2021 July Archive - People's Balita

Archive for July, 2021

CARLA, magiging aligaga na sa paghahanda sa kasal nila ni TOM sa October

Posted on: July 28th, 2021 by @peoplesbalita No Comments

MUKHANG aligaga na si Kapuso actress Carla Abellana dahil hindi na magtatagal at ikakasal na sila ng fiancé niyang si Kapuso actor Tom Rodriguez.

Pero heto at naka-lock in taping pa siya sa bago niyang teleserye na To Have And To Hold, with Max Collins and Rocco Nacino.

Updated nga ni Carla ang mga followers niya sa mga ginagawa niya at isa na rito ang small accident daw niya sa taping, na hindi naman niya binanggit kung ano, basta ang post niya, after ng taping that day, una niyang pinuntahan ang @theaiveeclinic dahil ayaw niyang magka-scar ito at makita sa kanyang wedding day.

Pinost din ni Carla sa kanyang vlog na nagpaalam na sila ni Tom sa ama niyang si Rey Abellana, para sa nalalapit nilang church wedding sa October 23, 2021 sa Tagaytay City.

Matagal daw silang nag-usap ng ama. Kamakailan ay nabanggit ni Rey na matagal na silang hindi nagkikita at nagkakausap ng anak, kaya tuwang-tuwa raw siya sa pagpapaalam ni Carla, at ibinigay naman niya ang blessings niya para sa mga ikakasal.

Malamang magkasabay matapos ang lock-in taping ng engaged couple.

Reportedly by the middle of August ay tapos na si Tom sa taping nila ng The World Between Us, with Alden Richards and Jasmine Curtis-Smith.

Ganoon din si Carla na tuluy-tuloy din ang lock-in taping nila sa Bataan. Kaya tamang-tama na pagkatapos ay mahaharap na nilang dalawa ang paghahanda sa nalalapit nilang kasal.

***

GOOD news sa mga followers ng GMA Afternoon Prime drama series na Prima Donnas, dahil tuluy-tuloy na ang pagkakaroon ng book two nito.

Nagkaroon na sila ng zoom story conference na dinaluhan ng cast nito. Present sina Wendell Ramos, Katrina Halili at Aiko Melendez, ganoon din ang mga prima donnas na sina Jillian Ward, Althea Ablan at Sofia Pablo, with Elijah Alejo, Vince Crisostomo, Wil Ashley and Eunice Lagusad. Makakasama pa rin nila si Ms. Chanda Romero

May mga bagong gaganap sa book two, dahil nasa cast na si Sheryl Cruz. Bago rin si Phillip Lazaro, Miguel Erasga at Bruce Roeland.

Papasok din si Allan Ansay, ang first runner-up sa StarStruck 7,bna tiyak na siyang magiging katambal ni Sofia, na pansamantalang nawala sa serye dahil wala pa siyang fifteen years old noon, na requirement ng IATF.

Magkasama sina Sofia at Allen sa kanilang vlog na sinusundan ng kanilang mga followers.

And of course, kasama rin sa zoom storycon ang director na si Ms. Gina Alajar, na tamang-tama namang tapos na rin ang taping nila ng Nagbabagang Luha na ipalalabas na simula sa August 2, sa GMA Afternoon Prime, pagkatapos ng Ang Dalawang Ikaw.

***

NASa isang resort na sa Quezon province ang cast ng Lolong, ang dambuhalang adventure-serye sa Philippine primetime ngayong 2021.

Tampok dito sina Ruru Madrid at ang dalawa niyang leading ladies, sina Shaira Diaz at Arra San Agustin.

Si Ruru ang gaganap na si Lolong, isang binatang may kakaibang kakayahan na makipag-usap sa dambuhalang buwaya na tinawag nilang si Dakila.

Bago sila sumabak sa lock-in taping, nagkaroon na ng paghahanda at training ang tatlo sa mga maaaksiyong eksena.

Produced ito ng GMA News & Public Affairs.

(NORA V. CALDERON)

Payo ni PDu30 sa kanyang successor na magdeklara ng martial law para maalis ang korapsyon sa pamahalaan, “expression of frustration” lang – Roque

Posted on: July 28th, 2021 by @peoplesbalita No Comments

NILINAW ni Presidential Spokesperson Harry Roque na “expression of frustration” lang ang naging payo ni Pangulong Rodrigo Roa Duterte sa kanyang naging successor na magdeklara ng martial law para maalis ang korapsyon sa pamahalaan.

“It should not be taken literally,” ayon kay Sec. Roque.

