May 30. Ayon sa DOTr, ang Libreng Sakay ay pinahaba pa upang itaon sa pagtatapos ng Duterte administration.

“Through the free rides, the rail line would be able to test its capacity to carry more than 350,000 passengers daily,” saad ni MRT 3 general manager at director Michael Capati.

Mayron ng 15,730,872 na pasahero ang sumakay sa MRT 3 ng libre na may average na 315,000 daily ridership ang naitala noong nakarang Martes. Wala naman naitalang breakdown ng nakaraang dalawang buwan.

Dahil sa programang Libreng Sakay ang estimated na revenue loss na naitala mula March 28 hanggang May 24 ay umaabot na sa P286 million. Habang ang one-month extension ay maaring magkaron ng forgone revenues na aabot ng P150 million hanggang P180 million.

“We will get that from our subsidy funding of P7.1 billion in the General Appropriations Act,” dagdag ni Capati.

Sinabi rin ng pamunuan ng MRT 3 na bahala na ang susunod na administration kung itutuloy pa nila ang nasabing programa.

Maala natin na nagkaron ng inagurasyon noong nakaraang Marso ang rehabilitated na MRT 3 matapos ang nakalipas na dalawang (2) taon kung kaya’t inaasahan na ang mga unloading na pangyayari sa MRT 3 ay hindi na magaganap na muli.

Kasama si President Duterte sa inagurasyon kung saan siya ang nagpahayag na magkakaron ng libreng sakay sa MRT 3.

“The train’s system would not have returned to its original high-grade design without the technical competences and professional aid of service providers from Sumitomo Corp., Mitsubishi Heavy Industries and Test Philippines Inc. I also lauded the DOTr under Secretary Tugade for its efforts to improve the MRT 3 services to the public. The MRT is proof that we are keeping our momentum in improving our national road system, which aims to deliver quality service to the Filipinos and respond to the emergency of a new normal,” wika ni Duterte.

Ayon kay Tugade makakatulong rin ang pagbibigay ng libreng sakay upang mabawasan ang financial burden ng mga mamamayan dahil na rin sa mataas na presyo ng krudo at gasoline sa gitna rin ng tumataas na inflation rate sa ating ekonomiya.

Ang rehabilitation ay binigyan ng pondo mula sa Japan International Cooperation Agency (JICA) na sinimulan noong 2019.

Sumailalim ang MRT 3 sa comprehensive upgrade kasama na dito ang restoration ng 72 light rail vehicles, replacement ng rail tracks at rehabilitation ng power supply, overhead catenary system, communications at signaling system, at ang rehabilitation din ng mga estasyon at pasilidad ng depot.

Tumaas na rin ang operating speed ng MRT3 mula sa dating 25 kph at ngayon ay 60 kilometers per hour na. Sa ngayon ay may 23 ng operational trains mula sa dating 13 trains.

Ang headway o waiting time sa pagitan ng mga trains ay nabawasan din mula 10 minutes na ngayon ay 3.5 minutes na lamang. Umikli na rin ang travel time mula sa estasyon ng North Avenue papuntang estasyon ng Taft kung saan ito ay 45 minutes na lamang kumpara sa dating 1 hour at 15 minutes.

Sa ngayon ay umaabot na sa 280,000 pasahero ang naitalang sumakay sa MRT 3 kumpara sa dating 260,000 na pasahero bago pa ang pandemya. May 600,000 kada araw naman ang target ng DOTr na sasakay ng MRT 3 sa darating na panahon. LASACMAR

18 bata at 1 adult patay sa pamamaril sa isang paaralan sa Texas

Posted on: May 26th, 2022 by @peoplesbalita No Comments

PATAY ang 18 bata at 1 adult matapos na sila ay pagbabarilin sa isang elementary school sa Texas.

Kabilang sa nasawi ang 18-anyos na suspek na namaril sa Robb Elementary School.

Pawang mga mag-aaral ang nasawi at isang guro ang namatay.

Hindi pa inilalabas ng mga otoridad ang detalye ng pagkakakilanlan ng naarestong suspek.

Samantala, ipinag-utos ni US President Joe Biden ang paglalagay sa half-mast ang kanilang watawat sa lahat ng pampublikong gusali at lugar sa US.

Ito ay kasunod ng nangyaring madugong pamamaril sa isang Robb Elementary School sa Uvalde, Texas na ikinasawi ng 18 na mag-aaral at isang guro.

Magsisimula ito ngayong Mayo 25 hanggang Mayo 28 ang paglalagay sa half-mast ng kanilang watawat.

Magugunitang nasawi rin ang suspek sa pamamaril sa nasabing paaralan matapos na ito ay makasagupa ng mga otoridad.

