• October 22, 2025 WordPress timezone: Asia/Manila
    Current date: October 22, 2025
    Current time: October 22, 2025 2:43 PM

  • Ang Diyaryong Pinagkakatiwalaan

Archive for May, 2022

LTFRB nagbukas ng 106 PUV routes para sa libreng sakay

Posted on: May 25th, 2022 by @peoplesbalita No Comments

NAGBUKAS ang Land Transportation Franchising and Regulatory Board (LTFRB) ng 106 na public utility vehicles (PUVs) na ruta sa Metro Manila at Rizal para sa libreng sakay ng mga pasahero.

 

 

 

Ang mga nasabing PUV na ruta na may libreng sakay ay ang nasa lugar ng Caloocan, Mandaluyong, Makati, Manila, Malabon, Marikina, Muntinlupa Navotas, Pasig, Quezon City, Taguig, Pasay, Pasig at Cainta sa Rizal.

 

 

 

Kasama rin ang libreng sakay ng mga PUV na ruta mula sa North Luzon Express Terminal (NLET) at Paranaque Integrated Terminal Exchange (PITX) papuntang mga lungsod sa Metro Manila.

 

 

 

“More PUV routes will be opened in the coming days to offer free rides to commuters,” wika ng LTFTB.

 

 

 

Ang nasabing programa ay sa ilalim ng service contracting para sa mga PUV drivers at operators kung saan sila ay magbibigay ng libreng sakay sa mga pasahero. Ang mga drivers at operators ay bibigyan ng compensation ng pamahalaan based sa number ng trips na nilakbay ng mga PUV kada isang linggo.

 

 

 

Noong nakaraang buwan ay inilungsad ng LTFRB ang ikatlong bahagi ng programa sa service contracting na may 510 PUVs na units ang may operasyon para sa EDSA bus carousel at ibang pang selected na ruta sa Metro Manila.

 

 

 

May tinatayang 49 million na mga pasahero ang naka avail ng libreng sakay hanggang noong April 11.

 

 

 

“The Service Contracting Program also aims to provide financial support to transport service providers and workers through a performance-based payout system. Under the program, drivers and operators will be paid by the Land Transportation Franchising and Regulatory Board (LTFRB) based on the maximum based on the maximum trips made per week, with or without passengers and in compliance with the agreed-upon performance indicators,” wika ni DOTr Secretary Arthur Tugade.

 

 

 

Ang programa ay may pondong P7 billion para sa Phase 3 ng Service Contracting kung saan ang Department of Budget and Management (DBM) ay nagbigay na ng pondo noong March 22 at na download na sa LTFRB noong March 23.

 

 

 

Ayon sa DOTr, ang programa ay tatagal hanggang katapusan ng taon o di kaya ay hanggang may natitirang pondo na nakalaan dito na gagamitin hanggang hindi pa ubos ang pondo.

 

 

 

Sinabi ni Tugade na malaking tulong ito para sa mga drivers at operators lalo na ngayon na patuloy na tumataas ang presyo ng krudo at produktong petrolyo. Dahil sa programa ito ay magiging tuloy-tuloy pa rin ang Libreng Sakay kung saan ang mga pasahero ay hindi na kailangan pa na magbayad ng pamasahe.

 

 

 

Sa ilalim ng programang service contracting, ang PUV operators ay bibigyan ng one-time incentive na P5,000 kada unit bilang “pre-operating costs” habang ang operational incentives ay ibibigay kada linggo.

 

 

 

Ang programang ito ay inilungsad sa ilalim ng Republic Act 11494 o ang tinatawag na Bayanihan To Recover as One Act kung saan ito ay naglalayon na magbigay ng pansamantalang kabuhayan sa mga mangagawa sa sektor ng transportasyon sa gitna ng pandemya.

 

 

 

“The latest implementation of the program was included in the General Appropriation Act (GAA) for the Fiscal Year 2022 and aims to ensure efficient and safe operations of PUVs, provide financial support to transport operators and workers, and sustain support to Filipino workers and commuters,” dagdag ni Tugade.  LASACMAR 

31st Southeast Asian Games pormal nang nagsara sa isang makulay at magarbong programa

Posted on: May 25th, 2022 by @peoplesbalita No Comments

MAKALIPAS ang mahigit dalawang linggo, pormal na ring isinara kagabi doon sa Hanoi, Vietnam ang 31st Southeast Asian Games sa isang makulay at magarbong programa.