“I think tinututukan lang ni Presidente na napaka-embedded sa sistema ng gobyerno natin ang korapsyon na kung hindi mo tatanggalin ang lahat ng tao sa gobyerno ay baka hindi matigil,” ang pahayag ni Sec. Roque.

Sa pang-anim at huling State of the Nation Address (SONA) ni Pangulong Duterte nagpahayag ito ng matinding galit sa “endemic” corruption sa pamahaaan.

“You cannot stop corruption unless you overturn the government completely. If I were the next president if you think there is a need for you to change everybody in the system, then you declare martial law,” ani Pangulong Duterte.

“It’s an expression of frustration, kumbaga dahil talagang gustong-gusto niyang linisin ang gobyerno pero he could not do it in six years time, hindi naman po literally ibig sabihin kelangan pa mag martial law pa para diyan,” dagdag na pahayag ni Pangulong Duterte.

Sa ilalim ng 1987 Constitution, maaari lamang na mag-proklama n Batas Militar ang isang Pangulo sa mga situwasyon na may “foreign invasion” at rebelyon at malalagay sa panganib ang kaligtasan ng publiko. (Daris Jose)

ZSA ZSA, nasa puso pa rin at patuloy na inaalala ang kaarawan ng ‘Lovey’ na si DOLPHY

Posted on: July 28th, 2021 by @peoplesbalita No Comments

INALALA naman ni Divine Diva Zsa Zsa Padilla ang kaarawan ni Comedy King Dolphy noong July 25.

Kung buhay pa raw si Pidol, he would be 93 years old.

Pumanaw si Mang Dolphy noong July 10, 2012 dahil sa chronic obstructive pulmonary disease sa edad na 83.

Sa kanyang Instagram, sinabi ni Zsa Zsa na parating umuulan tuwing kaarawan ni Dolphy.

“Happy birthday! I just remembered how it would normally rain during your parties. You seldom had a sunny birthday but needless to say, you brought sunshine in our lives! This morning, your son Ronnie sent me a tribute video of you with the song, ‘Handog,’ made by one of your fans. You most especially loved the lyric — ‘Tatanda at lilipas din ako… nguni’t mayro’ng awiting/kasiyahang/tawanang iiwanan sa inyong alaala.’

“It was important for you to leave your fans and loved ones with your amazing body of work. And yes, when we do miss you, all it takes is to press play to hear your songs, watch your movies and old footage of ‘John and Marsha.’ We will always remember you fondly. You will always be in my heart, Lovey. Thank you. Happy birthday.”

***

KAYA pala hindi muna napapanood sa anumang shows ng GMA-7 ang kauna-unahang winner ng The Clash na si Golden Cañedo ay dahil mas tinutukan nito ang kanyang pag-aaral at kelan lang ay naka-graduate na ito ng senior high school with matching honors pa.

Sa Instagram ni Golden, pinost niya ang isang portrait na suot niya toga at graduation cap sa pagtatapos niya sa Accountancy Business and Management (ABM) Strand. Ginawaran din si Golden ng Don Geronimo Sisracon Sr. Performing Arts Award.

Post ng singer: “Today is a milestone. It tells you how far you’ve come. Keep Learning, Keep Trying, Keep accomplishing, and Keep venturing on through your journey. Thanks God for everything! To my family. Mama and Papa I love you! It’s time for the Next Chapter.”

Dahil graduate na si Golden, malamang ay mapapanood na siya ulit sa All Out Sundays kunsaan makakasama niya ang mga biritera ng Kapuso network na sina Lani Misalucha, Julie Anne San Jose, Aicelle Santos, Thea Ashley at Jessica Villarubin.

***

MULING bumalik ang takot sa alaala ni Cristine Reyes noong malubog sa baha ang kanilang two-storey house sa Provident Village in Marikina City noong kasagsagan ng bagyong Ondoy noong 2009.

Dahil sa walang tigil na malakas na ulan dala ng Habagat sa buong Luzon, naalala ni Cristine ang trauma na naranasan niya at ng kanilang pamilya 11 years ago. Sinabayan pa ito ng lindol sa Batangas na naramdaman din sa Metro Manila.

Inamin ni Cristine na tuwing umuulan ng malakas ay nakakaramdam siya ng takot kahit na hindi na sila nakatira sa dating bahay nila.