NEW TRAILER EXPLORES THE RISE TO FAME OF “ELVIS”

Posted on: May 26th, 2022 by @peoplesbalita No Comments

“I’M gonna show you what the real Elvis is like tonight.” Don’t miss Austin Butler and Tom Hanks in the film of the summer.

Check out the new trailer of Baz Luhrmann’s “Elvis” below and watch the film only in theaters across the Philippines June 22.

YouTube: https://youtu.be/J-_kQZPOOIs

Facebook: https://www.facebook.com/warnerbrosphils/videos/742988720039748/

About “Elvis”

From Oscar-nominated visionary filmmaker Baz Luhrmann comes Warner Bros. Pictures’ drama “Elvis,” starring Austin Butler and Oscar winner Tom Hanks.

The film explores the life and music of Elvis Presley (Butler), seen through the prism of his complicated relationship with his enigmatic manager, Colonel Tom Parker (Hanks). The story delves into the complex dynamic between Presley and Parker spanning over 20 years, from Presley’s rise to fame to his unprecedented stardom, against the backdrop of the evolving cultural landscape and loss of innocence in America. Central to that journey is one of the most significant and influential people in Elvis’s life, Priscilla Presley (Olivia DeJonge).

Starring alongside Hanks and Butler, award-winning theatre actress Helen Thomson (“Top of the Lake: China Girl,” “Rake”) plays Elvis’s mother, Gladys; Richard Roxburgh (“Moulin Rouge!” “Breath,” “Hacksaw Ridge”) portrays Elvis’s father, Vernon, and DeJonge (“The Visit,” “Stray Dolls”) plays Priscilla. Luke Bracey (“Hacksaw Ridge,” “Point Break”) plays Jerry Schilling, Natasha Bassett (“Hail, Caesar!”) plays Dixie Locke, David Wenham (“The Lord of the Rings” Trilogy, “Lion,” “300”) plays Hank Snow, Kelvin Harrison Jr. (“The Trial of the Chicago 7,” “The High Note”) plays B.B. King, Xavier Samuel (“Adore,” “Love & Friendship,” “The Twilight Saga: Eclipse”) plays Scotty Moore, and Kodi Smit-McPhee (“The Power of the Dog”) plays Jimmie Rodgers Snow.

Also in the cast, Dacre Montgomery (“Stranger Things,” “The Broken Heart Gallery”) plays TV director Steve Binder, alongside Australian actors Leon Ford (“Gallipoli,” “The Pacific”) as Tom Diskin, Kate Mulvany (“The Great Gatsby,” “Hunters”) as Marion Keisker, Gareth Davies (“Peter Rabbit,” “Hunters”) as Bones Howe, Charles Grounds (“Crazy Rich Asians,” “Camp”) as Billy Smith, Josh McConville (“Fantasy Island”) as Sam Phillips, and Adam Dunn (“Home and Away”) as Bill Black.

To play additional iconic musical artists in the film, Luhrmann cast singer/songwriter Yola as Sister Rosetta Tharpe, model Alton Mason as Little Richard; Austin, Texas native Gary Clark Jr. as Arthur Crudup, and artist Shonka Dukureh as Willie Mae “Big Mama” Thornton.

Oscar nominee Luhrmann (“The Great Gatsby,” “Moulin Rouge!”) directed from a screenplay by Baz Luhrmann & Sam Bromell and Baz Luhrmann & Craig Pearce and Jeremy Doner, story by Baz Luhrmann and Jeremy Doner. The film’s producers are Luhrmann, Oscar winner Catherine Martin (“The Great Gatsby,” “Moulin Rouge!”), Gail Berman, Patrick McCormick and Schuyler Weiss. Courtenay Valenti and Kevin McCormick executive produced.

A Warner Bros. Pictures Presentation, A Bazmark Production, A Jackal Group Production, A Baz Luhrmann Film, “Elvis” will be distributed worldwide by Warner Bros. Pictures.

(ROHN ROMULO)

Pagtama ng COVID 19 kay Vaccine czar Carlito Galvez at sa pamilya nito, katunayan na hindi dapat pang magpaka- kampante- Sec. Dizon

Posted on: May 26th, 2022 by @peoplesbalita No Comments

HINDI dapat maging kampante ang publiko laban sa Covid 19 matapos na tamaan ng nasabing sakit si Chief Implementer Carlito Galvez at pamilya nito.

Malinaw lamang ani Deputy Chief Implementer Secretary Vince Dizon na naririto pa ang virus sa bansa.

Bahagi ito ng naging ulat ni Dizon kay Pangulong Rodrigo Roa Duterte hinggil sa sa estado ng ginagawang pagbabakuna sa bansa.

