2 magkasunod na sunog, sumiklab sa Valenzuela

SUMIKLAB ang dalawang magkasunod na sunog sa magkahiwalay na lugar sa Valenzuela City kung saan ilang pamilya ang nawalan ng tirahan.

Batay sa ulat, dakong alas-9:51 ng Linggo ng gabi nang sumiklab ang sunog sa Samaka Compound, Brgy., Bagbaguin at mabilis na kumalat ang apoy sa magkakatabing bahay.

Agad inakyat sa ikalawang alarma ang sunog na tuluyang naapula ng rumespondeng mga tauhan ng bumbero dakong alas-10:13 ng gabi.

Isang residente ang napaulat na nasugatan habang inaalam pa ang naging dahilan ng sunog na tumupok sa nasa 13 kabahayan at kung magkaano ang halaga ng ari-arian ang naabo.

Samantala, bandang alas-12 ng hating gabi nang sumiklab din ang sunog sa dalawang paglabag na bahay na may carinderya sa Brgy., Maysan kung saan ligtas naman nakalabas ang dalawang pamilya.

Personal namang binisita ni Mayor Wes Gatchalian ang mga nasunugan na pansamantalang nag-evacuate sa covered court para kamustahin ang kanilang kalagayan a binigyan sila ng agarang tulong tulad ng relief goods, kitchen kits, at hygiene supplies.
(Richard Mesa)