Post ng aktres sa Instagram: “Living on top of a building and then waking up with an earthquake made me jump out of my bed feeling so terrified. It reminded me of the devastating flash flood caused by typhoon ‘Ondoy.’ I have seen people got locked up trying to break their own windows and heard people screaming for help until you hear them no more..some drowned and some like me was able to swim fast whilst assisting my precious little nieces, little sister and my mom. We all climbed up on the roof with baby snakes and rats dangling on my/our body.”

Kaya tuwing ganito raw ang panahon, parating taimtim ang dasal ni Cristine, hindi lang para sa kanya at sa kanyang pamilya, kundi pati na sa maraming makakaranas nang pinagdaanan nila noon.

“Bihira ako manalangin pero naiiyak ako kasi kahit minsan lang ako lumapit palagi siyang andyan. Palagi niya akong sinasamahan. Siya talaga ang sandalan nating lahat,” sey pa niya.

(RUEL J. MENDOZA)

‘The Suicide Squad’ New Clip Spotlight On Nathan Fillion’s The Detachable Kid

Posted on: July 28th, 2021 by @peoplesbalita No Comments

JAMES Gunn, the director of the Guardians of the Galaxy films, is really going out of the conventional superhero film formula in his upcoming DC film, The Suicide Squad.

In his take of the supervillain team, Gunn has rounded up a much bigger roster of characters compared to David Ayer’s 2016 film, Suicide Squad. And within this lineup, he has also added some of the weirdest and lamest characters from the DC comics.

In a new clip from The Suicide Squad puts the spotlight on Nathan Fillion’s The Detachable Kid and we get to see one of the weirdest superpower to be seen in a DC film, or in superhero films in general.

Check it out below: https://www.youtube.com/watch?v=RVKhBZCAOP8&t=39s

Yes, you probably have the same reaction as Harley Quinn’s. The Detachable Kid has the power of detaching his limbs and telekinetically to use them as weapons. But when executed, the character’s powers aren’t all that they’re cracked up to be.

He’s just one of the unconventional film supervillains we’ll get to see in The Suicide Squad, as Gunn also recruited characters such as the Weasel, whose live-action counterpart does not look threatening at all, and the Polka-Dot Man, whose name turned up when Gunn was looking for “the dumbest DC character of all time”.

But it looks like the director isn’t just adding some of these silly characters for comic relief. Gunn described in an interview, how he intended to use the character of Polka-Dot Man in the film: “We’ve turned that character who’s a sad, pathetic character into a character who’s depressed because people think he’s stupid. He has a very tragic story that you learn about throughout the film – to be able to add depth to characters who are thought of as the silliest is a fun thing for me to do.”

Margot Robbie, Joel Kinnaman, Viola Davis, and Jai Courtney are reprising their roles from the 2016 Suicide Squad film. Also joining them are John Cena, Idris Elba, Sylvester Stallone, Sean Gunn, David Dastmalchian, and Fillion, to name a few.

The Suicide Squad is set for release in US theaters and on HBO Max this August 6. For more information about the film, visit its official website and social media pages on Facebook, Twitter, and Instagram.

(ROHN ROMULO)

Boxer Carlo Paalam pasok na rin sa round-of-16 matapos idispatsa ang pambato ng Ireland sa men’s flyweight

Posted on: July 27th, 2021 by @peoplesbalita No Comments

Lumakas pa ang pag-asa ng Pilipinas na podium finish sa nagpapatuloy na Tokyo Olympics matapos pumasok na rin sa round-of-16 ang Pinoy boxer na si Carlo Paalam sa nagpapatuloy na Tokyo Olympics.

Ito ay makaraang talunin niya nitong umaga ng Lunes sa kanyang debut game sa flyweight division ang pambato ng Ireland na si Brenda Irvine via split decision sa score na 4-1.

Si Paalam ang ikatlong boksingerong Pinoy na agad na naidispatsa ang mga kalaban.

Una nang umusad sa next round ang mga Pinay boxers na sina Nesty Petecio at Irish Magno sa round-of- 6.

Napansin na sa first round pa lamang ay abanse kaagad si Paalam sa limang mga judges at binigyan siya ng perfect score na 10.

Pagsapit ng Round 2 ay tinangkang humabol ng Irish boxer at naging dikitan ang laban hanggang sa third round.

Gayunman sa huling round ay bahagya pa ring nakalamang ang Pinoy boxer at dito na niya ibinuhos ang lahat para makuha ang panalo.

34 bidders lumahok sa PNR-Calamba project

Posted on: July 27th, 2021 by @peoplesbalita No Comments

Nakatangap ang Department of Transportation (DOTr) ng 34 bidders para sa contract packages ng PNR-Calamba project kung saan inaasahang magsisimula ang construction sa susunod na taon.