Ayon kay Dizon, mild lang naman ang sintomas na nararanasan ni Galvez at kailangan lang na magpagaling ng ilang araw.

“On behalf of Secretary Charlie Galvez, I would like to present a very brief report on the status of the vaccination program,” ani Dizon.

“As you know, Mayor, na tinamaan po ng COVID si Secretary Galvez kasama po ng kanyang pamilya. He and his family are in our prayers for his swift recovery pero awa po ng Diyos eh mild naman po ang kanyang sintomas. Kailangan lang pong magpagaling ng ilang araw, but I think…,” ang pag-uulat ni Dizon kay Pangulong Duterte sabay sabing ” I think it serves as a reminder, Mayor, to all of us that COVID is still there.”

Sabi naman ni Pangulong Duterte, wala namang problema gayung bakunado naman ang Kalihim.

“Iyan ang gusto nating sabihin, si Secretary Galvez, ‘yung kingpin talaga sa vaccination, siya ‘yung tigakuha ng lahat ng bakuna. Noong wala na siyang makuha, ang nakuha niya COVID na. P***** i**. Pero I hope that he is well and bakunado naman siya, walang problema. Go ahead,” ayon sa Pangulo.

Biro naman ng Pangulo kay Galvez, kung sino pa ang naturingang kingpin at tagakuha ng bakuna ay siya pa ang nakakuha ng COVID at ito ay nang wala na silang makuhang vaccine. (Daris Jose)

Kongreso idineklara si Marcos bilang ika-17 pangulo ng Pilipinas

Posted on: May 26th, 2022 by @peoplesbalita No Comments

IDINEKLARA na ng Kongreso sina Ferdinand “Bongbong” Marcos Jr. at Davao City Mayor Sara Dutertre-Carpio bilang panalo sa pagkapangulo at pagkabise sa nagdaang 2022 national elections.

Ito ang ginawa ng National Board of Canvassers, Miyerkules, matapos magtamo si Bongbong ng 31,629,783 boto, dahilan para siya ang maging ikalawang Marcos na maluluklok sa Malacañang.

Si Duterte-Carpio, na anak ni Pangulong Rodrigo Duterte, naman ang tatayong ikalawang pangulo. Pareho silang uupo bilang dalawa sa pinakamatataas na opisyal ng Pilipinas sa araw ng kanilang inauguration sa ika-30 ng Hunyo, alinsunod sa 1987 Constitution.

Samantala, kanina lang nang magtamo ng sugat ang hindi bababa sa 10 katao sa harapan ng Commission on Human Rights (CHR), para tutulan ang aniya’y “maruming” eleksyon na magluluklok kina Marcos at Duterte-Carpio.

Nangyayari ito kahit na una nang naiulat na nawawala pa ang ilang certificates of canvass mula sa Mandaluyong, Sulu, Manila at Cagayan de Oro.

‘Second chance para sa mga Marcos’

Nagpasalamat naman si Sen. Imee Marcos sa lahat ng mga sumuporta sa kandidatura ng kanyang kapatid na si Bongbong, lalo na’t nabigyan daw ng ikalawang pagkakataon ang kanilang pamilya na makapagsilbi.

“Yes, we’re very, very grateful for a second chance… Dahil medyo mabigat ang pinagdaanan ng aming pamilya. Matapos ‘yung 1986, kung anu-anong kaso ‘yung hinarap namin, kung anu-anong pangungutya at pang-aapi, sabihin na natin,” wika niya sa isang panayam.

“Medyo hirap talaga ‘yung pamilya namin for almost four decades.”

Matatandaang pinatalsik ng taumbayan gamit ang pag-aalsang EDSA People Power noong 1986 ang kanilang amang diktador na si dating Pangulong Ferdinand Marcos Sr., na kilala hindi lang para sa matinding human rights violations noong Martial Law simula 1972 ngunit pati na rin sa ill-gotten wealth — bagay na kinikilala ng Supreme Court noong 2003, 2012 at 2017.

Hinahabol pa rin ng Presidential Commission on Good Government (PCGG) ang mga nakaw na yaman ng kanilang pamilya hanggang ngayon. Gayunpaman, pinangangambahan ng ilang mahirapan na ang gobyerno rito lalo na’t una nang sinabi ni Bongbong na gagawin itong anti-corruption commission na “hindi na lamang anti-Marcos.”

“Nagpapasalamat ako sa lahat ng nagtiwala sa amin, mula sa mga loyalista, mga Ilokano, lahat ng naniniwala na kinakailangan ng ating bansa ay talagang matibay na pamumuno,” sabi pa ni Imee.