14- anyos na dalagita ginahasa ng kainuman

MAAGANG nasira ang kinabukasan ng isang 14-anyos na dalagita matapos puwersahan pinainom muna ng alak bago pinagsamantalahan ng 17-anyos na binatilyo makaraang malasing ang biktima kamakalawa ng gabi sa Malabon city.

Kaagad namang naaresto ng mga barangay tanod ng Brgy. Hulong Duhat ang suspek na itinago sa pangalang “Ronald” makaraang makapaghain ng reklamo ang biktimang itinago sa pangalang “Katya”, out-of-school-youth (OSY) ng Meycauayan, Bulacan.

Sa nakarating na ulat sa tanggapan ni Malabon police chief P.Col. Jessie Tamayao, niyakag ng kanyang mga kaibigang lalaki ang dalagita sa isang bahay sa Balut St. Brgy. Hulong Duhat at doon ay puwersahan umano siyang hinimok na makipag-inuman.

Nang maubos umano ang isang bote ng gin, nakaramdam na ng pagkahilo ang dalagita na platandaan ng kalasingan hanggang niyakag siya ng suspek na magtungo sa comfort room dakong alas-6 ng gabi.

Habang nasa loob ng banyo, naghubad umano ng suot na damit pang-ibaba ang binatilyo bago puwersahang hinubaran din ng suot na short pants at panty ng dalagita bago tuluyang pinagsamantalahan.

Tinurnover naman ng mga nakaarestong barangay tanod sa tanggapan ng Malabon Police Women and Children’s Protection Desk (WCPD) ang binatilyong suspek na isinailalim kaagad sa inquest proceedings sa kasong rape in relation to R.A 7610 o Anti Child Abuse Law matapos isagawa ang imbestigasyon. (Richard Mesa)