May anim (6) na lokal at labing-pito (17) na internasyunal na mga kumpanya ang lumahok sa ginawang bidding.

Ang nasabing ginawang bidding ay para sa pagtatayo ng magkasamang 40.5 kilometers na viaduct structures at ng 13 elevated stations kasama na ang 22-hectare na train depot.

Mayroon anim (6) na lokal na kumpanya ang lumahok at ito ay ang kumpanya ng D.M. Consunji Inc., EEI Corp., First Balfour Inc., Megawide Construction Corp., Prime Metro BMD Corp., at Santa Clara International Corp.

Nagmula naman sa mga bansang China, Hong Kong, South Korea, Indonesia, Thailand, Turkey, Spain, at Japan ang sumali rin sa nakaraang ginawang bidding.

Ayon kay DOTr Secretary Tugade na ang kahanga-hangang dami na sumali sa bidding para sa contract packages ng PNR-Calamba Project ay isang katunayan na ang sektor ng infrastructure ay may tiwala sa programang Build, Build, Build ng pamahalaan.

“This record-breaking turnout of bidders is yet again an indication of the trust and confidence of both the local ang international infrastructure sectors on the Duterte administration’s Build, Build, Build program, which champions a transparent, fair, and efficient bidding process through a joint implementation by the DOTr, PNR, and the procurement service of the DBM,” wika ni Tugade.

Inaasahan ng DOTr na makapagbibigay ng 10,000 na trabaho sa mga tao para sa pagtatayo ng nasabing proyekto na sisimulan sa susunod na taon.

Magkakaron ang PNR-Calamba Project ng 19 na estasyon mula sa limang (5) panig ng lungsod ng Manila at anim (6) sa lungsod ng Laguna.

Ang nasabing 56-kilometer na proyekto sa railway ay inaasahan rin na makapagsasakay ng humigit kumulang na 340,000 na pasahero kada araw habang may partial operation pa lang ito, habang nakikita naman na tataas pa ito ng hanggang 550,000 na pasahero kapag tuluyang ng natapos ang proyekto sa 2028.

Binigyan ng pondo ang proyekto mula sa pinagsamang financial institution ng Japan International Cooperation Agency (JICA) at mula rin sa official development assistance ng Asian Development Bank (ADB).

Ang PNR-Calamba Project ay kasama sa mas pinahabang 147-kilometer na North-South Commuter Railway System kung saan ito ay may kabuohang na 35 na estasyon mula Laguna hanggang sa Clark International Airport (CRK) sa Pampanga. (LASACMAR)

Bagsik ng Delta variant: Curfew hours sa NCR, papalawigin sa 6 na oras – MMDA chief

Posted on: July 27th, 2021 by @peoplesbalita No Comments

Inanunsyo ng Metropolitan Manila Development Authority (MMDA) na mula sa apat na oras na curfew sa National Capital Region (NCR), ay asahang magiging anim na oras na ito.

Ayon kay MMDA Chairman Benhur Abalos Jr., sa mga susunod na araw ay ilalabas nila ang bagong resolusyon kung saan nakasaad ang pinalawig na curfew hours sa NCR.

Nangangahulugan ito na mula sa dating alas-12:00 ng hatinggabi mula alas-4:00 ng madaling araw, papaagahin ito simula alas-10:00 ng gabi hanggang alas-4:00 ng madaling araw.

Alinsunod aniya ito sa napagkasunduan sa isinagawang pulong kahapon matapos ang biglang pagbabago rin sa quarantine classification dahil sa banta ng Delta variant ng Coronavirus Disease (COVID).

“Hanggang mapirmahan na lahat ia-announce ko na lang later on about it sa Metro Manila,” ani Abalos.

Nitong Huwebes nang kumpirmahin ng Department of Health ang pagkakaroon na ng local transmission ng mas nakakahawang Delta variant ng COVID na unang natukoy sa India.

Sa kasunod na araw naman nang bawiin muna ng Inter Agency Task Force ang resolusyon na nagbibigay permiso sa mga batang edad limang taon pataas na lumabas.

DELTA VARIANT SA CAVITE AT BATANGAS, LOCAL TRANSMISSION LANG

Posted on: July 27th, 2021 by @peoplesbalita No Comments

KLINARO ni Department of Health (DOH) – CALABARZON (Cavite, Laguna, Batangas, Rizal, Quezon) Regional Director Eduardo C. Janairo na ang limang kaso ng Delta variant sa rehiyon ay pawang mga local cases lamang at hindi isang local transmissions.

