13.2 milyong pamilyang Pinoy, kinokonsidera ang kanilang sarili bilang mahirap -OCTA survey

TINATAYANG 50% o 13.2 milyong pamilyang  Filipino ang kinokonsidera ang kanilang mga sarili na mahirap sa  fourth quarter ng 2024.

Sinasabing tumaas ito mula 11.3 milyong pamilya (43%) sa third quarter survey ng OCTA Research’s Tugon ng Masa.

Ang  survey, isinagawa mula November 10 hanggang 16, 2024 ay nagpahayag na 7% na puntos ang itinaas, kumakatawan sa  1.8 milyong karagdagang pamilya.

Ang  poll ay isinagawa sa pamamagitan ng face-to-face interviews sa 1,200 respondents na may edad na18 at pataas.

Mayroon itong  ±3% margin of error sa 95% confidence level.

Ang subnational na  ipinagpapalagay para sa  geographic areas na covered sa survey ay may sumusunod na margins of error na 95% confidence level: ±6% para sa Metro Manila, Balance Luzon, Visayas, at Mindanao.

Ayon sa  survey, iyong mga kinokonsidera ang kanilang pamilya na mahirap ay nagpahayag na ang  ‘median amount’ na kanilang kailangan para sa home expenses upang hindi maikonsidera na mahirap ay P25,000 pesos kada buwan.

“Additionally, families reported requiring a median of P8,000 more each month to escape poverty,” ayon sa survey.

Ang Self-rated poverty ang pinakamataas sa Mindanao na may  69%, sinundan ng  Visayas na may 59%. Balance Luzon, 43%, habang ang National Capital Region (NCR) ay 30% lamang.

Ang 69% self-rated poverty rate sa Mindanao ay mas mataas kaysa sa  third quarter figure na 60%.

Ang 43% self-rated poverty sa Balance Luzon ay mas mataas din kaysa sa  30% figure sa third quarter.

Ang  30% self-rated poverty sa Metro Manila, gayunman, ay mas mababa kaysa sa  third quarter figure na 35%.

Ang  59% self-poverty rate sa Visayas ay kapareho sa third quarter figures.

Idagdag pa rito,  makikita rin sa Tugon ng Masa poll na ang  self-rated hunger ay tumaas sa  fourth quarter ng 2024 sa 16% o tinatantiyang  4.2 milyong pamilya.

Ang pigura ay five-point increase mula sa third quarter figures na nakapagtala ng  11% self-rated hunger o sa tinatantiyang  2.9 milyong pamilya. (Daris Jose)