 

 

Isinagawa ang selebrasyon sa indoor sports complex ng Vietnam na may capacity na 3,000 katao.

 

 

Ito ay sinabayan naman ng pagbuhos ng ulan sa labas ng venue.

 

 

Mas maliit na ang naturang bilang kumpara sa opening ceremony na halos magsiksikan ang libu-libong mga atleta sa My Dinh stadium.

 

 

Ang delegasyon ngayon ng Pilipinas na pumang-apat na puwesto sa final medal tally, ay naiwan na lamang ang kakarampot na grupo ni chef de mission at Phil. Sports Commission Commissioner Ramon Fernandez dahil ang bulto ng mga Pinoy athletes ay nakabalik na ng Pilipinas.

 

 

Hindi na rin pumarada ang mga atleta sa seremonyas kagabi.

 

 

Idineklara naman ni Vietnam Prime Minister Pham Minh Chinh ang pagtatapos na ng Games at pagdedeklara bilang pinakamatagumpay sa kabila na na-delay ito na noon pa sanang nakaraang taon pero naging matindi ang COVID pandemic.

 

 

Samantala, pormal na ring na-turn over ang responsibilidad ng 32nd edition ng SEA Games ng 11 mga bansa kung saan gaganapin naman ito isang taon mula ngayon doon sa bansang Cambodia.

COMELEC, maghihintay ng abiso sa Kongreso sa kung paano mapupunan ang mababakanteng puwesto ni Cavite Congressman Boying Remulla na

Posted on: May 25th, 2022 by @peoplesbalita No Comments

HIHINTAYIN muna ng Commission on Elections (Comelec) ang pagdedeklara ng Mababang Kapulungan ng Kongreso para sa vacancy sa puwesto ni Cavite Congressman Crispin “Boying” Remulla.

 

 

Sa Laging Handa public briefing, sinabi ni COMELEC Commissioner George Garcia na dalawang opsyon ang nakikita nila para mapunan ang maiiwang congressional seat ni Remulla kasunod ng pagtanggap nito sa alok na maging DOJ secretary sa Marcos Administration.

 

 

Una na aniya rito ay ang pagsasagawa ng special elections ngunit mangangailangan pa aniya ng batas ukol dito.

 

 

Maaari rin naman sa kabilang banda na magtalaga na lang ang Speaker of the House ng care taker sa distrito na pdeng aktuhan ng isang congressman mula sa kalapit na distrito o di kaya ay nasa discretion na mismo ng House speaker kung sino ang ilalagay na care taker

 

 

Sinabi nito, anuman sa dalawang opsiyon na mapagpapasiyahan ng Kongreso ay iyon ang kanilang nakahandang gawin. (Daris Jose)

Laguesma, Ople, Balisacan kasama sa gabinete ni Marcos Jr.

Posted on: May 25th, 2022 by @peoplesbalita No Comments

TINANGGAP ng tatlong indibidwal ang alok sa kanila na maging bahagi ng incoming Cabinet ni presumptive president Ferdinand “Bongbong” Marcos Jr.

 

 

Sinabi ni Atty. Vic Rodriguez, tagapagsalita ni Marcos Jr., na tinanggap ni dating Labor secretary Bienvenido “Benny” Laguesma ang alok na pamunuan ang Department of Labor and Employment (DOLE) at overseas Filipino worker advocate Susan “Toots” Ople para pamunuan naman ang Department of Migrant Workers.

 

 

“Yes, they both accepted their nomination,” ayon kay Rodriguez.

 

 

Si Laguesma, naging pinuno ng DOLE sa panahon ng Estrada administration, habang si Ople naman ay dating labor undersecretary sa panahon ng administrasyong Arroyo.

 

 

Samantala, ibabalik naman ni Marcos Jr., si Philippine Competition Commission (PCC) chair Arsenio Balisacan para pamunuan ang National Economic and Development Authority (NEDA), tinanggap na ni Balisacan ang nasabing alok sa kanya.