Ayon kay Janairo na may limang naiulat na kaso at sa limang naiulat, tatlo dito ay kaso ng Delta variant na naiulat ng National Epidemiology Center at dalawa dito ay mula sa probinisya ng Cavite at isa sa Batangas.

“These three cases were not from the community where they reside, but they were actually OFWs and two were from the Middle East who eventually went to their place of residence after their being quarantined and they were already confirmed negative of the virus,” paliwanang ni Janairo

Ang dalawang kaso ng Delta variant na naiulat ay isang 58-anyos na Tatay at kanyang 29-anyos na anak mula sa Calamba City, Laguna at iniimbestiogahan na kung paano nakuha ang virus.

Sinabi ni Janairo na ang Regional Epidemiology and Surveillance Unit ay nagsasagawa na ng contact tracing activities sa pakikipag-ugnayan sa local government ng Calamba City.

“Nagmeeting na sila with local government at may mga contact tracing na ngang ginagawa sa ngayon, dahil initially ang exposure ay sa 3 tao ‘yung katulong, ‘yung household helper, ‘yung isa pang kapatid at may isa pang kasambahay doon na na-expose pero mga negative naman sila raw,” sabi nito.

“Importanteng malaman natin kung ilan talaga ang kaso ng Delta variant sa region, paano ito i-contain upang hindi na kumalat at dumami pa ang kaso.”

Ayon pa kay Janairo na hindi kailangang mag-panic kundi doblehin ang pag-iingat upang makaiwas at makinig sa mga anunsyo at alintuntunin ng mga lokal na pamahalaan.

“Nananawagan din po ako sa mga residente na kasama sa priority list at hindi pa nabakunahan na magpalista na upang makatanggap ng bakuna laban sa covid dahil ito ay magsisilbing dagdag protekyon laban sa covid virus,” ayon pa kay Janairo. (GENE ADSUARA)

ALFRED, inaming malaking challenge na tapusin ang master’s degree; tinupad ang pangako sa namayapang ina

Posted on: July 27th, 2021 by @peoplesbalita No Comments

NAKATSIKA namin si Congressman Alfred Vargas via a zoom presscon last Sunday, a few hours after ng virtual graduation niya from UP National College of Public Administration and Governance or NCPAG where he took up a master’s degree in public administration.

Ayon kay Alfred, malaking challenge na tapusin ang kanyang master’s degree dahil sobrang busy siya sa kanyang trabaho sa congress pero bawat segundo ng buhay niya ay inilalalaan niya sa importanteng bagay sa buhay niya. Kahit inabot ng four years bago siya naka-graduate, very fulfilled naman si Alfred.

Plano rin niya na kumuha ng doctorate degree sa urban planning naman.

“Dapat talaga tuluy-tuloy ang pag-aaral natin, hindi lang sa school kundi outside through actual experience. One of the best sources of knowledge when it comes to public administration is NCPAG. Ngayon graduate na ako sa M.A., I have fulfilled my promise to my mom. Sa graduation ko, I remembered her and felt na sana nandito siya,” wika ng actor-turned-politician.

After he graduated sa Ateneo, dapat kukuha siya ng law kasi ‘yun ang request mommy ko pero he entered showbiz. Nagalit ang mom niya pero nang mapanood siya nito sa Encantadia, she gave him her blessings pero ang request nito is for him to pursue graduate studies.

Alfred could have been a big drama actor now kung hindi siya pumasok sa politics pero wala siyang regrets.

“I left acting at the peak of my career. Pero wala akong regrets in entering politics kasi gusto ko rin naman ito. Going into public service humbled me because I became more grounded. I am proud of what I have achieved in politics.

“Nakita ko ang paghihirap ng mga tao and I realized na mas fulfilled ako sa pagtulong ko sa kapwa ko. It helped me to learn to listen to the people at kung paano sila tutulungan.”

Matatapos na ang term niya as congressman next year pero wala siyang plano to seek higher office.

“Magpapahinga muna ako. I think I am leaving a good legacy and accomplishments. Balik-acting muna ako dahil na-miss ko rin naman umarte. My younger brother, PM Vargas, will run in place of me.

“He’s the current councilor now in the same district of Quezon City, District 5. Hasang-hasa na siya sa distrito namin and he knows what to do.”

Dahil sa tagumpay ng prinodyus niyang movie na Tagpuan, which won many awards locally and in various festivals, inspired si Alfred na muling mag-produce.

