11 Gilas members para sa FIBA Asia Qualifiers ipinakilala na

INANUNSIYO na ng Samahang Basketball ng Pilipinas (SBP) ang 11-player roster na sasabak sa ikatlong window ng FIBA Basketball World Cup 2023 Asian Qualifiers.

Itinalagang team captain ng national basketball team si Gilas Pilipinas veteran Keifer Ravena.

Si Ravena kasi ang itinuturing na mas maraming karanasan na naglaro noong 2019 World Cup.

Karamihan sa mga napili ay mga naglaro na noong FIBA Asia Cup 2022 Qualifiers gaya nina Dwight Ramos, William Navarro, RJ Abarrientos, Dave Ildefonso, Carl Tamayo, Francis Lopez, SJ Belanguel, Geo Chiu, Rhenz Abando at Kevin Quiambao.

Unang makakaharap ng Gilas ang New Zealand sa June 30 na gaganapin sa Auckland habang makakalaban ang India sa July 3 na gaganapin naman sa Manila.