 

 

Si Balisacan ay nagsilbi bilang director general ng NEDA sa ilalim ng namayapang dating Pangulong Benigno Aquino III.

 

 

“I’ve asked him to return to NEDA. I’ve worked with him extensively at the time when I was governor, we have very similar thinking in that regard kaya’t malakas ang loob ko, I know he’s very competent, I know his policies are policies that will be for the betterment of our country,” ayon kay Marcos Jr.

 

 

Si Balisacan, sa kabilang dako ay nagpahayag na sasama siya sa bagong gabinete matapos na pamunuan nito ng anim na taon ang PCC, “mindful of the immense work needed to accelerate economic recovery and post-recovery development.”

 

 

“In returning to a post I have previously held, we rely on experience and judicious reckoning of socio economic issues to build stronger foundations for a more robust, more inclusive, and more resilient Philippine economy,” dagdag na pahayag nito. (Daris Jose)

PDu30, umaasang “less fatal” o hindi nakamamatay ang monkeypox kumpara sa Covid-19

Posted on: May 25th, 2022 by @peoplesbalita No Comments

UMAASA si Pangulong Rodrigo Roa Duterte na hindi magiging “fatal’ o nakamamatay ang monkeypox kumpara sa coronavirus disease 2019 (Covid-19).

 

 

Nagkaroon na kasi ng monkeypox outbreak kung saan ay karamihan sa Europa.

 

 

Sa kanyang Talk to the People, Lunes ng gabi, hiniling ni Pangulong Duterte kay Department of Health (DOH) Undersecretary Dr. Abdullah Dumama na ipaliwanag kung bakit mapanganib ang monkeypox.

 

 

Ayon kay Dumama, ang mortality rate ng rare viral disease ay isang porsiyento lamang.

 

 

“Mayroon din pong fatality ito, fatality rate na at least 1 point — ah 1 percent lamang po. Hindi naman ho ito gaanong ganoon ka-virulent at hindi ito nagbibigay ng malalang sakit, mahal na Pangulo ,” ayon kay Dumama.

 

 

Kaya nga, umaasa si Pangulong Duterte na ang monkeypox ay hindi nakamamatay katulad ng Covid-19.

 

 

Nagbiro naman ang Pangulo na nag-aalala siya sa mga unggoy.

 

 

“Sana ‘wag kasi patay lahat ng unggoy dito pagka ganoon , mass execution,” dagdag ng Punong Ehekutibo.

 

 

Sa ulat, naitala ang mga kaso ng monkeypox sa iba’t ibang mga bansa tulad ng Portugal, Spain, United Kingdom, at ngayon maging sa United States.

 

 

Sinasabing batay sa abiso ng Centers for Disease Control and Prevention o CDC ng Amerika, naipapasa ang monkeypox virus kapag ang isang tao ay nagkaroon ng contact sa virus mula sa hayop, kapwa tao, o maging sa kontaminadong bagay.

 

 

Kabilang sa sintomas ng monkeypox ay lagnat, sakit ng ulo, pananakit ng katawan at likod, namamagang kulane, panginginig at pagkapagod.

 

 

Sa loob ng isa hanggang tatlong araw (o mahaba pa) matapos na lagnatin, nagkakaroon ng mga rashes ang pasyente.

 

 

Karaniwang nagsisimula ang rashes sa mukha at kakalat ito sa iba’t ibang bahagi ng katawan.

 

 

Ayon sa CDC, ang incubation period ng monkeypox ay madalas na umaabot ng pito hanggang 14 na araw, o lima hanggang 21 araw.

 

 

Tumatagal umano ang naturang sakit sa loob ng dalawang hanggang apat na linggo.

 

 

Batay sa pag-aaral ng CDC, isa hanggang 10 katao sa Africa ang namatay dahil sa monkeypox.

 

 

Sinabi naman ng DoH na wala pang naitatalang kaso ng monkeypox sa Pilipinas.