“I was inspired by the recognition received by Tagpuan kaya I want to do more meaningful projects,” sabi pa ng actor.

***

KAILAN kaya ang balik ni Megastar Sharon Cuneta sa bansa?

Malapit na kasi ipalabas via Vivamax ang movie niyang Revirginized kaya siyempre curious ang mga press people kung makakaharap ba nila sa isang face-to-face presscon si Ate Shawie.

Kaya lang dahil nasa heightened GCQ status tayo ngayon until July 31, bawal na naman ang gatherings kaya wait and see na lang muna kung magkakaroon ba ng presscon ng Revirginized kahit na via zoom.

Siyempre maraming gustong itanong ang press kay Sharon, lalo na ang experience niya working with Direk Darryl Yap.

Ambivalent ang reaction sa trailer ng Revirginized. May natuwa, naaliw, at marami rin ang na-shocked.

Hindi kasi nila akalain na gagawin ni Shawie ang mga eksenang ipinagawa sa kanya at sasabihin ang mga linya na her fans never imagined she’d be capable of saying.

Since ambivalent ang reaction ng kanyang mga fans, curious kami sa magiging pagtanggap ng mga Sharonians sa kabuuan ng pelikula na ipalalabas via Vivamax starting August 6.

(RICKY CALDERON)

SARAH, strong, beautiful, powerful at superwoman ayon kay MATTEO; wish na magka-baby na sila

Posted on: July 27th, 2021 by @peoplesbalita No Comments

SA tuwing magpo-post si Matteo Guidicelli tungkol sa wifey na si Sarah Geronimo, punum-puno talaga ito ng ka-sweet-an.

Sa 33^rd birthday ng Popstar Royalty noong July 25, ipinakita na naman ni Matteo ang labis labis na pagmamahal kay Sarah.

Sa Instagram post niya, “Happy birthday my wife! Blessed to be beside a strong, beautiful, powerful, superwoman! Thank you for all the love. I love you forever.”

Katulad ng dati marami talagang kinilig lalo na ang mga Popsters.

Nagkaroon ng simpleng selebrasyon para sa isang resto na dinaluhan ng malalapit nilang kaibigan.

Isang taon na mahigit pa lang naman naikakasal ang dalawa, pero may mga netizens ang nagwi-wish na sana raw ay magka-baby na sila, nakaka-excite nga naman ang magiging anak nina Matteo at Sarah.

For sure, gustung-gusto na rin ng singer/actor na magka-baby sila ni Sarah.

Anyway, sa naturang intimate birthday celebration may lumabas na video na kung saan nagbo-blow ng candle sa cake si Sarah at maririnig si Matteo na may sinasabi sana ito ang maging wish ng asawa.

Say ni Matteo, “Babies! Babies, ha? Happy birthday!”

Oh well, abangan na lang natin kung matutupad ang wish na ito ni Matteo.

***

NUMBER one pa rin sa Top 10 ng Vivamax ang biggest sexy thriller film ng Viva Films na The Other Wife nina Lovi Poe, Joem Bascon at Rhen Escano na mula sa direksyon ni Prime Cruz na nagsimulang mag-stream online noong July 16.

Mukhang patok na patok talaga ngayon at bumalik na ang sexy films na may halong drama, comedy o thriller dahil tinatangkilik ito ng manonood.

Nasa Top 5 pa rin ang Silab, Ang Babaeng Walang Pakiramdam, Kaka, at Paglaki Ko, Gusto Kong Maging Pornstar.

Sa July 30 naman isa pang sexy drama thriller film ang handog ng Viva Films, ang Nerisa na mula sa panulat ni Ricky Lee at direksyon ni Lawrence Fajardo. Pinagtatambalan ito nina Cindy Miranda at Aljur Abrenica, na nali-link ngayon sa isa’t-isa.

Sa August 6 naman mapapanood ang inaabangan na Revirginized ni Sharon Cuneta at si Marco Gumabao ang kanyang leading, sa direksyon ni Darrl Yap.

Fresh pa sa kanilang successful movie, muling bibida sa Ikaw At Ako At Ang Ending sina Kim Molina at Jerald Napoles, sa August 13 naman ito ipalalabas, kasunod ang Gandemic: The VG-Tal Concert ni Vice Ganda sa August 20.

Well, babalikan namin ito next month para malaman kung alin dito ang magiging bongga ang reception ng viewers sa Vivamax lalo ang pagbabalik-Viva ni Sharon.

(ROHN ROMULO)