NAGULAT ang marami sa biglang pagpanaw ng veteran actor na si Orestes Ojeda sa edad na 65.
Pancreatic cancer ang naging sakit ng aktor at pumanaw siya noong Martes, 4:13 PM sa isang ospital sa Taguig City.
Ang anak ni Ojeda na si Lois Nicole Pagalilauan ang nagkumpirma sa nangyari sa aktor. Ayon kay Pagalilauan, isang rare form of cancer sa pancreatic region meron ang kanyang ama.
“He’s been in and out of the hospital until his situation deteriorated this month. “Thank you for all the messages of sympathy. It’s all been touching and overwhelming,” sey ni Pagalilauan.
Sa The Heritage Park in Taguig gagawin ang ang burol ni Ojeda. Naka-schedule naman daw sa araw ng Linggo ang libing nito.
Pinanganak bilang Luis Pangalilauan si Orestes Ojeda sa Cagayan Valley, Tuguegarao. Ang direktor na si Joey Gosiengfiao ang nakadiskubre kay Orestes sa edad na 17 at una siyang lumabas sa pelikula ni Ariel Ureta na Zoom, Zoom, Superstar in 1973.
Sunud-sunod ang mga pelikulang ginawa ni Orestes tulad ng Sunugin Ang Samar, Aguila, Isang Gabi Tatlong Babae, Ang Boyfriend Kong Baduy, May Isang Tsuper Ng Taxi, Manila By Night, Broken Marriage, The Graduates at maraming pang iba.
Noong mauso ang bold movies noong ’80s, na-cast din si Orestes sa mga pelikulang Scorpio Nights, Dingding Lang Ang Pagitan, Inosente, at Angkinin Mo Ako.
Pinasok naman ni Orestes ang action noong ’90s sa mga pelikulang Maging Sino Ka Man, Shotgun Banjo, Padre Amante Guerrero, Bangis, Kahit Mabuhay Kang Muli at Sige Subukan Mo.
Naging art enthusiast din si Orestes at naging supportive siya sa maraming upcoming artist sa kanyang art gallery na Art Cube at Art Verite.
***
KAHIT na matagal nang hiwalay, good friends pa rin ang dating mag-asawang Aiko Melendez at Martin Jickain.
Nagkaroon ng reunion ang ex-couple sa 14th birthday ng kanilang anak na si Marthena.
Kasama rin sa birthday celebration ni Marthena ay ang boyfriend ni Aiko na si Zambales Vice Governor Jay Khonghun, at ang panganay niya kay Jomari Yllana na si Andre Yllana.
“Advance happy birthday our baby girl we love you @jickainmarthena from your dad @martinjickain and from us @andreyllana tito @vicegov_jaykhonghun and I,” post ni Aiko sa Instagram.
Nasabi na noon ni Aiko na sinisigurado niya na magkaibigan sila ng mga nakarelasyon niya noon. Lalo na raw kina Jomari at Martin dahil may mga anak siya sa mga ito.
Hinahanda na rin ni Aiko ang kanyang sarili para sa book two ng Prima Donnas na early next year na ang lock-in taping. Kelan lang ay nagkaroon na sila ng story conference via Zoom kunsaan nagbabalik ang original cast tulad nina Katrina Halili, Wendell Ramos, Elijah Alejo at ang tatlong Donnas na sina Jilliam Ward, Althea Ablan at Sofia Pablo.
Si Gina Alajar pa rin ang magdidirek.
***
EXCITING ang paparating na Sabado, July 31, para sa Kapuso viewers na nabitin sa world-class performances ng mga baguhan dahil muling mapapanood sa telebisyon ang weekend talent show na Catch Me Out Philippines.
Kasama pa rin ang host na si Jose Manalo at ang regular Celebrity Spotter na si Derrick Monasterio, tutukan ang mga inihandang nakakamanghang performances ng amateurs.
Makikisaya sa hulihan at hulaan ngayong Sabado ang Celebrity Spotters na sina Aiai delas Alas at Mark Bautista, kasama rin ang Celebrity Catchers na sina Ysabel Ortega, Thea Astley, Jamir Zabarte, Miggy Tolentino, at Jeniffer Maravilla.
‘Wag nang magpahuli sa pagbabalik ng Catch Me Out Philippines ngayong July 31, 7:15 p.m. sa GMA Network.
(RUEL J. MENDOZA)
Ibinahagi ni Olympic gold medalist Hidilyn Diaz kung ano ang ibig sabihin ng pagsusuot nito ng miraculous medal.
Dahil sa banta ng Delta variant ng Covid-19 at sa inilabas na “stern reminder” ng pamunuan ng PNP nahikayat ang iba pang mga police personnel na magpabakuna.
Labis ang pasasalamat ni Pinay weightlifting champion Hidilyn Diaz sa kaniyang kasamahan na naging susi sa tagumpay nito para makuha ang kauna-unahang gintong medalya ng bansa sa Tokyo Olympics.
Sa kabila ng naiulat na pagbigat ng daloy ng trapiko sa kahabaan ng EDSA simula ng mga nakaraang Linggo, nananatili pa ring maayos ang operasyon ng EDSA Busway at MRT-3.
Inirekomenda ng OCTA Research group sa pamahalaan na magpatupad na sa lalong madaling panahon ng “bold moves” gaya ng “circuit-breaker” lockdowns laban sa Delta variant sa Pilipinas.
Pabalik na ng Pilipinas si Hidilyn Diaz matapos ang matagumpay na kampanya sa Tokyo Olympics dala ang gold medal sa nilahukan na weightlifting competitions.
Malaking halaga ang balak na ibigay ni Pangulong Rodrigo Duterte kay 2021 Tokyo Olympics gold medalist Hidilyn Diaz na aabot sa milyon-milyon piso, ayon kay presidential spokesperson Harry Roque.