 

 

Masusi raw na sinusubaybayan ng kagawan ang sitwasyon sa mga bansang mayroon nito

 

 

Samantala, nanawagan naman si Pangulong Duterte sa mga magulang at mga anak nito na magpabakuna na laban sa Covid-19.

 

 

“To date, about more than 69 million or 76.71 percent of the country’s target population have been fully vaccinated against Covid-19 while over 13.9 million have received their booster shots,” ayon sa ulat. (Daris Jose)

Team Philippines reresbak sa 2023 Cambodia SEAG

Posted on: May 25th, 2022 by @peoplesbalita No Comments

MAITUTURING  pa ring tagumpay ang kampanya ng Pilipinas sa katatapos na 31st Southeast Asian Games sa Hanoi, Vietnam.

 

 

Ito ay mula sa hinakot na 52 gold, 70 silver at 104 bronze medals ng Pinas para pumuwesto sa fourth place sa overall medal standings bagama’t apektado ng pandemya ang training ng mga atleta simula noong 2020.

 

 

Limitado ang naging preparasyon ng mga Pinoy athletes sa loob ng dalawang taon matapos magkampeon noong 2019 Manila edition bunga ng ipinatupad na lockdown, community quarantine res­trictions at mahigpit na health and safety protocols sa bansa dahil sa COVID-19 pandemic.

 

 

Kumolekta ang mga Pinoy athletes ng 149 golds, 117 silvers at 121 bronzes nang pagharian ang SEA Games noong 2019.

 

 

Kagaya ng inaasahan, inagaw ng host Vietnam ang overall crown nang magposte ng 205 golds, 125 silvers at 116 bronzes kasunod ang Thailand (92-103-136) at Indonesia (69-91-81).

 

 

Nasa ilalim ng Pilipinas sa fifth place ang Singapore (47-46-73) at sixth-placer Malaysia (39-45-90).

 

 

Tampok sa fourth-place finish ng Pinas ang limang gintong medalyang hinakot ni two-time world champion Caloy Yulo sa men’s artistic gymnastics.

 

 

Inangkin ni Yulo ang mga golds sa men’s all-around event, floor e­xercise, vault, high bar at rings habang may silver siya sa men’s team event at parallel bars.

 

 

Dinuplika ng 22-anyos na Batang Maynila ang five-gold haul ni gymnast Rolando Albuera noong 1979 SEA Games sa Jakarta, Indonesia.

 

 

Nag-ambag naman ng dalawang ginto si Fil-Am Aleah Finnegan sa wo­men’s team at women’s vault

 

 

Tumumbok din ng dalawang gold si billiards queen Rubilen Amit sa women’s 9-ball at 10-ball events.

 

 

Ipinagpatuloy naman nina Tokyo Olympics gold medalist Hidilyn Diaz, World No. 6 pole vaulter Ernest John Obiena at Tokyo Olympics bronze medal winner Eumir Felix Marcial ang dominasyon sa kanilang mga events.

 

 

Kapwa sinikwat nina Diaz at Obiena ang ikalawang sunod nilang SEA Games gold, samantalang muling naghari si Marcial sa men’s middleweight division sa ikaapat na dikit na pagkakataon.

 

 

Ngunit ang ikinabigla ng lahat ay ang kabiguan ng Gilas Pilipinas men’s 5-on-5 team sa Indonesia sa gold medal match.

 

 

Samantala, kumpiyansa si Philippine Sports Commission (PSC) chairman William ‘Butch’ Ramirez na muling lalaban para sa overall crown ang mga Pinoy athletes sa 2023 SEA Games sa Cambodia.

PDu30 sa kaibigan na si Putin: Huwag idamay ang mga sibilyan

Posted on: May 25th, 2022 by @peoplesbalita No Comments

HINIKAYAT ni Pangulong Rodrigo Roa Duterte ang kanyang “kaibigan” na si Russian President Vladimir Putin na magsagawa ng pag-iingat na huwag madamay ang mga sibilyan sa kanilang pag-atake.

 

 

Ito’y sa gitna ng alalahanin ukol sa tumataas ng bilang ng mga namamatay na sibilyan dahil sa giyera sa pagitan ng Russia at Ukraine.

