2,000 na laptop ipinamahagi ng QC LGU sa mga public school teachers

IPINAMAHAGI ng QC Local Government Unit ang nasa 2 libong piraso ng brand new laptop sa mga guro sa mga pampublikong paaralan, Day Care Centers at Community Learning Centers sa lungsod.

Layon ng hakbang na ito ay upang matulungan sa kanilang pagtuturo ang mga QC public school teachers.

Ayon sa QC LGU, nasa 50 brand new laptop ang ipinagkaloob sa mga Day Care Centers habang 20 naman sa mga Community Learning Center.

Mismong si QC Mayor Joy Belmonte ang nagkaloob ng mga laptop.

Nakatuwang naman ni Mayor Belmonte sa pamamahagi ng mga laptop sina Schools Division Superintendent Carleen Sedilla, Education Affairs Unit Head Ms. Maricris Veloso, Social Services Development Department Head Ms. Eileen Velasco, QC Public Library Head Ms. Mariza Chico, QC Public School Teachers Association, at mga District Action Officers.

Sa kabuuan, aabot na sa 8,000 laptops ang ipinamahagi ng pamahalaang lungsod sa mga guro ng pampublikong paaralan sa Quezon City. (PAUL JOHN REYES)