1,000 pulis idineploy sa libing ni ex-President Noynoy

Nasa 1,000 pulis ang naatasang idineploy sa funeral procession ni dating Pa­ngulong Benigno ‘Noynoy’ Aquino III kahapon.

Ayon kay Philippine National Police (PNP) chief Gen. Guillermo Eleazar unang nagpakalat ng mga pulis sa  Ateneo de Manila  University sa  Quezon City  kung saan isinagawa ang misa sa dating Pangulo hanggang sa  procession route sa C5 Road at South Luzon Expressway, hanggang sa huling hantungan nito sa  Manila Memorial Park sa Parañaque City.

Bukod pa ang nagbantay na mga tauhan ng pulisya sa tahanan ng pamilya Aquino sa Times street sa Quezon City.

“Almost 1,000 personnel initially na deployment at mga area security,” ayon pa kay Eleazar.

Bukod dito, nag-deploy din ang  Metropolitan Manila Development Authority ng may 120 nilang tauhan.

Una nang nakiusap si Eleazar sa mga taga-suporta ng dating Pangulong   Aquino, lalo na ang mga nakakatanda na to manatili nalang sa bahay at dahil sa COVID-19 ang isinagawang live coverage ng funeral procession sa  telebisyon  at iba pang social media platforms. (Gene Adsuara)