 

 

Sa kanyang Talk to the People, Lunes ng gabi, hiniling ni Pangulong Duterte sa Russian Embassy in the Philippines na ipaabot ang kanyang mensahe kay Putin, sabay sabing obligasyon ng Russian leader na tiyakin ang kaligtasan ng mga inosente.

 

 

‘Yung embassy ng Russia, kung nakikinig, I am not picking a quarrel with anybody. I said Putin is a friend of mine. But…it is your moral obligation to see to it na  the civilians, the innocent ones, children, the elderly, mga babae… Vulnerable masyado sila at walang — hindi sila marunong magtago, nandiyan lang sa bahay nila,” ayon sa Pangulo.

 

 

Maaari aniyang bigyan ng babala ni Putin ang mga sibilyan na bakantihin ang kanilang mga tahanan at lumipat sa mas “safer grounds.”

 

 

Inilarawan ng Punong Ehekutibo kung paano hawakan ng mga militar ang giyera bilang “ruckus” at umapela rito na kontrolin ang kanyang mga sundalo.

 

 

“The way they are handling the war everyday, pati ‘yung mga civilian, binobomba…Putin kaibigan ko man siya. You are in control of everything. Anyway, you really started the ruckus there. Higpitan mo ang mga sundalo mo. Nagwawala eh ,” dagdag na pahayag nito.

 

 

Aniya ang problema ng inflated oil prices ay hindi mareresolba hangga’t hindi natatapos ang Russia-Ukraine war.

 

 

“You have to solve the war between Ukraine and Russia before we can talk of even returning to normalcy. Sa pagka ngayon it’s a bleak picture because mukhang ayaw pa ni Putin hintuan ‘yung giyera,” ayon sa Punong Ehekutibo.

 

 

Samantala, nilinaw naman ni Pangulong Duterte na hindi niya kinokondena si Putin kundi ibinabahagi lamang niya ang kanyang sentimyento.

 

 

“I am not condemning President Putin. I am just sharing my sentiment which is also the sentiment of every human being na nandito sa kuwartong ito . It’s not the way how to fight a war,” dagdag na pahayag nito.

 

 

Sa kabila ng pagkukumpara sa kanilang dalawa ni Putin, sinabi ni Pangulong Duterte na iba siya rito (Putin) dahil naaawa siya mga insodenteng sibilyan na nadadamay sa giyera.

 

 

“Maraming nagsasabi na pareho daw kami ni Putin nagpapatay. Alam mo gusto ko lang malaman ninyong Pilipino na pumapatay talaga ako. Sinabi ko ‘yan sa inyo noon pa. Pero ang pinapatay ko kriminal. Hindi ako pumapatay ng bata o matanda. Magkaiba ang mundo namin ni — ‘yung nangyayari ngayon sa Russia pati sa Amerika,” anito. (Daris Jose)

Ads May 25, 2022

Posted on: May 25th, 2022 by @peoplesbalita No Comments

Tulong medikal at Bayanihan E-Konsulta ni Robredo, ititigil na simula June 1

Posted on: May 25th, 2022 by @peoplesbalita No Comments

ITITIGIL na ng Office of the Vice President (OVP) ang kanilang medical assistance at Bayanihan E-Konsulta programs simula sa Hunyo 1.

 

 

Dahil dito ay hindi na rin tatanggap pa ng anumang aplikasyon para sa medical at burial assistance ang nasabing tanggapan.

 

 

Ito ay upang magbigay daan sa maayos na transition at pag-turnover ng programa sa susunod na mauupong bise presidente ng bansa.

 

 

Samantala, taos-puso namang nagpaabt ng pasasalamat ang opisina ni Vice President Leni Robredo sa lahat ng nakiisa sa inisyatibo sa paghahatid ng kinakailangang tulong medikal sa mga Pilipino lalo na ngayong panahon ng COVID-19 pandemic.

 

 

Tiniyak naman nila na magpapatuloy sila sa pagbibigay ng mga update sa lahat hinggil sa mga susunod pa nilang magiging hakbang. (Daris Jose)

Summer filmfest entry sana pero naudlot dahil sa pandemya… Movie nina JANINE at PAULO, maipalalabas na rin sa mga sinehan

Posted on: May 25th, 2022 by @peoplesbalita No Comments

MATAPOS subukan tumakbo bilang senador nitong 2022 election, nagbabalik si Dr. Carl Balita sa isang bagay na mahal niya – hosting a TV show.

 

 

Sa presscon ng Entrepinoy Revolution na ginawa noong May 23 sa opisina ng SMNI (ang bago niyang tahanan), binanggit niya na he is launching an entrepreneurial revolution.

 

 

“Perfect opportunity occurs after major crises like wars and pandemics,” sabi niya.

 

 

Sa programang Entrepinoy Revolution, ibabahagi ang mga tagumpay at lessons mula sa mga microenterprises sa pamamagitan ng kwento ng mga nagtagumpay sa larangang ito.

 

 

“My goal is to link services of government and other NGOs to help entrepreneurs grow their business,” sabi pa ni Dr. Carl na ipinahayag na dapat matutunan nating mga Pinoy na mag-invest sa pagnenegosyo.

 

 

Nais din ng programa na makatulong sa mga existing entrepreneurs na mapalago pa ang kanilang negosyo.Kabilang sa s egments ng programa ay NegosYou, Grow Negosyo, Kalye Negosyo at Sala Pinoy.

 

 

Welcome na welcome din kay Dr. Carl ang pagkakaroon ng bagong tahanan sa SMNI.

 

 

“I feel at home here and I share the vision of the network,” pahayag pa ng host ng Entrepinoy Revolution na magsisimula sa Biyernes, 4:30 to 5:30 p.m.

 

 

***

 

 

FINALLY ay maipapalabas na rin ang Ngayon Kaya, ang movie nina Janine Gutierrez at Paulo Avelino for TREX Entertainment at WASD Films.

 

 

Ito ay dinirek ni Prime Cruz, ang director ng Ang Manananggal sa Unit 23 B, Can We Still Be Friends?, at One More With Feelings at mula sa script ni Jen Chuaunsu.

 

 

Pwede na ninyong mapanood ang trailer ng Ngayon Kaya sa Facebook page ng TREX Entertainment.

 

 

Dapat sana ay entry ang Janine-Paulo film sa naudlot na Summer MMFF noong 2020 na ‘di natuloy dahil sa pandemya.

 

 

Pero basta maganda ang pelikula, it is worth the long wait. Sabik ang tao na makapanood ng magandang movie.

 

 

Maganda ang trailer ng movie at kitang-kita ang chemistry nina Janine at Paulo. Solid ang combination nilang dalawa. Kapwa Gawad Urian top acting winners sina Janine at Paulo. Kaya expect na mahusay ang performance nilang dalawa.

 

 

Una nilang ginawa ang movie bago sila nagsama sa ABS-CBN serye na Marry You, Merry Me kung saan nagsimula ang tsismis na may something sa kanilang dalawa.

 

 

Showing na ang Ngayon Kaya sa June 22 in your favorite cinemas.

 

 

***

 

 

AFTER a year of absence, nagbabalik sa music scene si Jace Roque.

 

 

Nagpahinga habang ina-address ang mentsl health issues pero he is happy to say na he is over the hump.

 

 

Aminado si Jace na his mental health was affected by the pandemic. Nawalan siya ng outlet to keep himself busy. But to celebrate his return to the music ay naglabas siya ng two songs.

 

 

One is titled “Di Para Sa Iyo”, which is his first ever Tagalog song. Very personal daw ang hugot niya sa kanta.

 

 

“After loving someone 100 percent, di ka pala niya ganoon kamahal. Kaya ang message ng song is love yourself more. Sa pagkakataong ito, sarili ko naman ang pipiliin ko,” wika ni Jace.

 

 

He has another composition titled “Be Someone” na mensahe naman ay in one’s journey in life dapat sundin mo ang gusto mo, at wag magpaapekto sa expectations ng tao sa iyo.

 

 

By December ay ilalabas niya ang kanyang mini-album composed of four songs.

 

 

Thankful si Jace dahil kahit nawala siya ay nanatili ang suporta ng kanyang fans who were all excited sa kanyang music comeback.

 

 

 

(RICKY CALDERON)